Karen Baptist Convention

ယွၤဂ့ၢ်ပီညါဝဲၤကျိၤ အိၣ်ဒီးခီဖရဲး (၂)နံၣ်တဘျီ လၢဘၣ်တၢ်မၤအီၤလၢ လံ၁်စီဆှံကၠိသ့ၣ်တဖၣ်လီၤ. ဘၣ်ဆၣ်မ့ၢ်လၢ ထံကီၢ်တၢ်အိၣ်သးသ့ၣ်တဖၣ်အဃိ ပတမၤဘၣ်ခီဖရဲးလၢ မဲ၁်သကိးမဲ၁်ဘၣ်ဆၣ် ကစၢ်ယွၤအိးဟိထီၣ်စ့ၢ်ကီးတၢ်ဆိၣ်ဂ့ၤအကျဲလၢ ပကမၤဘၣ်အီၤလၢ ဆဲးကျိၤန့ၢ်တီၤန့ၣ်လီၤ. တနံၣ်အံၤ ပမၤဘၣ် ခီဖရဲး (၁၄)ဘျီတဘျီဖဲ လါအီးကထိးဘၢၣ် ၂၃-၂၅သီႇ ၂ဝ၂၄ လၢ ဆဲးကျိၤန့ၢ်တီၤဒီး တၢ်တိ၁်ထူမ့ၢ်ဝဲ -လၢကသူၣ်ထီၣ်တၢ်လီၤပှီၢ် ယွၤခ့ၦၤကျဲးစၢးနီၣ်နီၣ် (ဧ့စြၤ ၇း၁ဝႇ နဃ့မယၤ ၂း၁၇-၁၈ႇ ၁ကရံၣ်သူး ၁၅း၅၈) န့ၣ်လီၤ. ဝဲၤကျိၤကၠိ (၁၆)ဖျၢၣ် ကၠိခိၣ်^ကၠိခိၣ်စၢၤဒီးကၠိသရၣ်^မုၣ်ဒီး ကၠိမၤတံၤမၤသကိး လၢအမ့ၢ် ဖုမ့ၢ်စံၣ်လံ၁်စီဆှံကၠိခိၣ်  ခဲလၢ၁် ပ၁်ဖှိၣ်(၈၆)ဂၤ ထီၣ်သကိးတၢ်ရဲၣ်တၢ်ကျဲၤတဘျီအံၤလီၤ. လၢတၢ်အိးထီၣ်တၢ်ရဲၣ်တၢ်ကျဲၤတၢ်ဘါ ကတီၢ် ကွဲမု၁်စ့ၢ်ကီး ခဝ့ၡၢၣ်ခိၣ်နၢ်အိၣ်မူအိၣ်ဒါသ့ၣ်တဖၣ်လၢ တၢ်ကတိၤဆၢဂ့ၤႇ တၢ်ကစီၣ်ႇ တၢ်ထုကဖၣ်ဒီး တၢ်ဆိၣ်ဂ့ၤပျၢ်တၢ်အဂီၢ်လီၤ. တနံၤဘၣ်တနံၤပအိၣ်ဒီး တၢ်မၤလိသကိးလံ၁်စီဆှံ လၢအဘၣ်ထွဲဒီးတၢ်တိ၁်ထူႇ အိၣ်ဒီး သရၣ်^မုၣ်တဖၣ်အတၢ်ဟ့ၣ်ထီၣ်
တၢ်ဂ့ၢ်သ့ၣ်တဖၣ်ဒီး ပအိၣ်စ့ၢ်ကီးဒီး ကၠိတဖျၢၣ်ဘၣ်တဖျၢၣ်အတၢ်ပ၁်ဖျါသ့ၣ်တဖၣ်န့ၣ်လီၤ. ခီဖရဲးတဘျီအံၤ ၦၤသိၣ်လိလံ၁်စီဆှံတဖၣ်မ့ၢ်ဝဲ သရၣ်ဒိၣ်ဒီးကထၢၣ်ဖျါစိႇ သရၣ်ဒိၣ်ယိၤသးထံဒီး သရၣ်မုၣ်လါဖီ ဒီးၦၤဟ့ၣ်ထီၣ်တၢ်ဂ့ၢ်တဖၣ်မ့ၢ်ဝဲ သရၣ်မုၣ်ဒိၣ်ဒီးကထၢၣ်စ့လွဲၢ်ဝါႇ သရၣ်ဒီးကထၢၣ်စံၣ်သူၣ်ထိႇ ဒီး သရၣ်မုၣ်မူခိၣ်ဖီ
န့ၣ်လီၤ. ခီဖရဲးတဘျီအံၤ ပပျၢ်က့ၤအီၤလၢ တၢ်ပ၁်စီဆှံသးတၢ်ဘါ ဒီးကီၢ်ဟီကတးလံ၁်စီဆှံကၠိမၤသကိးတၢ်လၢတၢ် ဘူၣ်တၢ်ဘါတဘျီအံၤန့ၣ်လီၤ.

