Karen Baptist Convention

ကီၢ်ပသံၣ်မၠီမၠး ခိၣ်နၢ်ဒီး ၦၤကညီဘျၢထံခဝ့ၡၢၣ်ခိၣ်နၢ်တနီၤ ထံၣ်လိာ်တၢၣ်ပီၣ်တၢၣ်ပီ အိၣ်ဖှိၣ်သကိးလၢ တၢ်ကတူၢ်လိာ်ခဝ့ၡၢၣ်ကမျၢၢ်ခၢၣ်စး တၢ်အိၣ်ဖှိၣ်အဂီၢ် ဖဲ လါအီကူာ်(၁၂)သီ ဂီၤ(၁၁)နၣ်ရံၣ် ဖဲ ကီၢ်ပသံၣ်မၠီမၠး ကီၢ်ဝဲၤလီၢ်တၢ်အိၣ်ဖှိၣ်ဒၢးန့ၣ်လီၤ. တၢ်ထံၣ်လိာ်အိၣ်ဖှိၣ်သကိး တဘျီအံၤ သရၣ်ဒိၣ်ယွၤဒုးမူ (ခဝ့ၡၢၣ်နဲၣ်ရွဲၣ်) ဒီး သရၣ်ဒိၣ်မူလၢၢ်ဂ့ၤ(ကီၢ်ပသံၣ်မၠီမၠး နဲၣ်ရွဲၣ်)တဖၣ် တီခိၣ်ရိၣ်မဲ ဒီး ကီၢ်ဝဲၤလီၢ် ၦၤဘၣ်မူဘၣ်ဒါတဖၣ်ႇ ကီၢ်နဲၣ်ရွဲၣ်သဃဲၤႇ ကီၢ်ၦၤပၢၤစ့ႇ ကီၢ်ဝဲၤဒၢးခိၣ်ႇ ဝဲၤကျိၤၦၤနဲၣ်တၢ်ႇ ဒီး ခဝ့ၡၢၣ်နဲၣ်ရွဲၣ်သဃဲၤႇ ၦၤနဲၣ်တၢ်တနီၤစံး ကတိၤတၢၣ်ပီၣ် သကိးဝဲဒၣ်န့ၣ်လီၤ. တၢ်တူၢ်လိာ် ခဝ့ၡၢၣ်ကမျၢၢ်ခၢၣ်စး တၢ်အိၣ်ဖှိၣ် တယးပာ်တၢ်ဆၢကတီၢ်ကမ့ၢ်ဝဲဖဲ- လါဒံၢ်စ့ဘၢၣ်(၃၁) သီႇ ၂ဝ၂၅အနံၣ် တုၤလါ ယနူၤအါရံၤ (၄)သီႇ ၂ဝ၂၆အနံၣ်န့ၣ်လီၤ.

ကီၢ်တီအူ-သၣ်တီၣ်ဘှဲမိၤၦၤတၢ်ကစီၣ် န့ဆၢၣ်တၢ်ကွၢ်ဆၢၣ်မဲ၁်ခီဖျိ ဟီၣ်ခိၣ်လီၤပှီၢ် ကီၢ်တီအူ-သၣ်တီၣ်ဘှဲမိၤၦၤဖိလံၤတနီၤဘၣ်ကွၢ်ဆၢၣ်မဲ၁်ဒီး ဟီၣ်ခိၣ်လ၁်လီၤႇ ခၠီၣ်ႇ ဟံၣ်သ့ၣ်တဖၣ်ဘၣ်ဒိဘၣ်ထံးဟးဂူ၁်ဟးဂီၤႇ ၦၤကညီဘၣ်သံဘၣ်ၦၢ်ႇ လီၤမူၢ်လီၤမၣ်ဒီး ဘၣ်တၢ်ဃုထံၣ်န့ၢ်က့ၤအီၤတနီၤႇ တနီၤဃုဒံးအဖၢမုၢ်န့ၣ်လီၤ. ကီၢ်အိၣ်ဒီး ''တၢ်ဂ့ၢ်အိၣ်ထီၣ်သတုၢ်ကလ၁်ကမံးတံ၁်'' (အ‌ေရးပေါ်တုန့်ပြန်ရေးကော်မတီ) တဖုဒီး ပသုးကျဲၤသကိးလၢ တၢ်မၤဂ့ၤမၤစၢၤအဂီၢ်န့ၣ်လီၤ. အိၣ်စ့ၢ်ကီးဒီး  Volunteer တဖုလၢဖံးသကိးမၤသကိးတၢ်န့ၣ်လီၤ. တၢ်အိၣ်ဖှိၣ်ဒူသဝီဘၣ်ဒိဘၣ်ထံးအိၣ်ဝဲ (၁၄)ဖှိၣ်န့ၣ်လီၤ. လီၤဆီဒၣ်တၢ် ခီဖျိတိ၁်ဖးဒိၣ်ခံဘိလၢ ဒ့လိ၁်ကျိ (သောက်ရေခပ်‌ေချာင်း) ကၢ်ကွံ၁်ဝဲအဃိ တၢ်အိၣ်ဖှိၣ်(၁၆)ဖှိၣ်လၢ အအိၣ်ဖဲဒ့လိ၁်မုၢ်ထီၣ်ကဝီၤဖိသ့ၣ်တဖၣ် လဲၤက့ၤတၢ်တသ့လၢၤဘၣ်. လၢတဆံသၢမံးလ၁်ဝ့ၢ်ပူၤစ့ၢ်ကီးတိၤကၢ်ကွံ၁်ခံဘိန့ၣ်လီၤ. တၢ်ကွၢ်ဆၢၣ်မဲ၁်သတုၢ်ကလ၁်အကတီၢ်အံၤ လၢတၢ်မၤသကိးတၢ်အဂီၢ်န့ၣ် ကီၢ်သုးကျဲၤလီၤတၢ်ပီးတၢ်လီလၢအလိၣ်တဖၣ်ႇ ကသံၣ်ကသီတဖၣ်ႇ တၢ်အီၣ်တၢ်အီ (မိုးကာအကျီ၊ ဦးထုပ်၊ လက်အိတ်၊ ‌‌‌‌ေဂါ်ပြား၊ ပေါက်တူး၊ ချိန်းဇော၊ လေမှုတ်စက်၊ မီးစက်၊ သောက်သုံးရေ၊ ဆေး၀ါး၊ ခြေခံအစားအစာများ၊.......) ဒ်အသ့အသိး ဘၣ်ဆၣ်တမ့ၢ်တၢ်လၢတၢ်ၦဲၤဘၣ်. ပလိၣ်ဘၣ်နီၢ်နီၢ် တၢ်ဆီၣ်ထွဲမၤစၢၤလၢ ကျဲကိးကပၤဒဲးန့ၣ်လီၤ. ပဆၢလၢသုကသ့ၣ်နီၣ်ဆီၣ်ထွဲၦၤႇ အဒိၣ်ကတၢၢ်လၢ သုတၢ်ထုကဖၣ်န့ၣ်လီၤ.

