Karen Baptist Convention

ခီဖျိကစၢ်ယွၤအဘျုးအဖှိၣ်အဃိ တနံၣ်အံၤလဲၤအိၣ်သကိးဘၣ် ကီၢ်လံ၁်စီဆှံကၠိ (၂)ဖျၢၣ်လၢ ၂ဝ၂၄-
၂ဝ၂၅ တၢ်မၤလိနံၣ်  အတၢ်အိးထီၣ်ကၠိတၢ်ဘူၣ်တၢ်ဘါတၢ် ရဲၣ်တၢ်ကျဲၤလၢတၢ်မၤသကိးတၢ်လၢတၢ်ဟ့ၣ်ခီဟ့ၣ်နီၤ
ကစၢ်ယွၤကလုၢ်ကထါန့ၣ်လီၤ. ဖဲလါမ့ၤ ၃ဝသီႇ ဂီၤ ၉းဝဝနၣ်ရံၣ်လဲၤဟ့ၣ်ခီဟ့ၣ်နီၤဘၣ်ကစၢ်ယွၤကလုၢ်ကထါဖဲ ကီၢ်တကူၣ်လံ၁်စီဆှံကၠိအိးထီၣ်တၢ်ဘူၣ် တၢ်ဘါတၢ် ရဲၣ်တၢ်ကျဲၤဒီးဖဲလါယူၤ၅သီႇဂီၤ၁ဝးဝဝနၣ်ရံၣ်လဲၤဟ့ၣ်ခီဟ့ၣ်နီၤက
စၢ်ယွၤကလုၢ်ကထါဖဲ ကီၢ်ဖၣ်အၣ် မီၣ်လမၠဲၣ်လံ၁်စီဆှံကၠိအိးထီၣ်တၢ် ရဲၣ်တၢ်ကျဲၤန့ၣ်လီၤ. တၢ်ကီတၢ်ခဲႇ တၢ်တၤတဖၣ်
အိၣ်ဝဲအါမံၤဘၣ်ဆၣ်ႇ ပလံ၁်စီဆှံကၠိခိၣ်ႇ ကၠိနၢ်ႇ ကၠိသရၣ်/မုၣ်ဒီး ကၠိထြၢးစတံကမံးတံ၁်တဖၣ် လၢတၢ်စူၢ်တၢ်န၁်အဂၢၢ်
အကျၢၤဖးဒိၣ်အပူၤအိးထီၣ်ဘၣ် လံ၁်စီဆှံကၠိလၢ ၂ဝ၂၄-၂ဝ၂၅ တၢ်မၤလိနံၣ်အဂီၢ်န့ၣ်လီၤ. ဃ့ကညးဘၣ်လၢ ပဝဲခဝ့ရှၢၣ်
ဖိလံၤကိးဂၤ ပကသ့ၣ်နီၣ်ထု ကဖၣ်လၢ ပလံ၁်စီဆှံကၠိသ့ၣ်တဖၣ်အဂီၢ်န့ၣ်တက့ၢ်.

ဖဲလါယူၤ ၂၆-၂၈သီႇ ၂ဝ၂၄ နံၣ်န့ၣ်ပအိၣ်ဒီး Page Maker, Word, Power Point အတၢ်မၤလိန့ၣ်လီၤ. တၢ်မၤလိအံၤဘၣ်တၢ်သုးကျဲၤမၤအီၤလၢ ၦၤကညီဘျၢထံခဝ့ၡၢၣ်ဝဲၤလီၢ်ၦၤမၤတၢ်ဖိတဖၣ်အဂီၢ်ဒီး ဘၣ်တၢ်တီခိၣ်ရိၣ်မဲအီၤလၢ တၢ်ဘၣ်ထွဲတုၤအိၣ်လိ၁်သးဝဲၤကျိၤန့ၣ်လီၤ. တၢ်မၤလိအံၤဘၣ်တၢ်ဟ့ၣ်ခီဟ့ၣ်နီၤအီၤလၢ သရၣ်စဲးဒီးန့ၣ်လီၤ. ၦၤဟဲထီၣ်တၢ်မၤလိလၢ ဝဲၤကျိၤခၢၣ်စး ခဲလၢ၁်အိၣ်ဝဲ (၁၆) ဂၤန့ၣ်လီၤ.

