Karen Baptist Convention

တၢ်သ့ကတီၤ PA System တၢ်မၤလိ
တၢ်မၤလိအံၤဘၣ်တၢ်သုးကျဲၤအီၤလၢ တၢ်ဘၣ်ထွဲတုၤအိၣ်လိ၁်သးဝဲၤကျိၤ ဖဲ ၂၁.၇.၂ဝ၂၃ နံၤႇ စးထီၣ်လၢ ဂီၤ ၈း၃ ဝန့ၣ်လီၤ. တၢ်မၤလိအံၤအတၢ်ပညိၣ်တၢ်ကွၢ်စိမ့ၢ်ဝဲ ၦၤကညီဘျၢထံခဝ့ၡၢၣ်ႇ ဝဲၤကျိၤၦၤမၤတၢ်ဖိသ့ၣ်တဖၣ်ကသ့ကတီၤတၢ်ပီးတၢ်လီႇ ကသ့ၣ်ညါအါထီၣ်တၢ်မၤဒိၣ်ကလုၢ်ႇ ကစူးကါက့ၤတၢ်မၤလိလၢအဒိးန့ၢ်တဖၣ်ဖဲ ဝဲၤကျိၤအတၢ်လိၣ်အကတီၢ်မ့ၢ်ဂ့ၤႇ ဝဲၤလီၢ်တၢ်ဘူၣ်တၢ်ဘါႇ တၢ်အိၣ်ဖှိၣ်ရိဖှိၣ်ႇ တၢ်မၤလိအကတီၢ်ႇ တကးဒံးဘၣ်ကသ့ဟ့ၣ်ခီဟ့ၣ်နီၤက့ၤဆူၦၤလၢအလိၣ်ဘၣ်သ့ၣ်တဖၣ်အအိၣ်အဂီၢ်န့ၣ်လီၤ.
တၢ်မၤလိအဘျီအံၤဘၣ်တၢ်စးထီၣ်အီၤလၢ သရၣ်မုၣ်ၡံထၣ်ဖီ(ကျိၣ်စ့ဒီးတၢ်စုလီၢ်ခီၣ်ခိၣ်ဝဲၤကျိၤႇ ၦၤနဲၣ်တၢ်) အတၢ်ကတိၤတူၢ်လိ၁်ဒီး တၢ်ထုကဖၣ်ဆၢဂ့ၤဆၢဝါန့ၣ်လီၤ. ၦၤလၢအဟ့ၣ်ခီ ဟ့ၣ်နီၤတၢ်မၤလိတဘျီအံၤမ့ၢ်ဝဲ -သရၣ်န့ၢ်ဘျုး (ၦၤပၢၤစ့)န့ၣ်လီၤ. တၢ်မၤလိတဘျီအံၤၦၤလၢအဟဲထီၣ်မ့ၢ် ၦၤကညီဘျၢထံခဝ့ၡၢၣ် ဝဲၤကျိၤ(၁၄)ကျိၤ ခၢၣ်စးတနီၤန့ၣ်လီၤ.ဝဲၤကျိၤလၢအဟဲထီၣ်တဖၣ်မ့ၢ်ဝဲ- ပိ၁်ခွါဝဲၤကျိၤႇ သရၣ်သမါဝဲၤကျိၤႇ လံ၁်လဲၢ်ဒီးတၢ်ဆဲးတၢ်လၤဝဲၤကျိၤႇ တၢ်သးခုကစီၣ်ဒီးမံးၡၢၣ်ဝဲၤကျိၤႇ ခရံ၁်ဖိတၢ်ကူၣ်ဘၣ်ကူၣ်သ့ဝဲၤကျိၤႇ တၢ်ကတဲ၁်ကတီၤဒုးဒိၣ်ထီၣ်ထီထီၣ်ခိၣ်နၢ်ဝဲၤကျိၤဒီး နဲၣ်ရွဲၣ်ဝဲၤဒၢးၦၤမၤသကိးတၢ်တဖၣ်န့ၣ်လီၤ. ၦၤဟဲထီၣ်တၢ်မၤလိအိၣ်ဝဲဒၣ် (၁ဝ)ဂၤန့ၣ်လီၤ.

