Karen Baptist Convention

ၦၤကညီဘျၢထံခဝ့ၡၢၣ် တၢ်ဘၣ်ထွဲတုၤအိၣ်လိာ်သးဝဲၤကျိၤအိၣ်ဒီး ''တၢ်သ့ပၢဆှၢ တၢ်အိၣ်ဖှိၣ်တၢ်သူၣ်ဝံၣ်သးဆၢတၢ်မၤလိ'' ဖဲလါဖ့းဘြူၤအါရံၤ(၁၉-၂၁)သီႇ ၂ဝ၂၅အနံၤဖဲ ၦၤကညီဘျၢထံခဝ့ၡၢၣ်ဝဲၤလီၢ် တၢ်အိၣ်ဖှိၣ်အဒၢးန့ၣ်လီၤ. အိၣ်ဒီး တၢ်အိးထီၣ်တၢ်သိၣ်လိခီဖျိ တၢ်ဘူၣ်သကိးဘါသကိးယွၤလီၤ. တၢ်ဘါကတီၢ် တၢ်ကစီၣ်ဘၣ်တၢ်ဟ့ၣ်ခီဟ့ၣ်နီၤလၢ သရၣ်မုၣ်ၡံထၣ်ဖီ(ၦၤပၢၤစ့ႇ ၦၤကညီဘျၢထံခဝ့ၡၢၣ်)န့ၣ်လီၤ. တၢ်မၤလိတၢတသီ ဘၣ်တၢ်ဟ့ၣ်ခီဟ့ၣ်နီၤတၢ်လၢ သရၣ်မုၣ်စဲလံၣ်အီၣ်ႇ ခံသီတသီလၢ သရၣ်ဒိၣ်တီသးဖှံ ဒီးသၢသီတသီလၢ သရၣ်မုၣ်ဒီးကထၢၣ်ဖဲပလဲတဖၣ်န့ၣ်လီၤ. ကီၢ်လၢဟဲထီၣ်တၢ်မၤလိတဖၣ်မ့ၢ်ဝဲ- ကီၢ်တကူၣ်ႇ ကီၢ်ပကိတကူၣ်ႇ ကီၢ်မၠီမၠးႇ ကီၢ်ပသံၣ်မၠီမၠးႇ ကီၢ်တီအူပကူႇ ကီၢ်တီအူသၣ်တီၣ်ဘှဲမိၤၦၤႇ တီအူကီၢ်ကဲၤခၢၣ်ကဲၤဘါႇ ကီၢ်ဒဝဲၣ်-ဘျံးႇ ကီၢ်ပၠံၣ်-သၣ်ယၣ်ဝတံၣ်ႇ ကီၢ်ကယါဖူးႇ ကီၢ်ချၢၣ်လွံၢ်ထူၣ်ခၢၣ်စးန့ၣ်လီၤ. ခၢၣ်စးဟဲထီၣ်အိၣ်ဝဲ(၁၇)ဂၤန့ၣ်လီၤ.

ဖဲလါယူၤ ၂၆-၂၈သီႇ ၂ဝ၂၄ နံၣ်န့ၣ်ပအိၣ်ဒီး Page Maker, Word, Power Point အတၢ်မၤလိန့ၣ်လီၤ. တၢ်မၤလိအံၤဘၣ်တၢ်သုးကျဲၤမၤအီၤလၢ ၦၤကညီဘျၢထံခဝ့ၡၢၣ်ဝဲၤလီၢ်ၦၤမၤတၢ်ဖိတဖၣ်အဂီၢ်ဒီး ဘၣ်တၢ်တီခိၣ်ရိၣ်မဲအီၤလၢ တၢ်ဘၣ်ထွဲတုၤအိၣ်လိ၁်သးဝဲၤကျိၤန့ၣ်လီၤ. တၢ်မၤလိအံၤဘၣ်တၢ်ဟ့ၣ်ခီဟ့ၣ်နီၤအီၤလၢ သရၣ်စဲးဒီးန့ၣ်လီၤ. ၦၤဟဲထီၣ်တၢ်မၤလိလၢ ဝဲၤကျိၤခၢၣ်စး ခဲလၢ၁်အိၣ်ဝဲ (၁၆) ဂၤန့ၣ်လီၤ.

