Karen Baptist Convention

ဧ့ၤဒ့ၣ်သီ တၢ်အိၣ်ဖှိၣ်တဖၣ် ပ၁်ဖှိၣ်ထံၣ်လိၣ်ဟ့ၣ်ခီဟ့ၣ်နီၤ တၢ်ရဲၣ်တၢ်ကျဲၤ 
(Ghay-day Thaw Practitioner Gathering)
                 တၢ်အိၣ်ဖှိၣ်လၢ ဖံးမၤဧ့ၤဒ့ၣ်သီတၢ်ရဲၣ်တၢ်ကျဲၤတဖၣ် ပ၁်ဖှိၣ်ထံၣ်လိၣ်ဟ့ၣ်ခီဟ့ၣ်နီၤသကိး တၢ်ရဲၣ်
တၢ်ကျဲၤ ဖဲ လါနိၣ်ဝ့ဘၢၣ်(၅-၇)သီႇ၂ဝ၂၄နံၣ်န့ၣ်လီၤ. ၦၤဟဲထီၣ်တၢ်ရဲၣ်တၢ်ကျဲၤအံၤ မ့ၢ်လၢ ကီၢ်(၁၁) ဘ့ၣ်ႇ တၢ်အိၣ်ဖှိၣ် (၃၆)ဖှိၣ်ခၢၣ်စး(၃၆)ဂၤႇ ကီၢ်တကူၣ်လံ၁်စီဆှံကၠိ(၆)ဂၤႇ ခဝ့ၡၢၣ်ဒီးကီၢ်-ခမဂသၦၤမၤတၢ်ဖိ-(၁၄)ဂၤႇခဲလၢ၁် (၅၆)ဂၤ န့ၣ်လီၤ. တၢ်ရဲၣ်တၢ်ကျဲၤအံၤ အိၣ်ဒီးတၢ်မၤလိသကိးလံ၁်စီဆှံ လၢသရၣ်ဒိၣ်ဒီးကထၢၣ်စိသံၣ်ဟးႇသရၣ်မုၣ်ဒီးကထၢၣ်စ့သံၣ်ဒံၢ်ထိမၠးႇ
သရၣ်ဒိၣ်ဒီးကထၢၣ်ရွှ့ၣ်ကၠါ န့ၣ်လီၤ. တၢ်ဟ့ၣ်တၢ်သိၣ်လိ(၁)“How to deal with the current situation through CCMP approach” လၢ သရၣ်ဒိၣ်ဒီးကထၢၣ်အီးထ့ဘယၢးစ်အ့, (၂)“Church and Community Transformation” လၢ သရၣ်ဒီးကထၢၣ်စလိးမၣ် န့ၣ်လီၤ. ပအိၣ်ဒီးတၢ်ကတိၤသကိး(PANEL Discussion)လၢ ခိၣ်တီဒ်အမ့ၢ် (၁) CCMP in Theological Perspective လၢ Rev.Dr. Octavius Aye) (၂) CCMP Journey လၢ Rev. Hla Pe  
(၃) CCMP experience လၢ Thramu Say Say Paw န့ၣ်လီၤ. ကီၢ်ႇတၢ်အိၣ်ဖှိၣ်ခၢၣ်စးလၢဟဲထီၣ် တၢ်ရဲၣ်တၢ်ကျဲၤတဖၣ် အိၣ်ဒီး တၢ်ပ၁်ဖျါထီၣ် ဧ့ၤဒ့ၣ်သီအတၢ်ဖံးတၢ်မၤလၢ ဖံးမၤလၢဒူသဝီႇတၢ်အိၣ်ဖှိၣ် အပူၤတဖၣ် အိၣ်ဒီးတၢ်သံကွၢ်စံးဆၢလၢတၢ်ပ၁်ဖျါအဂ့ၢ်န့ၣ်လီၤ. ခၢၣ်စးလၢဟဲထီၣ်သကိးဘၣ်တၢ်ရဲၣ်တၢ်ကျဲၤအံၤ ဒိးနန့ၣ်လီၤ.ၢ်ဘၣ် တၢ်သ့ၣ်
ညါနၢ်ပၢၢ်အါထီၣ်လၢဧ့ၤဒ့ၣ်သီအဂ့ၢ်အကျိၤႇကီၢ်တဘ့ၣ်ဘၣ်တဘ့ၣ် တၢ်သုးကျဲၤမၤဧ့ၤဒ့ၣ်သီ အတၢ်ဖံးတၢ်မၤ အဂ့ၢ်ဒီးဒိးန့ၢ်အါထီၣ်သူၣ်ဂ့ၢ်သးကျိၤ တၢ်သ့ၣ်ညါ နၢ်ပၢၢ် လၢ တၢ်အိၣ်ဖှိၣ် တဖၣ် သုးကျဲၤဖံးမၤ တဖၣ်အဂ့ၢ်န့ၣ်လီၤ.  