 ကီၢ်ထးခီတၢ်ကစီၣ်
 Disaster Management  အတၢ်မၤလိ
     KBCERRT NETWORK ပမၤဘၣ်တၢ်မၤလိလၢအမ့ၢ်Disaster Management, Practical Emergency Response and Rescue Training ဖဲလါယူၤလံ ၂၁ တုၤ ၂၃သီႇ ၂ဝ၂၅နံၣ်ႇ ဖဲဝ့ၢ်ပၠ့ၣ်အူလွ့ၣ် န့ၣ်လီၤ. ပမၤသကိးဘၣ်တၢ်ဒီး Carbon-h, KBC Woman Department အန့ၣ်လီၤ. သရၣ်သရၣ်မုၣ်လၢဟဲ ဟ့ၣ်ခီဟ့ၣ်နီၤတၢ်သိၣ်လိအိၣ်ဝဲ (ရ)ဂၤန့ၣ်လီၤ. ၦၤလၢအဟဲထီၣ်တၢ်မၤလိတဘျီအံၤ ခဲလၢ၁်အိၣ်ဝဲဒၣ် (၉၄)ဂၤ န့ၣ်လီၤ.

၂ဝ၂၅နံၣ် ကီၢ်ကယါဘျၢထံခရံ၁်ဖိတၢ်အိၣ်ဖှိၣ်သကိးတၢ်အိၣ်ဖှိၣ် ကမျၢၢ်ခၢၣ်စးတၢ်အိၣ်ဖှိၣ် ဘၣ်တၢ်မၤအီၤဖဲ လါမၢ်ၡး (၁၉)သီႇ ၂ဝ၂၅ နံၣ်ဖဲ ပဒါခိၣ်ဘျၢထံခရံ၁်တၢ်အိၣ်ဖှိၣ်ႇ ကစၢၢ်ဂံၢ်ထံးကဝီၤ ဒီးတၢ်တိ၁်ထူ န့ၣ်မ့ၢ်ဝဲ ''ၦ့ၤက့ၤတၢ်ဆၢကတီၢ်ဒီးတၢ်ခွဲးတၢ်ယ၁်'' န့ၣ်လီၤ. ဘၣ်ထွဲဒီး တၢ်တိ၁်ထူလံ၁်စီဆှံ န့ၣ်မ့ၢ်ဝဲဒၣ် ယၡါယၤ ၅၅း၆ႇ အ့း ၅း၁၆ႇ ယိၤ၁၂း၂၆ န့ၣ်လီၤ. ကမျၢၢ်ခၢၣ်စး တၢ်အိၣ်ဖှိၣ်တဘျီအံၤ ၦၤဆဲးလီၤမံၤ အိၣ်ဝဲဒၣ် (၂၆၉) ဂၤ န့ၣ်လီၤ. တၢ်အိၣ်ဖှိၣ်တဘျီအံၤ မၤလၤကပီၤဘၣ် ခိၣ်နၢ်မၤတ့ၢ်တၢ် တဖၣ်လၢအမ့ၢ် (၁) သရၣ်မုၣ်အဲၣ်ကပြုၢ်ဖီ (ကီၢ်နဲၣ်ရွဲၣ်သဃဲၤမၤတ့ၢ်တၢ်) (၂)သရၣ်မုၣ်အ့ဖြ့ၣ်ထူ (ကီၢ်ပိ၁်မုၣ်ဝဲၤကျိၤၦၤနဲၣ်တၢ်) (၃)ဖှိၣ်စၢၤ-ဘၢကၢၣ် (ဒံမီးဆိၣ်ကဝီၤနဲၣ်ရွဲၣ်) သ့ၣ်တဖၣ် န့ၣ်လီၤ. စံၣ်ညီၣ်အၢၣ်လီၤပ၁်ဂၢၢ်ပ၁်ကျၢၤဝဲ ဃုထၢထီၣ်ခိၣ်နၢ်သီကမံးတံ၁်ခိၣ် သရၣ်မုၣ်လ့ဒယၢၣ်အလီၢ် ဃုထၢထီၣ်ဝဲ သရၣ်ဒိၣ်ဘီရိတဘျီဃီ ဒ်အမ့ၢ်တိ၁်လီၤကမံးတံ၁်ခိၣ် န့ၣ်လီၤ. စဲးစ့ခိၣ်ဖှိၣ်စၢၤစိဖီအလီၢ် ဃုထၢ ထီၣ်ဝဲသရၣ်မုၣ်မ့ၤစၣ်ဒၣ်ကၠီၣ် လၢစဲးစ့ခိၣ်အလီၢ်ဒီး ဃုထၢထီၣ်သရၣ်မုၣ်သ့သူၣ်စၣ်ဒ် ၦၤစဲးစ့အသီတဂၤ အသိးန့ၣ်လီၤ. ဃုထၢအါထီၣ် ကီၢ်ၦၤဖီၣ်စရီလၢအမ့ၢ်သရၣ်ဟဲၣ်ရံၣ်လ့ (B.T.S အတီၢ်ကီၢ် လံ၁်စီဆှံကၠိ) န့ၣ်လီၤ. သးစၢ်ဝဲၤကျိၤၦၤနဲၣ်တၢ်ကမ့ၢ်ဝဲဒၣ်သရၣ်ဆၣ်အဲၣ်ကလု၁်ဒီး ၦၤနဲၣ်တၢ်စၢၤကမ့ၢ်ဝဲဒၣ်သရၣ်အါစဲးထူ စးထီၣ် (၂ဝ၂၅-၂ဝ၂၇) နံၣ်သၢနံၣ်အခီၣ်ထံးတဝီ န့ၣ်လီၤ. တၢ်ဘၣ်ထွဲတုၤအိၣ်လိ၁်သးဝဲၤကျိၤၦၤနဲၣ်တၢ် မ့ၢ်ဝဲဒၣ် သရၣ်အဲၣ်ဆိဝါ စးထီၣ် (၂ဝ၂၅-၂ဝ၂၇) နံၣ်သၢနံၣ်အခီၣ်ထံးတဝီန့ၣ်လီၤ. ပိ၁်ခွါဝဲကျိၤ ၦၤနဲၣ်တၢ်ကမ့ၢ်ဝဲ ဒၣ်သရၣ်ဆွ့ၣ်ကၠီၣ်စးထီၣ် (၂ဝ၂၅-၂ဝ၂၇) နံၣ်သၢနံၣ်အခီၣ်ထံးတဝီန့ၣ်လီၤ. ခရံ၁်ဖိ တၢ်ကူၣ်ဘၣ်ကူၣ်သ့ ဝဲကျိၤၦၤနဲၣ်တၢ်စၢၤကမ့ၢ်ဝဲသရၣ်မုၣ် သူလ့ၣ်ဖီဒီး ECCD မူဒါခိၣ်ကမ့ၢ်ဝဲဒၣ် သရၣ်မုၣ်အဲၣ်ခုၣ်ၡံ စးထီၣ် (၂ဝ၂၅-၂ဝ၂၇) နံၣ်သၢနံၣ်အခီၣ်ထံးတဝီ န့ၣ်လီၤ. တၢ်ကဟုကယ၁်ဒီး တၢ်ကူၣ် လိ၁်တၢ် ဝဲၤကျိၤၦၤနဲၣ်တၢ် ကမ့ၢ်ဝဲဒၣ်သရၣ်မုၣ်ဘုမံၤဖီဒီး ၦၤနဲၣ်တၢ်စၢၤကမ့ၢ်ဝဲဒၣ် သရၣ်မုၣ်မ့ၤဒ့ထူ စးထီၣ် (၂ဝ၂၅-၂ဝ၂၇) နံၣ်သၢနံၣ်အခီၣ်ထံးတဝီ န့ၣ်လီၤ. ဖုတူၢ်ရံၣ်တၢ်သူၣ်ထီၣ်မူဒါခိၣ် သရၣ်ဒိၣ်လါၦဲၤထူ ဃ့အိၣ်ဘှံးမူဒါခိၣ်လီၢ်လၤ ဘၣ်ဆၣ်ကမၤသကိးတၢ်ဒ်ကမံးတံ၁်ဖိတဂၤအသိးဒီး တၢ်သ့ၣ်နီၣ်ထီၣ်ဖုတူၢ်ရံၣ် တၢ်သူၣ်ထီၣ်ကမံးတံ၁်မူဒါခိၣ် ကမ့ၢ်ဝဲဒၣ် သရၣ်မုၣ်ဂ့ၤအဲၣ်နၤ န့ၣ်လီၤ. ကီၢ်နဲၣ်ရွဲၣ်န့ၣ်ကမ့ၢ်ဝဲဒၣ် သရၣ်ဒိၣ်ဒီးကထၢၣ်ဒဲနယၢၣ်ညူး စးထီၣ် (၂ဝ၂၅-၂ဝ၂၇) နံၣ်သၢနံၣ်သၢဝီတ ဝန့ၣ်လီၤ.

