Karen Baptist Convention

ၦၤကညီဘျၢထံခဝ့ၡၢၣ် တၢ်ဘၣ်ထွဲတုၤအိၣ်လိာ်သးဝဲၤကျိၤ ဒီး ထုးထီၣ်ရၤလီၤလံာ်လဲၢ်ဝဲၤကျိၤအိၣ်ဒီး တၢ်သ့ပၢဆှၢတၢ်ကစီၣ်ဒီး စံၣ်စိၤနုာ်တၢ်ဆဲးကျိးတၢ်မၤလိ(၁ဝ)ဘျီတဘျီ ဘၣ်တၢ်မၤအီၤဖဲ  ခဝ့ၡၢၣ် နံၣ်(၁ဝဝ)တၢ်စံးဘျုးတၢ်သူၣ်ထီၣ်ႇ ၁၂၁(ဃ), အလူၣ်န့ၣ်လီၤ. တၢ်မၤလိအံၤ ဘၣ်တၢ်စးထီၣ်အီၤလၢ တၢ်ဘူၣ်သကိးဘါသကိးဖဲ လါယူၤလံ(၁၄)သီႇ ဟါ(၃)နၣ်ရံၣ်န့ၣ်လီၤ. ၦၤပၢၤလီၢ်ဆ့ၣ်နီၤမ့ၢ်ဝဲ-သရၣ်ဒီးကထၢၣ်တနၢ်ထူ (ထုးထီၣ်ရၤလီၤလံာ်လဲၢ်ဝဲၤကျိၤ ၦၤနဲၣ်တၢ်), တၢ်ကစီၣ်-သရၣ်မုၣ်ဒိၣ်ဒီးကထၢၣ်လ့ထူႇ တၢ်ထုကဖၣ်-သရၣ်မုၣ်အဲၣ်မုၢ်သး( ထုးထီၣ်ရၤလီၤလံာ်လဲၢ်ဝဲၤကျိၤ ၦၤနဲၣ်တၢ်သဃဲၤ)န့ၣ်လီၤ. တၢ်သိၣ်လိဘၣ်တၢ်စးထီၣ်အီၤဖဲ တၢ်သ့ဒိတၢ်ဂီၤဒီး တၢ်ဂီၤမူလၢ သရၣ်မၠိကၠံၣ် ဖဲလါယူၤလံ(၁၅)သီဂီၤ(၈း၃ဝ)တုၤ ဟါ(၄းဝဝ)နၣ်ရံၣ်န့ၣ်လီၤ. တၢ်သ့ဆူးကါ (AI) တၢ်သိၣ်လိလၢ သရၣ်မ့လဲး ဖဲ(၁၆)သီ ဂီၤ (၈း၃ဝ)တုၤ ဟါ(၄းဝဝ)နၣ်ရံၣ်န့ၣ်လီၤ.Logo Design တၢ်ဟ့ၣ်ခီဟ့ၣ်နီၤလၢ သရၣ်ယီဟၣ်ဖဲ လါယူၤလံ(၁၇)သီႇ ဂီၤ(၈း၃ဝ-၁၂)နၣ်ရံၣ် ဒီး သရၣ်အဲၣ်ဒံၢ်မူ သိၣ်လိဘၣ်ထွဲJournalism ဖဲဟါ(၁-၄)နၣ်ရံၣ်န့ၣ်လီၤ. ကိးဂီၤဒဲးအိၣ်ဒီး တၢ်ဘူၣ်သကိးဘါသကိးတၢ် ဒီး ကိးဟါဒဲး(၆-၈)နၣ်ရံၣ်အိၣ်ဒီး တၢ်မၤလ့ၤက့ၤတၢ်သိၣ်လိလၢ သရၣ်သိၣ်လိတၢ်တဖၣ်န့ၣ်လိၤ. တၢ်ပျၢ်တၢ်မၤလိ ဒီးတၢ်ဟ့ၣ်လီၤလံာ်အုၣ်သး ဘၣ်တၢ်မၤအီၤဖဲ လါယူၤလံ(၁၈)သီႇ ဂီၤ(၈းဝဝ)နၣ်ရံၣ်န့ၣ်လီၤ. ၦၤပၢၤလီၢ်ဆ့ၣ်နီၤ-သရၣ်မုၣ်ဒီးကထၢၣ်ဂ့ၤဂ့ၤထူ(ၦၤနဲၣ်တၢ်ႇ တၢ်ဘၣ်ထဲတွုၤအိၣ်လိာ်သးဝဲၤကျိၤ), တၢ်ပာ်ဖျါတၢ်မၤလ့ၤ တၢ်ဟူးတၢ်ဂဲၤတဖၣ်ႇ တၢ်ထုကဖၣ်ဒီးတၢ်ဟ့ၣ်လီၤအသးလၢ သရၣ်ဒိၣ်ယွၤဒုးမူ(ခဝ့ၡၢၣ်နဲၣ်ရွဲၣ်)န့ၣ်လီၤ. လၢ ကီၢ်(၁၅)ဘ့ၣ်ခၢၣ်စး ၦၤဟဲထီၣ်အိၣ်ဝဲ(၂၂)ဂၤန့ၣ်လီၤ.

