Karen Baptist Convention

ၦၤကညီဘျၢထံခဝ့ၡၢၣ်ပိာ်ခွါဝဲၤကျိၤ ၂ဝ၂၅နံၣ်လါယူၤအပူၤအိၣ်ဒီး ၦၤပတီၢ်မုၢ်တၢ်မၤလိ ဖဲနၢမူလူၢ်ကညီဘျၢထံခရံာ်တၢ်အိၣ်ဖှိၣ် ဝ့ၢ်ခိၣ်ကဝီၤ ကီၢ်တကူၣ်န့ၣ်လီၤ. တနံၤအံၤတၢ်မၤလိအတၢ်တိာ်ထူ မ့ၢ်ဝဲဒၣ်-''ဟံးဃာ်ဂၢၢ်ကျၢၤဘျၢထံခရံာ်ဖိအတၢ်စူၢ်တၢ်နာ်'' (ဧ့ၤဘြံ ၁၃း၉ႇ ယိၤၡူ ၁း၇ႇ ၁ကရံၣ်သူး ၁၆း၁၃ႇ ၁၅း၁၈)န့ၣ်လီၤ. တနံၤအံၤလါယူၤအိၣ်ဝဲလွံၢ်နွံအသိး မၤဘၣ်တၢ်မၤလိကိးနွံဒဲးန့ၣ်လီၤ. တနွံဘၣ်တနွံၦၤဟဲထီၣ်တစှၤန့ၣ်အဂၤဃုဆံ ဘၣ်န့ၣ်လီၤ.  တၢ်မၤလိအကတီၢ်ၦၤလၢအတီခိၣ်ရိၣ်မဲလၢ ဂီၤတၢ်ဘါဒီး တၢ်မၤလိသကိးလံာ်စီဆှံန့ၣ်မ့ၢ်ဝဲဒၣ် နၢမူ လူၢ်ကညီဘျၢထံခရံာ်တၢ်အိၣ်ဖှိၣ်ႇ တၢ်မျၢ်ပလဲ ကညီဘျၢထံခရံာ်တၢ်အိၣ်ဖှိၣ်ႇ စံယိၣ်လူၢ်ကညီဘျၢထံခရံာ်တၢ်အိၣ်ဖှိၣ် ဒီးတကူၣ်ဝ့ၢ်သီကလံၤစိးတၢ်အိၣ်ဖှိၣ်သ့ၣ်တဖၣ်န့ၣ်လီၤ. သရၣ်လၢအသိၣ်လိတၢ်တဖၣ်ဒီး တၢ်သိၣ်လိအခိၣ်တီသ့ၣ်တဖၣ် မ့ၢ်ဝဲဒၣ် ''ဘျၢထံခရံာ်ဖိဒီး တၢ်မူထဲမွၤထဲွ'' သရၣ်ဒိၣ်ဒီးကထၢၣ်မိစဲးသ့ႇ ''ၦၤပတီၢ်မုၢ်ဒီးတၢ်မၤမံးၡၢၣ်'' သရၣ်ဒိၣ်ဒီးကထၢၣ် အီးထ့ဘယၢးစ်အ့ႇ ''ဘျၢထံခရံာ်ဖိအတၢ်စူၢ်တၢ်နာ်'' သရၣ်ဒီးကထၢၣ်န့ၢ်လ့အီၣ်ဒီး ''Gender Balance''  သရၣ်မုၣ်ဒီးကထၢၣ်ပူၤဖျဲးသ့ၣ်တဖၣ် န့ၣ်လီၤ.