ၦၤကညီဘျၢထံခဝ့ၡၢၣ် တၢ်ဘၣ်ထဲတွုၤအိၣ်လိာ်သးဝဲၤကျိၤ အိၣ်ဒီး Basic Training of Audio Recording  တၢ်မၤလိ ဖဲ လါမ့ၤ၂ ဝတုၤ ၂၅ သီႇ ၂ဝ၂၄နံၣ်န့ၣ်လီၤ. တၢ်မၤလိအံၤ ဘၣ်တၢ်မၤအီၤဖဲ "Studio Door" ဒီး သရၣ်သိၣ်လိ တၢ်မ့ၢ်ဝဲ- သရၣ်ဒိၣ်ဒီးကထၢၣ်လၢၢ်ဝါန့ၣ်လီၤ. အိၣ်ဒီးတၢ်အိးထီၣ်တၢ်မၤလိတဘျီအံၤဖဲ လါမ့ၤ ၂ ဝသီ ဟါ န့ၣ်လီၤ.တၢ်မၤလိအံၤဘၣ်တၢ်သိၣ်လိအီၤလၢ တၢ်မၤလ့ၤအါအါန့ၣ်လီၤ. ကီၢ်ခၢၣ်စး ၦၤဟဲထီၣ်တၢ်မၤလိအိၣ်ဝဲ(၈)ဂၤလၢ ကီၢ်ပကိတကူၣ်ႇ ကီၢ်ချၢၣ်လွံၢ်ထူၣ်ႇ ကီၢ်ပၠံၣ်သၣ်ယၣ်ဝတံၣ်ႇ ကီၢ်တီအူသၣ်တီၣ်ဘှဲမိၤၦၤႇ တီအူကီၢ်ကဲၤခၢၣ်ကဲၤဘါ ဒီး ကီၢ်တီအူပကူတဖၣ်န့ၣ်လီၤ.

ၦၤကညီဘျၢထံခဝ့ၡၢၣ်ႇ တၢ်ဘၣ်ထွဲတုၤအိၣ်လိ၁်သးဝဲၤကျိၤအိၣ်ဒီးတၢ်အိးထီၣ် တၢ်မၤလိသ့တၢ်တ့ နိးအပတီၢ်(၁)အတၢ်မၤလိအံၤ ဘၣ်တၢ်စးထီၣ်အီၤဖဲ ၂.၂.၂ဝ၂၄ အနံၤန့ၣ်လီၤ. တၢ်အိးထီၣ်တၢ်ရဲၣ်တၢ်ကျဲၤကတီၢ်ၦၤပၢၤလီၢ်ဆ့ၣ်နီၤမ့ၢ်-သရၣ်မုၣ်ဂ့ၤဂ့ၤထူ(တၢ်ဘၣ်ထွဲတုၤအိၣ်လိ၁်သးဝဲၤကျိၤႇၦၤနဲၣ်တၢ်)ႇ တၢ်ဟ့ၣ်ဂံၢ်ဟ့ၣ်ဘါ-သရၣ်မုၣ်ဒီးကထၢၣ်လ့ထူ(နဲၣ်ရွဲၣ်သဃဲၤႇတၢ်ပၢတၢ်ဆှၢ)ႇ တၢ်ထုကဖၣ်လၢခံ-သရၣ်ဖျါဆဲး(ကီၢ်ပၠံၣ်သၣ်ယၣ်ဝတံၣ်)န့ၣ်လီၤ. တၢ်မၤလိအံၤမ့ၢ်ဒၣ်လၢခဝ့ၡၢၣ်ဖိလံၤႇ ကီၢ်အဘ့ၣ်(၂ဝ)အဂီၢ်န့ၣ်လီၤ. ၦၤထီၣ်တၢ်မၤလိတဖၣ်လၢကီၢ်ခၢၣ်စးဒီးခဝ့ၡၢၣ်ဝဲၤလီၢ်တဖၣ်ခဲလၢ၁်အိၣ်ဝဲ (၂၂)ဂၤန့ၣ်လီၤ. ပှၤလၢအဟ့ၣ်ခီဟ့ၣ်နီၤတၢ်သိၣ်လိမ့ၢ်-သရၣ်ထံၣ်န့ၢ်မူ(ကီၢ်တကူၣ်)န့ၣ်လီၤ.