ၦၤကညီဘျၢထံခဝ့ၡၢၣ်
တၢ်သးခုကစီၣ်ဒီးမံးၡၢၣ်ဝဲၤကျိၤ
တၢ်ပ၁်ဖျါ (တၢ်မၢဖိတၢ်မၤလိ-ခံဘျီတဘျီ) ၂ဝ၂၃နံၣ်

ပစံးဘျုးဘၣ်ကစၢ်ယွၤလၢ အစိ၁်ဆှၢခီဖျိၦၤဒီးဒုးမၤၦၤလၢ အတၢ်ဖံးတၢ်မၤအဃိန့ၣ်လီၤ.မ့ၢ်လၢယွၤအဘျုးအဖှိၣ်အဃိႇ ထံကီၢ်တၢ်မၤအသးတၢ်ဆူးတၢ်ဆါတဖၣ် မ့ၢ်မၤအသးဒ်လဲၣ်ဒ်လဲၣ်ဘၣ်ဆၣ်ႇ ယွၤဟ့ၣ်ခွဲးဟ့ၣ်ယၤၦၤအဃိ လါယူၤ ၂၆သီ တုၤလါယူၤလံ ၁၆သီ အတီၢ်ပူၤ ပဝဲတၢ်သးခုကစီၣ်ဒီးမံးၡၢၣ်ဝဲၤကျိၤ ပမၤဘၣ် အသီ(၂ဝ) တၢ်မၢဖိတၢ်မၤလိ ခံဘျီတဘျီ ဖဲခိခိၣ် တၢ်သးခုကစီၣ်တၢ်ဂုၤထီၣ်ပသီထီၣ်လီၢ်ခၢၣ်သးႇ မီၣ်ဘံၣ်ဝ့ၢ်ဆၣ်န့ၣ်လီၤ. 
တၢ်မၤလိအံၤဘၣ်တၢ်စးထီၣ်အီၤဖဲ ၂၆.၆.၂ဝ၂၃ နံၣ် ဟါ ၄း၃ ဝနၣ်ရံၣ်န့ၣ်လီၤ. ၦၤပၢၤလီၢ်ဆ့ၣ်နီၤမ့ၢ် သရၣ်ဒီးကထၢၣ် န့ၢ်လ့အီၣ်ႇ တၢ်ကစီၣ်ဟ့ၣ်ဂံၢ်ဟ့ၣ်ဘါလၢ သရၣ်မုၣ်ၡံထၣ်ဖီ(ၦၤပၢၤစ့ႇ ၦၤကညီဘျၢထံခဝ့ၡၢၣ်) တၢ်ထုကဖၣ်အလၢအၦဲၤလၢ သရၣ်လ့ၤဝံ (တၢ်သးခုကစီၣ်အၦၤနဲၣ်တၢ်ႇ ကီၢ်ပကိတကူၣ်) ဒီးတၢ်ဘိးဘၣ်သ့ၣ်ညါဒီးတၢ်ဆိၣ်ဂ့ၤပျၢ်လၢ သရၣ်ဒိၣ်အဲးဒဝၢး          (တၢ်သးခုကစီၣ်ဒီးမံးၡၢၣ်ဝဲၤကျိၤၦၤနဲၣ်တၢ်ႇ ၦၤကညီဘျၢထံခဝၡၢၣ်)တဖၣ်န့ၣ်လီၤ. 