ၦၤကညီဘျၢထံခဝၡၢၣ်ႇ ကမံးတံာ်ပၢဆှၢတၢ်ရ့လိာ်မၤသကိးတၢ်သးခုကစီၣ် အိၣ်ဒီး တၢ်မၤလိတၢ်ရဲၣ်တၢ်ကျဲၤလၢ ခိၣ်နၢ်လၢ ခဝ့ၡၢၣ်အတီၤသ့ၣ်တဖၣ်အဂီၢ်လၢအမ့ၢ် Staff Engagement and Retention (3) days Training တၢ်မၤလိ န့ၣ်လီၤ. တၢ်မၤလိအံၤ ဘၣ်တၢ်မၤအီၤဖဲ လါယူၤလံႇ (၈-၁ဝ) သီႇ ၂ဝ၂၆နံၣ် လၢ ခဝ့ၡၢၣ်နံၣ် (၁ဝဝ) တၢ်သူၣ်ထီၣ်ႇ ၁၂၁(ဃ) တၢ်အိၣ်ဖှိၣ်ဒၢး/ တၢ်မၤလိတဘျီအံၤ ဘၣ်တၢ်သိၣ်လိၦၤလၢ သရၣ်မုၣ်ဒီးကထၢၣ်ဝၣ်ဝၣ်မၠ့း န့ၣ်လီၤ.
ၦၤဟဲထီၣ်တၢ်မၤလိတဖၣ် မ့ၢ်ဝဲၤ ခဝ့ၡၢၣ်အတီၤခိၣ်နၢ်ဒီး ၦၤနဲၣ်တၢ်တဖၣ်အိၣ်ဝဲ (၂ဝ)ဂၤ ဒီး ကမံးတံာ်ပၢဆှၢတၢ်ရ့လိာ် မၤသကိးတၢ်သးခုကစီၣ် အၦၤမၤသကိးတၢ် (၅)ဂၤ ခဲလၢာ်ပာ်ဖှိၣ် (၂၅)ဂၤန့ၣ်လီၤ.

ၦၤကညီဘျၢထံခဝ့ၡၢၣ်သုးကျဲၤမၤဝဲ ခိၣ်ဃၢၤန့ဆၢၣ်အမုၢ်နံၤ ဖဲ(၁၂.၆.၂ဝ၂၆)လၢ တၢ်ထံၣ်စိ ဟီၣ်ခိၣ်လီၢ်ႇ ဝနဲးခၠီန့ၣ်လီၤ.စးထီၣ်တၢ်ရဲၣ်တၢ်ကျဲၤလၢ တၢ်ဘူၣ်သကိးဘါသကိးယွၤ ဖဲ(၈)နၣ်ရံၣ်အဆၢကတီၢ်န့ၣ်လီၤ.ၦၤပၢၤလီၢ်ဆ့ၣ်နီၤမ့ၢ်ဝဲ-သရၣ်မုၣ်ဒီးကထၢၣ်ကၠဲပလံ(ၦၤနဲၣ်တၢ်ႇ ခရံာ်ဖိတၢ်မၤဂ့ၤမၤစၢၤဒီးတၢ်ဂုၤထီၣ်ပသီထီၣ်), တၢ်ကတိၤဆၢဂ့ၤဒီးတၢ်တဲဖျါထီၣ် ခိၣ်ဃၢၤန့ဆၢၣ်အမုၢ်နံၤ တၢ်ပညိၣ်လၢ -သရၣ်မုၣ်ဒိၣ်မၠီမၠးဖီ(ခဝ့ၡၢၣ်နဲၣ်ရွဲၣ်သဃဲၤႇ တၢ်ရ့လိာ်မၤသကိးဒီးတၢ်ဂုၤထီၣ်ပသီထီၣ်), တၢ်ထုကဖၣ်လၢ-သရၣ်မုၣ်ဒိၣ်ဒီးကထၢၣ်လ့ထူ(ခဝ့ၡၢၣ်နဲၣ်ရွဲၣ်သဃဲၤႇ တၢ်ပၢတၢ်ဆှၢ), တၢ်ရူးထါလၢ သရၣ်မုၣ်ဆၢန့ၢ်ဂ့ၤႇ တၢ်ဆိၣ်ဂ့ၤပျၢ်လၢ သရၣ်ဒိၣ်ယွၤဒုးမူ (ခဝ့ၡၢၣ်နဲၣ်ရွဲၣ်)န့ၣ်လီၤ.