Karen Baptist Convention

ဖဲ လါနိၣ်ဝ့ဘၢၣ် ၂၇သီႇ ၂ဝ၂၃နံၣ် န့ၣ်အိၣ်ဒီး ၦၤမၤလိတ့ၢ်ဖၠၣ်စိမိၤကၠိဖိတဖၣ်အတၢ်ရ့လိ၁်မု၁်လိ၁်သး တၢ်ရဲၣ်တၢ်ကျဲၤန့ၣ်လီၤ. တၢ်ရဲၣ်တၢ်ကျဲၤအံၤဘၣ်တၢ်မၤအီၤဖဲ ဖုသၣ်ဖၠူၣ်ဘျီၣ်ရိဖှိၣ်ႇ စ့ၤမ့ၤနရံတၢ်လူၢ်ခိၣ်ႇ အ့စ့ၣ်န့ၣ်လီၤ. တၢ်ပညိၣ်-မ့ၢ်ဒ်သိးကမၤလၤကပီၤက့ၤ ပၦၤကလု၁်ကညီခိၣ်နၢ်လၢအအိၣ်ဆိ လဲၤဆိလၢတၢ်ကူၣ်ဘၣ်ကူၣ်သ့ႇ တၢ်ကဲခိၣ်ကဲနၢ်လၢ တၢ်ဖံးတၢ်မၤအပူၤတဖၣ်တကးဒံးဘၣ် ကအိၣ်ဒီးတၢ်ရ့လိ၁်မု၁်လိ၁်သးဒီး ကမၤသကိးတၢ်ဒီး ၦၤကညီဘျၢထံခဝ့ၡၢၣ်လၢ တၢ်ဒုဒိၣ်ထီၣ်ခိၣ်နၢ်တၢ်ရဲၣ်တၢ်ကျဲၤအဂီၢ်န့ၣ်လီၤ.
တၢ်ဘူၣ်တၢ်ဘါကတီၢ် ၦၤပၢၤလီၢ်ဆ့ၣ်နီၤမ့ၢ် သရၣ်ဒိၣ်ဒီးကထၢၣ်မိစဲးသ့ဒီး တၢ်ကစီၣ်မ့ၢ် သရၣ်မုၣ်းဒိၣ်ဒီးကထၢၣ်စ့လွဲၢ်ဝါ န့ၣ်လီၤ.  တၢ်ရဲၣ်တၢ်ကျဲၤအံၤအိၣ်ဒီး တၢ်ဒုးသ့ၣ်ညါလိ၁်သးႇ တၢ်တဲဖျါၦၤကညီဘျၢထံခဝ့ၡၢၣ် (တၢ်ဒုးဒိၣ်ထီၣ်ထီထီၣ်ခိၣ်နၢ်ဝဲၤကျိၤ)အဂ့ၢ်ႇ တၢ်ဟ့ၣ်ထီၣ်ဒီးတၢ်ကတိၤသကိး သ့ၣ်တဖၣ်န့ၣ်လီၤ. ၦၤဟဲထီၣ်တၢ်ရဲၣ်တၢ်ကျဲၤခဲလၢ၁်အိၣ်ဝဲ (၇ဝ)ဂၤဘျဲၣ်န့ၣ်လီၤ. တၢ်ရဲၣ်တၢ်ကျဲၤအံၤဘၣ်တၢ်တီခိၣ်ရိၣ်မဲအီၤလၢ တၢ်ဒုးဒိၣ်ထီၣ်ထီထီၣ်ခိၣ်နၢ်ဝဲၤကျိၤန့ၣ်လီၤ.

ၦၤကညီဘျၢထံခဝ့ၡၢၣ် တၢ်ဒုးဒိၣ်ဒိၣ်ထီၣ်ခိၣ်နၢ်ဝဲၤကျိၤ သုးကျဲၤမၤဝဲ ''တၢ်ကဲခိၣ်ကဲနၢ်ဒီး တၢ်ပၢတၢ်ဆှၢ တၢ်မၤလိ"ခံဘျီတဘျီ ဒီးဘၣ်တၢ်မၤအီၤဖဲ လါ အီးကထိဘၢၣ် (၁၇-၂ဝ)သီႇ ၂ဝ၂၃ ဖဲ ၦၤကညီဘျၢထံခဝ့ၡၢၣ်နံၣ်တကယၤတၢ်စံးဘျုးတၢ်သူၣ်ထီၣ်န့ၣ်လီၤ. တၢ်မၤလိတဘျီအံၤ ဘၣ်တၢ်စးထီၣ်အီၤလၢ တၢ်ဘူၣ်တၢ်ဘါတၢ်ရဲၣ်တၢ်ကျဲၤ ဖဲ(၁၇)သီႇ ဂီၤ (၈းဝဝ)နၣ်ရံၣ်န့ၣ်လီၤ. ၦၤလၢ အဟ့ၣ်တၢ်ကစီၣ်လၢတၢ်အိးထီၣ်တၢ်မၤလိတၢ်ဘူၣ်တၢ်ဘါ မ့ၢ်ဝဲ-သရၣ်မုၣ်ဒိၣ်မၠီမၠးဖီ(နဲၣ်ရွဲၣ်သဃဲၤႇ ကမံးတံာ်ရ့လိာ်မၤသကိးတၢ်သးခုကစီၣ်)န့ၣ်လီၤ.လၢကီၢ်(၁၅)ဘ့ၣ်အခၢၣ်စး ၦၤလၢအဟဲ ထီၣ်တၢ်မၤလိအိၣ်ဝဲ(၂၂)ဂၤန့ၣ်လီၤ. တၢ်မၤလိတဘျီအံၤသရၣ်သိၣ်လိတၢ်တဖၣ်မ့ၢ်ဝဲ သရၣ်ဒီးကထၢၣ်Ivan, သရၣ်စးန့ၢ်သါ ဒီး သရၣ်ဒီးကထၢၣ်Micheal Di Za Cin သ့ၣ်တဖၣ်န့ၣ်လီၤ. တၢ်မၤလိတဘျီအံၤ ဘၣ်တၢ်မၤဝံၤအီၤဖဲ လါအီးကထိဘၢၣ်(၂ဝ)သီ ခီဖျိတၢ်ဘူၣ်တၢ်ဘါဒီး တၢ်ဘူၣ်တၢ်ဘါကတီၢ် ၦၤလၢ ဟ့ၣ်တၢ်ကစီၣ်မ့ၢ်ဝဲ-သရၣ်မုၣ်ဒီးကထၢၣ်လ့ထူ(နဲၣ်ရွဲၣ်သဃဲၤႇ တၢ်ပၢတၢ်ဆှၢ)န့ၣ်လီၤ.