ခီဖျိကစၢ်ယွၤအဘျုးအဖှိၣ်အဃိ တနံၣ်အံၤလဲၤအိၣ်သကိးဘၣ် ကီၢ်လံ၁်စီဆှံကၠိ (၂)ဖျၢၣ်လၢ ၂ဝ၂၄-
၂ဝ၂၅ တၢ်မၤလိနံၣ်  အတၢ်အိးထီၣ်ကၠိတၢ်ဘူၣ်တၢ်ဘါတၢ် ရဲၣ်တၢ်ကျဲၤလၢတၢ်မၤသကိးတၢ်လၢတၢ်ဟ့ၣ်ခီဟ့ၣ်နီၤ
ကစၢ်ယွၤကလုၢ်ကထါန့ၣ်လီၤ. ဖဲလါမ့ၤ ၃ဝသီႇ ဂီၤ ၉းဝဝနၣ်ရံၣ်လဲၤဟ့ၣ်ခီဟ့ၣ်နီၤဘၣ်ကစၢ်ယွၤကလုၢ်ကထါဖဲ ကီၢ်တကူၣ်လံ၁်စီဆှံကၠိအိးထီၣ်တၢ်ဘူၣ် တၢ်ဘါတၢ် ရဲၣ်တၢ်ကျဲၤဒီးဖဲလါယူၤ၅သီႇဂီၤ၁ဝးဝဝနၣ်ရံၣ်လဲၤဟ့ၣ်ခီဟ့ၣ်နီၤက
စၢ်ယွၤကလုၢ်ကထါဖဲ ကီၢ်ဖၣ်အၣ် မီၣ်လမၠဲၣ်လံ၁်စီဆှံကၠိအိးထီၣ်တၢ် ရဲၣ်တၢ်ကျဲၤန့ၣ်လီၤ. တၢ်ကီတၢ်ခဲႇ တၢ်တၤတဖၣ်
အိၣ်ဝဲအါမံၤဘၣ်ဆၣ်ႇ ပလံ၁်စီဆှံကၠိခိၣ်ႇ ကၠိနၢ်ႇ ကၠိသရၣ်/မုၣ်ဒီး ကၠိထြၢးစတံကမံးတံ၁်တဖၣ် လၢတၢ်စူၢ်တၢ်န၁်အဂၢၢ်
အကျၢၤဖးဒိၣ်အပူၤအိးထီၣ်ဘၣ် လံ၁်စီဆှံကၠိလၢ ၂ဝ၂၄-၂ဝ၂၅ တၢ်မၤလိနံၣ်အဂီၢ်န့ၣ်လီၤ. ဃ့ကညးဘၣ်လၢ ပဝဲခဝ့ရှၢၣ်
ဖိလံၤကိးဂၤ ပကသ့ၣ်နီၣ်ထု ကဖၣ်လၢ ပလံ၁်စီဆှံကၠိသ့ၣ်တဖၣ်အဂီၢ်န့ၣ်တက့ၢ်.