ၦၤကညီဘျၢထံခဝ့ၡၢၣ် အိၣ်ဒီးခိၣ်ဃၢၤန့ဆၢၣ်မုၢ်နံၤဖဲ လါယူၤ(၁၃)သီႇ၂ဝ၂၅အနံၤ ဖဲ ခဝ့ၡၢၣ်ဟီၣ်ခိၣ်လီၤတၢ်ထံၣ်စိန့ၣ်လီၤ. အိၣ်ဒီးတၢ်ပာ်ဖှိၣ်ဘူၣ်သကိးဘါသကိးယွၤ အခါ တၢ်ကတိၤဆၢဂ့ၤဆၢဝါလၢ -သရၣ်ဒိၣ်ယွၤဒုးမူ(နဲၣ်ရွဲၣ်)ႇ တၢ်ထုကဖၣ်-သရၣ်မုၣ်ၡံထၣ်ဖီ(ၦၤပၢၤစ့)ႇ တၢ်သးဝံၣ်ပာ်ဖှိၣ်-သရၣ်မုၣ်ဒီးကထၢၣ်မူမုၢ်ဝါ(ယွၤဂ့ၢ်ပီညါဝဲၤကျိၤႇ ၦၤနဲၣ်တၢ်)ႇ တၢ်ဆိၣ်ဂ့ၤပျၢ်-သရၣ်မုၣ်ဒိၣ်မၠီမၠးဖီ(နဲၣ်ရွဲၣ်သဃဲၤႇ တၢ်ရ့လိာ်မၤသကိးဒီး တၢ်ဂုၤထီၣ်ပသီထီၣ်)န့ၣ်လီၤ. ပိာ်ထဲထွီၣ်အခံလၢ တၢ်တဲနၢ်ပၢၢ်တၢ်ဖံးသကိးမၤသကိး တၢ်သူၣ်တၢ်ဖျးအဂီၢ်လၢ သရၣ်ကၠီၣ်စ့ၣ်န့ၣ်လီၤ. ဝဲၤလီၢ်ၦၤမၤသကိးတၢ်တဖၣ် ပာ်ဖှိၣ်မၤသကိးတၢ်ခီဖျိ ကတီၢ် မၤဂ့ၤထီၣ်တၢ်မုၢ်တၢ်ဘိလၢ ဘၣ်တၢ်သူၣ်လီၤတ့ၢ်တဖၣ်ႇ ဖျးဟီၣ်ခိၣ် မၤကဆှဲကဆှီခၠီၣ်ကရၢသ့ၣ်တဖၣ်န့ၣ်လီၤ. ဝဲၤလီၢ်ၦၤမၤသကိးတၢ် ခဲလၢာ်ပာ်ဖှိၣ်အိၣ်ဝဲ(၆ဝ)ဂၤန့ၣ်လီၤ

လၢတၢ်ကီတၢ်ခဲအကလု၁်ကလု၁်အပူၤ ကစၢ်ယွၤမၤတၢ်အဒိၣ်လၢပဝဲ ကီၢ်ဖၣ်အၣ်မီၣ်လမၠဲၣ် လံ၁်စီဆှံကၠိအဂီၢ်အဃိ (၂ဝ၂၅-၂ဝ၂၆) တၢ်မၤလိနံၣ်အဂီၢ် ပအိးထီၣ်ဘၣ်က့ၤပကၠိဖဲ ၄.၆.၂ဝ၂၅ အနံၤန့ၣ်လီၤ. လၢတၢ်အိးထီၣ်က့ၤကၠိအတၢ်ရဲၣ်တၢ်ကျဲၤတဘျီအံၤ ပအိၣ်ဒီး ၦၤကညီဘျၢထံခဝ့ၡၢၣ်ႇ ယွၤဂ့ၢ်ပီညါဝဲၤကျိၤႇ ၦၤနဲၣ်တၢ် သရၣ်မုၣ်ဒီးကထၢၣ်မုမု၁်ဝါ ဒီး ၦၤနဲၣ်တၢ်သဃဲၤ သရၣ်န့ၢ်ဘျုးသ့ၣ်တဖၣ် ဟဲအိၣ်သကိးၦၤန့ၣ်လီၤ. ဖဲ ၄.၆.၂ဝ၂၅ ဂီၤ (၁ဝးဝဝ)နၣ်ရံၣ် မ့ၢ်ကၠိအိးထီၣ်အတၢ်ရဲၣ်တၢ်ကျဲၤန့ၣ်လီၤ. လၢတၢ်ရဲၣ်တၢ်ကျဲၤတဘျီအံၤ ၦၤလၢအဟ့ၣ်ၦၤတၢ်ကစီၣ်မ့ၢ်- သရၣ်န့ၢ်ဘျုးႇ တၢ်ထုကဖၣ်လၢ ကၠိအဂီၢ်လၢ သရၣ်မုၣ်ဒီးကထၢၣ်မုမု၁်ဝါႇ တၢ်သိၣ်လီၤသီလီၤ သရၣ်သမါဒီး ကၠိဖိတဖၣ်လၢ သရၣ်ဒီၣ်မဲးကၢၣ်ငဲၣ် န့ၣ်လီၤ. ၂ဝ၂၅-၂ဝ၂၆ တၢ်မၤလိနံၣ်ကၠိဖိအသီ B.Th (၁၂)ဂၤႇ CTS (၆)ဂၤႇ Music (၅)ဂၤႇ ခဲလၢ၁် (၂၅)ဂၤန့ၣ်လီၤ. တနံၣ်အံၤကၠိဖိပ၁်ဖှိၣ်ခဲလၢ၁်အိၣ်ဝဲဒၣ် (၈ဝ)ဂၤ န့ၣ်လီၤ.

