Karen Baptist Convention

အဆိကတၢၢ်န့ၣ် စံးဘျုးဘၣ်ကစၢ်ယွၤအဘျုးအဖှိၣ်ဒိၣ်မးလၢ အဒုးမူၦၤဒီးဟ့ၣ်ဖံးဟ့ၣ်မၤၦၤလၢအတၢ်မၤဖးဒိၣ် အပူၤအဃိန့ၣ်လီၤ. (၂ဝ၂၂-၂ဝ၂၃)နံၣ် တၢ်ဖံးတၢ်မၤအပူၤအိၣ်ဒီးတၢ်လဲၤခီဖျိႇ တၢ်ကွၢ်ဆၢၣ်မဲ၁်အါကလု၁်ဘၣ်ဆၣ်ဒီး ကစၢ်ယွၤန့ၣ်တလီၤစၢ်လၢ ပကီၢ်အဂီၢ်ဘၣ်. လၢဆၢကတီၢ်တခါဘၣ်တခါအပူၤန့ၣ်ကစၢ်ယွၤမၤတီအကလုၢ်ဒီးၦၤအဃိ န့ၣ်လီၤ. ထံကီၢ်ဂံၢ်တၢ်ဟူးတၢ်ဂဲၤအဃိဒီး ပကီၢ်ချၢၣ်လွံၣ်ထူၣ်အပူၤ လီၤဆီဒၣ်တၢ်ကဝီၤနီၣ်ဂံၢ်(၄)အပူၤႇ မိၢ်တၢ်အိၣ်ဖှိၣ် (၁၃)ဖှိၣ်ဒီး တၢ်မၢလီၢ်(၄)တီၢ်အပူၤ တၢ်အိၣ်ဖှိၣ်ဖိတဖၣ်ဘၣ်သုးလီၢ်သုးကျဲန့ၣ်လီၤ. စံးဘျုး ဘၣ်ၦၤကညီဘျၢထံခဝ့ၡၢၣ် အပူၤစးထီၣ်လၢ နဲၣ်ရွဲၣ်ခိၣ်ကျၢၤဒီး ခိၣ်နၢ်သရၣ်သမါ ၦၤဘၣ်မူဘၣ်ဒါတဖၣ်လၢ အသ့ၣ်နီၣ်ၦၤလၢတၢ်ထုကဖၣ်ဒီးဆီၣ် ထွဲမၤစၢၤၦၤဃု၁်ဒီး ဒီပုၢ်ဝဲၢ်တံၤသကိးၦၤတဂၤဘၣ်တဂၤန့ၣ်လီၤ.တနံၣ်အံၤတၢ်ကီတၢ်ခဲအိၣ်ဝဲဘၣ်ဆၣ်ဒီး ပကီၢ်ချၢၣ်လွံၢ်ထူၣ်အံၤ ပမၤဘၣ်ကီၢ် ကမျၢၢ်ခၢၣ်စးတၢ်အိၣ်ဖှိၣ်ဖဲလါမၢ်ၡး (၁)သီႇ ၂ဝ၂၃နံၣ်လၢ ဝ့ၢ်ချၢၣ်လွံၢ်ထူၣ်ႇ ကီၢ်တၢ်ဘါယွၤသရိ၁်န့ၣ်လီၤ. ဒီးတၢ်တိ၁်ထူမ့ၢ်ဝဲ -ဟံးန့ၢ်မူဒါဒီးဂဲၤလိ၁်အါထီၣ် (ကလီး ၃း၂၃ႇ ကတိၤ ၁၂း၁၁ႇ ဧ့စြၤ ၁ဝး၄ႇ ၁ကရံၣ် ၁၄း၁၂) န့ၣ်လီၤ.ဒီးပအိၣ်ဒီးတနံၣ်တဘျီတၢ်ဘူၣ်တၢ်ဘါ ဖးဒိၣ်ဒီး လၢတၢ်ဘူၣ်တၢ်ဘါတဘျီအံၤ ၦၤဟ့ၣ်တၢ်ကစီၣ်မ့ၢ်ဝဲဒၣ် သရၣ်ဒိၣ်ကပီၤမူ(လံ၁်စီဆှံကၠိခိၣ်)န့ၣ်လီၤ. ဒီးခၢၣ်စးခဲလၢ၁်ဟဲ ထီၣ်ဝဲဒၣ် (၁၂၄)ဂၤန့ၣ်လီၤ.ပအိၣ်ဒီးတၢ်စံးဘျုးတၢ်ဘူၣ်တၢ်ဘါ အတၢ်ရဲၣ်တၢ်ကျဲၤ လၢအမ့ၢ် နံၣ်(၁ဝဝ)ယူဘလံၤ တၢ်စံးဘျုးတၢ်ဘူၣ်တၢ်ဘါအတၢ်ရဲၣ် တၢ်ကျဲၤ ဖဲလါမၢ်ၡး(၁)သီႇ ၂ဝ၂၃နံၣ် လၢဝ့ၢ်ချၢၣ်လွံၢ်ထူၣ် ကီၢ်တၢ်သးခု ကစီၣ်ကၠိကရၢၣ်အပူၤန့ၣ်လီၤ. တနံၣ်အံၤပအိၣ်စ့ၢ်ကီးဒီး တၢ်ဆီသလဲခိၣ်နၢ်သီတဖၣ်မ့ၢ်ဒ်လ၁်အံၤအသိးန့ၣ်လီၤ.

