Karen Baptist Convention

ၦၤကညီဘျၢထံခဝ့ၡၢၣ် သရၣ်သမါဝဲၤကျိၤအိၣ်ဒီးတၢ်ကတိၤလီၤဆီ တၢ်ဂ့ၢ်ဘၣ်ထွဲဒီး "တၢ်တ့တၢ်ဖျီဆၢက့ၤ", ဒီးတၢ်ရဲၣ်တၢ်ကျဲၤအံၤဘၣ်တၢ်သုးကျဲၤမၤအီၤလၢ ဆဲးကျိးန့ၢ်တီၤ ဖဲ လါဒံၢ်စ့ဘၢၣ်(၁၁)သီႇ ၂ဝ၂၅အနံၤ ဟါ(၇)နၣ်ရံၣ် န့ၣ်လီၤ. ဘၣ်တၢ်သိၣ်လိလၢ သရၣ်ဒိၣ်ဒီးကထၢၣ်ခရံာ်စတိၣ်ဖၢၣ်ဒ့(ပ.ဘ.ယ. ဖကၠိခိၣ်)န့ၣ်လီၤ. ၦၤပၢၤလီၢ်ဆ့ၣ်နီၤ-သရၣ်ဒိၣ်စၢ်ဟ့ၣ်ဂ့ၤ(ၦၤနဲၣ်တၢ်ႇ ၦၤကညီဘျၢထံခဝ့ၡၢၣ် သရၣ်သမါဝဲၤကျိၤ), တၢ်ထုကဖၣ်လၢ- သရၣ်ဒိၣ်ဒီးကထၢၣ် လ့ကယၢၣ်န့ၣ်လီၤ. ၦၤဟဲထီၣ်တၢ်မၤလိတဘျီအံၤ (devices) အိၣ်ဝဲ ၇ဝ ခါန့ၣ်လီၤ.

ၦၤကညီဘျၢထံခဝ့ၡၢၣ် တၢ်ဘၣ်ထွဲတုၤအိၣ်လိာ်သးဝဲၤကျိၤ  အိၣ်ဒီး တၢ်သုးကျဲၤထုးထီၣ်လံာ်တၢ်န့ၢ်သါအဃံအလၤ နီၣ်ဂံၢ်(၁၆) လၢအအိၣ်ဒီး ထါသးဝံၣ်ကစၢ်ယွၤအယုၢ်(၆ဝ)အၦၤကွဲးထါတဖၣ် အသးသမူအဂ့ၢ်ဖုၣ်ကိာ်ႇ တၢ်သံကျံလၢ ထါသးဝံၣ်ကစၢ်ယွၤအပူၤအတၢ်ပာ်ဖျါအဂ့ၢ်ႇ လံာ်စီဆှံဘၣ်ထဲတွၢ်သူၣ်ဝံၣ်သးဆၢတဖၣ်န့ၣ်လီၤ. ၦၤကွဲးလံာ်မ့ၢ်ဝဲ သရၣ်မုၣ်ဒီးကထၢၣ်ဖဲပလဲန့ၣ်လီၤ. မ့ၢ်လံာ်ဒိၣ်ၦ့ၤဒိၣ်တဘ့ၣ်အဃိ ပၦ့ၤဖး ဟ့ၣ်ဂံၢ်ဟ့ၣ်ဘါသကိးသ့ဝဲန့ၣ်လီၤ. လံာ်အံၤဒိးန့ၢ်သ့လၢ တၢ်ဘၣ်ထွဲတုၤအိၣ်လိာ်သးဝဲၤကျိၤ ဒီး ခဝ့ၡၢၣ်တၢ်ဆါလံာ်ကျး စးထီၣ်လါ ဒံၢ်စ့ဘၢၣ်(၁၈)သီႇ ၂ဝ၂၅နံၣ်အပူၤန့ၣ်လီၤ.န့ၣ်လီၤ.

