KBCM

Karen Baptist Convention

ပှၤကညီဘျၢထံခဝ့ရှၢၣ်

"ဃုာ်ဒီးခရံာ်ဆူတၢ်မၤနၢၤ"

The Latest News

The Kya Inn Karen Baptist Association

ဖုကံၣ်ကုၣ်လံ၁်စီဆှံကၠိ အဂ့ၢ်ဖုၣ်ကိာ်

       တၢ်သ့ၣ်နီၣ်ဖုကံၣ်ကုၣ်လံ၁်စီဆှံကၠိ ဘၣ်တၢ်ဒုးအိၣ်ထီၣ်အီၤလၢ သရၣ်ဒိၣ် အဲၣ်န့ၢ်ဒံးဝါ, သရၣ်ဒိၣ်ပျဲၢ်ဘီ, သ့ၣ်ခိၣ်ဖိလူၢ်, သ့ၣ်ခိၣ်သရူၤဖီ, သ့ၣ်ခိၣ်ပျဲၣ်ဖီ, သ့ၣ်ခိၣ်ဖါကး, သးၦၢ်ထီအူဒီးကၠးအ့တၢ်အိၣ်ဖှိၣ်ခိၣ်နၢ်သ့ၣ်တဖၣ် န့ၣ်လီၤ.
ကၠိဘၣ်တၢ်သူၣ်ထီၣ်အီၤဖဲကၠးအ့သဝီ, နိၣ်တကီကီၢ်ဆၣ်, ကညီကီၢ်စဲၣ်န့ၣ်လီၤ. ဘၣ်တၢ်စးထီၣ်သူၣ်လီၤအသး ဖဲ (၁၉၃၁)နံၣ်ဒီး (၂ဝ၂၃)နံၣ်အံၤအိၣ်ဝဲ(၉၂)နံၣ် န့ၣ်လီၤ. ကၠိအတၢ်တိ၁်ထူမ့ၢ်ဝဲ ‘‘တီတုၤကတၢၢ်’’ လီၣ်ဖျါ ၂း၁ဝ န့ၣ်လီၤ. 
ကၠိအတၢ်မုၢ်လၢ်ကွၢ်စိမ့ၢ်ဝဲ 
(က) ဒ်သိးၦၤသးဆူၣ်မၤတၢ်သးခုကစီၣ်တဖၣ် ကသ့ၣ်ညါနၢ်ပၢၢ်ထူဂ့ၢ်ယွၤကျိၤအဂီၢ်.
(ခ)  ဒ်သိးတၢ်ရၤလီၤတၢ်သးခုကစီၣ် လၢကီၢ်ပံၤယီၤဒီး ကီၢ်အဂၤတဖၣ်အပူၤဒီး လၢတၢ်မၤဒိၣ်ထီၣ်ထီထီၣ် တၢ်သ့ၣ်ညါနၢ်ပၢၢ်ခရံ၁်ဖိတၢ်စူၢ်တၢ်န၁်ဒီး တၢ်သ့မၤတၢ်သးခုကစီၣ်အတၢ်မၤအဂီၢ်. 
(ဂ)  ဒ်သိးတၢ်မၤသကိးတၢ်ဒီး ၦၤကညီဘျၢထံခဝ့ရှၢၣ်ဒီး ကီၢ်ပယီၤဘျၢထံခဝ့ရှၢၣ် လၢတၢ်ရၤလီၤခရံ၁်အတၢ်သးခုကစီၣ် အတၢ်ဖံးတၢ်မၤအဂီၢ်.
(ဃ) ဒ်သိးတၢ်အိၣ်ဖှိၣ်ရိဖှိၣ် တနံၣ်တဘျီ, လၢတၢ်ရ့လိ၁်တၢ်ဘူၣ်သကိးဘါသကိးလၢ တၢ်န့ၢ်ဂံၢ်န့ၢ်ဘါ ယလၢသူၣ်လၢသးဒီး တၢ်မၤဝံၤတၢ်ဖံးတၢ်မၤတဖၣ်အဂီၢ်. 
ကၠိအတၢ်ပနီၣ်, တၢ်ဂီၤမ့ၢ်ဝဲ ထိၣ်လွံၢ်ယူၤ ဃၣ်အမဲ၁်လၢအထွဲ, အဖီလ၁်အိၣ်ဒီးလပီ, အဃၢၤဆၣ်ခံဖျၢၣ်န့ၣ်လီၤ.
ထိၣ်လွံၢ် - အခီပညီမ့ၢ်ယွၤအသးစီဆှံ
လပီ  - အခီပညီမ့ၢ်ဟီၣ်ခိၣ်အတၢ်ကွၢ်ဆၢၣ်မဲ၁်
ဆၣ်  - အခီပညီမ့ၢ် ခရံ၁်အတၢ်ကပီၤ
အခီပညီပ၁်ဖှိၣ်မ့ၢ်ဝဲ ‘‘ၦၤလၢအယွၤအတၢ် စိ၁်တၢ်သးခုကစီၣ်ကိးဂၤဒဲးယွၤအသးစီဆှံကနဲၣ်လိအီၤလၢ ကမၤနၢၤဟီၣ်ခိၣ် အတၢ်ကွၢ်ဆၢၣ်မဲ၁်ဒီး ကကဲထီၣ် တၢ်ကပီၤလၢခရံ၁်အဂီၢ်’’ န့ၣ်လီၤ.