သရၣ်သိၣ်လိတၢ်တဖၣ်မ့ၢ်ဝဲ သရၣ်ဒိၣ်ဖိထူ(တၢ်အုၣ်က့ၤခီၣ်က့ၤ)  သရၣ်မုၣ်အဲၣ်ခုၣ် (တၢ်ကဲခိၣ်ကဲနၢ် လၢတၢ်သးခုကစီၣ်တၢ်မၤ) သရၣ်ဒိၣ်လ့မီ (ကစၢ်ခရံ၁်ဒီးတၢ်သးခုကစီၣ်တၢ်မၤ)  သရၣ်ဒိၣ်လါလါ(တၢ်သူၣ်လီၤတၢ်အိၣ်ဖှိၣ်) သရၣ်မုၣ်ဒိၣ်ဒီးကထၢၣ်ထူထူ (တၢ်မၤတၢ်သးခုကစီၣ်တၢ်မၤလၢသးစီဆှံ)ႇ သရၣ်ဒိၣ်တ့ၣ်စီ (မုၢ်နံၤခံကတၢၢ် တၢ်ကမၤအသးတဖၣ်)တဖၣ်န့ၣ်လီၤ. မ့မ့ၢ်တၢ်မၤလိ လံ၁်စီဆှံန့ၣ် သရၣ်ဒိၣ်လးဖ့ၣ်ႇ သရၣ်မုၣ်သ့ၣ်ကံၣ်လးဒီးသရၣ်မုၣ်ခၠိၣ်သဲ တဖၣ်န့ၣ်လီၤ. ၦၤသိၣ်လိန့ၢ် တၢ်သးဝံၣ်တဖၣ်မ့ၢ် သရၣ်ကၠိဝ့ႇ သရၣ်သးဝါထူဒီး သရၣ်မုၣ်ဟဲဂ့ၤက့လ်တဖၣ်န့ၣ်လီၤ. ၦၤမၤလိတၢ်ဖိ ခဲလၢ၁်အိၣ်ဝဲ (၁၈) ဂၤဟဲခီဖျိလၢကီၢ် (၁၂) ဘ့ၣ်အခၢၣ်စးန့ၣ်လီၤ.
မုၢ်အိၣ်ဘှံးနံၤသၢနွံန့ၣ် ပလဲၤဒီးရ့လိ၁်မု၁်လိ၁်ဘၣ်လၢ တၢ်မၢလီၢ်လၢအကဲထီၣ်တၢ်အိၣ်ဖှိၣ်တဖၣ်န့ၣ်လီၤ. တၢ်အိၣ် ဖှိၣ်လၢပလဲၤရန့ၣ်လီၤ.လိ၁်သးတဖၣ်မ့ၢ်ဝဲ ပနၢ်ဂ့ၤနိၣ်တၢ်အိၣ်ဖှိၣ်ႇ ရွှ့ၣ်ကၠၣ်ဘၠဲးတၢ်အိၣ်ဖှိၣ်ဒီး စွဲၣ်တီၣ်ကူတၢ်အိၣ်ဖှိၣ်သ့ၣ်တဖၣ်န့ၣ်လီၤ. ပစံးဘျုး ကစၢ်ယွၤလၢ သၢနွံအတီၢ်ပူၤ ပမၤလိဘၣ်တၢ်ဂ့ၤဂ့ၤဘၣ်ၦဲၤဒီး တၢ်သူၣ်ခုသးခုအဃိစ့ၢ်ကီးလီၤ. ပန၁်သၦၢ်ကတၢၢ်လၢ တၢ်မၤလိတဘျီအံၤ ကဟဲစိ၁်န့ၢ်တၢ်ဘျုးတၢ်ဆိၣ်ဂ့ၤ အလၢအၦဲၤလၢ ၦၤတၢ်မၢဖိကိးဂၤအဂီၢ်န့ၣ်လီၤ.
ပမၤကတၢၢ်ဘၣ်တၢ်မၤလိအံၤဖဲ ၁၆.၇.၂ဝ၂၃ နံၣ်ႇ ဟါ ၄းဝဝနၣ်ရံၣ်န့ၣ်လီၤ. ၦၤပၢၤလီၢ်ဆ့ၣ်နီၤမ့ၢ် သရၣ်မုၣ်ခၠိၣ်သဲႇ  ၦၤဟ့ၣ်ဂံၢ်ဟ့ၣ်ဘါဆူတၢ်မၢဖိတဖၣ်အဂီၢ်မ့ၢ် သရၣ်ဒိၣ်ယွၤဒုးမူ (ၦၤကညီဘျၢထံခဝ့ၡၢၣ်နဲၣ်ရွဲၣ်ခိၣ်ကျၢၤ) န့ၣ်လီၤ. တၢ်ထုကဖၣ် ပ၁်စီဆှံက့ၤတၢ်မၢဖိတဖၣ်ဒီး တၢ်ရဲၣ်တၢ်ကျဲၤခဲလၢ၁်မ့ၢ်သရၣ်ဒိၣ်အဲၣ်ဒ့  (တၢ်သးခုကစီၣ်အၦၤနဲၣ်တၢ်ႇ ကီၢ်တကူၣ်) တၢ်ဘိးဘၣ်သ့ၣ်ညါဒီးတၢ်စံးဘျုးလၢ သရၣ်ဒီးကထၢၣ်န့ၢ်လ့အီၣ်(ၦၤနဲၣ်တၢ်သဃဲၤ) ဒီးတၢ်ဆိၣ်ဂ့ၤပျၢ်လၢသရၣ်ဒိၣ်ယွၤဒုးမူန့ၣ်လီၤ. တၢ်ရဲၣ်တၢ်ကျဲၤတဘျီအံၤ နၢ်ဟူဘၣ်စ့ၢ်ကီးတၢ်သးဝံၣ် လၢသရၣ်မုၣ်အဲးစထၢၣ်အဲၣ်ဒ့ဒီးသရၣ်ဃနိ၁် ဒီးၦၤမၤလိတၢ်ဖိတဖၣ် အအိၣ်န့ၣ်လီၤ. 