တိ၁်ပ၁်လၢ ကမၤဘၣ်ဒံးႇ ဂ့ၤထီၣ်ဆူၣ်ထီၣ်ဒိၣ်ထီၣ် ဒီး ကကဲထီၣ် တၢ်ဘျုးတၢ်ဖှိၣ် အါန့ၣ်အလီၢ် န့ၣ်လီၤ.

ယွၤဂ့ၢ်ပီညါဝဲၤကျိၤ အိၣ်ဒီးခီဖရဲး (၂)နံၣ်တဘျီ လၢဘၣ်တၢ်မၤအီၤလၢ လံ၁်စီဆှံကၠိသ့ၣ်တဖၣ်လီၤ. ဘၣ်ဆၣ်မ့ၢ်လၢ ထံကီၢ်တၢ်အိၣ်သးသ့ၣ်တဖၣ်အဃိ ပတမၤဘၣ်ခီဖရဲးလၢ မဲ၁်သကိးမဲ၁်ဘၣ်ဆၣ် ကစၢ်ယွၤအိးဟိထီၣ်စ့ၢ်ကီးတၢ်ဆိၣ်ဂ့ၤအကျဲလၢ ပကမၤဘၣ်အီၤလၢ ဆဲးကျိၤန့ၢ်တီၤန့ၣ်လီၤ. တနံၣ်အံၤ ပမၤဘၣ် ခီဖရဲး (၁၄)ဘျီတဘျီဖဲ လါအီးကထိးဘၢၣ် ၂၃-၂၅သီႇ ၂ဝ၂၄ လၢ ဆဲးကျိၤန့ၢ်တီၤဒီး တၢ်တိ၁်ထူမ့ၢ်ဝဲ -လၢကသူၣ်ထီၣ်တၢ်လီၤပှီၢ် ယွၤခ့ၦၤကျဲးစၢးနီၣ်နီၣ် (ဧ့စြၤ ၇း၁ဝႇ နဃ့မယၤ ၂း၁၇-၁၈ႇ ၁ကရံၣ်သူး ၁၅း၅၈) န့ၣ်လီၤ. ဝဲၤကျိၤကၠိ (၁၆)ဖျၢၣ် ကၠိခိၣ်^ကၠိခိၣ်စၢၤဒီးကၠိသရၣ်^မုၣ်ဒီး ကၠိမၤတံၤမၤသကိး လၢအမ့ၢ် ဖုမ့ၢ်စံၣ်လံ၁်စီဆှံကၠိခိၣ်  ခဲလၢ၁် ပ၁်ဖှိၣ်(၈၆)ဂၤ ထီၣ်သကိးတၢ်ရဲၣ်တၢ်ကျဲၤတဘျီအံၤလီၤ. လၢတၢ်အိးထီၣ်တၢ်ရဲၣ်တၢ်ကျဲၤတၢ်ဘါ ကတီၢ် ကွဲမု၁်စ့ၢ်ကီး ခဝ့ၡၢၣ်ခိၣ်နၢ်အိၣ်မူအိၣ်ဒါသ့ၣ်တဖၣ်လၢ တၢ်ကတိၤဆၢဂ့ၤႇ တၢ်ကစီၣ်ႇ တၢ်ထုကဖၣ်ဒီး တၢ်ဆိၣ်ဂ့ၤပျၢ်တၢ်အဂီၢ်လီၤ. တနံၤဘၣ်တနံၤပအိၣ်ဒီး တၢ်မၤလိသကိးလံ၁်စီဆှံ လၢအဘၣ်ထွဲဒီးတၢ်တိ၁်ထူႇ အိၣ်ဒီး သရၣ်^မုၣ်တဖၣ်အတၢ်ဟ့ၣ်ထီၣ်
တၢ်ဂ့ၢ်သ့ၣ်တဖၣ်ဒီး ပအိၣ်စ့ၢ်ကီးဒီး ကၠိတဖျၢၣ်ဘၣ်တဖျၢၣ်အတၢ်ပ၁်ဖျါသ့ၣ်တဖၣ်န့ၣ်လီၤ. ခီဖရဲးတဘျီအံၤ ၦၤသိၣ်လိလံ၁်စီဆှံတဖၣ်မ့ၢ်ဝဲ သရၣ်ဒိၣ်ဒီးကထၢၣ်ဖျါစိႇ သရၣ်ဒိၣ်ယိၤသးထံဒီး သရၣ်မုၣ်လါဖီ ဒီးၦၤဟ့ၣ်ထီၣ်တၢ်ဂ့ၢ်တဖၣ်မ့ၢ်ဝဲ သရၣ်မုၣ်ဒိၣ်ဒီးကထၢၣ်စ့လွဲၢ်ဝါႇ သရၣ်ဒီးကထၢၣ်စံၣ်သူၣ်ထိႇ ဒီး သရၣ်မုၣ်မူခိၣ်ဖီ
န့ၣ်လီၤ. ခီဖရဲးတဘျီအံၤ ပပျၢ်က့ၤအီၤလၢ တၢ်ပ၁်စီဆှံသးတၢ်ဘါ ဒီးကီၢ်ဟီကတးလံ၁်စီဆှံကၠိမၤသကိးတၢ်လၢတၢ် ဘူၣ်တၢ်ဘါတဘျီအံၤန့ၣ်လီၤ.