(၁)သရၣ်ဒိၣ်အ့ဖြ့ၣ်ထူ - ကီၢ်ခိၣ်              (၂)သရၣ်ဒိၣ်ကျၢၤတီ - ကီၢ်ခိၣ်စၢၤ
(၃)သရၣ်အဲၣ်ဝါ - ကီၢ်နဲၣ်ရွဲၣ်              (၄)သရၣ်ဒီးကထၢၣ်ကၠ့ၣ်စဲခ့ၣ် - ကီၢ်နဲၣ်ရွဲၣ်သဃဲၤ
(၅)သရၣ်မုၣ်သယုၢ်ဖီ - ကီၢ်ၦၤပၢၤစ့             (၆)တၢ်ကတဲ၁်ကတီၤဒုးဒိၣ်ထီၣ်ထီထီၣ်ခိၣ်နၢ်ဝဲၤကျိၤၦၤနဲၣ်တၢ် - သရၣ်မုသဖီစူးဒါ
(ရ)တၢ်ကဟုကယ၁်ဒီးကူၣ်လိ၁်တၢ်ဝဲၤကျိၤၦၤနဲၣ်တၢ် - သရၣ်လီၤတံၢ် 
(၈)ခရံ၁်ဖိတၢ်ကူၣ်ဘၣ်ကူၣ်သ့ဝဲၤကျိၤၦၤနဲၣ်တၢ် - သရၣ်မုၣ်အ့နူးယံၣ်

ခီဖျိလၢတၢ်အိၣ်သးအကလု၁်ကလု၁်အဃိ ပဝဲကီၢ်ထးခီၦၤကညီဘျၢထံတၢ်အိၣ်ဖှိၣ်သကိး တၢ်အိၣ်ဖှိၣ်အံၤ ပဆိကတီၢ်ဘၣ် ကီၢ်တၢ်အိၣ်ဖှိၣ်ဝဲဒၣ် (၃) နံၣ်န့ၣ်လီၤ. ဘၣ်ဆၣ်ဒီးတနံၣ်တလါအံၤပစးထီၣ်ဘၣ်က့ၤ ပကီၢ်တနံၣ်တဘျီကမျၢၢ်တၢ်အိၣ်ဖှိၣ်လံ န့ၣ်လီၤ. ဘၣ်ဆၣ် မ့ၢ်လၢတၢ်အိၣ်သးသ့ၣ်တဖၣ်အဃိ တနံၣ်အံၤ ပစးထီၣ်ဘၣ် က့ၤကီၢ်တၢ်အိၣ်ဖှိၣ်ဒ်အမ့ၢ် ကမျၢၢ်ခၢၣ်စး တၢ်အိၣ်ဖှိၣ်န့ၣ်လီၤ. ကီၢ်ကမျၢၢ်ခၢၣ်စးတၢ်အိၣ်ဖှိၣ်အံၤ ဘၣ်တၢ်စးထီၣ်အီၤ ဖဲ (၂၈.၃.၂ဝ၂၃) နံၣ် ဟါ တုၤ (၂.၄.၂ဝ၂၃) နံၣ်ဟါန့ၣ်လီၤ.  ကမျၢၢ်ခၢၣ်စးတၢ်အိၣ်ဖှိၣ်အံၤအတၢ်တိ၁်ထူမ့ၢ်ဝဲဒၣ် - ဟံးန့ၢ်မူဒါ ဒီး ဂဲၤလိ၁်အါထီၣ် ( ကလီးစဲ ၃း၂၃ႇ ကတိၤဒိ ၁၂း၁၁ႇ ဧ့စြၤ ၁ဝး၄ႇ ၁ကရံၣ် ၁၄း၁၂ ) န့ၣ်လီၤ.ကမျၢၢ်ခၢၣ်စးတၢ်အိၣ်ဖှိၣ်အံၤ ဘၣ်တၢ်တူၢ်လိ၁်အီၤလၢ ကလီ ကညီဘျၢထံတၢ်အိၣ်ဖှိၣ်ဒီး တၢ်တူၢ်လိ၁်တၢ်လီၢ်တၢ်ကျဲတခီမ့ၢ်ဝဲဖဲ ပၠ့ၣ်အူလွ့ၣ်ကညီဘျၢထံတၢ်အိၣ်ဖှိၣ်တၢ်ဘါသရိ၁်န့ၣ်လီၤ. ၦၤကညီအနီၣ်ဂံၢ်လၢ ဟဲထီၣ်ကမျၢၢ်ခၢၣ်စး တၢ်အိၣ်ဖှိၣ်အံၤ ဒီး ဆဲးလီၤအမံၤခဲလၢ၁်အိၣ်ဝဲဒၣ် (၁၅၁) ဂၤန့ၣ်လီၤ.

မ့ၢ်လၢကစၢ်ယွၤအဘျုးအဖှိၣ်အဃိ တီအူကီၢ်ကဲၤခၢၣ်ကဲၤဘါတၢ်အိၣ်ဖှိၣ်သကိးတၢ်အိၣ်ဖှိၣ်ႇ ကမျၢၢ်တၢ်အိၣ်ဖှိၣ်ဖးဒိၣ်ၦဲၤထီၣ်(၁၃၇) ဘျီတဘျီန့ၣ် ဘၣ်တၢ်သုးကျဲၤမၤဝံၤအီၤဖဲ (၂၉-၃၁.၃.၂ဝ၂၃)နံၤႇ မၤရၤဒၢကညီဘျၢထံခရံ၁်တၢ်အိၣ်ဖှိၣ်ဒီး ကဝီၤသၢပ၁်ဖှိၣ်တူၢ်လိ၁် တၢ်အိၣ်ဖှိၣ်ဖးဒိၣ်တဘျီအံၤန့ၣ်လီၤ. တၢ်တိ၁်ထူမ့ၢ်ဒၣ်ဒ် ၦၤကညီဘျၢထံခဝ့ၡၢၣ်တၢ်တိ၁်ထူအသိး - ဟံးန့ၢ်မူဒါဒီးဂဲၤလိ၁်အါထီၣ် န့ၣ်လီၤ. ကီၢ်တၢ်အိၣ်ဖှိၣ်ဖးဒိၣ်တဘျီအံၤမ့ၢ်လၢ ထံကီၢ်တၢ်အိၣ်သးတမု၁်တခုၣ်ဘၣ်အဃိ ကမျၢၢ်လၢအဟဲဒီးဆဲးလီၤအမံၤအိၣ်ဒၣ် (၁၆၅)ဂၤန့ၣ်လီၤ. ပစံးဘျုးဘၣ်ၦၤကညီဘျၢထံခဝ့ၡၢၣ်လၢ ကွဲးဆှၢလီၤန့ၢ်ၦၤ လံ၁်တၢ်ဆၢဂ့ၤဆၢဝါလၢ ကီၢ်တၢ်အိၣ်ဖှိၣ်ဖးဒိၣ်တဘျီအံၤအဂီၢ်န့ၣ်လီၤ. တၢ်ဆီၣ်သနံးအိၣ်အါမံၤဘၣ်ဆၣ် ပစံးဘျုးဘၣ်ကစၢ်ယွၤလၢ ဟ့ၣ်ဒံးၦၤသးလၢအိၣ်ဒီး တၢ်သးဒူႇ တၢ်သးဆူၣ်လၢပကမူဒီးမၤသကိးဘၣ်ယွၤ တၢ်မၤအဃိန့ၣ်လီၤ.