ပစံးဘျုးဘၣ်ကစၢ်ယွၤႇ သရၣ်သမါတဖၣ်လၢ အဟဲဒီးဟ့ၣ်ခီဟ့ၣ်နီန့ၢ်တၢ်ႇ ခိၣ်နၢ်လၢခဝ့ၡၢၣ်တဖၣ်ႇ ၦၤလၢအဆီၣ်ထွဲ မၤစၢၤၦၤခီဖျိတၢ်ထုကဖၣ်ႇ ဃှှီီ ၦၤနဲၣ်တၢ်သရၣ်မုၣ်ဒီးကထၢၣ်ကၠဲပလံ လၢအသုးကျဲၤန့ၢ်ၦၤတၢ်လီၢ်တၢ်ကျဲႇ သရၣ်ကံဒိၣ်ဒီး ဟံၣ်ဖိဃီဖိလၢအမၤစၢၤၦၤလၢ တၢ်အီၣ်တၢ်အီလၢတၢ်ရဲၣ်တၢ်ကျဲၤ တဘျီအံၤကိးဂၤဒဲးန့ၣ်လီၤ. မ်ယွၤလၢအမူဝဲ အဘျုးထူးဖှိၣ် တီၤအါ ကလီၤကဒုဘၣ်အမု၁်သုလိၤ ထူးထူးတီၤတီၤန့ၣ် မ့ၢ်ယတၢ်ဆၢဂ့ၤဆၢဝါဘၣ်သုန့ၣ်လီၤ.

       သရၣ်ဒိၣ်အဲးဒဝၢး
      ၦၤနဲၣ်တၢ်(တၢ်သးခုကစီၣ်ဒီးမံးၡၢၣ်ဝဲၤကျိၤ)

ၦၤကညီဘျၢထံခဝ့ၡၢၣ် တၢ်ကတဲာ်ကတီၤဒုးဒိၣ်ထီၣ်ထီထီၣ်ခိၣ်နၢ်
ဝဲၤကျိၤအိၣ်ဒီး "တၢ်ကဲခိၣ်ကဲနၢ်ဒီး တၢ်ပၢတၢ်ဆှၢ" တၢ်မၤလိဖဲ ခဝ့ၡၢၣ်နံၣ်တကယၤတၢ်စံးဘျုးတၢ်သူၣ်ထီၣ် တၢ်အိၣ်ဖှိၣ်ဒၢးန့ၣ်လီၤ. တၢ်မၤလိအံၤစးထီၣ်ဖဲ လါယူၤလံ(၁၁)သီႇ ဒီးတုၤဖဲလါယူၤလံ(၁၄)ႇ
၂ဝ၂၃နံၣ်န့ၣ်လီၤ. တၢ်မၤလိတဘျီအံၤ ၦၤသိၣ်လိတၢ်သရၣ်တဖၣ်
မ့ၢ်ဝဲ-ဒီးကထၢၣ်အၤဘၢၣ် ဒီးသရၣ်န့ၤသၣ်တဖၣ်န့ၣ်လီၤ. 