ပစံးဘျုးဘၣ်ကစၢ်ယွၤလၢအတၢ်မၤဂ့ၤသ့ၣ်တဖၣ်အဃိဒီး အတၢ်မၤလီၤလးလၢ ပကီၢ်တီအူ သၣ်တီၣ်ဘှဲမိၤၦၤ အဂီၢ်အဃိန့ၣ်လီၤ. လါမၢ်ၡး ၂ဝ၂၄ တုၤ လါမၢ်ၡး ၂ဝ၂၅ တၢ်မၤနံၣ် အံၤခီဖျိလၢ ယွၤအစုစီဆှံဆှၢၦၤအဃိ ပကီၢ်အတၢ်ဖံးတၢ်မၤႇ ကမံးတံ၁်ဆၣ်တဖၣ်ႇ ဝဲၤကျိၤ(၉)ကျိၤ ဒီး ကရၢ(၂)ကရၢ အတၢ်ဖံးတၢ်မၤသ့ၣ်တဖၣ် ဒ်ပတိ၁်ပ၁်ဒီးမုၢ်လၢ်ဝဲအသိးန့ၣ် ပသုးကျဲၤမၤဝံၤဘၣ်အီၤ ဂ့ၤဂ့ၤဘၣ်ဘၣ်န့ၣ်လီၤ. ပမ့ၢ်တသုးကျဲၤမၤဘၣ်ကီၢ်တၢ်အိၣ်ဖှိၣ်ဖးဒိၣ် ဘၣ်ဆၣ် တနံၣ်အံၤပအိၣ်ဖှိၣ် သကိးဘၣ်ကမံးတံ၁်မၤတၢ် တၢ်အိၣ်ဖှိၣ်(၂)ဘျီ ဒီးနံၣ်ဖးဖီပၢဆှၢတၢ်ကမံးတံ၁်တၢ်အိၣ်ဖှိၣ်ဖဲ (၈.၁၁.၂ဝ၂၄)အနံၤ လၢကီၢ်ဝဲၤလီၢ်န့ၣ်လီၤ. နံၣ်ကတၢၢ်ပၢဆှၢတၢ်ကမံးတံ၁်တၢ်အိၣ်ဖှိၣ် ပအိၣ်ဖှိၣ်သကိးဖဲ (၂၁.၃.၂ဝ၂၅) အနံၤ လၢမၤမူထီၣ်ဘျၢထံခရံ၁်ဖိတၢ်အိၣ်ဖှိၣ် ဒီးဘၣ်တၢ်တူၢ်လိ၁်မု၁်ၦၤလၢ ကရူၢ်(၆) တၢ်အိၣ်ဖှိၣ်သ့ၣ် တဖၣ်န့ၣ်လီၤ. ပအိၣ်ဒီးတၢ်မၤလၤကပီၤက့ၤ (ကီၢ်ၦၤမၤတၢ်ဖိလၢ အအိၣ်ဘှံးလၢတၢ်မၤသ့ၣ်တဖၣ်ႇ သရၣ်သမါမၤတၢ်သးခုကစီၣ်ၦဲၤထီၣ်(၂၅)နံၣ်တဖၣ်ႇ ကီၢ်ဖိကီၢ်လံၤလၢအဖျိထီၣ်လံ၁်စီဆှံကၠိ(၂ဝ၂၅) တၢ်မၤလိနံၣ်သ့ၣ်တဖၣ်) တၢ်ရဲၣ်တၢ်ကျဲၤတဖၣ်န့ၣ်လီၤ. ပသးအိၣ်စံးဘျုးဘၣ်က့ၤ ၦၤကညီဘျၢထံခဝ့ၡၢၣ်ခိၣ်နၢ်တဖၣ်ႇ ၦၤမၤသကိးတၢ်ကိးဂၤ ဒီး ကီၢ်(၁၉)ဘ့ၣ် လၢဖဲပကီၢ်ဘၣ်ကွၢ်ဆၢၣ်မဲ၁်ဒီ ထံဒိၣ်နိယွၤႇ ဟီၣ်ခိၣ်ဟူးအကတီၢ်န့ၣ် သုပ၁်ဖျါသုတၢ်အဲၣ်ႇ တၢ်သူၣ်အိၣ်သးအိၣ်ဘၣ် ပကီၢ်ခီဖျိ ဆီၣ်ထွဲမၤစၢၤဒီးဆၢဂ့ၤဆၢဝါထုကဖၣ်လၢပကီၢ်အဂီၢ်အဃိ န့ၣ်လီၤ.