ကီၣ်ပၠံၣ်သၣ်ယၣ်ဝတံၣ် ကညီဘျၢထံတၢ်အိၣ်ဖှိၣ်သကိးတၢ်အိၣ်ဖှိၣ်အိၣ်ဒီး ကမျၢၢ်ခၢၣ်စးတၢ်အိၣ်ဖှိၣ်ဖဲ လါမၢ်ၡး (၁၇-၁၉) နံၤႇ (၂ဝ၂၃)နံၣ် လၢ မၠ့ၣ်စ့ကညီဘျၢထံတၢ်အိၣ်ဖှိၣ်န့ၣ်လီၤ. (၁၇)သီဟါတုၤဖှိၣ်အိၣ်ဒီးတၢ်အိးထီၣ်မူးတၢ်ဘါႇ ဖဲဟါ(၇းဝဝ)နၣ်ရံၣ်ႇ (၁၈)သီဒီတနံၤအိၣ်ဒီး တၢ်ဖံးတၢ်မၤအကတီၢ် ဒီးတၢ်ဘူၣ်တၢ်ဘါႇ အိၣ်စ့ၢ်ကီးဒီးတၢ်တူၢ်လိ၁် ဟ့ၣ်လီၤလံ၁်မၤနီၣ်ဆူ တၢ်အိၣ်ဖှိၣ်အသီလၢ အမ့ၢ်ပီပီၣ်သးဖှံလူၢ်ႇ ၦၤထုကဖၣ်လၢ တၢ်အိၣ်ဖှိၣ်အသီအဂီၢ်မ့ၢ် ခဝ့ၡၢၣ်နဲၣ်ရွဲၣ် သရၣ်ဒိၣ်ယွၤဒုးမူန့ၣ်လီၤ.
ဖဲ(၁၉)သီႇ ဂီၤ(၇းဝဝ)နၣ်ရံၣ်န့ၣ် မ့ၢ်တၢ်မၤဝံၤက့ၤ ကီၢ်တၢ်ဖံးတၢ်မၤဒီး တၢ်ပ၁်စီဆှံသးတၢ်ဘါႇ ၦၤလၢစံၣ်တဲၤတဲလီၤတၢ်ဒီး ဘါထုကဖၣ်လၢခိၣ်နၢ်တဖၣ်အဂီၢ်မ့ၢ် သရၣ်ဒိၣ်ယွၤဒုးမူႇ ဆိၣ်ဂ့ၤပျၢ်က့ၤတၢ်လၢခံမ့ၢ် သရၣ်ဒိၣ်လါဖိန့ၣ်လီၤ. လၢတၢ်အိၣ်ဖှိၣ်တဘျီအံၤ ခဝ့ၡၢၣ်ခၢၣ်စးမ့ၢ် သရၣ်ဒိၣ်ယွၤဒုးမူႇ ဒီးခၢၣ်စးတၢ်အိၣ်ဖှိၣ်တဘျီအံၤၦၤဆဲးလီၤမံၤအိၣ် (၁၁၃)ဂၤန့ၣ်လီၤ.
ဖဲ(၁၉.၃.၂ဝ၂၃)နံၤႇ ဂီၤ(၁ဝး၃ဝ)နၣ်ရံၣ်န့ၣ်အိၣ်ဒီးတၢ်ပ၁်ဂၢၢ်သရၣ်ဇီၣ်နဲၣ်ထိဒ် တၢ်အိၣ်ဖှိၣ်သရၣ်သဃဲၤအသိးႇ ဒီးၦၤပၢၤလီၢ်ဆ့ၣ်နီၤမ့ၢ် သရၣ်ဒိၣ်ဆၣ်ၦဲၤမူႇ ၦၤစံၣ်တဲၤတဲလီၤတၢ်မ့ၢ် သရၣ်ဒိၣ်ကွၢ်လၢ်ယိၤသးတီႇ ၦၤကတိၤဟ့ၣ်ဂံၢ်ဟ့ၣ်ဘါ သရၣ်မ့ၢ် သရၣ်ဒိၣ်ယွၤဒုးမူႇ ၦၤဟ့ၣ်ဂံၢ်ဟ့ၣ်ဘါတၢ်အိၣ်ဖှိၣ်မ့ၢ် သရၣ်မုၣ်ခ့ၣ်ဖၠူၣ်ဝ့ႇ ၦၤထုကဖၣ်လၢသရၣ်စၢၤအဂီၢ် သရၣ်ဒိၣ်လါဖိႇ လၢခံကတၢၢ် ထုကဖၣ်ကျၢၢ်တံၢ်လၢ သရၣ်ဒိၣ်ဆၣ်စ့ထူႇ ထါသးဝံၣ်ပျၢ်က့ၤဝံၤန့ၣ် သရၣ်ဒိၣ်ခ့ရ့ၣ်ဆိၣ်ဂ့ၤပျၢ်တၢ်န့ၣ်လီၤ. လၢတၢ်ရဲၣ်တၢ်ကျဲၤတဘျီအံၤ တချုးအစးထီၣ်အိၣ်ဒီး တၢ်မၤလၤကပီၤ မိၢ်ပၢ်သူၣ်က့သးၦၢ်တဖၣ်န့ၣ်လီၤ. ပနၢ်ဟူဘၣ်စ့ၢ်ကိးတၢ်သးဝံၣ်တဖၣ်လၢ မၠ့ၣ်စ့တၢ်အိၣ်ဖှိၣ်ႇ သရၣ်မုၣ်ကဝီၤဖီဒီး အသကိးစီၤလ့နဲၣ်(ဆဲတိၢ်) န့ၣ်လီၤ.