ၦၤကညီဘျၢထံခဝ့ၡၢၣ် တၢ်ကတဲာ်ကတီၤဒုးဒိၣ်ထီၣ်ထီထီၣ်ခိၣ်နၢ်ဝဲၤကျိၤအိၣ်ဒီး တၢ်မၤလၤကပီၤ ၦၤလၢအဒိးန့ၢ်ဘၣ် (Ph.D)တဖၣ်လၢ အအိၣ်လၢ ကီၢ်တဖၣ်အပူၤ ဖဲလါနိၣ်ဝ့ဘၢၣ်(၂ဝ)သီႇ ဟါ (၇းဝဝ)နၣ်ရံၣ် ဖဲပၢဆှၢတၢ်ကမံးတံာ်တၢ်အိၣ်ဖှိၣ် အဆၢကတီၢ်ဝံၤအလီၢ်ခံ န့ၣ်လီၤ. တၢ်ရဲၣ်တၢ်ကျဲၤတဘျီအံၤ ၦၤပၢၤလီၢ်ဆ့ၣ်နီၤလၢ -သရၣ်ဒိၣ်ဘျုးဟဲမ့ဖ့ၣ်(ဝဲၤကျိၤ-ၦၤပၢၤလီၢ်ဆ့ၣ်နီၤ), တၢ်ကတိၤဒိၣ်မၤလၤကပီၤလၢ -သရၣ်မုၣ်ဒိၣ်ဒီးကထၢၣ်ဖီဂီၤ(ၦၤကညီဘျၢထံခဝ့ၡၢၣ်-ကရၢခိၣ်စၢၤ), တၢ်ဖးဖျါတၢ်ဟ့ၣ်လံာ်မၤလၤကပီၤ ဒီးဟ့ၣ်လီၤလံာ်မၤလၤကပီၤလၢ-သရၣ်ဒိၣ် ဒီးကထၢၣ်မိစဲသ့ (ၦၤနဲၣ်တၢ်) တၢ်သးဝံၣ်လၢ- သရၣ်မုၣ်ဆၢန့ၢ်ဂ့ၤဒီးအသကိးႇ တၢ်ထုကဖၣ်လၢ- သရၣ်မုၣ်ဒိၣ်ဒီးကထၢၣ်လ့ထူ (ၦၤကညီဘျၢထံ ခဝ့ၡၢၣ်- နဲၣ်ရွဲၣ်သဃဲၤ), တၢ်ကတိၤစံးဘျုးလၢ ၦၤနဲၣ်တၢ်ဝံၤႇ ပျၢ်က့ၤတၢ်ရဲၣ်တၢ်ကျဲၤတဘျီအံၤလၢ သရၣ်ဒိၣ်ယွၤဒုးမူ (ၦၤကညီဘျၢထံခဝ့ၡၢၣ်-နဲၣ်ရွဲၣ်)န့ၣ်လီၤ.ၦၤဒိးန့ၢ်တၢ်မၤလၤကပီၤအိၣ်ဝဲ(၃၇)ဂၤ ဒီး ၦၤဟဲထီၣ်တၢ်ရဲၣ်တၢ်ကျဲၤအံၤခဲလၢာ် လၢ(devices-၆၅)ခါ န့ၣ်လီၤ.

