Karen Baptist Convention

ၦၤကညီဘျၢထံခဝ့ရှၢၣ် ပိာ်ခွါဝဲၤကျိၤအိၣ်ဒီး ''Transforming Masculinity'' တၢ်မၤလိဖဲ ခဝ့ ရှၢၣ် နံၣ်(၁ဝဝ)တၢ်စံးဘျုးတၢ်သူၣ်ထီၣ်ႇ စးထီၣ်ဖဲလါစဲးပတ့ဘၢၣ်(၁၃)သီတုၤ(၁၅)သီန့ၣ်လီၤ. တၢ်မၤလိတဘျီအံၤ အိၣ် ဒီးတၢ်သိၣ်လိလံာ်စီဆှံလၢ-သရၣ်ဒိၣ်ကွၢ်လၢ်ယိၤသးတီ ဒီးၦၤသိၣ်လိတၢ်မ့ၢ်ဝဲ-သရၣ်ဘံၣ်လံၣ်ကၣ်မၠး(Thingaha Gender Organization)န့ၣ်လီၤ. ကီၢ်(၆)ဘ့ၣ်လၢအမ့ၢ်-ကီၢ်ထးခီႇ ကီၢ်တကူၣ်ႇ ကီၢ်ဆီထံးႇ ကီၢ်တီအူပကူႇ တီအူ ကီၢ်ကဲၤခၢၣ်ကဲၤဘါႇ ဒီးကီၢ်ကယါဖူး ခၢၣ်စးတဖၣ်ဟဲထီၣ်တၢ်မၤလိအံၤန့ၣ်လီၤ. ၦၤဟဲထီၣ်ခဲလၢအိၣ်ဝဲအဂၤ (၂ဝ) န့ၣ်လီၤ.

ပိာ်ခွါဝဲၤကျိၤ
ထံကီၢ်တၢ်အိၣ်သးဒီး တၢ်ဆူးတၢ်ဆါ အတၢ်ဆီၣ်သန့မ့ၢ်အိၣ်ဝဲထဲလဲၣ်ထဲ လဲၣ်သနာ်က့ဒ်သိးဒီးၦၤကညီဘျၢထံခဝ့ၡၢၣ်ပိာ်ခွါ ဝဲၤကျိၤကလဲၤတၢ်ဆူညါ အဂီၢ် ကစၢ်ယွၤနဲၣ်ကျဲၤဒီး ဆိၣ်ဂ့ၤၦၤအဃိစံးဘျုးဘၣ် ကစၢ်ယွၤအဘျုး အဖှိၣ်န့ၣ်လီၤ. ဝဲၤကျိၤၦၤမၤသကိးအိၣ်ဝဲ(ခံ)ဂၤန့ၣ်လီၤ. လၢတၢ်အိၣ်သး အဖီခိၣ်ထံၣ်လိာ်သကိးဘၣ်သးလၢ မဲာ်သကိးမဲာ်အိၣ်ဝဲ ဘၣ်ဆၣ်အါဒၣ်တက့ၢ် ရ့လိာ်မၤသကိးဘၣ်တၢ်လၢ (Online) န့ၣ်လီၤ. တၢ်အိၣ်ဖှိၣ်ရိဖှိၣ်ႇ တၢ်မၤလိ တၢ်ရဲၣ်တၢ်ကျဲၤတဖၣ်ဒီး တလါတဘျီပိာ်ခွါတဖၣ်တၢ်ရ့လိာ်မုာ်လိာ်တၢ်ရဲၣ် တၢ်ကျဲၤမၤဘၣ်ဝဲ ဒ်အလီၢ်အိၣ်ဝဲအသိးန့ၣ်လီၤ. တကးဘၣ်တၢ်ဘၣ်ထွဲမၤ သကိးဘၣ်တၢ်ဒီး ကီၢ်ပံၤယီၤဘျၢထံပိာ်ခွါဝဲၤကျိၤအတၢ်ဖံးတၢ်မၤတဖၣ်န့ၣ်လီၤ. ဒ်န့ၢ်အသိးသုးကျဲၤမၤဘၣ် ပိာ်ခွါဝဲၤကျိၤတၢ်ဂ့ၢ်မိၢ်ၦၢ်အံၤလၢ၂ဝ၂၃နံၣ်ဒီးဆူ ညါအဂီၢ်စ့ၢ်ကီးန့ၣ်လီၤ. စံးဘျုးဘၣ်ကီၢ်ဖိကီၢ်လံၤ ခဝ့ၡၢၣ်ခိၣ်နၢ်ၦၤမၤသကိး တၢ်ဒီး ကီၢ်ခိၣ်ကီၢ်နၢ်ႇ ကီၢ်ခၢၣ်စးတဖၣ်လၢ သုမၤသကိးတၢ်ဒီး ဝဲၤကျိၤ ခီဖျိ တၢ်ထုကဖၣ်ႇ စုအတၢ်ဟ့ၣ်ဒီး တၢ်လၢအလိၣ် ကျဲကိးကပၤဒဲး အဃိန့ၣ်လီၤ. ပနာ်လၢခါဆူညါစ့ၢ်ကီး သုကမၤသကိးတၢ်အဂီၢ်န့ၣ်လီၤ. မ်ယွၤအတၢ်ဆိၣ် ဂ့ၤကလီၤဘၣ်သုကိးဂၤအလိၤထူးထူးတီၤတီၤတက့ၢ်.