ဝံၤဒီးအိၣ်ဒီး တၢ်သူၣ်လီၤသကိး သ့ၣ်မုၢ်သ့ၣ်ဘိ ဒီး တၢ်သူၣ်တၢ်သၣ်အမုၢ်တဖၣ်န့ၣ်လီၤ. နီၣ်ဖးလီၤကရူၢ်(၃)ကရူၢ်လၢ တၢ်မၤသကိးတၢ်အဂီၢ်န့ၣ်လီၤ.ၦၤဟဲတၢ်ရဲၣ်တၢ်ကျဲၤခဲလၢာ်(၇၂)ဂၤန့ၣ်လီၤ.

ကီၢ်ပသံၣ်မၠီမၠးတၢ်ကတဲာ်ကတီၤဒုးဒိၣ်ထီၣ်ထီထီၣ်ခိၣ်နၢ်ဝဲၤကျိၤႇ ၦၤကညီဘျၢထံခဝ့ၡၢၣ် ဝဲၤကျိၤလၢသးစၢ်တၢ်မၤဂီၢ် ဒီးၦၤကညီဘျၢထံခဝ့ၡၢၣ်တၢ်ဘၣ်ထဲတွုၤအိၣ်လိာ်သးဝဲၤကျိၤအိၣ်ဒီး တၢ်ပာ်ဖှိၣ်မၤသကိးတၢ်ခီဖျိ တၢ်ထံၣ်လိာ်သး တၢ်ဟ့ၣ်ခီဟ့ၣ်နီၤ တၢ်ဟ့ၣ်ဂံၢ်ဟ့ၣ်ဘါ သူၣ်ဘီၣ် သးစၢ်ဖိဒံဖိသၣ်တဖၣ်တၢ်ရဲၣ်တၢ်ကျဲၤန့ၣ်လီၤ.ၦၤဟ့ၣ်ခီဟ့ၣ်နီၤတၢ်မ့ၢ်ဝဲ- ၦၤသးဝံၣ်တၢ်စဲးနီၤ စီၤရ့ှ ဒီးဘၣ်တၢ်မၤအီၤဖဲလါယူၤ(၃)သီဟါ(၇)နၣ်ရံၣ်ႇ ၂ဝ၂၆အနံၤလၢ ဆဲးကျိးန့ၢ်တီၤန့ၣ်လီၤ. တၢ်ရဲၣ်တၢ်ကျဲၤတဘျီအံၤ ၦၤပၢၤလီၢ်ဆ့ၣ်နီၤမ့ၢ်ဝဲ-သရၣ်မုၣ်ဒီးကထၢၣ်ဂ့ၤဂ့ၤထူႇ တၢ်ကတိၤဆၢဂ့ၤလၢ -သရၣ်မုၣ်သးဝါႇ အိးထီၣ်တၢ်ထုကဖၣ်လၢ-သရၣ်တီလိၤမူႇ တၢ်ထုကဖၣ်လၢခံကတၢၢ်လၢ -သရၣ်မုၣ်အိၣ်ဒံလၢ်ႇ တၢ်ဆိၣ်ဂ့ၤပျၢ်လၢ-သရၣ်ဒိၣ်မူလၢၢ်ဂ့ၤ(ကီၢ်ပသံၣ်မၠီမၠးနဲၣ်ရွဲၣ်)န့ၣ်လီၤ.ဖိသၣ်ဒီး သးစၢ်တဖၣ်ဟဲနုာ်လီၤဒိကနၣ် သံကွၢ်သံဒိတၢ်လၢတၢ်သးစဲအပူၤန့ၣ်လီၤ. ၦၤဟဲထီၣ် ခဲလၢာ်အိၣ်ဝဲ devices ၈၁ ခါန့ၣ်လီၤ.