                 တနံၣ်တလါအံၤ မ့ၢ်လၢ မူခိၣ်စူၤဒိၣ်ႇ ထံကျိမိၢ်ၦၢ် အထံတဖၣ်ႇ ကစၢၢ်ခိၣ်ကလိကျါ ထံ တဖၣ် ယွၤလီၤ အါမး ဒီး ကီၢ် တနီၤဘၣ်လဲၤခီဖျိ ထံဒိၣ်နိယွၤ ဒီး ဒူသဝီ တနီၤ အိၣ်လၢ အဒူသဝီ ပူၤ အိၣ်ဝဲသ့ႇတနီၤ ဘၣ်သုးအလီၢ် ဆူ တၢ်လီၢ်လၢ အထီႇ တၢ်လီၢ်လၢ တၢ်အိၣ်ကဒု တစိၤတလီၢ် အဂီၢ်န့ၣ်လီၤ.
 ၦၤကညီဘျၢထံခဝ့ရှၢၣ်ခိၣ်နၢ်ႇဝဲၤကျိၤခိၣ်နၢ်တနီၤလဲၤတုၤအိၣ်ကီၢ်ပၠံၣ်သၣ်ယၣ်ဝတံၣ်ႇအၣ်မလီး သဝီဖိ လၢ ဟဲအိၣ်ကဒုလၢ ဝ့ၢ်သၣ်ယၣ်ဝတံၣ်ႇ တၢ်အိၣ်ဖှိၣ်ဘျီၣ်ရိဖှိၣ်တၢ်သူၣ်ထီၣ်(၁၃၈)ဂၤ အအိၣ် ဖဲ ၂ဝ၂၄နံၣ်ႇ လါယူၤလံ (၂၉)သီ န့ၣ်လီၤ. ၦၤဟဲအိၣ်ကဒု အါတက့ၢ် မ့ၢ်ဝဲ မိၢ် ဒီးဖိဆံးတဖၣ် န့ၣ်လီၤ. တနီၤအိၣ်ကဒု လၢ အဲယွၣ်တၢ်အိၣ်ဖှိၣ် အပူၤ (၂၂ဝ)ဂၤ ဒီး ဘၣ်တၢ်အံးထွဲကွၢ်ထွဲႇသုးကျဲၤမၤစၢၤ ခီဖျိ ကီၢ်ဒီးတၢ်အိၣ်ဖှိၣ် / အိၣ်ဒီးတၢ်သုးကျဲၤပ၁်လီၤ န့ၢ် တၢ်အိၣ်တၢ်ဆိးအလီၢ်ႇ ကတဲ၁်ကတီၤန့ၢ် တၢ်အီၣ်တၢ်အီႇ တၢ်ကူတၢ်သိး, တၢ်အိၣ် ဆူၣ်အိၣ်ချန့ၣ်လီၤ. အဂီၢ် န့ၣ်လီၤ. 
ဒ်န့ၢ်အသိးႇၦၤကညီဘျၢထံခဝ့ရှၢၣ်ခိၣ်နၢ်ႇဝဲၤကျိၤခိၣ်နၢ်တနီၤ လဲၤတုၤအိၣ်  ကီၢ်ပသံၣ်မၠီမၠးႇ သၣ်ပိကဝီၤႇ တၢ်အိၣ်ဖှိၣ် လၢဘၣ်ကွၢ်ဆၢၣ်မဲ၁်ဒီးထံဒိၣ်နိယွၤတၢ်ဘၣ်ကီဘၣ်ခဲႇ(၂ရ)ဖှိၣ်ႇတၢ်မၢလီၢ်(၃) တီၤ ဖဲလါအီကူ၁်(၁)သီႇ၂ဝ၂၄ နံၣ် န့ၣ်လီၤ. ၦၤကညီဘျၢထံခဝ့ရှၢၣ်ခိၣ်နၢ်ႇကီၢ်ခိၣ်ကီၢ်နၢ်ႇတၢ်အိၣ်ဖှိၣ်ခိၣ်နၢ် တဖၣ် နီၤဖးလီၤသကိးသး ကရူၢ်(၃)ဖု လၢ တၢ်လဲၤ ဟ့ၣ်ဂံၢ်ဟ့ၣ်ဘါႇတုၤအိၣ် ဒီး ဘါထုကဖၣ်ႇ ဆီၣ်ထွဲမၤစၢၤ တၢ်အဲၣ်တၢ်မၤဘူၣ် တဖၣ် ဒီး ကဲထီၣ်မး တၢ်သးခု လၢ တၢ်အိၣ်ဖှိၣ်အဂီၢ် န့ၣ်လီၤ.