နံၣ်ကယၤ(၂၁) သၢပတီၢ်တပတီၢ်ႇ မံးၡၢၣ်တၢ်တိ၁်ကျဲၤ-ကရူၢ်(၃)
တၢ်ဒုးဆူၣ်ထီၣ်တၢ်အိၣ်ဖှိၣ်တၢ်ရဲၣ်တၢ်ကျဲၤ

ၦၤကညီဘျၢထံခဝ့ၡၢၣ် ခရံာ်ဖိတၢ်မၤဂ့ၤမၤစၢၤဒီးတၢ်ဂုၤထီၣ်ပသီထီၣ်ဝဲၤကျိၤ အိၣ်ဒီး တၢ်ဒုးသ့ၣ်ညါနၢ်ပၢၢ်အါထီၣ် ''ၦၤကညီဘျၢထံခဝ့ၡၢၣ် ဧ့ၤဧ့ၣ်သီ တၢ်ဖံးတၢ်မၤ''  ဖဲ လါမ့ၤ(၂ဝ-၂၁)သီႇ ၂ဝ၂၅နံၣ်ဖဲ လၢၢ်ပူၤတၢ်အိၣ်ဖှိၣ်န့ၣ်လီၤ. ကီၢ်တူၢ်လိာ်တၢ်မ့ၢ်ဝဲ-ကီၢ်တီအူပကူႇ ကီၢ်တီအူသၣ်တီၣ်ဘှဲမိၤၦၤႇ တီအူကီၢ်ကဲၤခၢၣ်ကဲၤဘါ တဖၣ်န့ၣ်လီၤ. ၦၤဟ့ၣ်ခီၣ်ဟ့ၣ်နီၤတၢ်တဖၣ်မ့ၢ်ဝဲ- သရၣ်ဒိၣ်လးဖ့ၣ်ႇ သရၣ်ဒိၣ်ဒီးကထၢၣ်စိသံၣ်ဟးႇ သရၣ်ဒိၣ်ဒီးကထၢၣ်စါရဲးစ့ၣ်ႇ သရၣ်ဒိၣ်ဒီးကထၢၣ်အီးထ့ဘယၢးစ်အ့ႇ ဒီးသရၣ်ဒီးကထၢၣ်မါလိးမၣ်တဖၣ်န့ၣ်လီၤ. ၦၤဟဲထီၣ်တၢ်ရဲၣ်တၢ်ကျဲၤခဲလၢာ်အိၣ်ဝဲ(၆ဝ)ဂၤန့ၣ်လီၤ.
ၦၤကညီဘျၢထံခဝ့ၡၢၣ်ႇခရံ၁်ဖိတၢ်မၤဂ့ၤမၤစၢၤဒီးတၢ်ဂုၤထီၣ်ပသီထီၣ်ဝဲၤကျိၤအိၣ်ဒီးတၢ်ဒုးသ့ၣ်ညါနၢ်ပၢၢ် အါထီၣ်ဧ့ၤဒ့ၣ်သီ အဂ့ၢ်အကျိၤဆူ ပၢဆှၢတၢ်ကမံးတံ၁်ခိၣ်နၢ်ဒီးတနီၤလၢဘၣ်တၢ်ကွဲလီၤဆီ တဖၣ်အဂီၢ် သုးကျဲၤမၤလၢ ဝ့ၢ်တီအူႇလၢၢ်ပူၤတၢ်အိၣ်ဖှိၣ်ဖဲလါမ့ၤ(၂ဝ-၂၁)သီႇ၂ဝ၂၅နံၣ်/ၦၤဟဲထီၣ်တၢ်ရဲၣ်တၢ်ကျဲၤ အံၤ အိၣ်ဝဲ (၆၂) ဂၤ န့ၣ်လီၤ. တၢ်မၤလိသကိးလံ၁်စီဆှံအဂီၢ်သရၣ်သိၣ်လိတၢ်မ့ၢ်ဝဲသရၣ်ဒိၣ်Dr. စိသံၣ်ဟးဒီး တၢ်သိၣ်လိ(၁)Understanding CCMP on Biblical Perspective-သရၣ်ဒိၣ်Dr. အီးထ့ဘယၢးစ်အ့ (၂)Understanding CCMP on Pastoral Theology Perspective- သရၣ်ဒိၣ်Dr. စဲရၢးစ့ၣ် (၃) CCMP Journey- သရၣ်ဒိၣ်စီၤလးဖ့ၣ် (၄) ထံဂုၤကီၢ်ဂၤတဖၣ် အတၢ်မၤ CCMP/CCT - သရၣ်Dr.မါလိးမၣ်(၅) တၢ်အုၣ်သး လၢ သရၣ်မုၣ်စ့စ့ဖီႇသရၣ်ဒိၣ်စဲရွှ့ ၣ်,သရၣ်ဒိၣ်မၠိမၠးဆွ့ၣ်တဖၣ်န့ၣ်လီၤ. စံးဘျုးဘၣ်ကီၢ်တူၢ်လိ၁်တၢ်လၢအမ့ၢ်ဝဲတီအူကီၢ်ကဲၤခၢၣ်ကဲၤဘါႇကီၢ်တီအူပကူႇ တီအူသၣ်တီၣ်ဘှဲမိၤၦၤ ဒီး လၢၢ်ပူၤတၢ်အိၣ်ဖှိၣ်လၢ သုးကျဲၤနန့ၣ်လီၤ.ၢ်ၦၤတၢ်အီၣ်တၢ်အီ ဒီး တၢ်သိၣ်လိႇတၢ်မံ အလီၢ်အကျဲ တဖၣ် အဃိန့ၣ်လီၤ.