ၦၤကညီဘျၢထံခဝ့ၡၢၣ် ပိာ်ခွါဝဲၤကျိၤ အိၣ်ဒီးပိာ်ခွါခီကရဲးခံဘျီတဘျီ ဖဲဖြဲးဘျီၣ်ရိဖှိၣ်ႇ ဝ့ၢ်တကူၣ်ႇ ကီၢ်တကူၣ်န့ၣ်လီၤ. တၢ်ရဲၣ်တၢ် ကျဲၤအံၤ ဘၣ်တၢ်မၤအီၤစးထီၣ်ဖဲ လါဒံၢ်စ့ဘၢၣ်(၃)သီတုၤ (၅)သီႇ ၂ဝ၂၅နံၣ်န့ၣ်လီၤ. တၢ်တိာ်ထူမ့ၢ်ဝဲ-''ဂၢၢ်ကျၢၤလၢတၢ်နာ် ဆူၣ်ထီၣ်လၢ တၢ်မၤမံးၡၢၣ်အတၢ်မၤ"(ဝံယၡါယၤ ၄၁း၁ဝႇ ဒၤနံးယ့လး ၃း၁၇-၁၈ႇ ၁ကရံၣ်သူး ၁၆း၁၃ႇ မးသဲ ၂၈း၁၉-၂ဝ)န့ၣ်လီၤ. အိၣ်ဒီးတၢ်ပညိၣ်လၢအမ့ၢ်- "ဒ်သိးပိာ်တံၢ်ပိာ်ခွါတဖၣ် လၢအအိၣ်လၢ ၦၤကညီဘျၢထံခဝ့ၡၢၣ်တၢ်အိၣ်ဖှိၣ်တဖၣ်ကနၢ်ပၢၢ်ထံ ဒီးဟံးဃာ်ဂၢၢ်ကျၢၤ ဘျၢထံခရံာ်ဖိအတၢ်စူၢ်တၢ်နာ်ဒီး သူၣ်ဆူၣ်သးဂဲၤအါထီၣ်လၢ မံးၡၢၣ်တၢ်မၤအဂီၢ်"န့ၣ်လီၤ. အိၣ်ဒီးတၢ်အိးထီၣ်တၢ်ဘါတၢ်ရဲၣ်တၢ်ကျဲၤ ဖဲလါဒံၢ်စ့ဘၢၣ်(၃)သီဂီၤ(၆း၃ဝ)န့ၣ်လီၤ. ၦၤပၢၤလီၢ်ဆ့ၣ်နီၤမ့ၢ်ဝဲ-သရၣ်ဝ့ဘံၣ်(ပိာ်ခွါဝဲၤကျိၤ ၦၤနဲၣ်တၢ်), နီၣ်ဝံာ်ခံတၢ်အတၢ်ကတိၤလၢ-သရၣ်ထဲနစၢၣ်ၡီ(ပိာ်ခွါဝဲၤကျိၤ ၦၤပၢၤလီၢ်ဆ့ၣ်နီၤ), တၢ်သးဝံၣ်လၢ- ပိာ်ခွါဝဲၤကျိၤကမံးတံာ်ဖိတဖၣ်ႇ တၢ်ကတိၤဆၢဂ့ၤ-သရၣ်ဒိၣ်ယွၤဒုးမူ(နဲၣ်ရွဲၣ်), ဖးဖျါလံာ်တၢ်ဆၢဂ့ၤလၢ-သရၣ်သီတူၢ်(ကီၢ်ပံၤယီၤဘျၢထံခဝ့ၡၢၣ် ပိာ်ခွါဝဲၤကျိၤခၢၣ်စး), တၢ်ကတိၤဆၢဂ့ၤ-သရၣ်ဒိၣ်လွ့ၣ်နဲၣ်အူ (ကီၢ်ပံၤယီၤဘျၢထံခဝ့ၡၢၣ်ပိာ်ခွါဝဲၤကျိၤခၢၣ်စး)ႇ တၢ်သးဝံၣ်ႇ နၢမူလူၢ်တၢ်အိၣ်ဖှိၣ်ႇ တၢ်ကစီၣ်-သရၣ်ဒိၣ်ပ့ၢ်ချ့ႇ တၢ်ထၢဖှိၣ်ခါတၢ်သးဝံၣ်လၢ- ခ့ၣ်ဘံၣ်စံၣ်တၢ်အိၣ်ဖှိၣ်ႇ တၢ်ထုကဖၣ်-သရၣ်ဒိၣ်ဒီးကထၢၣ်စဲမစၢၣ်(ကီၢ်ပံၤယီၤဘျၢထံခဝ့ၡၢၣ်ကရၢခိၣ်), တၢ်ဆိၣ်ဂ့ၤပျၢ်လၢ-သရၣ်ဒိၣ်လွဲၢ်ထူန့ၣ်လီၤ. ကိးနံၤဒဲးဂီၤ(၉)နၣ်ရံၣ်တုၤ (၁ဝ)နၣ်ရံၣ် တၢ်သိၣ်လိလံာ်စီဆှံ ဒီးၦၤသိၣ်လိဟ့ၣ်ခီဟ့ၣ်နီၤတၢ်တဖၣ်မ့ၢ်ဝဲ- သရၣ်မုၣ်ဒိၣ်ဘျုးသီ(ကိၣ်သၣ်ဖၠူၣ်လံာ်စီဆှံကၠိသရၣ်မုၣ်), သရၣ်ဒိၣ်ဒီးကထၢၣ်စီလမိၣ်အိဖ့ၣ်ထူ(ဘ.ပ.ယ.ဖ), သရၣ်ဒီးကထၢၣ်တီဂ့ၤ (YKBBS) တဖၣ်န့ၣ်လီၤ. ကိးဂီၤ (၁ဝ)နၣ်ရံၣ်တုၤ(၁ဝး၃ဝ) တၢ်သူၣ်ဝံၣ်သးဆၢႇ  ဂီၤ(၁ဝး၃ဝ)တုၤ (၁၂)နၣ်ရံၣ် မ့ၢ်တၢ်ဟ့ၣ်ထီၣ်(၁) လၢသရၣ်ဒိၣ်ဒီးကထၢၣ်စါရၢးစ်စ့ၣ်ႇ တၢ်ဟ့ၣ်ထီၣ်(၂) လၢ သရၣ်ဒိၣ်အဲးဒဝၢး ဒီး (၅)သီတခီ မ့ၢ်တၢ်ကတိၤလီၤလၢ သရၣ်ဒိၣ်ဒီးကထၢၣ် စိသံၣ်ဟး န့ၣ်လီၤ. ကိးဟါဒဲး(၂းဝဝ)တုၤ(၄း၃ဝ)မ့ၢ် ကရူၢ်တၢ်ကတိၤသကိး ဒီးတၢ်ပာ်ဖျါက့ၤကတီၢ်န့ၣ်လီၤ. (၅)သီဟါ(၃း၃ဝ-၄း၃ဝ) တၢ်ပာ်စီဆှံသးတၢ်ဘါတၢ်ရဲၣ်တၢ်ကျဲၤ ဘၣ်တၢ်တီခိၣ်ရိၣ်မဲအီၤလၢ ကီၢ်တကူၣ်ပိာ်ခွါတၢ်ရ့လိာ်မုာ်လိာ်ကမံးတံာ်န့ၣ်လီၤ. ၦၤဟဲဆဲးလီၤမံၤ ခဲလၢာ်အိၣ်ဝဲ(၂၇၈)ဂၤန့ၣ်လီၤ.

ၦၤကညီဘျၢထံခဝ့ၡၢၣ် တၢ်သးခုကစီၣ်ဒီး မံးၡၢၣ်ဝဲၤကျိၤ အိၣ်ဒီး တၢ်မၤလိလံာ်စီဆှံခီဖျိတၢ်ကွဲး ၦဲၤထီၣ်(၃၅)နံၣ် လၢၢ်လါဟ့နံၣ်ဆၢက့ၤ တၢ်စံးဘျုး ဘၣ်တၢ်မၤအီၤဖဲ လါနိၣ်ဝ့ဘၢၣ်(၂၂)သီႇ ဂီၤ(၈း၃ဝ)ဖဲ ဝံးတူၣ်တၢ်ဘါသရိာ်ႇ အလူၢ်ဝ့ၢ်ဆၣ်ႇ ဝ့ၢ်တကူၣ်န့ၣ်လီၤ. အိၣ်ဒီးတၢ်အိးထီၣ်မူး