 ကီၢ်တီအူပကူ ၦၤကညီဘျၢထံခရံၥ်ဖိတၢ်အိၣ်ဖှိၣ်သကိးတၢ်အိၣ်ဖှိၣ် တနံၣ်တဘျီ တၢ်ဘူၣ်တၢ်ဘါအမူးဖးဒိၣ် (၁၆၇)ဘျီတဘျီ ဘၣ်တၢ်မၤအီၤဖဲ ဂံၢ်ဂီၤပၢၤကညီဘျၢထံတၢ်အိၣ်ဖှိၣ်ႇ ကစၢၢ်ချၢက၀ီၤ စးထီၣ်လါမၢ်ၡး (၂၃)သီႇ ဟါ တုၤ (၂၆)သီႇ ဟါ န့ၣ်လီၤ. တၢ်အိၣ်ဖှိၣ်တၢ်တိၥ်ထူမ့ၢ်၀ဲ - ကိးထီၣ်ယွၤ ၀ံလိၥ်သကိးပတၢ်၀ံဃၢ (ကလၤတံ ၆း၂, ယံး ၃၃း၃)န့ၣ်လီၤ. လါမၢ်ရှး (၂၃)သီႇ ဟါ(၆း၃၀-၇း၃၀)နၣ်ရံၣ်မ့ၢ်၀ဲ တၢ်အိးထီၣ်တၢ်အိၣ်ဖှိၣ်အမူး (၁၆၇) ဘျီတဘျီ အတၢ်ရဲၣ်တၢ်ကျဲၤ၀ံၤ အိၣ်ဒီး ဒူသ၀ီဖိတၢ်တူၢ်လိၥ်တၢ်ရဲၣ်တၢ်ကျဲၤ၀ံၤအလီၢ်ခံ တၢ်ပြၢကရူၢ်တၢ်သး၀ံၣ် ဘၣ်တၢ်သုးကျဲၤ
အီၤလၢ၀ဲၤကျိၤလၢသးစၢ်တၢ်မၤအဂီၢ်န့ၣ်လီၤ. ဒ်တၢ်ရဲၣ်တၢ်ကျဲၤအိၣ်၀ဲအသိး စးထီၣ်လၢလါမၢ်ၡး (၂၄)သီႇ ဘၣ်တၢ်စးထီၣ်အီၤလၢ ဂီၤထၢၣ်သၢတၢ်ထုကဖၣ်တၢ်ဘါ ဒီးဘၣ်တၢ်ဟံးန့ၢ်မူဒါလၢကစၢၢ်ပူၤပိၥ်မုၣ်ကရၢန့ၣ်လီၤ. (၂၅)သီႇ လါမၢ်ၡး (၂၅)သီႇ ဂီၤ(၁၀း၀၀-၁၂း၀၀)နၣ်ရံၣ် မ့ၢ်၀ဲဒၣ် ကီၢ်သရၣ်သမါ၀ဲၤကျိၤ(၄၀)နံၣ်တၢ်စံးဘျုးစံးဖှိၣ်တၢ်ဘူၣ်တၢ်ဘါတၢ်ရဲၣ်တၢ်ကျဲၤန့ၣ်လီၤ. လၢတၢ်ဘူၣ်တၢ်ဘါတဘျီအံၤၦၤဟ့ၣ်တၢ်ကစီၣ်မ့ၢ်၀ဲ သရၣ်ဒီးကထၢၣ်တနၢ်ထူ (ထုးထီၣ်ရၤလီၤလံၥ်လဲၢ်၀ဲၤကျိၤႇ ၦၤနဲၣ်တၢ်) ဒီးတၢ်ထုကဖၣ်အလၢအၦဲၤမ့ၢ်၀ဲ သရၣ်ဒိၣ်ယွၤဒုးမူ (ခ၀့ရှၢၣ်နဲၣ်ရွဲၣ်)န့ၣ်လီၤ. လါမၢ်ၡး (၂၆)သီႇ ဂီၤ (၇း၀၀-၈း၀၀)နၣ်ရံၣ်မ့ၢ်၀ဲကီၢ်တၢ်သးခုကစီၣ်၀ဲၤကျိၤတၢ်ဘူၣ်တၢ်ဘါအိၣ်ဃုၥ်ဒီးတၢ်ဟ့ၣ်လီၤလံၥ်အုၣ်သးတၢ်ရဲၣ်တၢ်ကျဲၤန့ၣ်လီၤ. ဂီၤ(၁၀း၀၀-၁၂း၀၀)နၣ်ရံၣ်မ့ၢ်၀ဲတနံၣ်တဘျီကီၢ်တၢ်စံၣ်တဲၤတဲလီၤတၢ်ဘါဖးဒိၣ်တၢ်ရဲၣ်တၢ်ကျဲၤန့ၣ်လီၤ.တချုးလၢတၢ်ဘါစးထီအခါအိၣ်ဒီးတၢ်တူၢ်လိၥ်တၢ်အိၣ်ဖှိၣ်အသီခံဖုလၢအမ့ၢ်၀ဲ ထံဆဲးမဲးယွၤ ကညီဘျၢထံတၢ်အိၣ်ဖှိၣ်ဒီး ဘုတလ့ၣ် ကညီဘျၢထံတၢ်အိၣ်ဖှိၣ် ဒီးၦၤလၢ တူၢ်လိၥ်ဟံးစုကွၢ်မဲၥ်တၢ်အိၣ်ဖှိၣ်အသီခံဖုလၢကီၢ်နဲၣ်ရွဲၣ်န့ၣ်လီၤ. တနံၣ်တဘျီ တၢ်စံၣ်တဲၤတဲလီၤတၢ်ဘူၣ်တၢ်ဘါ ၦၤဟ့ၣ်တၢ်ကစီၣ်မ့ၢ်၀ဲ သရၣ်ဒိၣ်ယွၤဒုးမူ(ခ၀့ရှၢၣ် နဲၣ်ရွဲၣ်)န့ၣ်လီၤ. ဟါ(၂း၀၀-၄း၀၀)နၣ်ရံၣ်အဆၢကတီၢ်မ့ၢ်၀ဲ တၢ်ဒိးပၥ်စု ဂံၢ်ဂီၤပၢၤတၢ်အိၣ်ဖှိၣ်သရၣ်, သရၣ်န့ၢ်ထူတၢ်ဘူၣ်တၢ်ဘါအတၢ်ရဲၣ်လီၤကျဲၤလီၤန့ၣ်လီၤ.ကီၢ်တၢ်ဘူၣ်တၢ်ဘါတၢ်ရဲၣ်တၢ်ကျဲၤတဖၣ်ဘၣ်တၢ်မၤအီၤဂ့ၤဂ့ၤဘၣ်ဘၣ်အိၣ်ဒီးတၢ်ပၥ်စီဆှံသးတၢ်ဘါန့ၣ်လီၤ.

အဆိပစံးဘျုးယွၤလၢ အပ၁်မူၦၤဒီးဒုးမၤၦၤအတၢ်ဖံးတၢ်မၤသ့ၣ်တဖၣ်န့ၣ်လီၤ. ကစၢ်ယွၤ အဘျုးအဖှိၣ်အဃိပလဲၤခီဖျိဘၣ် ၂ဝ၂၂ နံၣ်ဒီးပတုၤဃီၤဘၣ်ဆူ ၂ဝ၂၃နံၣ်န့ၣ်လီၤ. ၂ဝ၂၂ နံၣ်အတၢ် လဲၤခီဖျိမ့ၢ်အိၣ်ဒီးတၢ်ကီတၢ်ခဲ တၢ်ဆီၣ်သနံးဘၣ်ဆၣ် ယွၤအဘျုးအတၢ်ဆိၣ်ဂ့ၤတဖၣ်အိၣ်လၢအိၣ်ၦဲၤ ထီဘိန့ၣ်လီၤ. ၂ဝ၂၃ နံၣ်ပမၤဘၣ်ကဝီးတၢ်အိၣ်ဖှိၣ်ဃု၁်ဒီးကမျၢၢ်သ့ဘၣ်ထဲကရးကၠံကဝီးဒီး မ့မ့ၢ်ကဝီၤ အဂၤတဖၣ်ဒီးကီၢ်တၢ်အိၣ်ဖှိၣ်ဖးဒိၣ်န့ၣ်ပမၤအီၤသ့ဒၣ်ထဲ ခၢၣ်စးတၢ်အိၣ်ဖှိၣ်န့ၣ်လီၤ. ဒ်န့ၣ်အသိးပထံၣ် ဘၣ်လၢ ၂ဝ၂၂နံၣ်အံၤ တၢ်ဆူးတၢ်ဆါသ့ၣ်တဖၣ်စှၤလီၤဝဲဒၣ်အဃိ ပစးထီၣ်ဘၣ်က့ၤဟးဝ့ၤဝီၤတၢ်ဖံး တၢ်မၤသ့ၣ်တဖၣ်မ့ၢ်ဂ့ၤႇ ကီၢ်ဝဲၤလီၢ်တၢ်ဟးအိၣ်သကိးတၢ်အိၣ်ဖှိၣ်အတၢ်ရဲၣ်တၢ်ကျဲၤသ့ၣ်တဖၣ်မ့ၢ်ဂ့ၤ န့ၣ်လီၤ. ဒ်န့ၣ်အသိးပအိၣ်ဒီး တၢ်အိၣ်ဖှိၣ်ကိးဖုဒဲးဃၣ်ဃၣ်လၢစးထီၣ်ဘါက့ၤယွၤလၢသရိ၁်ပူၤမ့ၢ်ဂ့ၤႇ ပတၢ်အိၣ်ဖှိၣ်အမူးအရၣ်သ့ၣ်တဖၣ်ဘၣ်တၢ်မၤအီၤဂ့ၤဂ့ၤဘၣ်ဘၣ်လံန့ၣ်လီၤ. ၂ဝ၂၃နံၣ်အံၤ ပမၤဘၣ် ခၢၣ်စးတၢ်ထံၣ်မဲ၁်ထံၣ်နါဖဲ လါမၢ်၇ှး ၁-၂ သီႇ ၂ဝ၂၃နံၣ်န့ၣ်လီၤ. ဒ်န့ၣ်အသိးပမၤဝံးဘၣ်က့ၤ  ပကိၣ်သၣ်ဖၠူၣ်ယွၤဂ့ၢ်ပီညါစ့ၤမ့ၤနရံတၢ်ပျၢ်ကၠိ အတၢ်ရဲၣ်တၢ်ကျဲၤဖဲ ၁၈.၃.၂ဝ၂၃ အနံၤန့ၣ်လီၤ. ဖဲ ၂ဝ၂၂နံၣ်န့ၣ် ပကီၢ်ပိ၁်မုၣ်ကရၢအတၢ်ဖံးတၢ်မၤလၢအမ့ၢ် တၢ်မၤစၢၤကမျၢၢ်တၢ်အိၣ်ဆူၣ်အိၣ်ချန့ၣ်လီၤ. တၢ်မၤလိ (Community Health Helper Course) တၢ်မၤလိၦဲၤထီၣ်ဝဲ (၂၅)ဝီတဝီအဃိ ပအိၣ်ဒီး ၂၅ နံၣ်တၢ်စံးဘျုးဒီးတၢ်ပျၢ်က့ၤတၢ်မၤလိအတၢ်ရဲၣ်တၢ်ကျဲၤဖဲ ၉.၁၂.၂ဝ၂၂ အနံၤန့ၣ်လီၤ. ပအိၣ်ဒီးတၢ်သုးကျဲၤလၢ ပကသူၣ်ထီၣ်ဘၣ်ဝဲ မးသဲ၂၅ တၢ်အဲၣ်တၢ်ဆါဟံၣ်အသီတဖျၢၣ်စ့ၢ်ကီး န့ၣ်လီၤ.