ပစံးဘျုးဘၣ် တၢ်အိၣ်ဖှိၣ်ဖိလံၤႇကီၢ်ဖိကီၢ်လံၤႇခဝ့ရှၢၣ်ဖိလံၤ ကိးဂၤ လၢ ဆီၣ်ထွဲမၤစၢၤ ထံဒိၣ်တၢ်ဘၣ်ကီဘၣ်ခဲ လၢ တၢ်အီၣ်တၢ်အီႇတၢ်ဟ့ၣ်မၤဘူၣ်မၤတီၢ် ဒီး တၢ်ထုကဖၣ် အဃိ န့ၣ်လီၤ.

ၦၤကညီဘျၢထံခဝ့ၡၢၣ် တၢ်ကတဲာ်ကတီၤဒုးဒိၣ်ထီၣ်ထီထီၣ်ခိၣ်နၢ်ဝဲၤကျိၤ အိၣ်ဒီး "Leadership and Management"  တၢ်မၤလိ လၢ ဝဲၤလီၢ်ခိၣ်နၢ်တဖၣ်အဂီၢ်ဖဲ လ့အ့ၣ်စူးယွၣ်မးတၢ်အိၣ်ဖှိၣ် ဖဲလါယူၤလံ(၂၇)သီႇ ၂ဝ၂၄နံၣ် ဂီၤ(၉းဝဝ)နၣ်ရံၣ်တုၤ ဟါ(၄းဝဝ)နၣ်ရံၣ်န့ၣ်လီၤ. တၢ်အိးထီၣ်တၢ်မၤလိတၢ်ရဲၣ်တၢ်ကျဲၤ ၦၤပၢၤလီၢ်ဆ့ၣ်နီၤ မ့ၢ်ဝဲ- သရၣ်ဒိၣ်ဒီးကထၢၣ်မိစဲးသ့(တၢ်ကတဲာ်ကတီၤဒုးဒိၣ်ထီၣ်ထီထီၣ်ခိၣ်နၢ်ဝဲၤကျိၤ ၦၤနဲၣ်တၢ်), တၢ်ကတိၤဆၢဂ့ၤဆၢဝါလၢ-သရၣ်ဒိၣ်ယွၤဒုးမူ(နဲၣ်ရွဲၣ်), တၢ်ထုကဖၣ်-သရၣ်ဒိၣ်ပ့ၢ်ချ့(လ့အ့ၣ်စူးယွၣ်မး တၢ်အိၣ်ဖှိၣ်သရၣ်) ဒီး တၢ်ဆိၣ်ဂ့ၤပျၢ်လၢ သရၣ်မုၣ်ဒိၣ်ဒီးကထၢၣ်လ့ထူ(နဲၣ်ရွဲၣ်သဃဲၤႇ တၢ်ပၢတၢ်ဆှၢ) န့ၣ်လီၤ. သရၣ်သိၣ်လိတၢ်တဖၣ်မ့ၢ်ဝဲ-သရၣ်ဒီးကထၢၣ်IVan ယသရၣ်စးန့ၢ်သါတဖၣ်န့ၣ်လီၤ.အိၣ်ဒီးတၢ်မၤလၤကပီၤက့ၤ သရၣ်သိၣ်လိတၢ်တဖၣ်တၢ်ရဲၣ်တၢ်ကျဲၤ ဒီး ၦၤကတိၤဒိၣ်သရၣ်တဖၣ်လၢ -သရၣ်မုၣ်နံထၣ်(တၢ်ကဟုကယာ်ဒီး တၢ်ကူၣ်လိာ်တၢ် ဝဲၤကျိၤၦၤနဲၣ်တၢ်) ဒီး တၢ်ဟ့ၣ်လီၤတၢ်မၤလၤကပီၤတၢ်ဟ့ၣ်လၢ- သရၣ်မုၣ်ဒိၣ်မၠီမၠးဖီ(နဲၣ်ရွဲၣ်သဃဲၤႇ တၢ်ရ့လိာ်မၤသကိးဒီးတၢ်ဂုၤထီၣ်ပသီထီၣ်)န့ၣ်လီၤ.

တၢ်သးခုကစီၣ်ဒီးမံးရှၢၣ်ဝဲၤကျိၤ
တၢ်မၢဖိတၢ်မၤလိ (၃) ဘျီတဘျီ 
မ့ၢ်လၢယွၤအဘျုးအဃိ ပမၤဘၣ်ပဝဲတၢ်မၢဖိတၢ်မၤလိ (၃) ဘျီတဘျီၦဲၤဒီးယွၤအတၢ်ဆိၣ်ဂ့ၤန့ၣ်လီၤ. တၢ်မၤလိ အံၤဘၣ်တၢ်စးထီၣ်ဖဲ ၁၁သီႇ လါယူၤ ၂ဝ၂၄ နံၣ် ဂီၤ ၈းဝ ဝနၣ်ရံၣ်န့ၣ်လီၤ. ၦၤပၢၤလီၢ်ဆ့ၣ်နီၤမ့ၢ် သရၣ်ဒီးကထၢၣ်န့ၢ်လ့အီၣ်ႇ တၢ်ထုကဖၣ်အိးထီၣ်လၢ သရၣ်မုၣ်ရံနၣ်ဖီႇ တၢ်ကတိၤဆၢဂ့ၤလၢ သရၣ်မုၣ်ဒိၣ်ဒီးကထၢၣ် လ့ထူႇ တၢ်စံၣ်တဲၤတဲလီၤခီဖျိလၢ သရၣ်ဒီးကထၢၣ်ဘျုးဖှိၣ် (ကီၢ်ပသံၣ်မၠီမၠးတၢ်သးခုကစီၣ်ၦၤနဲၣ်တၢ်) တၢ်ကတိၤ စံးဘျုးဒီးတၢ်ဘိးဘၣ်သ့ၣ်ညါလၢ ဝဲၤကျိၤၦၤနဲၣ်တၢ်သရၣ်ဒိၣ်အဲးဒဝၢးႇ တၢ်ထုကဖၣ်ကျၢၤတံၢ်လၢ သရၣ်မုၣ်ဖီဒံနၣ် (ကီၢ်ဖၣ်အၣ်မီၣ်လမၠဲၣ်တၢ်သးခုကစီၣ်ၦၤနဲၣ်တၢ်) ဒီးတၢ်ဆိၣ်ဂ့ၤပျၢ်ခီဖျိလၢသရၣ်မုၣ်ဒိၣ်ဒီးကထၢၣ်လ့ထူ (ၦၤကညီဘျၢထံ ခဝ့ရှၢၣ်နဲၣ်ရွဲၣ်သဃဲၤ) န့ၣ်လီၤ. တၢ်မၤလိတၢရဲၣ်တၢ်ကျဲၤဒီး သရၣ်သိၣ်လိတၢ်တဖၣ် မ့ၢ်ဒ်လ၁်အသိး န့ၣ်လီၤ.
(၁) သရၣ်မုၣ်ရံကိၣ်ဖီ  - တၢ်မၤလိလံ၁်စီဆှံ
(၂) သရၣ်ဒီးကထၢၣ်ဃနိ၁် - တၢ်မၤလိလံ၁်စီဆှံ
(၃) သရၣ်ဒိၣ်လးဖ့ၣ်  - CCMP
(၄) သရၣ်ဒိၣ်ဖိထူ  - တၢ်အုၣ်က့ၤခီၣ်က့ၤ
(၅) သရၣ်မုၣ်အဲၣ်ခုၣ်  - တၢ်သးခုကစီၣ်တၢ်မၤဒီး သးစီဆှံအစိကမီၤ
(၆) သရၣ်ဒိၣ်တ့ၣ်စီ  - မုၢ်နံၤခံကတၢၢ်တၢ်ကမၤသးတဖၣ်
( ၇) သရၣ်ဒိၣ်ရိၣ်စါ  - ကစၢ်ခရံ၁်ဒီးတၢ်သးခုကစီၣ်တၢ်မၤ
(၈) သရၣ်ဒိၣ်ဒီးကထၢၣ်အီနၢၣ်ညိၣ် - တၢ်သးခုကစီၣ်ကျဲကူၣ်နၢၤ
(၉) သရၣ်ဒိၣ်ဒီးကထၢၣ်ကျၢၤတီ - တၢ်ကဲခိၣ်ကဲနၢ်လၢတၢ်သးခုကစီၣ်တၢ်မၤ
(၁ဝ) သရၣ်မုၣ်ဒီးကထၢၣ်တ့ၣ်စံၣ်မိ - နံၣ်ကယၤ (၂၁) အတၢ်တၤဒီးတၢ်မၤတၢ်သးခုကစီၣ်တၢ်မၤ
ပကလၢၢ်ဘၣ်တၢ်မၤလိအံၤ ကဲထီၣ်မးတၢ်ဆိၣ်ဂ့ၤဒီး တၢ်ဘျုးတၢ်ဖှိၣ်ဒိၣ်မးလၢ ၦၤလၢအဟဲထီၣ်မၤလိ တဖၣ်အဂီၢ်န့ၣ်လီၤ. ကီၢ် (၁၅) ဘ့ၣ်အခၢၣ်စးၦၤဟဲထီၣ် တၢ်မၤလိပ၁်ဖှိၣ်ခဲလၢ၁် (၄၅) ဂၤန့ၣ်လီၤ. ပစံးဘျုး ဘၣ်သရၣ်သမါတဖၣ် လၢအဟဲသိၣ်လိန့ၢ်ၦၤတၢ်လၢ တၢ်မၤလိတဘျီအံၤ ဃု၁်ဒီးကီၢ်ခၢၣ်စးတဖၣ်န့ၣ်လီၤ.
