Karen Baptist Convention

ဖဲလါမ့ၤ (၂ဝ)သီႇ ၂ဝ၂၆နံၣ် ကီၢ်ကယါဘျၢထံခရံာ်ဖိတၢ်အိၢ်ဖှိၣ်သကိးတၢ်အိၣ်ဖှိၣ်မၤဘၣ် ကမျၢၢ်ခၢၣ်စးတၢ်အိၣ်ဖှိၣ်ဖဲဝၣ်ဘီဘျီၣ်ဘျၢထံခရံာ်တၢ်အိၣ်ဖှိၣ်ႇ ထံလွံၤဘီကဝီၤန့ၣ်လီၤ. တၢ်တိာ်ထူ မ့ၢ်ဝဲဒၣ် ''တၢ်အိၣ်ဖှိၣ်မ့ၢ်တၢ်သးခုကစီၣ်အမ့ၣ်အူထူၣ်'' န့ၣ်လီၤ. တၢ်အိၣ်ဖှိၣ်တၢ်ရဲၣ်တၢ်ကျဲၤ စးထီၣ်ဖဲ ဂီၤ ၈:ဝ ဝတုၤ ၉:ဝဝနၣ်ရံၣ်ခီဖျိ တၢ်မၤလိသကိး လံ၁်စီဆှံလၢ သရၣ်မုၣ်ခ့ၣ်ထွ့ န့ၣ်လီၤ. ဖဲဂီၤ ၉ :ဝ ဝတုၤ ၁၂:ဝ ဝနၣ်ရံၣ်န့ၣ်လဲၤဆူကီၢ်တၢ်ဖံးတၢ်မၤအတီၢ်န့ၣ်လီၤ. ဖဲမုၢ်ဆါခီ ၁၂:ဝ ဝတုၤ ၁:ဝ ဝနၣ်ရံၣ်အဆၢကတီၢ် အိၣ်ဒီးတၢ်အိၣ်ဘှံးဒီးဟံးန့ၢ်သကိး မုၢ်ဆါတၢ်အီၣ်န့ၣ်လီၤ. ဖဲမုၢ်ဃ့ၢ်လီၤ ၁:ဝဝတုၤ ၃:၃ ဝနၣ်ရံၣ်လဲၤက့ၤ ကီၢ်တၢ်ဖံးတၢ်မၤအဆၢကတီၢ်န့ၣ်လီၤ. ဖဲ ၃:၃ဝတုၤ ၄:ဝဝနၣ်ရံၣ် အိၣ်တၢ်မၤလၤကပီၤအဆၢကတီၢ်န့ၣ်လီၤ. ၦၤလၢအဒိးတၢ်မၤလၤကပီၤ တဖၣ်န့ၣ်မ့ၢ်ဝဲဒၣ် (၁) သရၣ်ခိသိယူး(တၢ်ကဟုကယာ်ၦၤနဲၣ်တၢ် မၤတ့ၢ်တၢ်) (၂) သရၣ်ဒိၣ်ပိရဲၣ် (ပိာ်ခွါဝဲၤကျိၤၦၤနဲၣ်တၢ်မၤတ့ၢ်တၢ်) (၃)သရၣ်အဲၣ်ဒံၣ်စ့ၣ်ပီလ်  ( သးစၢ်ဝဲၤကျိၤ ၦၤနဲၣ်တၢ်မၤတ့ၢ်တၢ်) သ့ၣ်တဖၣ်န့ၣ်လီၤ. ဖဲဟါ၄:ဝဝတုၤ၅:ဝဝနၣ်ရံၣ် အဆၢကတီၢ် လဲၤဝဲဆူ တၢ် ပာ်စီဆှံသးတၢ်ဘူၣ်တၢ်ဘါတၢ်ရဲၣ်တၢ်ကျဲၤ အဆၢကတီၢ် ၦၤဟ့ၣ်တၢ်ကစီၣ်မ့ၢ်ဝဲဒၣ် သရၣ်မုၣ်ဘျဲၣ်စ့ၣ် ဒီးတၢ်ထုကဖၣ်လၢၦဲၤန့ၣ်မ့ၢ်ဝဲဒၣ်သရၣ်ဒိၣ်ယဲနံၣ် န့ၣ်လီၤ. ၦၤဟဲထီၣ် တၢ်အိၣ်ဖှိၣ်တဘျီအံၤၦၤကညီနီၣ်ဂံၢ်အိၣ်ဝဲဒၣ် (၂၂၆)ဂၤန့ၣ်လီၤ.