ၦၤကညီဘျၢထံခဝ့ၡၢၣ် အိၣ်ဒီးကမံးတံာ်မၤတၢ် တၢ်အိၣ်ဖှိၣ်(၆၇)ဘျီတဘျီ ဘၣ်တၢ်မၤအီၤဖဲ နံၣ်(၁ဝဝ) တၢ်စံးဘျုးႇ တၢ်သူၣ်ထီၣ်ႇ ၁၂၁(ဃ), အလူၣ် တၢ်အိၣ်ဖှိၣ်ဒၢး စးထီၣ်လါမ့ၤ(၁၃)သီ တုၤ(၁၅)သီႇ ၂ဝ၂၆ အနံၤန့ၣ်လီၤ. ၦၤဟဲထီၣ်တၢ်အိၣ်ဖှိၣ်တဖၣ် မ့ၢ်ဝဲ - ကရၢခိၣ်ႇ ကရၢခိၣ်စၢၤတဖၣ်ႇ ၦၤဟ့ၣ်ကူၣ်တၢ်ႇ နဲၣ်ရွဲၣ်ႇ နဲၣ်ရွဲၣ်သဃဲၤတဖၣ်ႇ ၦၤပၢၤစ့ႇ ကီၢ်နဲၣ်ရွဲၣ်တဖၣ်ႇ ၦၤနဲၣ်တၢ်တဖၣ်ႇ ဝဲၤဒၢးခိၣ် ခဲလၢာ်ပာ်ဖှိၣ်(၄၃)ဂၤန့ၣ်လီၤ.

ကီၢ်ပၠံၣ်-သၣ်ယၣ်ဝတံၣ် ၦၤကညီဘျၢထံခရံာ်ဖိတၢ်အိၣ်ဖှိၣ်သကိးတၢ်အိၣ်ဖှိၣ် အိၣ်ဒီးကမျၢၢ်ခၢၣ်စးတၢ်အိၣ်ဖှိၣ်  ဘၣ်တၢ်မၤအီၤဖဲ စံဖၠူၣ်ယိတၢ်အိၣ်ဖှိၣ်ႇ သၣ်ယၣ်ဝတံၣ်ကဝီၤဖဲ ၂၇-၂၈.၃.၂ဝ၂၆အနံၤန့ၣ်လီၤ. တၢ်အိၣ်ဖှိၣ်အံၤတုၤဖှိၣ် ဒီး တၢ်အိးထီၣ်တၢ်ရဲၣ်တၢ်ကျဲၤ ဘၣ်တၢ်မၤအီၤဖဲ ၂၆.၃.၂ဝ၂၆အနံၤ ဟါ ၆:၃ဝနၣ်ရံၣ်န့ၣ်လီၤ. အိၣ်ဒီး တၢ်တိာ်ထူလၢ အမ့ၢ် ''ကီခဲဒၣ်ဝဲ အိၣ်ဂၢၢ်ကျၢၤ စၢ်ခရံာ်မ့ၢ်ပတၢ်မၤနၢၤ '' (ယိၤဟၣ် ၁၆:၃၃, ၁ယိၤဟၣ် ၅:၄, ၂ကရံၣ်သူး ၄:၈ န့ၣ်လီၤ. တၢ်အိၣ်ဖှိၣ်တဘျီအံၤ ၦၤဟဲဆဲးလီၤမံၤအိၣ်ဝဲ (၁၄၂)ဂၤ ဒီးတၢ်ပျၢ်က့ၤတၢ်ရဲၣ်တၢ်ကျဲၤဖဲ ၂၈.၃.၂ဝ၂၆အနံၤ ဟါ(၅)နၣ်ရံၣ်န့ၣ်လီၤ.ၦၤကညီဘျၢထံခဝ့ၡၢၣ်ခၢၣ်စး သရၣ်မုၣ်မၠိမၠိစၣ်( တၢ်ကဟုကယာ်ဒီး တၢ်ကူၣ်လိာ်တၢ်ဝဲၤကျိၤ ၦၤနဲၣ်တၢ်)လဲၤဆူတၢ်အိၣ်ဖှိၣ်တဘျီအံၤန့ၣ်လီၤ.