အဆိပစံးဘျုးဘၣ်ကစၢ်ယွၤအဘျုးအဖှိၣ်ဒိၣ်မးလၢ အဟ့ၣ်ၦၤတၢ်ပျဲတၢ်ခွဲးတၢ်ယ၁်လၢ ပကမၤဘၣ်ကီၢ်ဒဝဲၢ်ဘျံးၦၤကညီဘျၢထံခရံ၁်ဖိကမျၢၢ်ခၢၣ်စးတၢ်အိၣ်ဖှိၣ်အဃိန့ၣ်လီၤ. ဆၢကတီၢ်မ့ၢ်ကီမ့ၢ်ခဲႇ တၢ်မ့ၢ်တမု၁်တခုၣ်ႇ ဒီးပမၤကမျၢၢ်တၢ်အိၣ်ဖှိၣ်မ့ၢ်တသ့တညီဘၣ်ဆၣ် ကစၢ်ယွၤဟ့ၣ်ဒံးၦၤတၢ်ပျဲ လၢပကမၤဘၣ်ကီၢ်ကမျၢၢ်ခၢၣ်စးတၢ်အိၣ်ဖှိၣ်တဘျီအံၤ ဝံၤဝဲကဲဝဲဂ့ၤဂ့ၤဘၣ်ဘၣ်အဃိ စံးဘျုးဘၣ်ကစၢ်ယွၤအဘျုးအဖှိၣ်ဖးဒိၣ် န့ၣ်လီၤ. ပကီၢ်ပအိၣ်ဒီးကဝီၤ(၄)ကဝီၤဒီး တနံၣ်အံၤ ကီၢ်တၢ်အိၣ်ဖှိၣ်လီၤဘၣ်ဖဲ မုၢ်ထီၣ်ကဝီၤႇ ချၢၣ်ဖူတၢ်အိၣ်ဖှိၣ် ဖဲလါမၢ်ၡး (၂ဝ-၂၃)သီႇ ၂ဝ၂၅နံၣ်န့ၣ်လီၤ. တၢ်တိ၁်ထူတခီမ့ၢ်ဝဲ ''ပလီၢ်ပသး'' ၁တံၤ ၄း၁၆ န့ၣ်လီၤ. တၢ်အိၣ်ဖှိၣ်တဘျီအံၤ ၦၤလၢအဟဲတၢ်အိၣ်ဖှိၣ်တဖၣ် သရၣ်ပ၁်စု - ၂၅ဂၤႇ သရၣ်တပ၁်စု - ၃ ဝဂၤႇ တၢ်မၢဖိ - ၅ ဂၤႇ ကမျၢၢ် - ၁၃၆ ဂၤႇ ခဲလၢ၁် - ၂၆၉ ဂၤန့ၣ်လီၤ. တၢ်ဘူၣ်တၢ်ဘါတကတီၢ်ဘၣ်တကတီၢ်န့ၣ် အိၣ်ဝဲဒၣ်လၢကရၢဒီး ဝဲၤကျိၤသ့ၣ်တဖၣ်အစုပူၤ ဒီးပထံၣ်ဘၣ်လၢအဝဲသ့ၣ်တဖၣ် မၤၦဲၤအမူအဒါဂ့ၤဂ့ၤဘၣ်ဘၣ်န့ၣ်လီၤ. တနံၣ်အံၤပအိၣ်စ့ၢ်ကီးဒီး ခိၣ်နၢ်အတၢ်ဆီတလဲ (၂)ဂၤ န့ၣ်လီၤ. (၁) သရၣ်ဒိၣ်ဒီးကထၢၣ်စဲမၢၣ်ထိလၢအမ့ၢ် ကီၢ်နဲၣ်ရွဲၣ်န့ၣ် အိၣ်ဘှံးဝဲလၢ တၢ်ဖံးတၢ်မၤအပူၤဒီး ဆီတလဲက့ၤဝဲအလီၢ်ဆူ သရၣ်ဒိၣ်တၢ်မျၢ်ထူ အစုပူၤလၢ ကဖီၣ်ထီၣ်က့ၤကီၢ်အတၢ်ဖံးတၢ်မၤသ့ၣ်တဖၣ်န့ၣ်လီၤ. (၂) ကီၢ် ဃှှီီ ၦၤနဲၣ်တၢ်လၢအမ့ၢ် သရၣ်အၤစဘၢးဘံဘံၣ်န့ၣ် တနံၣ်အံၤအဝဲအိၣ်ဘှံးလၢအတၢ်ဖံးတၢ်မၤအပူၤဒီး ဆီတလဲက့ၤဝဲၦၤနဲၣ်တၢ်အလီၢ်ဆူ သရၣ်မုၣ်ဆၣ်ဂ့ၤဖိအစုပူၤလၢ ကဖီၣ်ထီၣ်က့ၤတၢ်ဖံးတၢ်မၤ န့ၣ်လီၤ. လီၤလီၤဆီဆီ ၂ဝ၂၅ နံၣ်ကီၢ်တၢ်အိၣ်ဖှိၣ်တဘျီအံၤ တၢ်လီၤဆီလီၤလးႇ တၢ်တုၤအိၣ်တီၤအိၣ်မၤအသးတခါဒ်အံၤလီၤ. ဖဲ ၂ဝဝ ဝနံၣ်န့ၣ် ကီၢ်ဒဝဲၢ်ဘျံးၦၤကညီဘျၢထံခရံ၁်ဖိတၢ်အိၣ်ဖှိၣ်သကိး တၢ်အိၣ်ဖှိၣ်လီၤဘၣ်ဖဲ ချၢၣ်ဖူတၢ်အိၣ်ဖှိၣ်ဒီး ဖဲအခါန့ၣ် သရၣ်ဒိၣ်ဒီးကထၢၣ်စဲမၢၣ်ဖိဒိးပ၁်စုဝဲဒီး အတၢ်ဒိးပ၁်စုတဘျီန့ၣ် ၦၤမၤဝဲတုၤလၢ မုၢ်ဟါတၢ်ခံးတစု တုၤဒၣ်လဲ၁်ကမျၢၢ်က့ၤက့ၤဝဲန့ၣ် တထံၣ်လၢၤဘၣ်တၢ်ဘၣ်လီၤ. ၂ဝ၂၅ နံၣ်တနံၣ်အံၤစ့ၢ်ကီး ကီၢ်တၢ်အိၣ်ဖှိၣ်လီၤဘၣ်ကဒီးဖဲ ချၢၣ်ဖူတၢ်အိၣ်ဖှိၣ်ဒီး ကီၢ်နဲၣ်ရွဲၣ်သရၣ်ဒိၣ်ဒီးကထၢၣ်စဲမၢၣ်ထိဒိးပ၁်စုၦဲၤထီၣ် (၂၅)နံၣ် တီတီဖဲ ချၢၣ်ဖူတၢ်အိၣ်ဖှိၣ်အံၤန့ၣ်လီၤ. သရၣ်ဒိၣ်ဒီးကထၢၣ်စဲမၢၣ်ထိဒိးပ၁်စုၦဲၤထီၣ် (၂၅) နံၣ် ဘၣ်ဆၣ်တတဲၦၤအဂၤဘၣ်. ဘၣ်ဆၣ်ခီဖျိလၢ အတၢ်စံးတၢ်ကတိၤတနီၤအဃိ ဝဲၤလီၢ်ၦၤမၤသကိးတၢ်တနီၤသ့ၣ်ညါထွဲဝဲဒီး ဝဲၤလီၢ်ၦၤမၤသကိးတၢ်သ့ၣ်တဖၣ် တၢၣ်ပီၣ်တီပီၣ်လိ၁်သကိးသး ဘၣ်ဃးကမၤလၤကပီၤကီၢ်နဲၣ်ရွဲၣ် သရၣ်ဒိၣ်ဒီးကထၢၣ်စဲမၢၣ်ထိ အဂ့ၢ်န့ၣ်လီၤ. ၦၤကမၤလၤကပီၤအီၤအဂ့ၢ်န့ၣ် အဝဲတသ့ၣ်ညါဝဲဘၣ်. ဒီးဆၢကတီၢ်အခါဖဲန့ၣ် ကီၢ်နဲၣ်ရွဲၣ်သရၣ်ဒိၣ်ဒီးကထၢၣ်စဲမၢၣ်ထိန့ၣ် အမဲဆါအိၣ်တဆူၣ်ဒီး မံဘၣ်အသးလီၤ. ၦၤလၢကတဲ၁်ကတီၤတၢ်သ့ၣ်တဖၣ် ခိဝဲလၢကဂဲၤဆၢထၢၣ်ႇ ဒီးဖဲအဝဲဂဲၤဆၢထၢၣ်အခါန့ၣ် သရၣ်ဒိၣ်ဆၣ်မုၢ်နၤလဲၤကိးထီၣ်အီၤတဘျီဃီႇ ဆှၢထီၣ်အီၤဆူ ပျဲၢ်စီၤခိၣ်လၢ ၦၤကမၤလၤကပီၤအီၤအဂီၢ်န့ၣ်လီၤ. ဘၣ်ဆၣ်လၢတၢ်ဂ့ၢ်မနုၤလဲၣ်ဒု တမ့ၢ်လၢကီၢ်နဲၣ်ရွဲၣ်တသ့ၣ်ညါဆိဝဲဘၣ်. ပမၤလၤကပီၤဘၣ်အီၤလၢ အတၢ်ဒိးပ၁်စုၦဲၤထီၣ် (၂၅) နံၣ်တဘျီအံၤဆူၣ်ဆူၣ်ဘှဲၣ်ဘှဲၣ်အဃိ ပသူၣ်ခုသးခုႇ သူၣ်မံသးမု၁်ဘၣ်ဒိၣ်မးန့ၣ်လီၤ. ကီၢ်နဲၣ်ရွဲၣ်သရၣ်ဒိၣ်ဒီးကထၢၣ်စဲမၢၣ်ထိအံၤ မ့ၢ်ခိၣ်နၢ်လၢအဂ့ၤတဂၤလၢ ပကီၢ်ဒဝဲၣ်ဘျံးအပူၤ မ့ၢ်ဂ့ၤႇ ကီၢ်ဝဲၤလီၢ်အပူၤမ့ၢ်ဂ့ၤႇ ဒီးၦၤဂၤအဂီၢ်မ့ၢ်ဂ့ၤစ့ၢ်ကီးန့ၣ်လီၤ. လၢပကီၢ်ဝဲၤလီၢ်အပူၤ အဝဲတကွၢ်ဒိၣ်ဆံးတၢ်ႇ တကွၢ်တၢ်အဒူၣ်အဆၢနီတမံၤဘၣ်. အဝဲအဲၣ်ဝဲဒၣ် အၦၤမၤသကိးတၢ်သ့ၣ်တဖၣ်ကိးဂၤဒ်အဖိအသိးႇ ဒ်တံၤသကိးဘူးဘူးတံၢ်တံၢ်အသိးဒီး ဒ်အဟံၣ်ဖိဃီဖိအသိးန့ၣ်လီၤ. ကတီၢ်နၣ်ရံၣ်ခဲအံၤ အဝဲအိၣ်ဘှံးလၢ ကီၢ်နဲၣ်ရွဲၣ်အလီၢ်ဒီး ပသးဒုတမု၁်စ့ၢ်ကီးဘၣ်. ဘၣ်ဆၣ်ဒ်တၢ်ကတိၤဖိတဘီတဲဝဲအသိး ''ၦၤတစိၤလဲၤ ဒီးၦၤတစိၤဟဲ'' အသိးန့ၣ် တၢ်လီၢ်လံၤတဖၣ်ပူၤကွံ၁်ဒီး တၢ်အသီတဖၣ်ဘၣ်ဟံးထီၣ်ဖီၣ်ထီၣ်က့ၤတၢ်န့ၣ်လီၤ. ပခိၣ်ပနၢ်လၢအမ့ၢ် သရၣ်ဒိၣ်ဒီးကထၢၣ်စဲမၢၣ်ထိ ဒီးသရၣ်အၤစဘၢးဘံဘံၣ်သ့ၣ်တဖၣ်အံၤ မ့ၢ်တအိၣ်လၢပသိးပကျါလၢ ကီၢ်အတၢ်ဖံးတၢ်မၤအပူၤဘၣ်ဆၣ် အဝဲသ့ၣ်မ့ၢ်ပခိၣ်ပနၢ်လၢအဂ့ၤဝဲလၢပဂီၢ်ႇ ဒီးလၢၦၤအါဂၤအဂီၢ်ထီဘိန့ၣ်လီၤ. ပပ၁်လုၢ်ပ၁်ၦ့ၤဘၣ်အဝဲသ့ၣ်ႇ ပပ၁်ဂံၢ်ပ၁်ဘါဘၣ်အဝဲသ့ၣ်ထီဘိလၢ ပကီၢ်အတၢ်ဖံးတၢ်မၤအပူၤႇ ဒီးလၢ ပကီၢ်တၢ်ဖံးတၢ်မၤအပူၤစ့ၢ်ကီး ပဆၢဒီးမုၢ်လၢ်လၢ ကဟ့ၣ်ကူၣ်ဟ့ၣ်ဖးဘၣ်ၦၤႇ ဒီးဟ့ၣ်ဂံၢ်ဟ့ၣ်ဘါဘၣ်ၦၤထီဘိန့ၣ်လီၤ.

ကီၢ်ချၢၣ်လွံၣ်ထူၣ်ႇ ကညီဘျၢထံခရံ၁်တၢ်အိၣ်ဖှိၣ်သကိးတၢ်အိၣ်ဖှိၣ်
ကမျၢၢ်ခၢၣ်စးတၢ်အိၣ်ဖှိၣ်ဒီး တၢ်ပ၁်ထီၣ်တၢ်အိၣ်ဖှိၣ်သရၣ်/သရၣ်မုၣ်တၢ်ရဲၣ်တၢ်ကျဲၤ
ဖဲ ၂၂.၃.၂ဝ၂၅ အနံၤအိၣ်ဒီး ကီၢ်ချၢၣ်လွံၣ်ထူၣ်ကမျၢၢ်ခၢၣ်စးတၢ်အိၣ်ဖှိၣ်ဖဲ ရု၁်လူၢ်ကညီဘျၢထံခရံ၁်တၢ်အိၣ်ဖှိၣ်ႇ ကရူၢ်(၂) န့ၣ်လီၤ. တနံၣ်အံၤကီၢ်တၢ်တိ၁်ထူမ့ၢ်ဝဲ ''ဟံးဃ၁်ဂၢၢ်ကျၢၤဘျၢထံခရံ၁်ဖိတၢ်စူၢ်တၢ်န၁်'' န့ၣ်လီၤ. လၢတၢ်ဒုးတၢ်ယၤအဃိတၢ်ကီတၢ်ခဲအိၣ်ဝဲ သန၁်က့ မ့ၢ်လၢကစၢ်ယွၤအဘျုးအဖှိၣ်အဃိ ပမၤဝံၤဘၣ်က့ၤကီၢ်တၢ်အိၣ်ဖှိၣ်ရိဖှိၣ်သ့ၣ်တဖၣ်န့ၣ်လီၤ. ထဲဒၣ်လၢ ကရူၢ်(၃)န့ၣ် အိၣ်ဒီး တၢ်သုးလီၢ်သုးကျဲအဃိပဆၢလၢ သုကသ့ၣ်နီၣ်ၦၤလၢတၢ်ထုကဖၣ်န့ၣ်လီၤ.တၢ်အိၣ်ဖှိၣ်တဘျီအံၤ ၦၤဟဲထီၣ်အိၣ်ဝဲ (၁၂ဝ)ဂၤ န့ၣ်လီၤ.
