Karen Baptist Convention

တၢ်သးခုကစီၣ်ဒီး မံးၡၢၣ်ဝဲၤကျိၤ
တနံၣ်အံၤ ဖုသၣ်ဖၠူၣ်မုၢ်နံၤ ဘၣ်တၢ်မၤအီၤဖဲ လါမ့ၤ(၁၅)သီန့ၣ်လီၤ. ကိး နံၣ်ဒဲးဆှၢလီၤဘၣ်ခၢၣ်စးတဖၣ်မ့ၢ်တသ့ဘၣ်ဆၣ်တနံၣ်အံၤဆှၢလီၤဘၣ် ခၢၣ်စးခဲလၢာ် အိၣ်ဝဲ(၁၄၂)ဂၤ ဆူတၢ်အိၣ်ဖှိၣ်(၁၄ဝ)ဖုန့ၣ်လီၤ. ၂ဝ၂၂နံၣ် အံၤပထံပကီၢ်တၢ်အိၣ်သးတဖၣ် မ့ၢ်တဘၣ်လိာ်ဘၣ်စး သနာ်က့တၢ်သးခု ကစီၣ်ဒီးမံးၡၢၣ်ဝဲၤကျိၤ သုးကျဲၤမၤဝံၤဘၣ်က့ၤတၢ်ဟ့ၣ်လီၤ လံာ်အုၣ်သး တၢ်ရဲၣ်တၢ်ကျဲၤလၢ ၦၤမၤလိဝံၤတၢ်မၤလိလံာ်စီဆှံခီဖျိတၢ်ကွဲတဖၣ်အဂီၢ် န့ၣ်လီၤ.ဟ့ၣ်လီၤဘၣ်လံာ်အုၣ်သးခဲလၢာ်လၢပထံလီၢ်ကီၢ်ပူၤအိၣ်ဝဲ (၁၁၅)ဂၤဒီး မ့မ့ၢ်ထံကီၢ်အဂၤတဖၣ်န့ၣ် ဟ့ၣ်ဝံၤဘၣ်ထဲကီၢ်ခဲနဒၢ် တဘ့ၣ် ဒံး န့ၣ်လီၤ.

လံာ်လဲၢ်ဒီးတၢ်ဆဲးတၢ်လၤဝဲၤကျိၤ

စံးဘျုးယွၤဒိၣ်မးလၢ အစိ၁်ဆှၢခီဖျိၦၤၦဲၤဒီး တၢ်ဆိၣ်ဂ့ၤလီၤလိၢ်လီၤလး တဖၣ်ဒီးဟ့ၣ်ၦၤတၢ်ဂံၢ်ဘါႇ တၢ်ခွဲးတၢ်ယ၁်လၢ ပကမူဒီးမၤလၤကပီၤအီၤ အဃိ န့ၣ်လီၤ.ဝဲၤကျိၤအိၣ်ဒီးတၢ်ပညိၣ်ကွၢ်စိလၢ ကညီကလု၁်ကဒိးန့ၢ်ဘၣ်တၢ် ကူၣ်သ့ဒီးတၢ်သ့ၣ်ညါ လၢကဂၢၤက့ၤၦၤကလု၁်ဒီးတၢ်န့ၢ်သါအဂီၢ်အသိးႇ  တနံၣ်အံၤထုးထီၣ်ရၤလီၤဘၣ်ပဒိၣ်စီၤတီးထါအလံာ်န့ၣ်လီၤ.ဒ်န့ၣ်အသိး တိ၁်ပ၁်လၢ ပကထုးထီၣ်ရၤလီၤဘၣ်ကညီကျိ၁်ဂံၢ်ထံးအပတီၢ်(ခံ)တၢ်ကတိၤ ဒိဒီးတၢ် ပှိၤပှံပှိၤ ပှီၢ်အိၣ်ဃု၁်ဒီးတၢ်ဂီၤႇ သူၣ်က့သးၦၢ်မံၤဟူသၣ်ဖျါဒီးအဲၣ် အၦၤကလု၁်အဘ့ၣ်ခံႇ လံ၁်တယၢ်လၢအမ့ၢ် ‘‘တၢ်ဒိးတၢ်လၣ်အကလု၁်ကလု၁်’’ န့ၣ်လီၤ. ဒ်န့ၣ်အသိး လၢကညီကလု၁်ဖိတဖၣ်ကဒိးန့ၢ်ဘၣ် တၢ်သ့ၣ်ညါလၢ အဘၣ်ထွဲဒီးကညီကျိ၁်ႇ လံ၁်လဲၢ်ဒီးတၢ်ဆဲးတၢ်လၤတဖၣ်အဂီၢ် ဝဲၤကျိၤစး ထီၣ်သုးကျဲၤကတဲ၁်ကတီၤ တလါတဘျီတၢ်ကတိၤလီၤဆီတၢ်ရဲၣ် တၢ်ကျဲၤ လၢ ဆဲးကျိးန့ၢ်တီၤ (online)န့ၣ်လီၤ.ဒ်န့ၣ်အသိးဘၣ်ထွဲဒီးတၢ်ကတိၤသီဒီး တၢ်ကတိၤလီၤဘၢတၢ်ဒိးစဲး (၃၈)ဘျီတဘျီန့ၣ် ၦၤဒိးစဲးအိၣ်ဝဲ (၅ဝ)ဂၤႇ ၦၤ လၢအမၤန့ၢ်ခိၣ်ဖးတၢ-စီၤသးခု(ကီၢ်ပၠံၣ်သၣ်ယၣ်ဝတံၣ်), ခိၣ်ဖးခံ-နီၢ်လူလူူၣ် ကၣ်သး(ကီၢ်မၠီမၠး), ခိၣ်ဖးသၢ-နီၢ်အ့စတါ(တီအူကီၢ်ကဲၤခၢၣ်ကဲၤဘါ), ဒီးခိၣ် ဖးမု၁်သး(၇)ဂၤန့ၣ်လီၤ. လၢတၢ်မၤသကိးတၢ်ဒီး ကီၢ်ပံၤယီၤလံ၁်စီဆှံကရၢ န့ၣ်တနံၣ်အံၤတိ၁်ပ၁်လၢ ကထုးထီၣ်ဘၣ် ‘‘ကညီလံ၁်ခီၣ်ထံးဃု၁်ဒီး လံ၁်စီ ဆှံ’’ ဒီးသုးကျဲၤကတဲ၁်ကတီၤစ့ၢ်ကီး တၢ်ဖးဖှိၣ်မၤလိသကိးလံ၁်အဖု(၁ဝဝ) န့ၣ်လီၤ.အါန့ၢ်အန့ၣ်ဒ်အလီၢ်အိၣ်ဝဲအသိး ဟ့ၣ်ခီဟ့ၣ်နီၤဘၣ်ကညီကျိ၁်တၢ် မၤလိတဖၣ်ဆူကီၢ် ဒီးတၢ်မၢလီၢ်န့ၣ်လီၤ. 
စံးဘျုးဘၣ်ယွၤလၢအမၤတၢ်အဒိၣ်လၢပဂီၢ်ထီဘိႇ စံးဘျုးဘၣ် မိၢ်ပၢ်ခိၣ်နၢ် သရၣ်သမါႇ ၦၤမၤသကိးတၢ်ႇ ခဝ့ၡၢၣ်ဖိလံၤကိးဂၤလၢထံလီၢ်ကီၢ်ပူၤမ့ၢ်ဂ့ၤႇ ထံဂုၤကီၢ်ဂၤမ့ၢ်ဂ့ၤႇ လၢသုတၢ်ထုကဖၣ်ႇ တၢ်အဲၣ်အတၢ်ဆီၣ်ထွဲတဖၣ်အဃိ ဝဲၤကျိၤအတၢ်ဖံးတၢ်မၤတဖၣ် လဲၤအသးလၢအဂ့ၢ်အဝီန့ၣ်လီၤ. မ်ယွၤလၢ အမူဝဲတဂၤအတၢ်ဆိၣ်ဂ့ၤဆိၣ်ဝါ ကလီၤဘၣ်လၢပဝဲကိးဂၤဒဲးအလိၤထူးထူးတီၤတီၤတက့ၢ်.