တၢ်ရဲၣ်တၢ်ကျဲၤဘၣ်တၢ်မၤအီၤဖဲ တၢ်ဘါသရိာ်အချၢန့ၣ်လီၤ. ၦၤပၢၤလီၢ်ဆ့ၣ်နီၤ မ့ၢ်ဝဲ သရၣ်ဒိၣ်ဆၣ်မုၢ်နၤ(ကီၢ်ဒဝဲၣ်ဘျံး ၦၤနဲၣ်တၢ်), ဖးလံာ်စီဆှံ အိးထီၣ်တၢ်ထုကဖၣ်လၢ သရၣ်ဒိၣ်ဒီးကထၢၣ်အဲၣ်သီ(ကီၢ်ပယီၤဘျၢထံခဝ့ၡၢၣ်သရၣ်သမါဝဲၤကျိၤၦၤနဲၣ်တၢ်), တၢ်တံာ်တဲာ်သတိာ်ပျံၤ(၁)-သရၣ်ဒိၣ် ယွၤဒုးမူ(ၦၤကညီဘျၢထံခဝ့ၡၢၣ်နဲၣ်ရွဲၣ်), (၂)သရၣ်ဒိၣ်ဒီးကထၢၣ်သ့ရရွှ့ၣ်(ဝဲၤကျိၤၦၤပၢၤလီၢ်ဆ့ၣ်နီၤ), (၃)သရၣ်ထူကပီၤ(ဝဲၤကျိၤကမံးတံာ်), ဟ့ၣ်လီၤ ကလုၢ်တၢ်ထုကဖၣ် လၢ သရၣ်ဒိၣ်ကီၢ်ထူကၢ(ကီၢ်တီအူပကူၦၤနဲၣ်တၢ်)န့ၣ်လီၤ.တၢ်ဘူၣ်တၢ်ဘါဒီးတၢ်ဟ့ၣ်လီၤလံာ်အုၣ်သးတၢ်ရဲၣ်တၢ်ကျဲၤ(တၢ် ဘါသရိာ်အပူၤ) ၦၤပၢၤလီၢ်ဆ့ၣ်နီၤ-သရၣ်ဒီးကထၢၣ်န့ၢ်လ့အီၣ်(ဝဲၤကျိၤၦၤနဲၣ်တၢ်သဃဲၤ), တၢ်တဲဖျါတၢ်မၤလိလံာ်စီဆှံခီဖျိတၢ်ကဲွး(၃၅)နံၣ်တၢ်စံၣ် စိၤအဂ့ၢ် -သရၣ်မုၣ်ရံနၣ်ဖီ(မူဒါခိၣ်), ဖးလံာ်စီဆှံဒီးကိးထီၣ်ထါသးဝံၣ်- သရၣ်မုၣ်ဒီးကထၢၣ်ပူၤဖျဲး(KBTS. သရၣ်မုၣ်သိၣ်လိတၢ်), တၢ်ကစီၣ် ဒီးတၢ်ဟ့ၣ်ဂံၢ်ဟ့ၣ်ဘါလၢ သရၣ်ဒိၣ်စၤလမိၣ်(ကီၢ်တကူၣ်လံာ်စီဆှံကၠိ-ကၠိခိၣ်စၢၤ), တၢ်သးဝံၣ်လၢ သရၣ်အံးစဲးဝါ (KBTS. သရၣ်သိၣ်လိတၢ်) န့ၣ်လီၤ.တၢ်ကတိၤဒိၣ်ဆူၦၤလၢဒိးဘၣ် တၢ်မၤလၤကပီၤတဖၣ်-သရၣ်မုၣ်ဒိၣ်ဒီးကထၢၣ်လ့ထူ(ၦၤကညီဘျၢထံခဝ့ၡၢၣ်နဲၣ်ရွဲၣ်သဃဲၤ), တၢ်ဟ့ၣ်လီၤ လံာ်မၤလၤကပီၤ-သရၣ်ဒိၣ်ဒီးကထၢၣ်စဲမစၢၣ် (ၦၤကညီဘျၢထံခဝ့ၡၢၣ်ကရၢခိၣ်), တၢ်ဟ့ၣ်လီၤလံာ်အုၣ်သးဆူၦၤမၤလိဝံၤ တၢ်မၤလိလံာ်စီဆှံခီဖျိ တၢ်ကွဲးတဖၣ် ဒီး သရၣ်ဒိၣ်အဲးဒဝၢး(ဝဲၤကျိၤၦၤနဲၣ်တၢ်) ဟ့ၣ်လီၤလံာ်အုၣ်သးန့ၣ်လီၤ. တၢ်သးဝံၣ်မၤလၤကပီၤလၢ (The Three Sisters) တၢ်ကတိၤဆၢက့ၤလၢ ၦၤမၤလိဝံၤတဖၣ်အခၢၣ်စးလၢ နီၢ်မိန့ဆံၣ်(အလူၣ်စါခၠီတၢ်အိၣ်ဖှိၣ်ႇ ကီၢ်တကူၣ်), တၢ်ထုကဖၣ်အလၢအၦဲၤ လၢ သရၣ်ဒိၣ် ဒီးကထၢၣ်လ့ကၢၣ်ယၣ်(ပသံၣ်ဝ့ၢ်တၢ်အိၣ်ဖှိၣ်သရၣ်), တၢ်ကတိၤစံးဘျုးဒီးတၢ်ဘိးဘၣ်သ့ၣ်ညါလၢ သရၣ်ဒိၣ်အဲးဒဝၢး(ဝဲၤကျိၤၦၤနဲၣ်တၢ်), ဆိၣ် ဂ့ၤပျၢ်တၢ်လၢ သရၣ်ဒိၣ်ဒီးကထၢၣ်ၡဲကဝံန့ၣ်လီၤ.ၦၤဒိးန့ၢ်လံာ်အုၣ်သးအိၣ်ဝဲ(၆၇)ဂၤန့ၣ်လီၤ.

ၦၤကညီဘျၢထံခဝ့ၡၢၣ် ပိာ်ခွါဝဲၤကျိၤအိၣ်ဒီး ဖှိၣ်စၢၤတၢ်မၤလိ(၉)ဘျီတဘျီ ဘၣ်တၢ်မၤအီၤဖဲ ကီၢ်ဖၣ်အၣ်မီလမၠဲၣ် ကီၢ်ဝဲၤလီၢ်ႇ စးထီၣ်လါနိၣ်ဝ့ဘၢၣ်(၁၁-၁၄)သီႇ ၂ဝ၂၅အနံၤန့ၣ်လီၤ.အိၣ်ဒီးတၢ်ကွၢ်စိလၢအမ့ၢ် -ဖှိၣ်စၢသ့ၣ်တဖၣ်ကသ့ၣ်ညါအါထီၣ် မူဒါဒီးတၢ်အိၣ်ဖှိၣ်အတၢ်ပၢတၢ်ဆှၢအဂီၢ်န့ၣ်လီၤ.တၢ်မၤလိအတၢ်တိာ်ထူ မ့ၢ်ဝဲ-''ဟံးဃာ်ဂၢၢ်ကျၢၤ ဘျၢထံခရံာ်ဖိတၢ်စူၢ်တၢ်နာ်"န့ၣ်လီၤ. တၢ်မၤလိခိၣ်တီဒီး သရၣ်သိၣ်လိတၢ်တဖၣ်မ့ၢ်ဝဲ- "ဖှိၣ်စၢၤတၢ်အိၣ်ဖှိၣ်အတၢ်ပၢတၢ်ဆှၢ"-သရၣ်မုၣ်ဒိၣ်ဒီးကထၢၣ်လ့ထူႇ "ဘျၢထံခရံာ်ဖိအတၢ်စူၢ်တၢ်နာ်ဒီး အတၢ်မူထွဲမၤထွဲ-သရၣ်ဒိၣ်ထိသါႇ ''ဖှိၣ်စၢၤမူဒါဒီးတၢ်ကဲခိၣ်ကဲနၢ်"-သရၣ်ဒိၣ်အဲၣ်ခဲလၢာ် တဖၣ်န့ၣ်လီၤ.ၦၤဟဲထီၣ်တၢ်မၤလိ ခဲလၢာ်အိၣ်ဝဲ(၁၁ဝ)ဂၤန့ၣ်လီၤ.