လၢကစၢ်ယွၤအဘျုးအဖှိၣ်အဃိ ပဝဲၦၤကညီဘျၢထံခဝ့ရှၢၣ် ယွၤဂ့ၢ်ပီညါဝဲၤကျိၤႇ ယွၤဂ့ၢ်ပီညါဟ့ၣ်ဂံၢ်ဟ့ၣ်ဘါဟံးစုနဲၣ်ကျဲ
ပရူၢ်ပလဲၤဘၣ်ဆူ ဖုအီၣ်ဒွ့လံ၁်စီဆှံကၠိ (ဝ့ၣ်ပၠ့ၣ်အူလွ့ၣ်ႇကီၢ်ထးခီ)န့ၣ်လီၤ. တၢ်လဲၤတဘျီအံၤအိၣ်ဒီးတၢ်ပညိၣ်တၢ်ကွၢ် စိလၢ 
အမ့ၢ်တၢ်ထံၣ်လိ၁်ရ့လိ၁်မု၁်လိ၁်သးအဂီၢ်မ့ၢ်ဂ့ၢ်ႇ တၢ်ဟ့ၣ်ဂံၢ်ဟ့ၣ်ဘါဟံးစုနဲၣ်ကျဲအဂီၢ်မ့ၢ်ဂ့ၢ်ႇ တၢ်ဘၣ်ထွဲတုၤအိၣ်လိ၁် သးကဂ့ၤအါထီၣ်အဂီၢ်န့ၣ်လီၤ. ပထံၣ်လိ၁်ဘၣ်သးဒီးကၠိခိၣ်ႇ သရၣ်၊မုၣ်ဒီးကၠိၦၤမၤသကိးတၢ်တဖၣ်အဆၢကတီၢ်တကတီၢ်ဒီး ထံၣ်လိ၁် သးဒီးကၠိဖိတဖၣ်တကတီၢ်န့ၣ်လီၤ. ပတၢ်ထံၣ်လိ၁်ဘၣ်သးရ့လိ၁်မု၁်လိ၁်သးတဘျီအံၤ ပသ့ၣ်ညါအါထီၣ်ဘၣ်ပကၠိ တဖၣ်အတၢ်အိၣ်သးႇ အတၢ်ကျဲးစၢးအဃိ ပဒိးန့ၢ်ဘၣ်တၢ်သူၣ်မံသးမံဒိၣ်မးန့ၣ်လီၤ. စံးဘျုးဘၣ်ၦၤဘၣ်မူဘၣ်ဒါကိးဂၤလၢ အတၢ် တူၢ်လိ၁်မုၣ်ၦၤလၢအလၢဝဲၦဲၤဝဲဒိၣ်မးအဃိန့ၣ်လီၤ.

လံ၁်လၢပဒိးန့ၢ်ဘၣ်အီၤသ့လၢ ၦၤကညီဘျၢထံခဝ့ၡၢၣ်ႇ ယွၤဂ့ၢ်ပီညါဝဲၤကျိၤသ့ၣ်တဖၣ် မ့ၢ်ဒ်လ၁်အံၤအသိးန့ၣ်လီၤ.
Christian sects -2800 ks
World religions -1500 ks
Pastoral theology -2500 ks
Parliamentary -1000 ks
Baptist Beliefs -1500 ks
Revelation -1500 ks

Contact No-09453581188

++ တိၢ်နီၣ် - ဒ်တၢ်ဆၢကတီၢ်တၢ်အိၣ်သးအသိ လံ၁်လဲၢ်အၦ့ၤတၢ်ဆီတလဲအိၣ်ထီၣ်သ့လီၤ.