ကီၢ်တကူၣ် ၦၤကညီဘျၢထံခရံာ်ဖိထံလီၢ်ကီၢ်ပူၤ တၢ်အိၣ်ဖှိၣ်သကိးတၢ်အိၣ်ဖှိၣ်အိၣ်ဒီး တနံၣ်တဘျီ(သွ့ကီလါ) တၢ်အိၣ်ဖှိၣ်ဖးဒိၣ်(၁၇၂)ဘျီတဘျီ, ဘၣ်တၢ်မၤအီၤဖဲ လါမၢ်ၡး(၁၁-၁၅)သီႇ ၂ဝ၂၆နံၣ်ႇ ဖဲ ဖြဲးဘျီၣ်ရိဖှိၣ်န့ၣ်လီၤ .တၢ်တူၢ်လိာ်ဟါတၢ်ရဲၣ်တၢ်ကျဲၤ ဘၣ်တၢ်မၤအီၤဖဲ လါမၢ်ၡး(၁၁)သီဟါႇ (၂)နၣ်ရံၣ်န့ၣ်လီၤ.ပိာ်ထွဲထီၣ်အခံဒီး ကဝီၤတၢ်တူၢ်လိာ်ႇ တၢ်ဟ့ၣ်လီၤလံာ်အုၣ်သးဆူ ၦၤလၢအမၤလိဖျိထီၣ် ၦၤကညီဘျၢထံခဝ့ၡၢၣ်တၢ်မၤလိ လံာ်စီဆှံခီဖျိတၢ်ကဲွး(၈)ဂၤအတၢ်ရဲၣ်တၢ်ကျဲၤႇ ဒီး ဟါ(၆)နၣ်ရံၣ်ကတီၢ် အိၣ်ဒီး ကီၢ်ကျဲးစၢးကရၢဃံာ်လွံၢ်တၢ်သးဝံၣ် သတြီၤန့ၣ်လီၤ.အိၣ်ဒီးနဲၣ်ရွဲၣ်ႇ ဝဲၤကျိၤ(၈)ကျိၤႇ ကရၢ(၄)ခါ ဒီး ကမံးတံာ်(၁၁)ဖုတဖၣ် အတၢ်ပာ်ဖျါႇ တၢ်စံၣ်ညီၣ် အၢၣ်လီၤႇ တၢ်ဂ့ၢ်ဆှၢထီၣ်တဖၣ်န့ၣ်လီၤ. ကိးနံၤဒဲး ဟါ(၆)အဆၢကတီၢ်စ့ၢ်ကီး အိၣ်ဒီးတၢ်ရဲၣ်တၢ်ကျဲၤလီၤဆီတဖၣ်ႇ တၢ်သတြီၤတဖၣ်န့ၣ်လီၤ.တၢ်အိၣ်ဖှိၣ်တဘျီအံၤအိၣ်ဒီး တၢ်မၤလၤကပီၤ သရၣ်အဲၣ်ဒမၢၣ်ထိသါ (ကီၢ်တကူၣ် ၦၤကညီဘျၢထံခရံာ်ဖိ သူၣ်စၢ်သးဘီၣ်ကျဲးစၢးကရၢႇ နဲၣ်ရွဲၣ်)လၢ အိၣ်ဘှံးလၢ တၢ်မၤန့ၣ်လီၤ.တနံၣ်တဘျီသွ့ကီလါ တၢ်အိၣ်ဖှိၣ် တၢ်ပာ်ဖှိၣ်ဘါသကိးယွၤ ဖဲလါမၢ်ၡး(၁၅)သီ မုၢ်ဆါ(၁ဝ)နၣ်ရံၣ်အဆၢကတီၢ်န့ၣ်လီၤ. တၢ်ကစီၣ်ဘၣ်တၢ်ဟ့ၣ်ခီဟ့ၣ်နီၤအီၤလၢ သရၣ်ဒိၣ်ဒီးကထၢၣ်အဲၣ်မူဒါ(ကီၢ်ဟီကတး), တၢ်ထုကဖၣ်လၢ- သရၣ်ဒိၣ်အဲးဒဝၢး(ခဝ့ၡၢၣ်ခၢၣ်စး) ဒီး