မ့ၢ်ကစၢ်ယွၤအဘျုးအဖှိၣ်အဃိ လဲၤတုၤအိၣ်ဟ့ၣ်ဂံၢ်ဟ့ၣ်ဘါ ဆူ ကီၢ်ဆီထံး ဖျံၣ်ထၣ်ဒီးခ့ၣ်ကၠံ သဝီန့ၣ်လီၤ. တၢ်လဲၤတဘျီအံၤၦၤလဲၤသကိး တၢ်တဖၣ်မ့ၢ်ဝဲ (၁)သရၣ်ဒိၣ်စီၤလးဖ့ၣ်(၂)သရၣ်မုၣ် Dr. ကၠဲဘလံ (၃)သရၣ်စီၤယိၤသး (၄)သရၣ်အဲၣ်ဒိၣ်စိ (၅)သရၣ်ဒိၣ်ဟူဆၢ (၆)သရၣ်မုၣ်မၢစံၣ် (၇)သရၣ်ယွဲၢ်တီန့ၣ်လီၤ. ဖဲ ၂၂.၅.၂ဝ၂၅ သီန့ၣ် ထံၣ်လိ၁်သးဒီး ဒူသဝီ(၁၇)သဝီ လၢဟဲသုးအလီၢ်ဆူ ဖျံၣ်ထၣ် ဒီး ၂၃.၅.၂ဝ၂၅ သီန့ၣ် ထံၣ်လိ၁်သးဒီး ဒူသဝီ (၁၃)သဝီ ခၢၣ်စး တဖၣ် ပထံၣ်လိ၁်အိၣ်ဖှိၣ် ဘူၣ်သကိးဘါသကိးယွၤႇ တၢ်သိၣ်လိလံ၁်စီဆှံႇ တၢ်ကတိၤဟ့ၣ်ဂံၢ်ဟ့ၣ်ဘါ ဒီး တၢ်ထုကဖၣ် ဆၢဂ့ၤဆၢဝါ တဖၣ် အိၣ်ဃု၁်ဒီး တၢ်မၤသူၣ်ခုသးခုႇတၢ်ရဲၣ်တၢ်ကျဲၤ ဒီးတၢ်စံးကတိၤ ဒုးနၢ်ဟူဘၣ် တၢ်အိၣ်သးဒီးတၢ်သုးကျဲၤလၢ လီၢ်ကဝီၤ တၢ်ဖံးတၢ်မၤ အဂီၢ်န့ၣ်လီၤ. ခီဖျိတုၤအိၣ်ဘၣ်ထဲလွိ၁်သး ဒ်သိးအံၤအဃိ မ့ၢ် တၢ်ဟ့ၣ်ဂံၢ်ဟ့ၣ်ဘါဒီးတၢ်ဟ့ၣ်ခီဟ့ၣ်နီၤတဖၣ်လၢဒိးနန့ၣ်လီၤ.ၢ်ဘၣ်တၢ်သူၣ်ခုသးခုႇဟ့ၣ်အါထီၣ် သးအတၢ်ဂံၢ်တၢ်ဘါ လၢ တၢ်လဲၤခီဖျိ ကွၢ်ဆၢၣ်မဲ၁် အကတီၢ်န့ၣ်လီၤ.

ၦၤကညီဘျၢထံခဝ့ၡၢၣ်အိၣ်ဒီး ကမံးတံာ်မၤတၢ် တၢ်အိၣ်ဖှိၣ်(၆၅)ဘျီတဘျီ ဖဲလါမ့ၤ(၁၄-၁၆)သီႇ ၂ဝ၂၅နံၣ်လၢ ခဝ့ၡၢၣ်နံၣ် (၁ဝဝ)တၢ်စံးဘျုးတၢ်သူၣ်ထီၣ်ႇ ၁၂၁(ဃ), မ့ယဲကၠီၣ်စွၣ်ကျဲႇ အလူၣ်ႇ ဝ့ၢ်တကူၣ်န့ၣ်လီၤ. တၢ်အိၣ်ဖှိၣ်ကတီၢ်အိၣ်ဒီး တၢ်ဘူၣ်တၢ်ဘါဖဲ ဂီၤ(၇း၃ဝ-၈းဝဝ)နၣ်ရံၣ်ကိးဂီၢ်ဒဲးန့ၣ်လီၤ. တၢ်ဖံးတၢ်မၤကတီၢ် ၦၤပၢၤလီၢ်ဆ့ၣ်နီၤတဖၣ် မ့ၢ်ဝဲ-သရၣ်ဒိၣ်ဒီးကထၢၣ်စဲမစၢၣ်(ကရၢခိၣ်), သရၣ်မုၣ်ဒိၣ်ဒီးကထၢၣ်ဖီဂီၤ (ကရၢခိၣ်စၢၤ), သရၣ်ဒိၣ်ဘံးထၢၣ်မီၣ်မီၣ်(ကရၢခိၣ် စၢၤ) တဖၣ်န့ၣ်လီၤ. ၦၤဟဲထီၣ်တၢ်အိၣ်ဖှိၣ်တဘျီအံၤ မ့ၢ်ဝဲ ကရၢခိၣ်ႇ ကရၢခိၣ်စၢၤတဖၣ်ႇ ၦၤဟ့ၣ်ကူၣ်တၢ်တဖၣ်ႇ ခဝ့ၡၢၣ်နဲၣ်ရွဲၣ်ႇ နဲၣ်ရွဲၣ်သဃဲၤတဖၣ်ႇ ကီၢ်နဲၣ်ရွဲၣ်တဖၣ်ႇ ဝဲၤကျိၤၦၤနဲၣ်တၢ်တဖၣ် ဒီးပၢဆှၢတၢ်ခၢၣ်စးတဖၣ်န့ၣ်လီၤ. ၦၤကညီဘျၢထံခဝ့ၡၢၣ် လံာ်လဲၢ်ဒီးတၢ်ဆဲးတၢ်လၤဝဲၤကျိၤအိၣ်ဒီး မူဖးဖျါ(၆)ဘျီတဘျီ ဖဲလါမ့ၤ(၁၃)သီႇ ၂ဝ၂၅နံၣ် ဂီၤ(၁ဝးဝဝ)နၣ်ရံၣ်တုၤ ဟါ(၃းဝဝ)နၣ်ရံၣ်ဖဲ ခဝ့ၡၢၣ်နံၣ်(၁ဝဝ)တၢ်စံးဘျုးတၢ်သူၣ်ထီၣ်န့ၣ်လီၤ.အိၣ်ဒီးတၢ်ဖးဖျါ ''ကတီၢ်အတၢ်ဆီတလဲ ဒီးကညီကလုာ်အတၢ်ကွၢ်ဆၢၣ်မဲာ်'' လၢသရၣ်ဒိၣ်စိဒီးကထၢၣ်ထိၣ်လွံၢ်ထူန့ၣ်လီၤ. အိၣ်ဒီးတၢ်ကတိၤခီဆၢ တၢ်သံကွၢ်စံးဆၢတဖၣ်န့ၣ်လီၤ. ၦဲၤဟဲထီၣ်တၢ်ရဲၣ်တၢ်ကျဲၤခဲလၢာ်အိၣ်ဝဲ(၅၅)န့ၣ်လီၤ.