ကီၢ်(၁၆)ဘ့ၣ်ခၢၣ်စး ၦၤဟဲထီၣ်တၢ်မၤလိအိၣ်ဝဲ(၃၁)ဂၤန့ၣ်လီၤ.

ၦၤကညီဘျၢထံခဝ့၇ှၢၣ်တၢ်ကဟုကယ၁်ဒီးတၢ်ကူၣ်လိ၁်တၢ်ဝဲၤကျိၤအိၣ်ဒီး တၢ်မၤအါထီၣ်ၦၤမၤ လိတၢ်ဖိအဂီၢ် ကံၢ်စီတၢ်မၤလိ(TOT) ဘၣ်ဃးတၢ်ဆီၣ်ထွဲၦၤတဆှိၣ်သးမး ဖဲလါယူၤ (၂၆)သီတုၤ(၃ဝ)သီႇ၂ဝ၂၃နံၣ် န့ၣ်လီၤ. တၢ်မၤလိအံၤဘၣ်တၢ်မၤအီၤဖဲ (၁၂၁)ဃႇ မ့ယဲကၠီၣ်စွၣ်ကျဲႇ အလူၣ်ႇ ဝ့ၢ်တကူၣ်/ တၢ်မၤလိတၢ်အိးထီၣ် မူးအံၤဘၣ်တၢ်မၤအီၤဖဲ (၂၆.၆.၂ဝ၂၃)အနံၤဂီၤ (၈းဝဝ)နၣ်ရံၣ်, ဒီးဘၣ်တၢ်စးထီၣ်အီၤလၢတၢ်ဘူၣ်သကိးဘါသကိး တၢ် လီၤ. ဝံၤပိ၁်ထွဲထီၣ်အခံလၢတၢ်မၤလိတၢ်ရဲၣ်တၢ်ကျဲၤတဖၣ်ဒီး တၢ်သိၣ်လိတဘျီအံၤ ဘၣ်တၢ်ဟဲဟ့ၣ်ခီဟ့ၣ်နီၤၦၤလၢ (The Leprosy Mission Myanmar) န့ၣ်လီၤ. 
    တၢ်မၤလိတဘျီအံၤ အတၢ်ပညိၣ်ကွၢ်စိမ့ၢ်ဝဲ တၢ်က၇ၢက၇ိဒီး တၢ်အိၣ်ဖှိၣ်တဖၣ်ကသ့ပ၁်သူၣ်ပ၁် သးဆိကမိၣ်န့ၢ်တၢ်လၢတၢ်အိၣ်ဖှိၣ်အပူၤ ၦၤတဆှိၣ်သးမးတဖၣ်အဂီၢ်ဒီး ပကသူၣ်ထီၣ်သကိးႇ သဆၣ်ထီၣ်သကိး ဒ်ခ၇ံ၁်ဖိ အတၢ်ဒိဂ့ၤတဲ၁်ဘၣ် လၢပဘၢၣ်ကဝီၤအပူၤန့ၣ်လီၤ.
    ၦၤဟဲထီၣ်တၢ်မၤလိအိၣ်ဝဲ (၁၁)ဂၤ ဒီးသရၣ်ႇ သရၣ်မုၣ်သိၣ်လိတၢ်အိၣ်ဝဲ (၃)ဂၤန့ၣ်လီၤ. တၢ်မၤ လိ အံၤဘၣ်တၢ်ပျၢ်က့ၤအီၤဖဲ (၃ဝ.၆.၂ဝ၂၃)အနံၤႇ ဟါ (၃း၃ဝ)နၣ်ရံၣ်ခီဖျိလၢတၢ်ဘူၣ်တၢ်ဘါဒီး ၦၤကညီဘျၢထံ ခဝ့၇ှၢၣ် နဲၣ်၇ွဲၣ်သဃဲၤ(တၢ်ပၢတၢ်ဆှၢ)ဟဲ, ဟ့ၣ်ဂံၢ်ဟ့ၣ်ဘါ ထုကဖၣ်တၢ်လၢ ၦၤမၤလိတၢ်ဖိတဖၣ်ဒီးသရၣ်ႇ သရၣ်မုၣ်သိၣ်လိတၢ် တဖၣ်အဂီၢ်လီၤ.