တၢ်ထုကဖၣ်ကျၢၢ်တံၢ်လၢ-သရၣ်မုၣ်ဒီးကထၢၣ်ဂ့ၤဂ့ၤထူ(ခဝ့ၡၢၣ်ခၢၣ်စး) န့ၣ်လီၤ. တၢ်အိၣ်ဖိှၣ်တဘျီအံၤ အိၣ်ဒီးတၢ်တူၢ်လိာ် ဖီတၤဆှူၣ်တၢ်အိၣ်ဖှိၣ်(တဲးကၠဲသၣ်ယၣ်ဝတံၣ်ကဝီၤ), ကွဲအ့တၢ်အိၣ်ဖှိၣ် (ကီၢ်ဖှိၣ်နီကဝီၤ), ဒ်ကီၢ်အတၢ်အိၣ်ဖှိၣ် တံၢ်နီၣ်အသိးန့ၣ်လီၤ.မ့ၢ်လၢတၢ်အိၣ်ဖှိၣ်အါထီၣ်(၂)ဖှိၣ်အဃိ ကီၢ်အတၢ်အိၣ်ဖှိၣ်ခဲလၢာ် အိၣ်ဝဲ(၃၅၄)ဖှိၣ် န့ၣ်လီၤ.ကီၢ်အံၤအိၣ်ဒီး ကဝီၤ(၁၅)ကဝီၤ ဒီးတကရူၢ် လၢတၢ်ပာ်ဖှိၣ်မၤသကိးတၢ်န့ၣ်လီၤ.ကီၢ်တူၢ်လိာ်တၢ်မ့ၢ်ဝဲ ကီၢ်ဖှိၣ်နီကဝီၤ န့ၣ်လီၤ. နံၣ်လၢကဟဲ ကီၢ်လၢကတူၢ်လိာ် ကီၢ်တၢ်အိၣ်ဖှိၣ်မ့ၢ်ဝဲ- ပကိကလံၤစိးကဝီၤန့ၣ်လီၤ. တၢ်အိၣ်ဖှိၣ်တဘျီအံၤ ခၢၣ်စးလၢဟဲထီၣ် ခဲလၢာ်အိၣ်ဝဲ(၄၃ဝ)ဂၤန့ၣ်လီၤ.

ၦၤကညီဘျၢထံခဝ့ၡၢၣ် အိၣ်ဒီးဝဲၤကျိၤ(၄)ကျိၤလၢအမ့ၢ် တၢ်ကဟုကယာ်ဒီးတၢ်ကူၣ်လိာ်တၢ်ဝဲၤကျိၤ ဝဲၤကျိၤလၢသးစၢ်တၢ်မၤဂီၢ် တၢ်ကတဲၤကတီၤဒုးဒိၣ်ထီၣ်ထီထီၣ်ခိၣ်နၢ်ဝဲၤကျိၤ ခရံာ်ဖိတၢ်ကူၣ်ဘၣ်ကူၣ်သ့ဝဲၤကျိၤ ခိၣ်နၢ်ၦၤဘၣ်မူဘၣ်ဒါတဖၣ် တၢ်ဟ့ၣ်ခီတူၢ်လိာ်မူဒါ အတၢ်ရဲၣ်တၢ်ကျဲၤ ဘၣ်တၢ်မၤအီၤဖဲ (၅.၂.၂ဝ၂၆)အနံၤ ဂီၤ(၉းဝဝ)နၣ်ရံၣ် ဖဲ နံၣ်(၁ဝဝ)တၢ်စံးဘျုးတၢ်သူၣ်ထီၣ်ႇ တၢ်အိၣ်ဖှိၣ်ဒၢးန့ၣ်လီၤ. ၦၤပၢၤလီၢ်ဆ့ၣ်နီၤမ့ၢ်-သရၣ်မုၣ်ဒိၣ်လ့ထူ(နဲၣ်ရွဲၣ်သဃဲၤ-တၢ်ပၢတၢ်ဆှၢ) တၢ်ပာ်ဖျါတၢ်ဂ့ၢ်တၢ်ကျိၤ-သရၣ်ဒိၣ်ယွၤဒုးမူ(နဲၣ်ရွဲၣ်) ဒီးၦၤကွဲးနီၣ်တၢ်-သရၣ်မုၣ်ဒိၣ်မၠီမၠးဖီ(နဲၣ်ရွဲၣ်သဃဲၤ-တၢ်ရ့လိာ်မၤသကိးတၢ်ဂုၤထီၣ်ပသီထီၣ်)န့ၣ်လီၤ.