လံ၁်လၢပဒိးန့ၢ်ဘၣ်အီၤသ့လၢ ၦၤကညီဘျၢထံခဝ့ၡၢၣ်ႇ တၢ်ဘၣ်ထွဲတုၤအိၣ်လိ၁်သးဝဲၤကျိၤသ့ၣ်တဖၣ် မ့ၢ်ဒ်လ၁်အံၤအသိးန့ၣ်လီၤ.
လံ၁်တၢ်န့ၢ်သါအဃံအလၤ နီၢ်ဂံၢ်(၁၃)              -  ၂၅ဝဝဘး
လံ၁်တၢ်န့ၢ်သါအဃံအလၤ နီၢ်ဂံၢ်(၁၅)              -  ၃ဝဝဝဘး
ၦၤတမှံၤလဲၤတၢ်တဂၤအသးသမူ(ထံၣ်သၣ်ပၠၣ်)  -  ၂၅ဝဝဘး
တၢ်သ့ၣ်နီၣ်ထီၣ်ဖုသရၣ်ဒိၣ်ရိလဲ ခွါယၢၣ်ပ၁်ဖှိၣ်  - ၁ဝႇဝဝဝဘး

ဆဲးကျိးနီၣ်ဂံၢ်- ဝ၉၂၅၄ဝဝ၇၄၂၂

++ တိၢ်နီၣ် - ဒ်တၢ်ဆၢကတီၢ်တၢ်အိၣ်သးအသိ လံ၁်လဲၢ်အၦ့ၤတၢ်ဆီတလဲအိၣ်ထီၣ်သ့လီၤ.

တၢ်သ့ကတီၤ PA System တၢ်မၤလိ
တၢ်မၤလိအံၤဘၣ်တၢ်သုးကျဲၤအီၤလၢ တၢ်ဘၣ်ထွဲတုၤအိၣ်လိ၁်သးဝဲၤကျိၤ ဖဲ ၂၁.၇.၂ဝ၂၃ နံၤႇ စးထီၣ်လၢ ဂီၤ ၈း၃ ဝန့ၣ်လီၤ. တၢ်မၤလိအံၤအတၢ်ပညိၣ်တၢ်ကွၢ်စိမ့ၢ်ဝဲ ၦၤကညီဘျၢထံခဝ့ၡၢၣ်ႇ ဝဲၤကျိၤၦၤမၤတၢ်ဖိသ့ၣ်တဖၣ်ကသ့ကတီၤတၢ်ပီးတၢ်လီႇ ကသ့ၣ်ညါအါထီၣ်တၢ်မၤဒိၣ်ကလုၢ်ႇ ကစူးကါက့ၤတၢ်မၤလိလၢအဒိးန့ၢ်တဖၣ်ဖဲ ဝဲၤကျိၤအတၢ်လိၣ်အကတီၢ်မ့ၢ်ဂ့ၤႇ ဝဲၤလီၢ်တၢ်ဘူၣ်တၢ်ဘါႇ တၢ်အိၣ်ဖှိၣ်ရိဖှိၣ်ႇ တၢ်မၤလိအကတီၢ်ႇ တကးဒံးဘၣ်ကသ့ဟ့ၣ်ခီဟ့ၣ်နီၤက့ၤဆူၦၤလၢအလိၣ်ဘၣ်သ့ၣ်တဖၣ်အအိၣ်အဂီၢ်န့ၣ်လီၤ.
တၢ်မၤလိအဘျီအံၤဘၣ်တၢ်စးထီၣ်အီၤလၢ သရၣ်မုၣ်ၡံထၣ်ဖီ(ကျိၣ်စ့ဒီးတၢ်စုလီၢ်ခီၣ်ခိၣ်ဝဲၤကျိၤႇ ၦၤနဲၣ်တၢ်) အတၢ်ကတိၤတူၢ်လိ၁်ဒီး တၢ်ထုကဖၣ်ဆၢဂ့ၤဆၢဝါန့ၣ်လီၤ. ၦၤလၢအဟ့ၣ်ခီ ဟ့ၣ်နီၤတၢ်မၤလိတဘျီအံၤမ့ၢ်ဝဲ -သရၣ်န့ၢ်ဘျုး (ၦၤပၢၤစ့)န့ၣ်လီၤ. တၢ်မၤလိတဘျီအံၤၦၤလၢအဟဲထီၣ်မ့ၢ် ၦၤကညီဘျၢထံခဝ့ၡၢၣ် ဝဲၤကျိၤ(၁၄)ကျိၤ ခၢၣ်စးတနီၤန့ၣ်လီၤ.ဝဲၤကျိၤလၢအဟဲထီၣ်တဖၣ်မ့ၢ်ဝဲ- ပိ၁်ခွါဝဲၤကျိၤႇ သရၣ်သမါဝဲၤကျိၤႇ လံ၁်လဲၢ်ဒီးတၢ်ဆဲးတၢ်လၤဝဲၤကျိၤႇ တၢ်သးခုကစီၣ်ဒီးမံးၡၢၣ်ဝဲၤကျိၤႇ ခရံ၁်ဖိတၢ်ကူၣ်ဘၣ်ကူၣ်သ့ဝဲၤကျိၤႇ တၢ်ကတဲ၁်ကတီၤဒုးဒိၣ်ထီၣ်ထီထီၣ်ခိၣ်နၢ်ဝဲၤကျိၤဒီး နဲၣ်ရွဲၣ်ဝဲၤဒၢးၦၤမၤသကိးတၢ်တဖၣ်န့ၣ်လီၤ. ၦၤဟဲထီၣ်တၢ်မၤလိအိၣ်ဝဲဒၣ် (၁ဝ)ဂၤန့ၣ်လီၤ.