       ဖဲ ၂၃.၃.၂ဝ၂၅ အနံၤ အိၣ်ဒီးတၢ်ပ၁်ထီၣ်ရု၁်လူၢ်ကညီဘျၢထံခရံ၁်တၢ်အိၣ်ဖှိၣ်ႇ တၢ်အိၣ်ဖှိၣ်သရၣ်-သရၣ်စီၤမၠးအ့ႇ သရၣ်စၢၤ- (၁)သရၣ်စီၤကန့လံးႇ (၂)သရၣ်မုၣ်နီၢ်တဲဂ့ၤခူ တဖၣ်န့ၣ်လီၤ.

မ့ၢ်လၢယွၤအဘျုးတၢ်ဆိၣ်ဂ့ၤအါသတးဒီး ပမၤဝံၤဘၣ်က့ၤကမျၢၢ်တၢ်အိၣ်ဖှိၣ်(၁၇ဝ)ဘျီတဘျီ ဖဲကၢၢ်ဂီၤတၢ်အိၣ်ဖှိၣ်ႇ ရၤမတံကဝီၤန့ၣ်လီၤ. ပစးထီၣ်အီၤလၢ (၆.၃.၂ဝ၂၅)သီ ဟါ ဒီးဝံၤဝဲလၢ (၉.၃.၂ဝ၂၅)သီ န့ၣ်လီၤ.တၢ်အိၣ်ဖှိၣ်တဘျီအံၤ လၢတၢ်သူၣ်အိၣ်သးအိၣ်ႇ တၢ်ဆၢတူၢ်လိ၁်မု၁်အဒိၣ်အအါအပူၤ ရၤမတံကဝီၤအတၢ်တူၢ်လိ၁် လၢၦဲၤလၢနီၢ်ခိဒီး နီၢ်သးန့ၣ်လီၤ. ၦၤဟဲထီၣ်တၢ်အိၣ်ဖှိၣ်ဆဲးလီၤမံၤခဲလၢ၁် နီၣ်ဂံၢ်အိၣ်ဝဲ (၄၄၁)ဂၤ န့ၣ်လီၤ. ကီၢ်တၢ်အိၣ်ဖှိၣ်တဘျီအံၤတၢ်တိ၁်ထူမ့ၢ်ဝဲ ''ဟံးဃ၁်ဂၢၢ်ကျၢၤဘျၢထံခရံ၁်ဖိတၢ်စူၢ်တၢ်န၁်'' ဒ် ခဝ့ၡၢၣ်တၢ်တိ၁်ထူလၢ တနံၣ်ညါအံၤန့ၣ်လီၤ. တၢ်အိၣ်ဖှိၣ်ဒီကတီၢ်လၢ ပနၢ်ဟူဘၣ်တၢ်ကစီၣ်တဖၣ် တံၤသူၣ်တံၤသးဒီးန့ၢ်ဂံၢ်န့ၢ်ဘါလၢလၢၦဲၤၦဲၤန့ၣ်လီၤ. မုၢ်ဆါခီပအိၣ်ဒီး တၢ်ဘူၣ်တၢ်ဘါဒီးတၢ်မၤလွံၢ်ကတီၢ်လၢ ဟါခီတၢ်ဘါဝံၤကတီၢ်န့ၣ်အိၣ်ဒီး ထိၣ်မုၢ်နၤတၢ်သးဝံၣ်ကရၢႇ အတၢ်ဟ့ၣ်ထီၣ်န့ၣ်လီၤ. လၢသးစၢ်အဂီၢ်အိၣ်စ့ၢ်ကီးဒီး ဖျၢၣ်ပှီၢ်ဒီး ဖျၢၣ်ဃၤ တၢ်လိၣ်ကွဲသ့ၣ်တဖၣ်န့ၣ်လီၤ. တၢ်အိၣ်ဖှိၣ်အါထီၣ်ဝဲတဖုအဃိ တၢ်အိၣ်ဖှိၣ်နီၣ်ဂံၢ် ခဲလၢ၁်အိၣ်ဝဲ (၁၁ဝ)ဖှိၣ် န့ၣ်လီၤ.