ၦၤကညီဘျၢထံခ၀့ၡၢၣ်ယွၤဂ့ၢ်ပီညါ၀ဲၤကျိၤ ဒ်ခံနံၣ်တဘျီအိၣ်ဒီး တၢ်ရဲၣ်တၢ်ကျဲၤလၢအမ့ၢ် ခီဖရဲးလၢသရၣ်, သရၣ်မုၣ်တဖၣ် တၢ်ထံၣ်လိာ်ရ့လိာ်မုာ်လိာ်ဘၣ်သးဒီး မၤလိသကိးဘၣ်တၢ်အဂီၢ်န့ၣ်လီၤ.တနံၣ်အံၤ စ့ၢ်ကီးအိၣ်ဒီး ခီဖရဲး(၁၃)ဘျီတဘျီ တၢ်ရဲၣ်တၢ်ကျဲၤ ခီဖျိဆဲးကျိးန့ၢ်တီၤန့ၣ်လီၤ.တနံၣ်အံၤတၢ်တိာ်ထူမ့ၢ်၀ဲၤ- ''ဘါထုကဖၣ်တထံၣ်ဃီ, မၤထွဲယွၤကလုၢ်တီတီ"(Unceasing Pray and Faithful in the Words) မၤတၢ် ၆း၄, စီၤဒၤနံးယ့လး ၁း၈, လံာ်လီၣ်ဖျါ ၁၉း၁၃ န့ၣ်လီၤ. ခီဖရဲးအံၤ ဘၣ်တၢ်မၤအီၤလၢ(၃)သီအတီၢ်ပူၤ စးထီၣ်ဖဲ လါအီးကထိဘၢၣ်(၁၉) သီ တုၤ (၂၁)သီ, ၂၀၂၂နံၣ်န့ၣ်လီၤ. သရၣ်သိၣ်လိတၢ်တဖၣ်မ့ၢ်၀ဲ- သရၣ်ဒိၣ်ဒီးကထၢၣ်ဆၣ်မုၢ်ထီၣ်, သရၣ်ဒိၣ်ဒီးကထၢၣ်သ့ရွှ့ၣ် ဒီးသရၣ်ဒီးကထၢၣ်စီလမိၣ်အူဖ့ၣ်ထူတဖၣ်န့ၣ်လီၤ.သရၣ်သိၣ်လိလံာ်စီဆှံတဖၣ်မ့ၢ်၀ဲၤ- သရၣ်ဒိၣ်ကပီၤမူ, သရၣ်စၤလမိၣ် ဒီး သရၣ်မုၣ်ခဲးဖၢးစတံနၣ်တဖၣ်န့ၣ်လီၤ.တၢ်ရဲၣ်တၢ်ကျဲၤတၢတသီ ဘၣ်တၢ်စးထီၣ်အီၤဖဲ လါအီးကထိဘၢၣ်(၁၉)သီ,ဂီၤ(၉) နၣ်ရံၣ် ခီဖျိတၢ်ဘူၣ်တၢ်ဘါတၢ်ရဲၣ်တၢ်ကျဲၤန့ၣ်လီၤ. တၢ်ဘါကတီၢ် ၦၤပၢၤလီၢ်ဆ့ၣ်နီၤမ့ၢ်၀ဲၤ.-သရၣ်မုၣ်မူမုၢ်၀ါ (၀ဲၤကျိၤၦၤနဲၣ် တၢ်သဃဲၤ), တၢ်ကတိၤဆၢဂ့ၤ- သရၣ်ဒိၣ်ယွၤဒုးမူ(ခ၀့ၡၢၣ်နဲၣ်ရွဲၣ်), တၢ်ကတိၤတူၢ်လိာ်- သရၣ်ဒိၣ်ဟူဆၢ (၀ဲၤကျိၤ ၦၤပၢၤလီၢ်ဆ့ၣ်နီၤ), တၢ်ကစီၣ်-သရၣ်မုၣ်ဒီးကထၢၣ်လ့ထူ(နဲၣ်ရွဲၣ်သဃဲၤ), တၢ်ထုကဖၣ်-သရၣ်မုၣ်ၡံထၣ်ဖီ(ၦၤပၢၤစ့), တၢ်ကတိၤစံးဘျုး-သရၣ်မုၣ်လါဖီ (၀ဲၤကျိၤၦၤနဲၣ်တၢ်) ဒီးတၢ်ဆိၣ်ဂ့ၤပျၢ်- သရၣ်ဒိၣ်ယွၤဒုးမူ(ခ၀့ၡၢၣ်နဲၣ်ရွဲၣ်)တဖၣ် န့ၣ်လီၤ. ၀ဲၤကျိၤကၠိ(၁၄)ဖျၢၣ်ဒီး ကၠိမၤတံၤမၤသကိး(၂)ဖျၢၣ် ခၢၣ်စး, ကၠိခိၣ်တဖၣ်  ဒီးသရၣ်,သရၣ်မုၣ်သိၣ်လိတၢ်ခဲလၢာ် ပာ်ဖှိၣ်(၈၀)ဂၤ ဟဲထီၣ်သကိးခီဖရဲးတဘျီအံၤန့ၣ်လီၤ.