ကီၢ်ပကိတကူၣ်အိၣ်ဒီး ကမျၢၢ်ခၢၣ်စးတၢ်အိၣ်ဖှိၣ်စးထီၣ်ဖဲ လါမၢ်ၡး(၂၃)သီတုၤ(၂၆)သီႇ ၂ဝ၂၃အနံၤန့ၣ်လီၤ.ကမျၢၣ်ခၢၣ်စးတၢ်အိၣ်ဖှိၣ်တဘျီအံၤ ဘၣ်တၢ်မၤအီၤလၢ ဧ့ၤဒ့ၣ်လူၢ်တၢ်အိၣ်ဖှိၣ်ဒီး တၢ်တိာ်ထူမ့ၢ်ဝဲ-(ဟံးန့ၢ်မူဒါဒီးဂဲၤလိာ်အါ) န့ၣ်လီၤ. လၢတၢ်အိၣ်ဖှိၣ်တဘျီအံၤ ကမျၢၢ်ခၢၣ်စးဟဲထီၣ်ဝဲဒၣ်(၁ဝ၈)ဂၤန့ၣ်လီၤ. တၢ်အိၣ်ဖှိၣ်တဘျီအံၤ သရၣ်ဒိၣ်ဒီးကထၢၣ်မိစဲးသ့(တၢ်ကတဲာ်ကတီၤဒုးဒိၣ်ထီၣ်ထီထီၣ်ခိၣ်နၢ်ဝဲၤကျိၤႇ ၦၤနဲၣ်တၢ်), ဒီး သရၣ်မုၣ်ခၠိၣ်ခၠိၣ်ဖၠူၣ်(ဝဲၤဒၢးခိၣ်)တဖၣ်မၤသကိးတၢ် ခီဖျိတၢ်ကစီၣ်ဒီးတၢ်ထုကဖၣ်န့ၣ်လီၤ.ထံၣ်ဘၣ်လၢ ကီၢ်ဖိကီၢ်လံၤ သရၣ်သမါတဖၣ် အိၣ်ဒီးတၢ်သူၣ်ဆူၣ်သးဂဲၤလၢ ယွၤအတၢ်မၤအပူၤဒ်န့ၣ်အသိး တူၢ်လိာ်တၢ်လၢတၢ်သူၣ်အိၣ်သးအိၣ်လၢ တၢ်အဲၣ်ကစၢ်အပူၤအဃိ စံးဘျုးကတိၤဒိၣ်မၤလၤကပီၤအဝဲသ့ၣ်ဒိၣ်မးန့ၣ်လီၤ.

ကီၢ်ဆီထံးကမျၢၢ်ခၢၣ်စးတၢ်အိၣ်ဖှိၣ်
ကီၢ်ဆံးထံးကညီဘျၢထံခရံ၁်ဖိတၢ်အိၣ်ဖှိၣ်သကိးတၢ်အိၣ်ဖှိၣ်ႇ အိၣ်ဒီးကမျၢၢ်ခၢၣ်စး တၢ်အိၣ်ဖှိၣ်ဖဲ ၁၅.၃.၂ဝ၂၃ မုၢ်ပျဲၤနံၤႇ စးထီၣ်လၢဂီၤ ၉းဝဝနၣ်ရံၣ်ဒီးတုၤဖဲ ဟါ ၃း၃ဝနၣ်ရံၣ်န့ၣ်လီၤ. မ့ၢ်လၢတၢ်အိၣ်သးတဘၣ်လီၢ်ဘၣ်စးအဃိ ပတၢ်အိၣ်ဖှိၣ် တဘျီအံၤပမၤဘၣ်အီၤလၢဆဲးကျိးန့ၢ်တီၤန့ၣ်လီၤ. တချုးတၢ်အိၣ်ဖှိၣ်စးထီၣ် အိၣ်ဒီးတၢ်ဘူၣ်တၢ်ဘါတၢ်ရဲၣ်တၢ်ကျဲၤဒီး ၦၤဟ့ၣ်တၢ်ကစီၣ်မ့ၢ်ဝဲသရၣ်ဒိၣ်ကဲဘျုးမူႇ ဒီးၦၤဘါထုကဖၣ်လၢ သရၣ်ဒိၣ်အံၣ်မဲနယၢၣ်န့ၣ်လီၤ. တၢ်အိၣ်ဖှိၣ်တဘျီအံၤ ၦၤပၢၤလီၢ်ဆ့ၣ်နီၤမ့ၢ်ဝဲ ကီၢ်ခိၣ်စၢၤခံဂၤတဂၤ သရၣ်ဒိၣ်ဒီးကထၢၣ်ဝါဝါဒ့ၣ်န့ၣ်လီၤ. လၢကမျၢၢ်ခၢၣ်စးတၢ်အိၣ်ဖှိၣ်တဘျီအံၤ ကရူၢ်ခွံဘ့ၣ်အခၢၣ်စးတဖၣ်ႇ ဝဲၤကျိၤကိးကျိၤဒဲးအခၢၣ်စးတဖၣ်ႇ ကီၢ်ၦၤအိၣ်မူအိၣ်ဒါတဖၣ်ႇ ကီၢ်လံ၁်စီဆှံကၠိခၢၣ်စးတဖၣ်ဒီး ကီၢ်ၦၤဟ့ၣ်ကူၣ်တၢ်တဖၣ် အိၣ်ဖှိၣ်သကိးဝဲန့ၣ်လီၤ.