ၦၤကညီဘျၢထံခဝ့ၡၢၣ် တၢ်ဘၣ်ထဲတွုၤအိၣ်လိာ်သးဝဲၤကျိၤ အိၣ်ဒီး Basic Training of Audio Recording  တၢ်မၤလိ ဖဲ လါမ့ၤ၂ ဝတုၤ ၂၅ သီႇ ၂ဝ၂၄နံၣ်န့ၣ်လီၤ. တၢ်မၤလိအံၤ ဘၣ်တၢ်မၤအီၤဖဲ "Studio Door" ဒီး သရၣ်သိၣ်လိ တၢ်မ့ၢ်ဝဲ- သရၣ်ဒိၣ်ဒီးကထၢၣ်လၢၢ်ဝါန့ၣ်လီၤ. အိၣ်ဒီးတၢ်အိးထီၣ်တၢ်မၤလိတဘျီအံၤဖဲ လါမ့ၤ ၂ ဝသီ ဟါ န့ၣ်လီၤ.တၢ်မၤလိအံၤဘၣ်တၢ်သိၣ်လိအီၤလၢ တၢ်မၤလ့ၤအါအါန့ၣ်လီၤ. ကီၢ်ခၢၣ်စး ၦၤဟဲထီၣ်တၢ်မၤလိအိၣ်ဝဲ(၈)ဂၤလၢ ကီၢ်ပကိတကူၣ်ႇ ကီၢ်ချၢၣ်လွံၢ်ထူၣ်ႇ ကီၢ်ပၠံၣ်သၣ်ယၣ်ဝတံၣ်ႇ ကီၢ်တီအူသၣ်တီၣ်ဘှဲမိၤၦၤႇ တီအူကီၢ်ကဲၤခၢၣ်ကဲၤဘါ ဒီး ကီၢ်တီအူပကူတဖၣ်န့ၣ်လီၤ.

စံးဘျုးကစၢ်ယွၤလၢဟ့ၣ်ၦၤတၢ်ခွဲးတၢ်ယ၁်လၢတၢ်လဲၤဟ့ၣ်ခီဟ့ၣ်နီဘၣ်ထွဲတၢ်သ့ပၢဆှၢကျိၣ်စ့အဂ့ၢ်အကျိၤတဖၣ်အဂီၢ်/တၢ်သိၣ်လိအံၤဘၣ်တၢ်မၤအီၤ ဖဲ ၉ -၁ဝႇ လါမ့ၤ ႇ၂ဝ၂၄နံၣ် (၂)သီ တၢ်မၤလိ/တၢ်မၤလိတဘျီအံၤဘၣ် တၢ်ဟံးစုနဲၣ်ကျဲသိၣ်လိဘၣ်ထွဲ တၢ်ဂ့ၢ်တဖၣ် မ့ၢ်ဒ်လ၁်အံၤ အသိး/
                    တၢ်မၤလိတဘျီအံၤအိၣ်ဒီး တၢ်သိၣ်လိလၢအမ့ၢ်-
၁.  ၦၤကညီဘျၢထံခဝ့ၡၢၣ်ကျိၣ်စ့ဒီးတၢ်စုလီၢ်ခီၣ်ခိၣ်လံ၁်နဲၣ်ကျဲအဂ့ၢ်
၂.  တၢ်သ့ပၢဆှၢကျိၣ်စ့အဂ့ၢ်အကျိၤတဖၣ် (ဘၣ်ထွဲလံ၁်စီဆှံအဂ့ၢ်အကျိၤ       ဒီးတၢ်ဖံးတၢ်မၤ)
၃. တၢ်ဖီၣ်စ့စရီပတီၢ်အဂ့ၢ်အကျိၤတဖၣ်
၄. တၢ်ထုးထီၣ်စ့စရီခိၣ်တီတဖၣ်လၢ တၢ်ကရၢက၇ရိအဂီၢ်န့ၣ်လီၤ.         
 တၢ်မၤလိတဘျီအံၤမ့ၢ်ကီၢ်ခိၣ်နၢ်အိၣ် မူအိၣ်ဒါတဖၣ်ဒီးၦၤဟဲထီၣ်ခဲလၢ၁်အိၣ် ဝဲ(၁၂)ဂၤန့ၣ်လီၤ. ၦၤသိၣ်လိတၢ်မ့ၢ်ဝဲ သရၣ်မုၣ်ၡံထၣ်ဖီ(ခဝၡၢၣ် -ၦၤပၢၤစ့) ဒီးသရၣ်မုၣ်ကၠူဒ့းမ့(ခဝၡၢၣ်-ၦၤဖီၣ်စ့စရီ) .န့ၣ်လီၤ.