ၦၤကညီဘျၢထံခဝ့ၡၢၣ် ဝဲၤကျိၤလၢသးစၢ်တၢ်မၤဂီၢ် သုးကျဲၤမၤဝဲ တလါတဘျီတၢ်ရ့လိာ်မုာ်လိာ်ဒီး တၢ်မၤလိလံာ်စီဆှံ (၁ဝ)ဘျီတဘျီ ဖဲ လါအီးကထိဘၢၣ်(၁၁)သီႇ ၂ဝ၂၅အနံၤႇ ဟါ(၇းဝဝ)နၣ်ရံၣ်  လၢ ဆဲးကျိးန့ၢ်တီၤန့ၣ်လီၤ. ၦၤဟ့ၣ်ခီဟ့ၣ်နီၤ တၢ်မ့ၢ်ဝဲ-သရၣ်မုၣ်စ့ဘှ့ၣ်ဖီ(ၦၤနဲၣ်တၢ်သဃဲၤႇ ခရံာ်ဖိတၢ်ကူၣ်ဘၣ်ကူၣ်သ့ဝဲၤကျိၤ)န့ၣ်လီၤ. ၦၤပၢၤလီၢ်ဆ့ၣ်နီၤမ့ၢ်ဝဲ -သရၣ်ဒူတီ(တၢ်ရဲၣ်တၢ်ကျဲၤမူဒါခိၣ်)ႇ သရၣ်တီလိၤမူ (ၦၤနဲၣ်တၢ်သဃဲၤ) ကတိၤဆၢဂ့ၤဆၢဝါတၢ်ႇ သရၣ်ၡါန့ၢ်အ့ (ၦၤနဲၣ်တၢ်ႇ တီအူကီၢ်ကဲၤခၢၣ်ကဲၤဘါ) ထုကဖၣ်လၢ ၦၤခဲလၢာ်အဂီၢ်န့ၣ်လီၤ. နၢ်ဟူဘၣ် တၢ်သးဝံၣ်လၢ တီအူကီၢ်ကဲၤခၢၣ်ကဲၤဘါႇ သ့ၣ်ဂ့ၤခိၣ်တၢ်အိၣ်ဖှိၣ်သးစၢ်န့ၣ်လီၤ. သးစၢ်ဟဲထီၣ်ခဲလၢာ်အိၣ်ဝဲ(၈ဝ)ဘျဲၣ် လၢ devices (၅၁)ခါန့ၣ်လီၤ.

ၦၤကညီဘျၢထံခဝ့ၡၢၣ် ဝဲၤကျိၤလၢသးစၢ်တၢ်မၤဂီၢ် သုးကျဲၤမၤဝဲ တလါတဘျီတၢ်ရ့လိာ်မုာ်လိာ်ဒီး တၢ်မၤလိလံာ်စီဆှံ (၁ဝ)ဘျီတဘျီ ဖဲ လါအီးကထိဘၢၣ်(၁၁)သီႇ ၂ဝ၂၅အနံၤႇ ဟါ(၇းဝဝ)နၣ်ရံၣ်  လၢ ဆဲးကျိးန့ၢ်တီၤန့ၣ်လီၤ. ၦၤဟ့ၣ်ခီဟ့ၣ်နီၤ တၢ်မ့ၢ်ဝဲ-သရၣ်မုၣ်စ့ဘှ့ၣ်ဖီ(ၦၤနဲၣ်တၢ်သဃဲၤႇ ခရံာ်ဖိတၢ်ကူၣ်ဘၣ်ကူၣ်သ့ဝဲၤကျိၤ)န့ၣ်လီၤ. ၦၤပၢၤလီၢ်ဆ့ၣ်နီၤမ့ၢ်ဝဲ -သရၣ်ဒူတီ(တၢ်ရဲၣ်တၢ်ကျဲၤမူဒါခိၣ်)ႇ သရၣ်တီလိၤမူ (ၦၤနဲၣ်တၢ်သဃဲၤ) ကတိၤဆၢဂ့ၤဆၢဝါတၢ်ႇ သရၣ်ၡါန့ၢ်အ့ (ၦၤနဲၣ်တၢ်ႇ တီအူကီၢ်ကဲၤခၢၣ်ကဲၤဘါ) ထုကဖၣ်လၢ ၦၤခဲလၢာ်အဂီၢ်န့ၣ်လီၤ. နၢ်ဟူဘၣ် တၢ်သးဝံၣ်လၢ တီအူကီၢ်ကဲၤခၢၣ်ကဲၤဘါႇ သ့ၣ်ဂ့ၤခိၣ်တၢ်အိၣ်ဖှိၣ်သးစၢ်န့ၣ်လီၤ. သးစၢ်ဟဲထီၣ်ခဲလၢာ်အိၣ်ဝဲ(၈ဝ)ဘျဲၣ် လၢ devices (၅၁)ခါန့ၣ်လီၤ.