ၦၤကညီဘျၢထံခဝ့ရှၢၣ် တၢ်ကဟုကယာ်ဒီးတၢ်ကူၣ်လိာ်တၢ်ဝဲၤကျိၤတီခိၣ်ရိၣ်မဲဒီး သုးကျဲၤတၢ်ကတိၤလီၤဆီ ဘၣ်ထွဲဒီးတၢ်အိၣ်ဆူၣ်အိၣ်ချ့ Cervical Cancer လၢ ဒီးကထၢၣ်ခ့ၣ်ထူစီၣ် ဖဲလါမ့ၤ(၁၅)သီႇ ၂ဝ၂၃နံၣ်ႇ ဖဲခိလ်ကညီဘျၢထံတၢ်ဘါယွၤသရိာ်, မုၢ်ဆါ(၁၂)နၣ်ရံၣ်န့ၣ်လီၤ. တၢ်ကတိၤလီၤဆီဝံၤ အိၣ်ဒီးတၢ်သံကွၢ်စံးဆၢလၢ ၦၤဟဲဒိကနၢ်တၢ်တဖၣ်န့ၣ်လီၤ. ၦၤဟဲထီၣ်တၢ်ကတိၤ လီၤဆီခဲလၢာ်အိၣ်ဝဲ(၄၃)ဂၤန့ၣ်လီၤ.

ၦၤကညီဘျၢထံခဝ့ၡၢၣ်ႇ တၢ်ကဟုကယ၁်ဒီးတၢ်ကူၣ်လိ၁်တၢ်ဝဲၤကျိၤ အိၣ်ဒီးတၢ်ရဲၣ်တၢ်ကျဲၤအါမံၤအကျါ ဖဲ (၁၄.၃.၂ဝ၂၃) အနံၤဝဲၤကျိၤၦၤနဲၣ်တၢ်ဒီးတၢ်ရဲၣ်တၢ်ကျဲၤမူဒါခိၣ် လဲၤအိၣ်သကိးဒီးရ့လိ၁်မု၁်လိ၁်သးဒီး ဖုမူလၢၢ်သဲ ဟံၣ်ဘၣ်ဆိၣ်ဂ့ၤ တၢ်ကဟုကယ၁်ဖိသၣ်အိၣ်ဆိးလီၢ်ဖဲ ကပၠ့ၣ်ယိသဝီႇ ဝ့ၢ်လဲကူန့ၣ်လီၤ. တၢ်အိၣ်ဆိးလီၢ်အံၤဖိသၣ်အိၣ် (၁၈)ဂၤဒီး သရၣ်?သရၣ်မုၣ် ၦၤမၤသကိးတၢ်အိၣ် (၈)ဂၤန့ၣ်လီၤ.တၢ်လဲၤရ့လိ၁်မု၁်လိ၁်သးတဘျီအံၤ ပအိၣ်ဒီးတၢ်လဲၤ ဟ့ၣ်ဂံၢ်ဟ့ၣ်ဘါႇ တၢ်ဒိကနၣ်ဖိသၣ်တဖၣ်အတၢ်မၤလိမၤဒိးႇ အတၢ်သးဆူၣ်ႇ ခါဆူညါတၢ်လၢအသးအိၣ်မၤဝဲတဖၣ်န့ၣ်လီၤ. လၢတၢ်ရ့လိ၁်မု၁်လိ၁်သးတဘျီအံၤအိၣ်စ့ၢ်ကီးဒီး တၢ်ဟ့ၣ်မၤလၤကပီၤ သရၣ်မုၣ်မူသးတံၤအ့လၢ အမ့ၢ်တၢ်ကဟုကယ၁် ဖိၣ်ဃဲမူဒါခိၣ်မၤတ့ၢ်တၢ်န့ၣ်လီၤ.

ခဝ့ၡၢၣ်ဝဲၤလီၢ်ၦၤမၤတၢ်ဖိတဖၣ်အဂီၢ်ႇ ဝဲၤကျိၤအံၤသုးကျဲၤမၤတၢ်မၤလိလၢအမ့ၢ်၀ဲ Office Management, Financial Management, Team Management  အဖဲ (၁၅-၁၇.၃.၂ဝ၂၃) အနံၤန့ၣ်လီၤ.