၂ဝ၂၅နံၣ် ကီၢ်ကယါဘျၢထံခရံ၁်ဖိတၢ်အိၣ်ဖှိၣ်သကိးတၢ်အိၣ်ဖှိၣ် ကမျၢၢ်ခၢၣ်စးတၢ်အိၣ်ဖှိၣ် ဘၣ်တၢ်မၤအီၤဖဲ လါမၢ်ၡး (၁၉)သီႇ ၂ဝ၂၅ နံၣ်ဖဲ ပဒါခိၣ်ဘျၢထံခရံ၁်တၢ်အိၣ်ဖှိၣ်ႇ ကစၢၢ်ဂံၢ်ထံးကဝီၤ ဒီးတၢ်တိ၁်ထူ န့ၣ်မ့ၢ်ဝဲ ''ၦ့ၤက့ၤတၢ်ဆၢကတီၢ်ဒီးတၢ်ခွဲးတၢ်ယ၁်'' န့ၣ်လီၤ. ဘၣ်ထွဲဒီး တၢ်တိ၁်ထူလံ၁်စီဆှံ န့ၣ်မ့ၢ်ဝဲဒၣ် ယၡါယၤ ၅၅း၆ႇ အ့း ၅း၁၆ႇ ယိၤ၁၂း၂၆ န့ၣ်လီၤ. ကမျၢၢ်ခၢၣ်စး တၢ်အိၣ်ဖှိၣ်တဘျီအံၤ ၦၤဆဲးလီၤမံၤ အိၣ်ဝဲဒၣ် (၂၆၉) ဂၤ န့ၣ်လီၤ. တၢ်အိၣ်ဖှိၣ်တဘျီအံၤ မၤလၤကပီၤဘၣ် ခိၣ်နၢ်မၤတ့ၢ်တၢ် တဖၣ်လၢအမ့ၢ် (၁) သရၣ်မုၣ်အဲၣ်ကပြုၢ်ဖီ (ကီၢ်နဲၣ်ရွဲၣ်သဃဲၤမၤတ့ၢ်တၢ်) (၂)သရၣ်မုၣ်အ့ဖြ့ၣ်ထူ (ကီၢ်ပိ၁်မုၣ်ဝဲၤကျိၤၦၤနဲၣ်တၢ်) (၃)ဖှိၣ်စၢၤ-ဘၢကၢၣ် (ဒံမီးဆိၣ်ကဝီၤနဲၣ်ရွဲၣ်) သ့ၣ်တဖၣ် န့ၣ်လီၤ. စံၣ်ညီၣ်အၢၣ်လီၤပ၁်ဂၢၢ်ပ၁်ကျၢၤဝဲ ဃုထၢထီၣ်ခိၣ်နၢ်သီကမံးတံ၁်ခိၣ် သရၣ်မုၣ်လ့ဒယၢၣ်အလီၢ် ဃုထၢထီၣ်ဝဲ သရၣ်ဒိၣ်ဘီရိတဘျီဃီ ဒ်အမ့ၢ်တိ၁်လီၤကမံးတံ၁်ခိၣ် န့ၣ်လီၤ. စဲးစ့ခိၣ်ဖှိၣ်စၢၤစိဖီအလီၢ် ဃုထၢ ထီၣ်ဝဲသရၣ်မုၣ်မ့ၤစၣ်ဒၣ်ကၠီၣ် လၢစဲးစ့ခိၣ်အလီၢ်ဒီး ဃုထၢထီၣ်သရၣ်မုၣ်သ့သူၣ်စၣ်ဒ် ၦၤစဲးစ့အသီတဂၤ အသိးန့ၣ်လီၤ. ဃုထၢအါထီၣ် ကီၢ်ၦၤဖီၣ်စရီလၢအမ့ၢ်သရၣ်ဟဲၣ်ရံၣ်လ့ (B.T.S အတီၢ်ကီၢ် လံ၁်စီဆှံကၠိ) န့ၣ်လီၤ. သးစၢ်ဝဲၤကျိၤၦၤနဲၣ်တၢ်ကမ့ၢ်ဝဲဒၣ်သရၣ်ဆၣ်အဲၣ်ကလု၁်ဒီး ၦၤနဲၣ်တၢ်စၢၤကမ့ၢ်ဝဲဒၣ်သရၣ်အါစဲးထူ စးထီၣ် (၂ဝ၂၅-၂ဝ၂၇) နံၣ်သၢနံၣ်အခီၣ်ထံးတဝီ န့ၣ်လီၤ. တၢ်ဘၣ်ထွဲတုၤအိၣ်လိ၁်သးဝဲၤကျိၤၦၤနဲၣ်တၢ် မ့ၢ်ဝဲဒၣ် သရၣ်အဲၣ်ဆိဝါ စးထီၣ် (၂ဝ၂၅-၂ဝ၂၇) နံၣ်သၢနံၣ်အခီၣ်ထံးတဝီန့ၣ်လီၤ. ပိ၁်ခွါဝဲကျိၤ ၦၤနဲၣ်တၢ်ကမ့ၢ်ဝဲ ဒၣ်သရၣ်ဆွ့ၣ်ကၠီၣ်စးထီၣ် (၂ဝ၂၅-၂ဝ၂၇) နံၣ်သၢနံၣ်အခီၣ်ထံးတဝီန့ၣ်လီၤ. ခရံ၁်ဖိ တၢ်ကူၣ်ဘၣ်ကူၣ်သ့ ဝဲကျိၤၦၤနဲၣ်တၢ်စၢၤကမ့ၢ်ဝဲသရၣ်မုၣ် သူလ့ၣ်ဖီဒီး ECCD မူဒါခိၣ်ကမ့ၢ်ဝဲဒၣ် သရၣ်မုၣ်အဲၣ်ခုၣ်ၡံ စးထီၣ် (၂ဝ၂၅-၂ဝ၂၇) နံၣ်သၢနံၣ်အခီၣ်ထံးတဝီ န့ၣ်လီၤ. တၢ်ကဟုကယ၁်ဒီး တၢ်ကူၣ် လိ၁်တၢ် ဝဲၤကျိၤၦၤနဲၣ်တၢ် ကမ့ၢ်ဝဲဒၣ်သရၣ်မုၣ်ဘုမံၤဖီဒီး ၦၤနဲၣ်တၢ်စၢၤကမ့ၢ်ဝဲဒၣ် သရၣ်မုၣ်မ့ၤဒ့ထူ စးထီၣ် (၂ဝ၂၅-၂ဝ၂၇) နံၣ်သၢနံၣ်အခီၣ်ထံးတဝီ န့ၣ်လီၤ. ဖုတူၢ်ရံၣ်တၢ်သူၣ်ထီၣ်မူဒါခိၣ် သရၣ်ဒိၣ်လါၦဲၤထူ ဃ့အိၣ်ဘှံးမူဒါခိၣ်လီၢ်လၤ ဘၣ်ဆၣ်ကမၤသကိးတၢ်ဒ်ကမံးတံ၁်ဖိတဂၤအသိးဒီး တၢ်သ့ၣ်နီၣ်ထီၣ်ဖုတူၢ်ရံၣ် တၢ်သူၣ်ထီၣ်ကမံးတံ၁်မူဒါခိၣ် ကမ့ၢ်ဝဲဒၣ် သရၣ်မုၣ်ဂ့ၤအဲၣ်နၤ န့ၣ်လီၤ. ကီၢ်နဲၣ်ရွဲၣ်န့ၣ်ကမ့ၢ်ဝဲဒၣ် သရၣ်ဒိၣ်ဒီးကထၢၣ်ဒဲနယၢၣ်ညူး စးထီၣ် (၂ဝ၂၅-၂ဝ၂၇) နံၣ်သၢနံၣ်သၢဝီတ ဝန့ၣ်လီၤ.

ပစံးဘျုးဘၣ်ကစၢ်ယွၤလၢအတၢ်မၤဂ့ၤသ့ၣ်တဖၣ်အဃိဒီး အတၢ်မၤလီၤလးလၢ ပကီၢ်တီအူ သၣ်တီၣ်ဘှဲမိၤၦၤ အဂီၢ်အဃိန့ၣ်လီၤ. လါမၢ်ၡး ၂ဝ၂၄ တုၤ လါမၢ်ၡး ၂ဝ၂၅ တၢ်မၤနံၣ် အံၤခီဖျိလၢ ယွၤအစုစီဆှံဆှၢၦၤအဃိ ပကီၢ်အတၢ်ဖံးတၢ်မၤႇ ကမံးတံ၁်ဆၣ်တဖၣ်ႇ ဝဲၤကျိၤ(၉)ကျိၤ ဒီး ကရၢ(၂)ကရၢ အတၢ်ဖံးတၢ်မၤသ့ၣ်တဖၣ် ဒ်ပတိ၁်ပ၁်ဒီးမုၢ်လၢ်ဝဲအသိးန့ၣ် ပသုးကျဲၤမၤဝံၤဘၣ်အီၤ ဂ့ၤဂ့ၤဘၣ်ဘၣ်န့ၣ်လီၤ. ပမ့ၢ်တသုးကျဲၤမၤဘၣ်ကီၢ်တၢ်အိၣ်ဖှိၣ်ဖးဒိၣ် ဘၣ်ဆၣ် တနံၣ်အံၤပအိၣ်ဖှိၣ် သကိးဘၣ်ကမံးတံ၁်မၤတၢ် တၢ်အိၣ်ဖှိၣ်(၂)ဘျီ ဒီးနံၣ်ဖးဖီပၢဆှၢတၢ်ကမံးတံ၁်တၢ်အိၣ်ဖှိၣ်ဖဲ (၈.