ယွၤဂ့ၢ်ပီညါဝဲၤကျိၤ

တနံၣ်အံၤၦၤကညီဘျၢထံခဝ့ၡၢၣ်အပူၤ ကီၢ်လၢအိၣ်ဒီးလံာ်စီဆှံကၠိတဖၣ် အိးထီၣ်ဘၣ်က့ၤကၠိတနီၤန့ၣ်လီၤ. ကၠိလၢ အိးထီၣ်တဖၣ်မ့ၢ်ဝဲ- ကီၢ်ဟီကတးလံာ်စီဆှံကၠိ (သရၣ်မုၣ် (၁၅)ဂၤ) အိးထီၣ်ဖဲ(၁၈.၇.၂ဝ၂၂), ကီၢ်တီအူပကူ (သရၣ်မုၣ် (၂ဝ)ဂၤႇ ကီၢ်တကူၣ်လံာ်စီဆှံကၠိ(သရၣ်မုၣ် (၂ဝ)ဂၤႇ ကၠိဖိမုၣ်ခွါ(၂၁ဝ)ဂၤႇ အိးထီၣ်ဖဲ(၂၆.၅.၂ဝ၂၂), ကီၢ်ပၠံၣ်-သၣ်ယၣ်ဝတံၣ် (သရၣ်မုၣ် (၁၂)ဂၤႇ ကၠိဖိမုၣ်ခွါ(၂၁)ဂၤ အိးထီၣ်ကၠိဖဲ(၁.၆.၂ဝ၂၂), ကီၢ်ကၠးအ့လံာ်စီဆှံကၠိ(သရၣ်မုၣ် (၁၅)ဂၤႇ ကၠိဖိမုၣ်ခွါ(၁၂၄)ဂၤ အိးထီၣ်ကၠိဖဲ(၁.၆.၂ဝ၂၂), ကီၢ်ဖၣ်အၣ်မီၣ်လမၠဲၣ်လံာ်စီဆှံကၠိ(သရၣ်မုၣ် (၁၁)ဂၤႇ ကၠိဖိမုၣ်ခွါ(၁ဝ၃)ဂၤ အိးထီၣ်ကၠိဖဲ(၈.၆.၂ဝ၂၂), ကီၢ်ဆီထံးလံာ်စီဆှံကၠိ(သရၣ်^မုၣ် (၁၉)ဂၤႇ ကၠိဖိမုၣ်ခွါ(၁၄၉)ဂၤ အိးထီၣ်ကၠိဖဲ(၅.၆.၂ဝ၂၂),
ကီၢ်ပကိတကူၣ်လံာ်စီဆှံကၠိ(သရၣ်မုၣ် (၉)ဂၤႇ ကၠိဖိမုၣ်ခွါ(၂၅)ဂၤ အိးထီၣ်ကၠိဖဲ(၁၇.၅.၂ဝ၂၂),
ဖုအီၣ်ဒွ့လံာ်စီဆှံကၠိ(သရၣ်မုၣ် (၁၇)ဂၤႇ ကၠိဖိမုၣ်ခွါ(၂ဝ)ဂၤ အိးထီၣ်ကၠိဖဲ(၁၈.၅.၂ဝ၂၂),
ကီၢ်ပသံၣ်မၠီမၠးလံာ်စီဆှံကၠိ ကက့ၤအိးထီၣ်ကၠိဖဲ(၁.၈.၂ဝ၂၂)စ့ၢ်ကီးန့ၣ်လီၤ.
ၦၤကညီဘျၢထံခဝ့ၡၢၣ်ယွၤဂ့ၢ်ပီညါဝဲၤကျိၤ စံးဘျုးယွၤလၢတၢ်ဖံးတၢ်မၤတဖၣ်အဃိလီၤ. ၂ဝ၂၂နံၣ် စးထီၣ်ဒီးတုၤခဲအံၤ တၢ်မၤတဖၣ်တမၤဘၣ်အါအါ သနာ်က့ဝဲၤကျိၤဒိးန့ၢ်ဘၣ်ၦၤသူၣ်အိၣ်သးအိၣ်တၢ် အတၢ်ဟ့ၣ်ဒီးမၤဘၣ် တၢ် သးခုကစီၣ်အတၢ်မၤဆူ ၦၤဘၣ်ကီဘၣ်ခဲသ့ၣ်တဖၣ် ခီဖျိလၢတၢ်ဟ့ၣ်ဆီၣ်ထွဲတဖၣ်လီၤ. မ့ၢ်လၢကၠိတဖၣ် ကက့ၤအိးထိၣ်ဝဲအဃိ တၢ်ထုးထီၣ်က့ၤလံာ်လၢ အလၢာ်တဖၣ်အကလုာ်ကလုာ်လီၤ. ၦၤကညီဘျၢထံခဝ့ၡၢၣ်လံာ်စီဆှံကၠိလၢ ဆိကတီၢ်သ့ၣ်တဖၣ်စ့ၢ်ကီး ဂုာ်ကျဲးစၢးလၢကအိးထီၣ်က့ၤ ကိးဖျၢၣ်လံန့ၣ်လီၤ.