တၢ်မၤလိအံၤဘၣ်တၢ်ပျၢ်က့ၤအီၤဖဲ ၂၁.၆.၂ဝ၂၄ ဖဲတၢ်မၤလိဝံၤန့ၣ်လီၤ. ၦၤပၢၤလီၢ်ဆ့ၣ်နီၤမ့ၢ် သရၣ်မုၣ်ခၠိၣ်သဲႇ သရၣ်မုၣ်မံကၣ်အိးထီၣ်တၢ်ဘါႇ သရၣ်မုၣ်၇ှံထၣ်ဖီ (ၦၤကညီဘျၢထံခဝ့ရှၢၣ်ၦၤပၢၤစ့) စံၣ်တဲၤတဲလီၤ ဟ့ၣ်ဂံၢ်ဟ့ၢ်ဘါဆူ တၢ်မၢဖိတဖၣ်ဝံၤ ၦၤလၢအဃ့ဘါထုကတဖၣ်ဒီးဆိၣ်ဂ့ၤပျၢ်က့ၤတၢ်မ့ၢ်သရၣ်ဒိၣ်ဆၣ်မုၢ်နၤ (ကီၢ်ဒဝဲၢ်ဘျံးတၢ်သးခုကစီၣ် ၦၤနဲၣ်တၢ်) န့ၣ်လီၤ.

ၦၤကညီဘျၢထံခဝ့ရှၢၣ် တၢ်ဘၣ်ထွဲတုၤအိၣ်လိ၁်သးဝဲၤကျိၤဒီး ထုးထီၣ်ရၤလီၤလံ၁်လဲၢ်ဝဲၤကျိၤအိၣ်ဒီး "တၢ်သ့ပၢဆှၢတၢ်ကစီၣ်ႇ စံၣ်စိၤနု၁်ဒီးတၢ်ဆဲးကျိးတၢ်မၤလိ(ဂ)ဘျီတဘျီ" ဖဲ လါယူၤ(ဂ)သီ တုၤ (၁၃)သီႇ ၂ဝ၂၄နံၣ် န့ၣ်လီၤ. တၢ်မၤလိအံၤဘၣ်တၢ်မၤအီၤလၢ ဆဲးကျိးန့ၢ်တီၤန့ၣ်လီၤ. တၢ်သိၣ်လိလၢ ဘၣ်တၢ်ဟ့ၣ်ခီဟ့ၣ်နီၤတဖၣ်မ့ၢ်ဝဲ- 
(၁) Biblical Foundation of Media – သ၇ၣ်မုၣ်ဂ့ၤဂ့ၤထူ
(၂) Literature and Media– သရၣ်ဒီးကထၢၣ်တနၢ်ထူ
(၃) Media Ethics – သရၣ်ဒိၣ်မူဖျၢၣ်ထူ
(၄) Journalism – သရၣ်မုၣ်ဒိၣ်တ့ၣ်မ့ၣ်ဖၠူၣ်
(၅) တၢ်သ့စူးကါ Social Media  – သရၣ်မုၣ်နါမုၣ်လ့
(၆) Cyber Security – သရၣ်မ့လဲး
( ၇)  Video Editing  – သရၣ်ကၠဲးစၢၣ်ကၠါ
(၈) Photoshop– သရၣ်မုၣ်ပထြံရှၣ်ဘိၣ် တဖၣ်န့ၣ်လီၤ.