ဒုးအိၣ်ထီၣ်ဘၣ်ဝဲးကျိၤအသီတကျိၤလၢအမ့ၢ် ကီၢ်လံ၁်လဲၢ်ဒီးတၢ်ဆဲး တၢ်လၤဝဲၤကျိၤန့ၣ်လီၤ. တနံၣ်အံၤပအိၣ်ဒီးတၢ်ဃုထၢပ၁်လီၤၦၤမၤတၢ်ဖိအသီခံဂၤလၢအမ့ၢ် သရၣ်မုၣ်လ့တီထူ(ကီၢ်လံ၁် လဲၢ်ဒီးတၢ်ဆဲးတၢ်လၤဝဲၤကျိၤအၦၤနဲၣ်တၢ်)ႇ သရၣ်မုၣ်နီၢ်သလဲမ့ၤဖီ (ကီၢ်ပိ၁်မုၣ်ဝဲၤကျိၤအၦၤနဲၣ်တၢ်) လၢ၂ဝ၂၃ တုၤ ၂ဝ၂၅ နံၣ်တၢ်မၤအဝီအဂီၢ်န့ၣ်လီၤ. ပကီၢ်တၢ်ဒုးဒိၣ်ထီၣ်ထီထီၣ်ခိၣ်နၢ်ဝဲၤကျိၤတအိၣ်ဒံးဘၣ်ဆၣ်ႇ အိၣ်ဒီးကမံးတံ၁်ဂၢၢ် ကျၢၤအဃိႇ ပဃုထၢထီၣ်ဘၣ် သရၣ်တီလီၤလးဒ်မူဒါခိၣ်အသိးလၢ ကသုးကျဲၤတီခိၣ်ရိၣ်မဲကမံးတံ၁်အတၢ်ဖံးတၢ်မၤအဂီၢ် န့ၣ်လီၤ.
တၢ်ပ၁်ဖျါလီၤဆီ -ပကီၢ်ဆီထံးအတၢ်လဲၤခီဖျိလၢခ့ခါတၢ်အိၣ်သး အိၣ်ဒီးတၢ်တၤတဖၣ်အါမးန့ၣ်လီၤ.ပတၢ်အိၣ် ဖှိၣ်တဖၣ်လီၤမုၢ်ပြံပြါႇ ဘၣ်ကွၢ်ဆၢၣ်မဲ၁်တၢ်ကီတၢ်ခဲစ့ၢ်ကီးန့ၣ်လီၤ. ဘၣ်ဆၣ်ပစံးဘျုးယွၤလၢအအံးထွဲကွၢ်ထွဲၦၤဖဲပတုၤႇ ပအိၣ်အလီၢ်န့ၣ်လီၤ. ပစံးဘျုးယွၤဒီးခဝ့ၡၢၣ်ႇ ခိၣ်နၢ်ႇ ဖိလံၤတဖၣ် ဒီးၦၤသူၣ်အိၣ်သးအိၣ်ဆီၣ်ထွဲကဟုကယ၁်ႇ သုးကျဲၤ တၢ်ႇ ထုကဖၣ်လၢပဂီၢ်ကိးဂၤလီၤ. ခါဆူညါပတၢ်မုၢ်လၢ်မ့ၢ်ဒၣ် ယ့ၣ်ၡူးခရံ၁်ႇ ကစၢ်လၢပဘါအီၤႇ ယွၤသၢဂၤတဂၤဃီ အတၢ်တိစၢၤမၤစၢၤန့ၣ်လီၤ. သ့ၣ်နီၣ်လိ၁်သကိးပသးလၢတၢ်ထုကဖၣ်အါအါတက့ၢ်မီၣ်.

ကီၢ်ဟီကတး ကညီဘျၢထံတၢ်အိၣ်ဖှိၣ်သကိးတၢ်အိၣ်ဖှိၣ်
ကမျၢၣ်ခၢၣ်စးတၢ်အိၣ်ဖှိၣ် (၁၆၄)ဘျီတဘျီ
နံၤသီ - ၂၁.၃.၂ဝ၂၃
တၢ်လီၢ် - ဝ့ၢ်ဟီကတး (ဝဲၤလီၢ်)
တၢ်တိ၁်ထူ- သးတဖၢၣ်ဃီလၢတၢ်လီၤဆီအပူၤ (ရိမ့ၤ ၁၂း၁၆-၂၁ႇ ၁ကရံၣ် ၁၂း၁၂-၂၇)
ဂီၤ ၉းဝဝနၣ်ရံၣ်စးထီၣ်လၢ တၢ်မၤလၤမၤကပီၤတၢ်ရဲၣ်တၢ်ကျဲၤခီဖျိၦၤလၢ အအိၣ်ဘှံးလၢတၢ်ဖံးတၢ်မၤလီၢ်လၤတဖၣ်ဒီး ဟ့ၣ်လၤဟ့ၣ် ကပီၤၦၤလၢ အဖျိထီၣ်(လံ၁်စီဆှံခီဖျိတၢ်ကွဲး) တၢ်မၤလိခီဖျိတၢ်ရဲၣ်တၢ်ကျဲၤလၢ ၦၤကညီဘျၢထံခဝ့ၡၢၣ်တၢ်သးခုကစီၣ်ဒီးမံးၡၢၣ်ဝဲၤကျိၤတၢ်ရဲၣ် တၢ်ကျဲၤ (၂)ဂၤလၢအမ့ၢ် သရၣ်မုၣ်အ့ခဲၣ်ထူ ဒီးစီၤဟ့ၣ်သါ ဒီးၦၤလၢဟ့ၣ်လီၤလံာ်အုၣ်သး မ့ၢ်ဝဲ သရၣ်ဒီးကထၢၣ်န့ၢ်လ့အီၣ်(ၦၤကညီဘျၢထံခဝ့ၡၢၣ်တၢ်သးခုကစီၣ်ဝဲၤကျိၤၦၤနဲၣ် တၢ်သဃဲၤ) န့ၣ်လီၤ.