ပှၤကညီဘျၢထံ ခဝ့ရှၢၣ် ပိာ်မုၣ်ဝဲၤကျိၤ အိၣ်ဒီးတၢ်ပာ်စီဆှံ ပိာ်မုၣ်တၢ်ကရၢကရိ ပှဲၤထီၣ်နံ(၁ဝဝ) ယူဘလံၤတၢ်စံးဘျုး တၢ်သူၣ်ထီၣ် တၢ်ရဲၣ်တၢ်ကျဲၤ ဘၣ်တၢ်မၤအီၤဖဲ လါ December ၂၉ သီ, ၂ဝ၂ဝနံၣ် ၁ဝးဝဝနၣ်ရံၣ် ဖဲ ၈၂၂(ခ) ၃၉၆ ဘိၣ်ခၠူးကျဲ, လါမတီၣ်, ဝ့ၢ်တကူၣ်န့ၣ်လီၤ. အိၣ်ဒီးတၢ်ရဲၣ်တၢ်ကျဲၤ လၢတၢ်သူၣ်ထီၣ်အချၢ တပတီၢ်ဒီး ပှၤပၢၤလီၢ်ဆုၣ်နီၤ မ့ၢ်၀ဲ-သရၣ်မုၣ် ဒိၣ်ဒီးကထၢၣ်ဖီဂီၤ (ခ၀့ရှၢၣ်ကရၢခိၣ်စၢၤ), တၢ်ထုကဖၣ်လၢ သရၣ်ဒိၣ် ယွၤဒုးမူ (ခ၀့ရှၢၣ်နဲၣ်ရွဲၣ်) တၢ်တံာ်တဲာ်သတိၢ်ပျံၤလၢ သရၣ်မုၣ်ဒိၣ်ဒီး ကထၢၣ်မုၢ်စိ (ပိာ်မုၣ်၀ဲၤကျိၤပှၤဟ့ၣ်ကူၣ်တၢ်) , အိးထီၣ် ယၣ်ဘျးသဒၢလၢ သရၣ်မုၣ်ဒီး ကထၢၣ်မ့ၣ်မီၣ်မီၣ် (ပိာ်မုၣ်၀ဲၤကျိၤပှၤဟ့ၣ်ကူၣ်တၢ်) ဒီးတၢ်အိးထီၣ် တၢ်သူၣ်ထီၣ် နီၣ်၀ံာ်ခံလၢ သရၣ်မုၣ်ဒိၣ်ဒီး ကထၢၣ်ထူထူ (ပိာ်မုၣ်၀ဲၤကျိၤပှၤပၢၤလီၢ်ဆ့ၣ်နီၤ) တဖၣန့ၣ်လီၤ.