အိၣ်ဒီးတၢ်အိးထီၣ်တၢ်မၤလိခီဖျိ တၢ်ဘူၣ်တၢ်ဘါဒီးတၢ်ကစီၣ် ဘၣ်တၢ်ဟ့ၣ်ခီဟ့ၣ်နီၤအီၤလၢ သရၣ်မုၣ်ဒီးကထၢၣ်လ့ထူန့ၣ်လီၤ. တၢ်ပျၢ်တၢ်မၤလိန့ၣ် ဘၣ်တၢ်တီခိၣ်ရိၣ်မဲအီၤလၢ ၦၤထီၣ်တၢ်မၤလိသ့ၣ်တဖၣ်အစုပူၤန့ၣ်လီၤ. ၦၤထီၣ်တၢ်မၤလိမ့ၢ် ကီၢ်ခၢၣ်စးႇ ခဝ့ရှၢၣ်ဝဲၤကျိၤၦၤမၤသကိးတၢ်ဖိခဲလၢ၁် အိၣ်(၂၅)ဂၤန့ၣ်လီၤ.

ခီဖျိကစၢ်ယွၤအဘျုးအဖှိၣ်အဃိ တနံၣ်အံၤလဲၤအိၣ်သကိးဘၣ် ကီၢ်လံ၁်စီဆှံကၠိ (၂)ဖျၢၣ်လၢ ၂ဝ၂၄-
၂ဝ၂၅ တၢ်မၤလိနံၣ်  အတၢ်အိးထီၣ်ကၠိတၢ်ဘူၣ်တၢ်ဘါတၢ် ရဲၣ်တၢ်ကျဲၤလၢတၢ်မၤသကိးတၢ်လၢတၢ်ဟ့ၣ်ခီဟ့ၣ်နီၤ
ကစၢ်ယွၤကလုၢ်ကထါန့ၣ်လီၤ. ဖဲလါမ့ၤ ၃ဝသီႇ ဂီၤ ၉းဝဝနၣ်ရံၣ်လဲၤဟ့ၣ်ခီဟ့ၣ်နီၤဘၣ်ကစၢ်ယွၤကလုၢ်ကထါဖဲ ကီၢ်တကူၣ်လံ၁်စီဆှံကၠိအိးထီၣ်တၢ်ဘူၣ် တၢ်ဘါတၢ် ရဲၣ်တၢ်ကျဲၤဒီးဖဲလါယူၤ၅သီႇဂီၤ၁ဝးဝဝနၣ်ရံၣ်လဲၤဟ့ၣ်ခီဟ့ၣ်နီၤက
စၢ်ယွၤကလုၢ်ကထါဖဲ ကီၢ်ဖၣ်အၣ် မီၣ်လမၠဲၣ်လံ၁်စီဆှံကၠိအိးထီၣ်တၢ် ရဲၣ်တၢ်ကျဲၤန့ၣ်လီၤ. တၢ်ကီတၢ်ခဲႇ တၢ်တၤတဖၣ်
အိၣ်ဝဲအါမံၤဘၣ်ဆၣ်ႇ ပလံ၁်စီဆှံကၠိခိၣ်ႇ ကၠိနၢ်ႇ ကၠိသရၣ်/မုၣ်ဒီး ကၠိထြၢးစတံကမံးတံ၁်တဖၣ် လၢတၢ်စူၢ်တၢ်န၁်အဂၢၢ်
အကျၢၤဖးဒိၣ်အပူၤအိးထီၣ်ဘၣ် လံ၁်စီဆှံကၠိလၢ ၂ဝ၂၄-၂ဝ၂၅ တၢ်မၤလိနံၣ်အဂီၢ်န့ၣ်လီၤ. ဃ့ကညးဘၣ်လၢ ပဝဲခဝ့ရှၢၣ်
ဖိလံၤကိးဂၤ ပကသ့ၣ်နီၣ်ထု ကဖၣ်လၢ ပလံ၁်စီဆှံကၠိသ့ၣ်တဖၣ်အဂီၢ်န့ၣ်တက့ၢ်.

ဖဲလါယူၤ ၂၆-၂၈သီႇ ၂ဝ၂၄ နံၣ်န့ၣ်ပအိၣ်ဒီး Page Maker, Word, Power Point အတၢ်မၤလိန့ၣ်လီၤ. တၢ်မၤလိအံၤဘၣ်တၢ်သုးကျဲၤမၤအီၤလၢ ၦၤကညီဘျၢထံခဝ့ၡၢၣ်ဝဲၤလီၢ်ၦၤမၤတၢ်ဖိတဖၣ်အဂီၢ်ဒီး ဘၣ်တၢ်တီခိၣ်ရိၣ်မဲအီၤလၢ တၢ်ဘၣ်ထွဲတုၤအိၣ်လိ၁်သးဝဲၤကျိၤန့ၣ်လီၤ. တၢ်မၤလိအံၤဘၣ်တၢ်ဟ့ၣ်ခီဟ့ၣ်နီၤအီၤလၢ သရၣ်စဲးဒီးန့ၣ်လီၤ. ၦၤဟဲထီၣ်တၢ်မၤလိလၢ ဝဲၤကျိၤခၢၣ်စး ခဲလၢ၁်အိၣ်ဝဲ (၁၆) ဂၤန့ၣ်လီၤ.