 ဖဲ ၂၅.၂.၂ဝ၂၄ နံၤႇ ဂီၤ ၁ဝးဝဝနၣ်ရံၣ်အိၣ်ဒီး တၢ်ဟ့ၣ်တၢ်ဒိးပ၁်စုဆူ သရၣ်ကၠိစဲးခ့ဒီး သရၣ်စၢ်ဟ့ၣ်ဂ့ၤ အတၢ်ရဲၣ်တၢ်ကျဲၤန့ၣ်လီၤ. တၢ်လီၢ်တၢ်ကျဲမ့ၢ်ဖဲ ကီကီ၁်လူၢ်ခရံ၁်တၢ်အိၣ်ဖှိၣ်ႇ ငပူးတီကဝီၤႇ ကီၢ်ပသံၣ်မၠီမၠးန့ၣ်လီၤ. တၢ်ပ၁်စုတဘျီအံၤၦၤပၢၤလီၢ်ဆ့ၣ်နီၤမ့ၢ် သရၣ်ဒိၣ်ဟါကူးႇ တၢ်ကစီၣ်မ့ၢ် သရၣ်ဒိၣ်ယွၤဒုးမူ(ခဝ့ၡၢၣ်နဲၣ်ရွဲၣ်) ပ၁်စုအတၢ်ထုကဖၣ်မ့ၢ် သရၣ်ဒိၣ်ဟူဆၢ ဒီး တၢ်တဲဖျါဆ့ကၤဒိၣ်ဒီး ကိ၁်လံ၁်အဂ့ၢ် တဘျီဃီဒုးလံ၁်ထီၣ်မ့ၢ် သရၣ်ဒိၣ်ထူဝါ(ယွၣ်သ့း) န့ၣ်လီၤ. တၢ်သိၣ်လီၤသရၣ်ပ၁်စုအသီမ့ၢ် သရၣ်ဒိၣ်ထ့ခၠံး(မၢပၣ်ကမါ) တၢ်သိၣ်လီၤတၢ်အိၣ်ဖှိၣ်မ့ၢ် သရၣ်ဒိၣ်ဝ့နၢၣ်(ထီတထူၣ်) တၢ်ထုကဖၣ်ကျၢၢ်တံၢ်မ့ၢ် သရၣ်ဒိၣ်ဘ့လ့ၣ် န့ၣ်လီၤ.

တၢ်ကွဲးန့ၢ်ဝဲၤကျိၤကျဲကူၣ်နၢၤအတၢ်ရဲၣ်တၢ်ကျဲၤန့ၣ်လီၤ. တၢ်ရဲၣ်တၢ်ကျဲၤအံၤပမၤအီၤ (၃) သီႇ ဖဲ (၇-၉.၂.၂ဝ၂၄) အနံၤန့ၣ်လီၤ. ၦၤဟဲထီၣ် တၢ်ရဲၣ်တၢ်ကျဲၤတဘျီအံၤ မ့ၢ်ၦၤကညီဘျၢထံခဝ့ၡၢၣ်အိၣ်မူ အိၣ်ဒါတဖၣ်ႇ ဝဲၤကျိၤကမံးတံ၁်ဖိလၢခဝ့ၡၢၣ်ပၢဆှၢတၢ်ကမံးတံ၁်န့ၢ်တဖၣ်ႇ ကီၢ်ၦၤနဲၣ်တၢ်တဖၣ်ႇ ကီၢ်ခၢၣ်စးတဖၣ်ႇ ဒီးဝဲၤကျိၤၦၤမၤသကိးတၢ်တဖၣ်န့ၣ်လီၤ. ၦၤဟဲထီၣ်ခဲလၢ၁်အိၣ်ဝဲ (၂၉) ဂၤန့ၣ်လီၤ. တၢ်ရဲၣ်တၢ်ကျဲၤအံၤ ၦၤတီခိၣ် ရိၣ်မဲမ့ၢ်ဝဲ သရၣ်ဒိၣ်ကထၢၣ်ယံၤအ့လး (ဝဲၤကျိၤၦၤပၢၤလီၢ်ဆ့ၣ်နီၤ) န့ၣ်လီၤ.