ကီၢ်ပသံၣ်မၠီမၠးစှီၤဘျၢထံခရံ၁်ဖိတၢ်အိၣ်ဖှိၣ်သကိးတၢ်အိၣ်ဖှိၣ်
ကမျၢၢ်ခၢၣ်စးကီၢ်တၢ်အိၣ်ဖှိၣ်ဖးဒိၣ် ဒီး ကီၢ်(၁၇၅)နံၣ်ႇ နံၣ်သးခုတၢ်စံးဘျုး
လါမၢ်ၡး(၂ဝ-၂၃)သီႇ ၂ဝ၂၅နံၣ် န့ၣ်ကီၢ်ပသံၣ်မၠီမၠးအိၣ်ဒီးတၢ်အိၣ်ဖှိၣ်ဖးဒိၣ် ဖဲကိၣ်သၣ်ဖၠူၣ်သရိ၁်ႇ ဝ့ၢ်ပသံၣ် န့ၣ်လီၤ. ၂၁.၃.၂ဝ၂၅ႇ ဂီၤ(၇းဝဝ)နၣ်ရံၣ်အနံၤအိၣ်ဒီး တၢ်အိးထီၣ်လၢၢ်ထူၣ်တၢ်ရဲၣ်တၢ်ကျဲၤ ဒီးၦၤပၢၤလီၢ်ဆ့ၣ်နီၤမ့ၢ် သရၣ်ဒိၣ်လ့မီ (ကီၢ်နဲၣ်ရွဲၣ်သဃဲၤ)န့ၣ်လီၤ.တၢ်တံ၁်တဲ၁်သတိၢ်ပျံၤလၢ ဖံသရၣ်မုၣ်ဒီးကထၢၣ်လၢၢ်ဝါႇ သရၣ်ဒိၣ်ဒီးကထၢၣ် အၢဘၢၣ်ဖီဝ့ၣ်ႇ သရၣ်ဒိၣ်ဒီးကထၢၣ်သ့ရT့ၣ်ႇ သရၣ်ဒိၣ်သ့ၣ်ထူႇ သရၣ်ဒိၣ်မူလၢၢ်ဂ့ၤ သ့ၣ်တဖၣ်န့ၣ်လီၤ. တၢ်ထုကဖၣ်ပ၁်စီ ဆှံလၢၢ်ထူၣ်လၢ သရၣ်ဒိၣ်ထွ့မီၣ်ကၠံ ဒီးတၢ်အူကွဲၤႇ ပိ၁်ကျိၣ် (၁၇၅)ဘီန့ၣ်လီၤ. တၢ်ကစီၣ်လၢ သရၣ်ဒိၣ်ဒီးကထၢၣ်ဖျါစိဒီး တၢ်ထုကဖၣ် လၢ သရၣ်ဒိၣ်စဲမီၣ်ႇ ဆိၣ်ဂ့ၤပျၢ်က့ၤတၢ်လၢ သရၣ်ဒိၣ်ရှ့သးန့ၣ်လီၤ. ဂီၤ(၁ဝး၃ဝ)နၣ်ရံၣ် အိၣ်ဒီးပိ၁်မုၣ်ကရၢ တၢ်ဘါန့ၣ်လီၤ. တၢ်ဘါကတီၢ်ၦၤပၢၤလီၢ်ဆ့ၣ်နီၤ သရၣ်မုၣ်စၢ်ဘျုးႇ တၢ်ကစီၣ် သရၣ်မုၣ်တၢ်မျၢ်ဖီႇ တၢ်ထုကဖၣ်လၢ သရၣ်မုၣ်ဖီလၢၢ်ဝါ ဒီးဆိၣ်ဂ့ၤပျၢ်တၢ်လၢ သရၣ်မုၣ်ဒိၣ်ဖီစ့ဝါန့ၣ်လီၤ. တၢ်ဘါကတီၢ်အိၣ်ဒီးတၢ်ဟ့ၣ်လီၤခိၣ်ဖးလၢ သးစၢ် တၢ်ပြၢသ့ၣ်တဖၣ်န့ၣ်လီၤ. ဟါ (၂း၃ဝ)နၣ်ရံၣ်အိၣ်ဒီး ဝဲၤကျိၤလၢသးစၢ်တၢ်မၤ ဂီၢ်တၢ်ဘါန့ၣ်လီၤ. ၦၤပၢၤလီၢ်ဆ့ၣ်နီၤ-သရၣ်ဒိၣ်န့ၢ်စ့ႇ တၢ်ကစီၣ်-သရၣ်ဂ့ၤထူႇ တၢ်ထုကဖၣ်လၢ သရၣ်ဒိၣ်အဲၣ်ထူအူႇ ဆိၣ်ဂ့ၤပျၢ်တၢ်လၢ သရၣ်ဒိၣ်ဆၢဆၢ န့ၣ်လီၤ.
၂၂.၃.၂ဝ၂၅ႇ ဂီၤ (၇းဝဝ)နၣ်ရံၣ် အိၣ်ဒီး တၢ်သးခုကစီၣ်ဝဲၤကျိၤတၢ်ဘါန့ၣ်လီၤ.ၦၤပၢၤလီၢ်ဆ့ၣ်နီၤ-သရၣ်ဒိၣ် ဘ့ၤဒးႇ ၦၤဟ့ၣ်တၢ်ကစီၣ်-သရၣ်ဒိၣ်ယွၤဒုးမူ(ခဝ့ၡၢၣ်နဲၣ်ရွဲၣ်)ႇ တၢ်ထုကဖၣ်လၢ သရၣ်စၤလမိၣ်ဒီး ဆိၣ်ဂ့ၤပျၢ်တၢ်လၢ သရၣ်ဒိၣ်လၢၢ်မူ န့ၣ်လီၤ. တၢ်ဘါကတီၢ်အိၣ်စ့ၢ်ကီးဒီး တၢ်မၤလၤကပီၤတၢ်မၢဖိ မၤတၢ်ၦဲၤထိၣ် (၁ဝ) နံၣ်တဖၣ်န့ၣ်လီၤ. ဟါ (၂းဝဝ)နၣ်ရံၣ် အိၣ်ဒီးတၢ်မၤလၤကပီၤကဝီၤႇ တၢ်အိၣ်ဖှိၣ်ႇ ၦၤတဂၤဘၣ်တဂၤန့ၣ်လီၤ.ၦၤပၢၤလီၢ်ဆ့ၣ်နီၤ-သရၣ်ဒိၣ် လ့မီႇ တၢ်ထုကဖၣ်-သရၣ်ဒိၣ်ယွၤဒုးမူ(ခဝ့ၡၢၣ်နဲၣ်ရွဲၣ်)ႇ ဆိၣ်ဂ့ၤပျၢ်တၢ်-သရၣ်ဒိၣ်ဝဲလ်ဒၢၣ် န့ၣ်လီၤ. 
၂၃.၃.၂ဝ၂၅ႇ ဂီၤ(၇းဝဝ)နၣ်ရံၣ် တၢ်ဘါကတီၢ် ၦၤပၢၤလီၢ်ဆ့ၣ်နီၤ-သရၣ်ဒိၣ်အဲၣ်ဝါခၠံး(ကီၢ်ခိၣ်စၢၤ)ႇ တၢ်ကစီၣ်- သရၣ်ဒိၣ်ဒီးကထၢၣ်အီနၢၣ်ညိၣ်ႇ တၢ်ထုကဖၣ်-သရၣ်ဒိၣ်ဒဲန့ၣ်ႇ တၢ်ဆိၣ်ဂ့ၤပျၢ်တၢ်-သရၣ်ဒိၣ်ဒီးကထၢၣ်လ့ကၢၣ်ယၣ် န့ၣ်လီၤ. ဂီၤ(၁ဝး၃ဝ)နၣ်ရံၣ်ႇ (၁၇၅)နံၣ်ႇ နံၣ်သးခုတၢ်စံးဘျုးစံးဖှိၣ်ႇ တၢ်ဘါဖးဒိၣ် န့ၣ်လီၤ. ၦၤပၢၤလီၢ်ဆ့ၣ်နီၤမ့ၢ် သရၣ်ဒိၣ်သ့ၣ်ထူႇ တၢ်ကစီၣ်-သရၣ်မုၣ်ဒိၣ်ဒီးကထၢၣ်ကြံထၣ်ဒ့ၢ်ႇ တၢ်ဆၢဂ့ၤဆၢဝါလၢ ခဝ့ၡၢၣ်နဲၣ်ရွဲၣ်ႇ ဖးဖျါထီၣ်(၁၇၅)နံၣ် နံၣ်သးခုအထါလၢသရၣ်ဒိၣ်ဒီးကထၢၣ်စ့စီဒီးအသကိးႇ တၢ်တဲဖျါကီၢ်အဂ့ၢ်ဖုၣ်ကိ၁်-ကီၢ်နဲၣ်ရွဲၣ်ႇ တၢ်ထုကဖၣ်- ႇ ဆိၣ်ဂ့ၤပျၢ်တၢ်လၢ သရၣ်ဒိၣ်ဒီးကထၢၣ်အၢဘၢၣ်ဖီဝ့ၣ် န့ၣ်လီၤ. 