ၦၤဟဲထီၣ်တၢ်မၤလိတဖၣ်ခဲလၢ၁်အိၣ်ဝဲ (၂၅)ဂၤန့ၣ်လီၤ. သရၣ်၊သရၣ်မုၣ်တဖၣ်လၢအဟ့ၣ်တၢ်သိၣ်လိတဖၣ်မ့ၢ်ဝဲ (၁) Office Management-သရၣ်မုၣ်ဒီးကထၢၣ်လ့ထူႇ (၂)Financial Management-သရၣ်မုၣ်ၡံထၣ်ဖီႇ (၃) Team Management- သရၣ်သဲးနဲၣ်အူ သ့ၣ်တဖၣ်န့ၣ်လီၤ.

      ၦၤကညီဘျၢထံခဝ့ရှၢၣ် တၢ်ဘၣ်ထွဲတုၤအိၣ်လိာ်သးဝဲၤကျိၤ အိၣ်ဒီး တၢ်ရဲၣ်တၢ်ကျဲၤဘၣ်လၢအမ့ၢ် တၢ်ကတိၤလီၤဆီ ဒီးတၢ်ဂ့ၢ်ခိၣ်တီမ့ၢ်ဝဲ-(တၢ်ဘၣ်ထွဲတုၤအိၣ်လိာ်သး ဒီးမုၢ်မဆါတနံၤအံၤအတၢ်တၤ) ၦၤဟ့ၣ်ခီဟ့ၣ်နီၤတၢ်မ့ၢ်ဝဲ- သရၣ်ဒိၣ်ဒီးကထၢၣ်လၢၢ်ဝါ (ၦၤနဲၣ်တၢ်ႇ တၢ်ဘၣ်ထွဲတုၤအိၣ်လိာ်သးဒီး ထုးထီၣ်ရၤလီၤဝဲၤကျိၤႇ ကီၢ်တကူၣ်)န့ၣ်လီၤ. တၢ်ရဲၣ်တၢ်ကျဲၤတဘျီအံၤ အိးထီၣ်တၢ်ဘါလၢ သရၣ်မုၣ်ဒီးကထၢၣ်လ့ထူ(နဲၣ်ရွဲၣ်သဃဲၤႇ တၢ်ပၢတၢ်ဆှၢ), တၢ်ထုကဖၣ်ဆၢဂ့ၤ-သရၣ်ဝ့ဘံၣ်(ၦၤနဲၣ်တၢ်ႇ ပိာ်ခွါဝဲၤကျိၤ), တၢ်အဲၣ်တၢ်ဟ့ၣ်ဘၣ်တၢ်ဟ့ၣ်လီၤန့ၢ်လၢ သရၣ်မုၣ်ရှံထၣ်ဖီ(ၦၤပၢၤစ့)န့ၣ်လီၤ. ဝဲၤကျိၤၦၤမၤသကိးတၢ်တဖၣ် ဟဲထီၣ်သကိးခဲလၢာ်အိၣ်ဝဲ(၃၇)ဂၤန့ၣ်လီၤ.               