ဖဲ (၃ဝ.၁.၂ဝ၂၄) အနံၤ ခၠံးမၠ့းတၣ်တၢ်ကဟုကယ၁်ဖိသၣ်အိၣ်ဆိးလီၢ် အိၣ်ဒီးတၢ်စံးဘျုးစံးဖှိၣ်တၢ်ရဲၣ်တၢ် ကျဲၤဖဲတီအူဝ့ၢ် ခီဖျိတၢ်သုးက့ၤတၢ်အိၣ်တၢ်ဆိးလီၢ်လၢတၢ်လီၢ်အသီ ဖဲအ့ဝဲန့ၣ်လီၤ. တၢ်ရဲၣ်တၢ်ကျဲၤတဘျီအံၤ ၦၤနဲၣ်တၢ် ဒီးတၢ်ရဲၣ်တၢ်ကျဲၤမူဒါခိၣ် လဲၤဒီးဘူၣ်သကိးဘါသကိးတၢ် ဒီး ထံၣ်လိ၁်သးဒီး ဖိသၣ်တဖၣ်န့ၣ်လီၤ. တဘျီဃီ ကၠိလၢ ဘၣ်သုးလီၢ်သုးကျဲလၢ တီအူဝ့ၢ် ဒ်အမ့ၢ် ဖုသူသူဖုရှ့သး တၢ်ကဟုကယ၁်ဖိသၣ်အိၣ်ဆိးလီၢ်ဖိသၣ် ဒီးထံမူထီၣ်ပၢၢ်တၢ်ကဟုကယ၁်ဖိသၣ်အိၣ်ဆိးလီၢ်ဖိသၣ်တဖၣ် ဟဲဒီးဘူၣ်သကိးတၢ်န့ၣ်လီၤ. တၢ်ဘူၣ်သကိးဘါ သကိးတၢ်ဝံၤဒီး အိၣ်ဒီးတၢ်ထံၣ်လိ၁်သကိးသး ဒီးတၢ်ကတိၤသကိးတၢ်ဒီး ဖိသၣ်တဖၣ်န့ၣ်လီၤ.

ၦၤကညီဘျၢထံခဝ့ၡၢၣ်ႇ တၢ်ဘၣ်ထွဲတုၤအိၣ်လိ၁်သးဝဲၤကျိၤအိၣ်ဒီးတၢ်အိးထီၣ် တၢ်မၤလိသ့တၢ်တ့ နိးအပတီၢ်(၁)အတၢ်မၤလိအံၤ ဘၣ်တၢ်စးထီၣ်အီၤဖဲ ၂.၂.၂ဝ၂၄ အနံၤန့ၣ်လီၤ. တၢ်အိးထီၣ်တၢ်ရဲၣ်တၢ်ကျဲၤကတီၢ်ၦၤပၢၤလီၢ်ဆ့ၣ်နီၤမ့ၢ်-သရၣ်မုၣ်ဂ့ၤဂ့ၤထူ(တၢ်ဘၣ်ထွဲတုၤအိၣ်လိ၁်သးဝဲၤကျိၤႇၦၤနဲၣ်တၢ်)ႇ တၢ်ဟ့ၣ်ဂံၢ်ဟ့ၣ်ဘါ-သရၣ်မုၣ်ဒီးကထၢၣ်လ့ထူ(နဲၣ်ရွဲၣ်သဃဲၤႇတၢ်ပၢတၢ်ဆှၢ)ႇ တၢ်ထုကဖၣ်လၢခံ-သရၣ်ဖျါဆဲး(ကီၢ်ပၠံၣ်သၣ်ယၣ်ဝတံၣ်)န့ၣ်လီၤ. တၢ်မၤလိအံၤမ့ၢ်ဒၣ်လၢခဝ့ၡၢၣ်ဖိလံၤႇ ကီၢ်အဘ့ၣ်(၂ဝ)အဂီၢ်န့ၣ်လီၤ. ၦၤထီၣ်တၢ်မၤလိတဖၣ်လၢကီၢ်ခၢၣ်စးဒီးခဝ့ၡၢၣ်ဝဲၤလီၢ်တဖၣ်ခဲလၢ၁်အိၣ်ဝဲ (၂၂)ဂၤန့ၣ်လီၤ. ပှၤလၢအဟ့ၣ်ခီဟ့ၣ်နီၤတၢ်သိၣ်လိမ့ၢ်-သရၣ်ထံၣ်န့ၢ်မူ(ကီၢ်တကူၣ်)န့ၣ်လီၤ.