ၦၤကညီဘျၢထံခဝ့ၡၢၣ် တၢ်ဒုးဒိၣ်ထီၣ်ထီထီၣ်ခိၣ်နၢ်ဝဲၤကျိၤ အိၣ်ဒီး တၢ်သ့ကွဲးလံာ်ကွဲးလဲၢ်တၢ်မၤလိ ဖဲ ၃၉၆ ဘိၣ်ခၠူးကျဲႇ လၣ်မတီၣ်ႇ ခဝ့ၡၢၣ်တၢ်အိၣ်ဖှိၣ်အဒၢးန့ၣ်လီၤ. တၢ်မၤလိအံၤဘၣ်တၢ်မၤအီၤဖဲ လါယူၤလံ ၂၅သီ တုၤ ၂၇သီႇ ၂ဝ၂၃အနံၤန့ၣ်လီၤ. တၢ်မၤလိတဘျီအံၤ သရၣ်သိၣ်လိတၢ်မ့ၢ်ဝဲ-သရၣ်ဒိၣ်ရွှ့ၣ်ယံၣ် ဒီး ၦၤဟဲထီၣ်တၢ်မၤလိလၢဝဲၤကျိၤ ခဲလၢာ်ခၢၣ်စးအိၣ်ဝဲ(၁၇)ဂၤန့ၣ်လီၤ.

ၦၤကညီဘျၢထံခဝ့ၡၢၣ် တၢ်ကတဲာ်ကတီၤဒုးဒိၣ်ထီၣ်ထီထီၣ်ခိၣ်နၢ်
ဝဲၤကျိၤအိၣ်ဒီး "တၢ်ကဲခိၣ်ကဲနၢ်ဒီး တၢ်ပၢတၢ်ဆှၢ" တၢ်မၤလိဖဲ ခဝ့ၡၢၣ်နံၣ်တကယၤတၢ်စံးဘျုးတၢ်သူၣ်ထီၣ် တၢ်အိၣ်ဖှိၣ်ဒၢးန့ၣ်လီၤ. တၢ်မၤလိအံၤစးထီၣ်ဖဲ လါယူၤလံ(၁၁)သီႇ ဒီးတုၤဖဲလါယူၤလံ(၁၄)ႇ
၂ဝ၂၃နံၣ်န့ၣ်လီၤ. တၢ်မၤလိတဘျီအံၤ ၦၤသိၣ်လိတၢ်သရၣ်တဖၣ်
မ့ၢ်ဝဲ-ဒီးကထၢၣ်အၤဘၢၣ် ဒီးသရၣ်န့ၤသၣ်တဖၣ်န့ၣ်လီၤ. 
ကီၢ်(၁၆)ဘ့ၣ်ခၢၣ်စး ၦၤဟဲထီၣ်တၢ်မၤလိအိၣ်ဝဲ(၃၁)ဂၤန့ၣ်လီၤ.

ခဝ့ၡၢၣ်ဝဲၤလီၢ်ၦၤမၤတၢ်ဖိတဖၣ်အဂီၢ်ႇ ဝဲၤကျိၤအံၤသုးကျဲၤမၤတၢ်မၤလိလၢအမ့ၢ်၀ဲ Office Management, Financial Management, Team Management  အဖဲ (၁၅-၁၇.၃.၂ဝ၂၃) အနံၤန့ၣ်လီၤ.
ၦၤဟဲထီၣ်တၢ်မၤလိတဖၣ်ခဲလၢ၁်အိၣ်ဝဲ (၂၅)ဂၤန့ၣ်လီၤ. သရၣ်၊သရၣ်မုၣ်တဖၣ်လၢအဟ့ၣ်တၢ်သိၣ်လိတဖၣ်မ့ၢ်ဝဲ (၁) Office Management-သရၣ်မုၣ်ဒီးကထၢၣ်လ့ထူႇ (၂)Financial Management-သရၣ်မုၣ်ၡံထၣ်ဖီႇ (၃) Team Management- သရၣ်သဲးနဲၣ်အူ သ့ၣ်တဖၣ်န့ၣ်လီၤ.