      ၦၤကညီဘျၢထံခဝ့ရှၢၣ် တၢ်ဘၣ်ထွဲတုၤအိၣ်လိာ်သးဝဲၤကျိၤ အိၣ်ဒီး တၢ်ရဲၣ်တၢ်ကျဲၤဘၣ်လၢအမ့ၢ် တၢ်ကတိၤလီၤဆီ ဒီးတၢ်ဂ့ၢ်ခိၣ်တီမ့ၢ်ဝဲ-(တၢ်ဘၣ်ထွဲတုၤအိၣ်လိာ်သး ဒီးမုၢ်မဆါတနံၤအံၤအတၢ်တၤ) ၦၤဟ့ၣ်ခီဟ့ၣ်နီၤတၢ်မ့ၢ်ဝဲ- သရၣ်ဒိၣ်ဒီးကထၢၣ်လၢၢ်ဝါ (ၦၤနဲၣ်တၢ်ႇ တၢ်ဘၣ်ထွဲတုၤအိၣ်လိာ်သးဒီး ထုးထီၣ်ရၤလီၤဝဲၤကျိၤႇ ကီၢ်တကူၣ်)န့ၣ်လီၤ. တၢ်ရဲၣ်တၢ်ကျဲၤတဘျီအံၤ အိးထီၣ်တၢ်ဘါလၢ သရၣ်မုၣ်ဒီးကထၢၣ်လ့ထူ(နဲၣ်ရွဲၣ်သဃဲၤႇ တၢ်ပၢတၢ်ဆှၢ), တၢ်ထုကဖၣ်ဆၢဂ့ၤ-သရၣ်ဝ့ဘံၣ်(ၦၤနဲၣ်တၢ်ႇ ပိာ်ခွါဝဲၤကျိၤ), တၢ်အဲၣ်တၢ်ဟ့ၣ်ဘၣ်တၢ်ဟ့ၣ်လီၤန့ၢ်လၢ သရၣ်မုၣ်ရှံထၣ်ဖီ(ၦၤပၢၤစ့)န့ၣ်လီၤ. ဝဲၤကျိၤၦၤမၤသကိးတၢ်တဖၣ် ဟဲထီၣ်သကိးခဲလၢာ်အိၣ်ဝဲ(၃၇)ဂၤန့ၣ်လီၤ.