တၢ်အိၣ်ဖှိၣ်ဖးဒိၣ်တဘျီအံၤ ၦၤဆဲးလီၤမံၤအိၣ်ဝဲ (၄ဝဝ)ဂၤဘျဲၣ်ႇ သရၣ်သမါသ့ၣ်တဖၣ်လၢၦၤကညီဘျၢထံခဝ့ၡၢၣ် ဒီး ကီၢ်အိၣ်ဘူးအိၣ်တံၢ်သ့ၣ်တဖၣ်အိၣ်ဝဲန့ၣ်လီၤ. ကီၢ်ပသံၣ်မၠီမၠီးႇ ကီၢ်တၢ်အိၣ်ဖှိၣ်ဘၣ်တၢ်တူၢ်လိ၁်အီၤလၢ ကရးကၠံကဝီၤ န့ၣ်လီၤ. ယွၤမၤတၢ်အဒိၣ်တဖၣ်လၢပဂီၢ်ႇ ဒီးပသးခုလၢအဃိလီၤ.(စံး ၁၂၆း၃)

ကီၢ်တကူၣ်ၦၤကညီဘျၢထံခရံ၁်ဖိထံလီၢ်ကီၢ်ပူၤတၢ်အိၣ်ဖှိၣ်သကိးတၢ်အိၣ်ဖှိၣ် 

ကီၢ်တကူၣ်သွ့ကီလါၦဲၤတၢ်အိၣ်ဖှိၣ်(၁ရ၁)ဘျီတဘျီဘၣ်တၢ်မၤအီၤဖဲ (၁၂-၁၆).၃.၂ဝ၂၅ႇ ဖြဲးဘျီၣ်ရိဖှိၣ် န့ၣ်လီၤ. လါမၢ်ၡး(၁၂)သီဟါ ၂းဝဝနၣ်ရံၣ် မ့ၢ်ဝဲတၢ်အိးထီၣ်တၢ်အိၣ်ဖှိၣ်တၢ်ရဲၣ်တၢ်ကျဲၤန့ၣ်လီၤ. တၢ်အိၣ်ဖှိၣ်တၢ်တိ၁်ထူမ့ၢ်ဝဲဒၣ် ဒ်ခဝ့ၡၢၣ်မီထိၣ် "ဟံးဃ၁်ဂၢၢ်ကျၢၤဘျၢထံခရံ၁်ဖိတၢ်စူၢ်တၢ်န၁်" န့ၣ်လီၤ. တနံၤဘၣ်တနံၤတၢ်ရဲၣ်တၢ်ကျဲၤႇ တၢ်ဘါဒီးတၢ်အိၣ်ဖှိၣ်တၢ်ဖံးတၢ်မၤတဖၣ်ဝံၤဝဲကဲဝဲတသီဘၣ် တသီန့ၣ်လီၤ. မုၢ်ဒဲးအနံၤ ၁၆.၃.၂ဝ၂၅ မ့ၢ်တနံၣ်တဘျီတၢ်အိၣ်ဖှိၣ်တၢ်ဘါဖှိၣ်ဝံၤအိၣ်ဒီးတၢ်အီၣ်ဘူၣ် တၢ်ရဲၣ်တၢ်ကျဲၤန့ၣ်လီၤ. ပျၢ်က့ၤတၢ်အိၣ်ဖှိၣ်တဘျီအံၤလၢ တၢ်ပ၁်စီဆှံသးတၢ်ဘါန့ၣ်လီၤ. တၢ်အိၣ်ဖှိၣ် တဘျီအံၤၦၤတူၢ်လိ၁်တၢ်မ့ၢ်ဝဲ တဲးကၠံသၣ်ယၣ်ဝတံၣ်ကဝီၤန့ၣ်လီၤ. ၂ဝ၂၄နံၣ် ကီၢ်တကူၣ်တၢ်အိၣ်ဖှိၣ် အိၣ်ဝဲဒၣ် (၃၄၉)ဖုဒီး တနံၣ်အံၤတူၢ်လိ၁်အါထီၣ်ဘၣ်တၢ်အိၣ်ဖှိၣ်အသီ(၃)ဖုလၢအမ့ၢ် (၁)ဒၤမ့ၤစ့းကညီ ဘျၢထံတၢ်အိၣ်ဖှိၣ်(အမၣ်ပီၣ်လဲၣ်တၢ်သးခုကစီၣ်ကဝီၤ), (၂) ကၠ့ၣ်ခၠီကညီဘျၢထံတၢ်အိၣ်ဖှိၣ်(အမၣ် ပီၣ်လဲၣ်တၢ်သးခုကစီၣ်ကဝီၤ)ႇ (၃) ကၠၣ်အ့လ့ကညီဘျၢထံတၢ်အိၣ်ဖှိၣ်(အီလဲၣ်အဲၣ်ကလီၣ်တဲးကၠံ မုၢ်နု၁်ကလံၤထံးတၢ်ထုကဖၣ်ကဝီၤ) အဃိ ၂ဝ၂၅နံၣ် ကီၢ်တကူၣ်တၢ်အိၣ်ဖှိၣ်အိၣ်ဝဲဒၣ်(၃၅၂)ဖုန့ၣ်လီၤ. တၢ်အိၣ်ဖှိၣ်အသီ(၃)ဖုအံၤ ဘၣ်တၢ်ကတိၤတူၢ်လိ၁်အီၤလၢ သရၣ်ဒိၣ်ထိသါ(ကီၢ်နဲၣ်ရွဲၣ်), ဟံးစုကွၢ်မဲ၁် အီၤလၢ သရၣ်ဒိၣ်ဒီးကထၢၣ်ကျၢၤတီ(ကီၢ်ခိၣ်)ဒီး တၢ်ဖုကဖၣ်လၢ သရၣ်ဒိၣ်ပ့ၢ်ချ့(ကီၢ်ခိၣ်စၢၤ)န့ၣ်လီၤ. တၢ်အိၣ်ဖှိၣ်တဘျီအံၤၦၤဟဲဆဲးလီၤမံၤအိၣ်ဝဲဒၣ်(၃၅၆)ဂၤဒီး လၢၦၤကညီဘျၢထံခၢၣ်စး သရၣ်ဒီးကထၢၣ် တနၢ်ထူ(ထုးထီၣ်ရၤလီၤလံ၁်လဲၢ်ဝဲၤကျိၤႇ ၦၤနဲၣ်တၢ်)ဒီး သရၣ်မုၣ်အဲၣ်သီထူ(ခရံ၁်ဖိတၢ်ကူၣ်ဘၣ် ကူၣ်သ့ဝဲၤကျိၤႇ ၦၤနဲၣ်တၢ်) တဖၣ်လဲၤအိၣ်ဖှိၣ်သကိးဝဲဒီး မၤသကိးတၢ်ဒ်တၢ်စံၣ်တဲၤတဲလီၤမ့ၢ်ဂ့ၤ တၢ်ထုကဖၣ်မ့ၢ်ဂ့ၤန့ၣ်လီၤ.