ၦၤကညီဘျၢထံခဝ့ၡၢၣ် အိၣ်ဒီး ဝဲၤလီၢ်ၦၤမၤတၢ်ဖိတဖၣ်အဂီၢ် တၢ်ဒုးသ့ၣ်ညါ တၢ်ဖံးတၢ်မၤန့ဆၢၣ် ကျိၤကျဲၤ သနူတဖၣ် ဒီး တၢ်ကရၢကရိတၢ်အဂ့ၢ်အကျိၤဖဲ လါယနူၤအါရံၤ ၂၆သီႇ ၂ဝ၂၆အနံၤ ဖဲခိလ်တၢ်ဘါယွၤသရိာ်န့ၣ်လီၤ. ခဝ့ၡၢၣ်ခိၣ်နၢ်အိၣ်မူအိၣ်ဒါတဖၣ်လၢအမ့ၢ် နဲၣ်ရွဲၣ်ႇ နဲၣ်ရွဲၣ်သဃဲၤတဖၣ် ဒီး ၦၤပၢၤစ့တဖၣ် တီခိၣ်ရိၣ်မဲ တဲနၢ်ပၢၢ်တၢ်န့ၣ်လီၤ. ဝဲၤလီၢ်ၦၤမၤတၢ်ဖိ ၦၤထီၣ်သကိးခဲလၢာ်အိၣ်ဝဲ(၁၅ဝ)ဂၤန့ၣ်လီၤ.

ၦၤကညီဘျၢထံခဝ့ၡၢၣ် ဝဲၤလီၢ်ၦၤမၤတၢ်ဖိတဖၣ် အိၣ်ဒီး(၁)သီ တၢ်ဒုၣ်တၢ်အီၣ်ထုကဖၣ်တၢ်ရဲၣ်တၢ်ကျဲၤ ဖဲ လါဒံၢ်စ့ဘၢၣ်(၈)သီႇ၂ဝ၂၅အနံၤဖဲ ခိလ်ကညီဘျၢထံတၢ်ဘါယွၤသရိာ်န့ၣ်လီၤ. တၢ်ရဲၣ်တၢ်ကျဲၤအံၤစးထီၣ်ဖဲ ဂီၤ (၆)နၣ်ရံၣ်တုၤ ဟါ(၆)နၣ်ရံၣ်န့ၣ်လီၤ. တၢ်ရဲၣ်တၢ်ကျဲၤအပူၤ အိၣ်ဒီး  တၢ်စံးဘျုးဒီးဃ့ပျၢ်တၢ်ကမၣ်ႇ တၢ်သးဝံၣ်စံးထီၣ်ပတြၢၤယွၤႇ တၢ်မၤလိလံာ်စီဆှံႇ တၢ်ထုကဖၣ်လၢ ကီၢ်သ့ၣ်တဖၣ်အဂီၢ်ႇ တၢ်ထုကဖၣ်လၢၦၤဘၣ်ဆူးဘၣ်ဆါတဖၣ်အဂီၢ်ႇ ထံကီၢ်တၢ်အိၣ်သးသ့ၣ်တဖၣ်အဂီၢ်ႇ ထံဖိကီၢ်ဖိႇ ခဝ့ၡၢၣ်ဖိလံၤတဖၣ်အဂီၢ်န့ၣ်လီၤ.အိၣ်စ့ၢ်ကီး ဒီးတၢ်ပာ်စီဆှံသးတၢ်ဘါ န့ၣ်လီၤ. တၢ်မၤလိလံာ်စီဆှံ ဘၣ်တၢ်ဟ့ၣ်ခီဟ့ၣ်နီၤအီၤလၢ သရၣ်ဒိၣ်ယွၤဒုးမူ(ခဝ့ၡၢၣ်နဲၣ်ရွဲၣ်)န့ၣ်လီၤ. ၦၤလၢဟဲဒီးဘူၣ်သကိးဘါသကိးယွၤ ခဲလၢာ်အိၣ်ဝဲ(၄၁)ဂၤန့ၣ်လီၤ.