ၦၤကညီဘျၢထံခဝ့ၡၢၣ် တၢ်ဘၣ်ထဲတွုၤအိၣ်လိာ်သးဝဲၤကျိၤ အိၣ်ဒီး Basic Training of Audio Recording  တၢ်မၤလိ ဖဲ လါမ့ၤ၂ ဝတုၤ ၂၅ သီႇ ၂ဝ၂၄နံၣ်န့ၣ်လီၤ. တၢ်မၤလိအံၤ ဘၣ်တၢ်မၤအီၤဖဲ "Studio Door" ဒီး သရၣ်သိၣ်လိ တၢ်မ့ၢ်ဝဲ- သရၣ်ဒိၣ်ဒီးကထၢၣ်လၢၢ်ဝါန့ၣ်လီၤ. အိၣ်ဒီးတၢ်အိးထီၣ်တၢ်မၤလိတဘျီအံၤဖဲ လါမ့ၤ ၂ ဝသီ ဟါ န့ၣ်လီၤ.တၢ်မၤလိအံၤဘၣ်တၢ်သိၣ်လိအီၤလၢ တၢ်မၤလ့ၤအါအါန့ၣ်လီၤ. ကီၢ်ခၢၣ်စး ၦၤဟဲထီၣ်တၢ်မၤလိအိၣ်ဝဲ(၈)ဂၤလၢ ကီၢ်ပကိတကူၣ်ႇ ကီၢ်ချၢၣ်လွံၢ်ထူၣ်ႇ ကီၢ်ပၠံၣ်သၣ်ယၣ်ဝတံၣ်ႇ ကီၢ်တီအူသၣ်တီၣ်ဘှဲမိၤၦၤႇ တီအူကီၢ်ကဲၤခၢၣ်ကဲၤဘါ ဒီး ကီၢ်တီအူပကူတဖၣ်န့ၣ်လီၤ.

စံးဘျုးကစၢ်ယွၤလၢဟ့ၣ်ၦၤတၢ်ခွဲးတၢ်ယ၁်လၢတၢ်လဲၤဟ့ၣ်ခီဟ့ၣ်နီဘၣ်ထွဲတၢ်သ့ပၢဆှၢကျိၣ်စ့အဂ့ၢ်အကျိၤတဖၣ်အဂီၢ်/တၢ်သိၣ်လိအံၤဘၣ်တၢ်မၤအီၤ ဖဲ ၉ -၁ဝႇ လါမ့ၤ ႇ၂ဝ၂၄နံၣ် (၂)သီ တၢ်မၤလိ/တၢ်မၤလိတဘျီအံၤဘၣ် တၢ်ဟံးစုနဲၣ်ကျဲသိၣ်လိဘၣ်ထွဲ တၢ်ဂ့ၢ်တဖၣ် မ့ၢ်ဒ်လ၁်အံၤ အသိး/
                    တၢ်မၤလိတဘျီအံၤအိၣ်ဒီး တၢ်သိၣ်လိလၢအမ့ၢ်-
၁.  ၦၤကညီဘျၢထံခဝ့ၡၢၣ်ကျိၣ်စ့ဒီးတၢ်စုလီၢ်ခီၣ်ခိၣ်လံ၁်နဲၣ်ကျဲအဂ့ၢ်
၂.  တၢ်သ့ပၢဆှၢကျိၣ်စ့အဂ့ၢ်အကျိၤတဖၣ် (ဘၣ်ထွဲလံ၁်စီဆှံအဂ့ၢ်အကျိၤ       ဒီးတၢ်ဖံးတၢ်မၤ)
၃. တၢ်ဖီၣ်စ့စရီပတီၢ်အဂ့ၢ်အကျိၤတဖၣ်
၄. တၢ်ထုးထီၣ်စ့စရီခိၣ်တီတဖၣ်လၢ တၢ်ကရၢက၇ရိအဂီၢ်န့ၣ်လီၤ.         
 တၢ်မၤလိတဘျီအံၤမ့ၢ်ကီၢ်ခိၣ်နၢ်အိၣ် မူအိၣ်ဒါတဖၣ်ဒီးၦၤဟဲထီၣ်ခဲလၢ၁်အိၣ် ဝဲ(၁၂)ဂၤန့ၣ်လီၤ. ၦၤသိၣ်လိတၢ်မ့ၢ်ဝဲ သရၣ်မုၣ်ၡံထၣ်ဖီ(ခဝၡၢၣ် -ၦၤပၢၤစ့) ဒီးသရၣ်မုၣ်ကၠူဒ့းမ့(ခဝၡၢၣ်-ၦၤဖီၣ်စ့စရီ) .န့ၣ်လီၤ.