သရၣ်မုၣ်ဒံဆၢ
ကၠိခိၣ်
တၢ်သ့ၣ်နီၣ်ဖုကံၣ်ကုၣ်လံ၁်စီဆှံကၠိ

4 months ago Read News
The Kya Inn Karen Baptist Association

ဖုကံကုၣ်လံာ်စီဆှံကၠိတၢ်ကစီၣ် ၂ဝ၂၃

ဖုကံကုၣ်လံာ်စီဆှံကၠိလၢအမ့ၢ် ကီၢ်ကၠးအ့ကညီဘျၢထံခရံာ်ဖိတၢ်အိၣ်ဖှိၣ်သကိးတၢ်အိၣ်ဖှိၣ် ကၠိအံၤ လၢ၂ဝ၂၃-၂ဝ၂၄နံၣ် တၢ်မၤလိအဂီၢ် အိးထီၣ်ဘၣ်ကၠိဖဲ လါမ့ၤ(၃၁)သီႇ ၂ဝ၂၃အနံၤန့ၣ်လီၤ. ကၠိတၢ်မၤလိလၢ ဘၣ်တၢ်အိးထီၣ်တဖၣ်မ့ၢ်ဝဲ- တီၤခၢၣ်သးယွၤဂ့ၢ်ပီညါႇ တီၤထီယွၤဂ့ၢ်ပီညါႇ ခွဲးလီၤဆီ ဒီးတၢ်သူၣ်ဝံၣ်သးဆၢအတီၢ်တဖၣ်န့ၣ်လီၤ. လၢတၢ်မၤလိနံၣ်အဂီၢ် ကၠိဖိမုၣ်ခွါခဲလၢာ်အိၣ်ဝဲ(၁၄ဝ)ဂၤန့ၣ်လီၤ.

7 months ago Read News
The Kya Inn Karen Baptist Association

ကီၢ်ကၠးအ့တၢ်ကစီၣ်

ကီၢ်ကၠးအ့ဖုကံၣ်ကုၣ်လံ၁်စီဆှံကၠိ (၂ဝ၂၂-၂ဝ၂၃) တၢ်မၤလိနံၣ် တၢ်ပျၢ်ကၠိမူးတၢ်ရဲၣ်တၢ်ကျဲၤ 
တနံၣ်အံၤဖျိကၠိ မီထိၣ်မ့ၢ်ဝဲ - စံးဘျုးယွၤ ပ၁်စီဆှံသး မူအါထီၣ်လၢတၢ်န၁်ယွၤ
တနံၣ်အံၤ ဖျိကၠိခဲလၢ၁် အိၣ်ဝဲ (၂၉) ဂၤန့ၣ်လီၤ.
L.Th – (၃) ဂၤ 
C.Th – (၁၄) ဂၤ
Special Music Class – (၉) ဂၤႇ
ခွဲးလီၤဆီ - ကၠိဖိ (၃) ဂၤန့ၣ်လီၤ.
(၁၄.၁.၂ဝ၂၃) ဂီၤ ၆း၃ ဝနၣ်ရံၣ် ကၠိဖိပ၁်ဖှိၣ်ဒိတၢ်ဂီၤ 
(၁၄.၁.၂ဝ၂၃) ဂီၤ ၁ဝးဝဝ နၣ်ရံၣ် ကၠိပၢဆှၢတၢ်နံၣ်ကတၢၢ်တၢ်အိၣ်ဖှိၣ် 
(၁၅.၁.၂ဝ၂၃) ဂီၤ ၁ဝးဝဝ နၣ်ရံၣ် ဖျိကၠိတၢ်စံၣ်တဲၤတဲလီၤ 
(၁၆.၁.၂ဝ၂၃) ဂီၤ ၉းဝ ဝနၣ်ရံၣ် တၢ်ဟ့ၣ်လီၤဖျိကၠိလံ၁်အုၣ်သး သ့ၣ်တဖၣ်န့ၣ်လီၤ.
တနံၣ်အံၤ လၢတၢ်ကီတၢ်ခဲအကလု၁်ကလု၁်အပူၤ ဘၣ်ဆၣ်ကစၢ်ယွၤအတၢ်အိၣ်ဖှိၣ်မၤစၢၤၦၤအဃိ ပကၠိအံၤ လဲၤခီဖျိဘၣ်ဝဲဂ့ၤဂ့ၤ တုၤနံၤကတၢၢ်တစု န့ၣ်လီၤ.

1 year ago Read News
© 2024 by Karen Baptist Convention. All Rights Reserved.
Developed by STUDIOnine5