လၢကစၢ်ယွၤအဘျုးအဖှိၣ်အဃိ ပဝဲၦၤကညီဘျၢထံခဝ့ရှၢၣ် ယွၤဂ့ၢ်ပီညါဝဲၤကျိၤႇ ယွၤဂ့ၢ်ပီညါဟ့ၣ်ဂံၢ်ဟ့ၣ်ဘါဟံးစုနဲၣ်ကျဲ
ပရူၢ်ပလဲၤဘၣ်ဆူ ဖုအီၣ်ဒွ့လံ၁်စီဆှံကၠိ (ဝ့ၣ်ပၠ့ၣ်အူလွ့ၣ်ႇကီၢ်ထးခီ)န့ၣ်လီၤ. တၢ်လဲၤတဘျီအံၤအိၣ်ဒီးတၢ်ပညိၣ်တၢ်ကွၢ် စိလၢ 
အမ့ၢ်တၢ်ထံၣ်လိ၁်ရ့လိ၁်မု၁်လိ၁်သးအဂီၢ်မ့ၢ်ဂ့ၢ်ႇ တၢ်ဟ့ၣ်ဂံၢ်ဟ့ၣ်ဘါဟံးစုနဲၣ်ကျဲအဂီၢ်မ့ၢ်ဂ့ၢ်ႇ တၢ်ဘၣ်ထွဲတုၤအိၣ်လိ၁် သးကဂ့ၤအါထီၣ်အဂီၢ်န့ၣ်လီၤ. ပထံၣ်လိ၁်ဘၣ်သးဒီးကၠိခိၣ်ႇ သရၣ်၊မုၣ်ဒီးကၠိၦၤမၤသကိးတၢ်တဖၣ်အဆၢကတီၢ်တကတီၢ်ဒီး ထံၣ်လိ၁် သးဒီးကၠိဖိတဖၣ်တကတီၢ်န့ၣ်လီၤ. ပတၢ်ထံၣ်လိ၁်ဘၣ်သးရ့လိ၁်မု၁်လိ၁်သးတဘျီအံၤ ပသ့ၣ်ညါအါထီၣ်ဘၣ်ပကၠိ တဖၣ်အတၢ်အိၣ်သးႇ အတၢ်ကျဲးစၢးအဃိ ပဒိးန့ၢ်ဘၣ်တၢ်သူၣ်မံသးမံဒိၣ်မးန့ၣ်လီၤ. စံးဘျုးဘၣ်ၦၤဘၣ်မူဘၣ်ဒါကိးဂၤလၢ အတၢ် တူၢ်လိ၁်မုၣ်ၦၤလၢအလၢဝဲၦဲၤဝဲဒိၣ်မးအဃိန့ၣ်လီၤ.

ၦၤကညီဘျၢထံခဝ့ၡၢၣ်ႇ ခရံ၁်ဖိတၢ်ကူၣ်ဘၣ်ကူၣ်သ့ဝဲၤကျိၤအိၣ်ဒီး တၢ်ခံကွၢ်စီၤကီၢ်က့ၤ ဝဲၤကျိၤတၢ်ဖံးတၢ်မၤတၢ်ရဲၣ်တၢ်ကျဲၤဖဲ လါယနူၤအါရံ(၁၆-၁၇)သီႇ ၂ဝ၂၄နံၣ် ဖဲနံၣ်(၁ဝဝ)တၢ်စံးဘျုးတၢ်သူၣ်ထီၣ်န့ၣ်လီၤ.တၢ်ရဲၣ်တၢ်ကျဲၤတဘျီအံၤ အိၣ်ဒီးတၢ်အိးထီၣ်လၢတၢ်ဘူၣ်တၢ်ဘါတၢ်ရဲၣ်တၢ်ကျဲၤဒီး ၦၤဟ့ၣ်ဂံၢ်ဟ့ၣ်ဘါႇ တၢ်ဆၢဂ့ၤဆၢဝါတၢ်မ့ၢ်ဝဲ-သရၣ်ဒိၣ်ယွၤဒုးမူ(ခဝ့ၡၢၣ်နဲၣ်ရွဲၣ်)န့ၣ်လီၤ. လၢတၢ်ခံကွၢ်စီၤကွၢ်တၢ်ရဲၣ်တၢ်ကျဲၤအံၤ ၦၤလၢဟံးစုနဲၣ်ကျဲမ့ၢ်ဝဲ-သရၣ်မုၣ်ဒိၣ် မၠီမၠးဖီ(နဲၣ်ရွဲၣ်သဃဲၤႇ တၢ်ကတဲ၁်ကတီၤရ့လိ၁်ဘၣ်ထွဲတၢ်သးခုကစီၣ်)န့ၣ်လီၤ.ၦၤဟဲထီၣ်တၢ်ရဲၣ်တၢ်ကျဲၤတဖၣ်မ့ၢ်ဝဲ- ကီၢ်ခၢၣ်စးႇ ဝဲၤကျိၤၦၤနဲၣ်တၢ်ႇ ၦၤဟ့ၣ်ကူၣ်တၢ်ႇ ဝဲၤလီၢ်ခိၣ်နၢ်တဖၣ်ဒီး ဝဲၤကျိၤၦၤမၤသကိးတၢ်တဖၣ်ခဲလၢ၁်(၃၉)ဂၤန့ၣ်လီၤ.