ဂီၤ ၉း၃ဝနၣ်ရံၣ် စးထီၣ်ဂီၤတၢ်ဘါဒီၤ ၦၤပၢၤလီၢ်ဆ့ၣ်နီၤမ့ၢ်ဝဲဒၣ် သရၣ်ဒိၣ်တနၢ်ထူ(ကီၢ်ခိၣ်) အိးထီၣ်တၢ်ဘါလၢ သရၣ်ဒိၣ်ကၠဲရ့ၣ် (ကီၢ်ခိၣ်-၂) ၦၤဟ့ၣ်တၢ်ကစီၣ် သရၣ်ဒီးကထၢၣ်န့ၢ်လ့အီၣ်(ၦၤကညီဘျၢထံခဝ့ၡၢၣ်တၢ်သးခုကစီၣ်ဝဲၤကျိၤၦၤနဲၣ် တၢ်သဃဲၤ) တၢ်ထုကဖၣ် အလၢအၦဲၤလၢ သရၣ်ဝ့ဘံၣ်(ၦၤကညီဘျၢထံခဝ့ၡၢၣ်ႇ ပိ၁်ခွါဝဲၤကျိၤၦၤနဲၣ်တၢ်) ဆိၣ်ဂ့ၤပျၢ်တၢ်လၢ သရၣ်ဒိၣ်ညံၣ်ညံၣ်(ကီၢ်ခိၣ်-၁) န့ၣ်လီၤ.
ဂီၤတၢ်ဘါဝံၤဒီးစးထီၣ်တၢ်ဖံးတၢ်မၤသ့ၣ်တဖၣ်ခီဖျိ နံၣ်ကတၢၢ်အတၢ်ပ၁်ဖျါႇ တၢ်ဂ့ၢ်ဆှၢထီၣ်တဖၣ်လၢ ကဘၣ်ဟ့ၣ်ကူၣ်ဟ့ၣ်ဖးဆှၢနု၁် မၤစၢၤတဖၣ်လၢဆူညါ (၂ဝ၂၃-၂ဝ၂၅)နံၣ် အဂီၢ်န့ၣ်လီၤ. ခၢၣ်စးတၢ်အိၣ်ဖှိၣ်တဘျီအံၤၦၤလၢအဟဲထီၣ်ဝဲႇ ကီၢ်ဟီကတးတၢ်အိၣ်ဖှိၣ်(၁၁၄)ဖှိၣ် ခၢၣ်စးဟဲဝဲဒၣ်တၢ်အိၣ်ဖှိၣ်တဖှိၣ်တဂၤစု၁်စု၁်ဒီး ကဝီၤခိၣ်နၢ်ႇ ကီၢ်ခိၣ်ကီၢ်နၢ်ႇ ခဝ့ၡၢၣ်ခၢၣ်စး(၂)ဂၤ ခဲလၢ၁်(၁ဝဝ) ဘျဲၣ်န့ၣ်လီၤ.

ကီၢ်ဒဝဲၢ်ဘျံးလံ၁်စီဆှံကၠိ (၂ဝ၂၂-၂ဝ၂၃) တၢ်မၤလိနံၣ်
တၢ်ပျၢ်ကၠိတၢ်ရဲၣ်တၢ်ကျဲၤ
တနံၣ်အံၤကၠိအမီထိၣ်မ့ၢ်ဝဲ - ပမ့ၢ်အတၢ်နၢမူလၢယွၤအမဲ၁်ညါလီၤ. ၂ကရံၣ်သူး ၂း၁၅
တနံၣ်အံၤဖျိကၠိခဲလၢ၁်အိၣ်ဝဲ (၃)ဂၤန့ၣ်လီၤ.–L.Th- (၁) ဂၤႇ C.T.S – (၂) ဂၤ န့ၣ်လီၤ.ဖဲ (၉.၃.၂ဝ၂၃)ဟါ ၃းဝ ဝနၣ်ရံၣ်န့ၣ် ဖျိကၠိအိၣ်ဒီးတၢ်ပ၁်ဖှိၣ်ဒိသကိးတၢ်ဂီၤန့ၣ်လီၤ. တၢ်ပျၢ်ကၠိတၢ်ရဲၣ်တၢ်ကျဲၤအံၤ ဘၣ်တၢ်မၤအီၤဖဲ (၁၂.၃.၂ဝ၂၃)န့ၣ်လီၤ.ၦၤပၢၤလီၢ်ဆ့ၣ်နီၤ- သရၣ်မုၣ်ဖီစ့ဖိ(ကၠိသရၣ်မုၣ်), တၢ်စံၣ်တဲၤတဲလီၤလၢဖျိကၠိဂီၢ် - သရၣ်ဒိၣ်ဒီးကထၢၣ်စဲမၢၣ်ထိ(ကီၢ်နဲၣ်ရွဲၣ်), တၢ်ထုကဖၣ်လၢဖျိကၠိအဂီၢ် - သရၣ်အၤစဘၢးဘံဘံၣ်(ကီၢ်ခိၣ်), ဆိၣ်ဂ့ၤပျၢ်တၢ် - သရၣ်ဒိၣ်ကၠီၤန့ၣ်ကၠီၣ်(သရၣ်သမါကရၢနဲၣ်ရွဲၣ်) န့ၣ်လီၤ. ၁၃.၃.၂ဝ၂၃ (ဂီၤ၁ဝးဝဝနၣ်ရံၣ်) န့ၣ်အိၣ်ဒီးဒီကၠိညါတၢ်စံးဘျုးစံးဖှိၣ်က့ၤယွၤလၢ ဒီတနံၣ်ညါအတၢ်ဆှၢခီဖျိၦၤန့ၣ်လီၤ.