၁၁.၂ဝ၂၄)အနံၤ လၢကီၢ်ဝဲၤလီၢ်န့ၣ်လီၤ. နံၣ်ကတၢၢ်ပၢဆှၢတၢ်ကမံးတံ၁်တၢ်အိၣ်ဖှိၣ် ပအိၣ်ဖှိၣ်သကိးဖဲ (၂၁.၃.၂ဝ၂၅) အနံၤ လၢမၤမူထီၣ်ဘျၢထံခရံ၁်ဖိတၢ်အိၣ်ဖှိၣ် ဒီးဘၣ်တၢ်တူၢ်လိ၁်မု၁်ၦၤလၢ ကရူၢ်(၆) တၢ်အိၣ်ဖှိၣ်သ့ၣ် တဖၣ်န့ၣ်လီၤ. ပအိၣ်ဒီးတၢ်မၤလၤကပီၤက့ၤ (ကီၢ်ၦၤမၤတၢ်ဖိလၢ အအိၣ်ဘှံးလၢတၢ်မၤသ့ၣ်တဖၣ်ႇ သရၣ်သမါမၤတၢ်သးခုကစီၣ်ၦဲၤထီၣ်(၂၅)နံၣ်တဖၣ်ႇ ကီၢ်ဖိကီၢ်လံၤလၢအဖျိထီၣ်လံ၁်စီဆှံကၠိ(၂ဝ၂၅) တၢ်မၤလိနံၣ်သ့ၣ်တဖၣ်) တၢ်ရဲၣ်တၢ်ကျဲၤတဖၣ်န့ၣ်လီၤ. ပသးအိၣ်စံးဘျုးဘၣ်က့ၤ ၦၤကညီဘျၢထံခဝ့ၡၢၣ်ခိၣ်နၢ်တဖၣ်ႇ ၦၤမၤသကိးတၢ်ကိးဂၤ ဒီး ကီၢ်(၁၉)ဘ့ၣ် လၢဖဲပကီၢ်ဘၣ်ကွၢ်ဆၢၣ်မဲ၁်ဒီ ထံဒိၣ်နိယွၤႇ ဟီၣ်ခိၣ်ဟူးအကတီၢ်န့ၣ် သုပ၁်ဖျါသုတၢ်အဲၣ်ႇ တၢ်သူၣ်အိၣ်သးအိၣ်ဘၣ် ပကီၢ်ခီဖျိ ဆီၣ်ထွဲမၤစၢၤဒီးဆၢဂ့ၤဆၢဝါထုကဖၣ်လၢပကီၢ်အဂီၢ်အဃိ န့ၣ်လီၤ.

ကိးမုၢ်လါန့ၣ် ဝဲၤကျိၤလၢသးစၢ်တၢ်မၤဂီၢ်အိၣ်ဒီး တၢ်မၤလိလံ၁်စီဆှံတၢ်ရဲၣ်တၢ်ကျဲၤန့ၣ်လီၤ. တၢ်ရဲၣ်တၢ်ကျဲၤအံၤအတၢ်ပညိၣ်မ့ၢ်ဝဲဒၣ် ဒ်သိးဒီးၦၤကညီဘျၢထံခဝ့ၡၢၣ်အပူၤ သးစၢ်သ့ၣ်တဖၣ် ကမၤလိဘၣ်လံ၁်စီဆှံလၢဆဲးကျိးန့ၢ်တီၤအဂီၢ်န့ၣ်လီၤ. အဃိဒီးတနွံအံၤအိၣ်ဒီးတၢ်မၤလိလံ၁်စီဆှံ ခီဖျိသရၣ်ဂ့ၤကပီၤ(ပဘယဖႇ သရၣ်သိၣ်လိတၢ်) န့ၣ်လီၤ. ပဆၢလၢသူၣ်စၢ်သးဘိၣ်သ့ၣ်တဖၣ် ကဒိၣ်တု၁်ခိၣ်ၦဲၤလၢနီၢ်သးဒီး ကမၤလိသကိးကစၢ်ယွၤအကလုၢ်ကထါန့ၣ်လီၤ. ပမ့ၢ်အဲၣ်ဒိးမၤလိ သကိးဒီးပနု၁်လီၤလၢ ဆဲးကျိးန့ၢ်တီၤသ့ ဒ်လ၁်အံၤအသိးန့ၣ်လီၤ.

          Zoom ID – 4662061813

          Passcode – kbcdyw1955