ၦၤကညီဘျၢထံခ၀့ၡၢၣ်ယွၤဂ့ၢ်ပီညါ၀ဲၤကျိၤ ဒ်ခံနံၣ်တဘျီအိၣ်ဒီး တၢ်ရဲၣ်တၢ်ကျဲၤလၢအမ့ၢ် ခီဖရဲးလၢသရၣ်, သရၣ်မုၣ်တဖၣ် တၢ်ထံၣ်လိာ်ရ့လိာ်မုာ်လိာ်ဘၣ်သးဒီး မၤလိသကိးဘၣ်တၢ်အဂီၢ်န့ၣ်လီၤ.တနံၣ်အံၤ စ့ၢ်ကီးအိၣ်ဒီး ခီဖရဲး(၁၃)ဘျီတဘျီ တၢ်ရဲၣ်တၢ်ကျဲၤ ခီဖျိဆဲးကျိးန့ၢ်တီၤန့ၣ်လီၤ.တနံၣ်အံၤတၢ်တိာ်ထူမ့ၢ်၀ဲၤ- ''ဘါထုကဖၣ်တထံၣ်ဃီ, မၤထွဲယွၤကလုၢ်တီတီ"(Unceasing Pray and Faithful in the Words) မၤတၢ် ၆း၄, စီၤဒၤနံးယ့လး ၁း၈, လံာ်လီၣ်ဖျါ ၁၉း၁၃ န့ၣ်လီၤ. ခီဖရဲးအံၤ ဘၣ်တၢ်မၤအီၤလၢ(၃)သီအတီၢ်ပူၤ စးထီၣ်ဖဲ လါအီးကထိဘၢၣ်(၁၉) သီ တုၤ (၂၁)သီ, ၂၀၂၂နံၣ်န့ၣ်လီၤ. သရၣ်သိၣ်လိတၢ်တဖၣ်မ့ၢ်၀ဲ- သရၣ်ဒိၣ်ဒီးကထၢၣ်ဆၣ်မုၢ်ထီၣ်, သရၣ်ဒိၣ်ဒီးကထၢၣ်သ့ရွှ့ၣ် ဒီးသရၣ်ဒီးကထၢၣ်စီလမိၣ်အူဖ့ၣ်ထူတဖၣ်န့ၣ်လီၤ.သရၣ်သိၣ်လိလံာ်စီဆှံတဖၣ်မ့ၢ်၀ဲၤ- သရၣ်ဒိၣ်ကပီၤမူ, သရၣ်စၤလမိၣ် ဒီး သရၣ်မုၣ်ခဲးဖၢးစတံနၣ်တဖၣ်န့ၣ်လီၤ.တၢ်ရဲၣ်တၢ်ကျဲၤတၢတသီ ဘၣ်တၢ်စးထီၣ်အီၤဖဲ လါအီးကထိဘၢၣ်(၁၉)သီ,ဂီၤ(၉) နၣ်ရံၣ် ခီဖျိတၢ်ဘူၣ်တၢ်ဘါတၢ်ရဲၣ်တၢ်ကျဲၤန့ၣ်လီၤ. တၢ်ဘါကတီၢ် ၦၤပၢၤလီၢ်ဆ့ၣ်နီၤမ့ၢ်၀ဲၤ.-သရၣ်မုၣ်မူမုၢ်၀ါ (၀ဲၤကျိၤၦၤနဲၣ် တၢ်သဃဲၤ), တၢ်ကတိၤဆၢဂ့ၤ- သရၣ်ဒိၣ်ယွၤဒုးမူ(ခ၀့ၡၢၣ်နဲၣ်ရွဲၣ်), တၢ်ကတိၤတူၢ်လိာ်- သရၣ်ဒိၣ်ဟူဆၢ (၀ဲၤကျိၤ ၦၤပၢၤလီၢ်ဆ့ၣ်နီၤ), တၢ်ကစီၣ်-သရၣ်မုၣ်ဒီးကထၢၣ်လ့ထူ(နဲၣ်ရွဲၣ်သဃဲၤ), တၢ်ထုကဖၣ်-သရၣ်မုၣ်ၡံထၣ်ဖီ(ၦၤပၢၤစ့), တၢ်ကတိၤစံးဘျုး-သရၣ်မုၣ်လါဖီ (၀ဲၤကျိၤၦၤနဲၣ်တၢ်) ဒီးတၢ်ဆိၣ်ဂ့ၤပျၢ်- သရၣ်ဒိၣ်ယွၤဒုးမူ(ခ၀့ၡၢၣ်နဲၣ်ရွဲၣ်)တဖၣ် န့ၣ်လီၤ. ၀ဲၤကျိၤကၠိ(၁၄)ဖျၢၣ်ဒီး ကၠိမၤတံၤမၤသကိး(၂)ဖျၢၣ် ခၢၣ်စး, ကၠိခိၣ်တဖၣ်  ဒီးသရၣ်,သရၣ်မုၣ်သိၣ်လိတၢ်ခဲလၢာ် ပာ်ဖှိၣ်(၈၀)ဂၤ ဟဲထီၣ်သကိးခီဖရဲးတဘျီအံၤန့ၣ်လီၤ.