ၦၤကညီဘျၢထံခဝံၡၢၣ် တၢ်ကဟုကယာ်ဒီး တၢ်ကူၣ်လိာ်တၢ်ဝဲၤကျိၤတီခိၣ်ရိၣ်မဲဒီး သုးကျဲၤမၤ-''World Mental Health" မုၢ်နံၤဖဲ လါအီးကထိဘၢၣ်(၁ဝ)သီႇ ၂ဝ၂၅အနံၤ စးထီၣ်ဂီၤ(၉)နၣ်ရံၣ်တုၤ ဟါ(၃)နၣ်ရံၣ်န့ၣ်လီၤ. တၢ်ရဲၣ်တၢ်ကျဲၤတဘျီအံၤ ၦၤဟ့ၣ်ခီဟ့ၣ်နီၤတၢ်မ့ၢ်ဝဲ သရၣ်မုၣ်နဲးလဲၣ်ယတနၢ်စိ န့ၣ်လီၤ.ဝဲၤလီၢ်ၦၤမၤသကိးတၢ် ဟဲထီၣ်ခဲလၢာ်အိၣ်ဝဲ(၃ဝ)ဂၤန့ၣ်လီၤ.

ၦၤကညီဘျၢထံခဝ့ၡၢၣ် တၢ်ကတဲာ်ကတီၤဒုးဒိၣ်ထီၣ်ထီထီၣ်ခိၣ်နၢ်ဝဲၤကျိၤ သုးကျဲၤမၤတၢ်ကတိၤလီၤဆီ ဘၣ်ထဲဒွီး ''တၢ်သ့ၣ်ညါထံ ယွၤအတၢ်ကိး'' ဖဲ လါစဲးပတ့ဘၢၣ်(၁၅)သီႇ ဟါ(၇းဝဝ)နၣ်ရံၣ်ႇ ၂ဝ၂၅အနံၤ လၢ ဆဲးကျိးန့ၢ်တီၤန့ၣ်လီၤ. ၦၤဟ့ၣ်ခီဟ့ၣ်နီၤတၢ် မ့ၢ်ဝဲ-သရၣ်ဒိၣ်ဒီးကထၢၣ်သ့ရွှ့ၣ်(ကိၣ်သၣ်ဖၠူၣ်လံာ်စီဆှံကၠိခိၣ် မၤတ့ၢ်တၢ်)န့ၣ်လီၤ.အိၣ်ဒီးတၢ်တဲသကိး တၢ်သံကွၢ်တဖၣ်စ့ၢ်ကီးန့ၣ်လီၤ. ၦၤပၢၤလီၢ်ဆ့ၣ်နီၤမ့ၢ်ဝဲ-  သရၣ်ဒိၣ်ဒီးကထၢၣ်မိစဲးသ့(ဝဲၤကျိၤ ၦၤနဲၣ်တၢ်) ၦၤဟဲထီၣ်လၢ (devices- ၅၄)ခါန့ၣ်လီၤ.