Karen Baptist Convention

ကီၢ်ချၢၣ်လွံၢ်ထူၣ် နံၣ်ဖးဖီတၢ်မၤလိဒီး တၢ်ဒိးပာ်စုသရၣ်ကညီထူ 
ကီၢ်ချၢၣ်လွံၢ်ထူၣ် သရၣ်သမါဝဲၤကျိၤ အိၣ်ဒီး ၂ သီ နံၣ်ဖးဖီ တၢ်အိၣ်ဖှိၣ်သရၣ်သမါဒီး ခိၣ်နၢ် တၢ်မၤလိဖဲ ၁၃.၁ဝ.၂ဝ၂၆ တုၤ ၁၄.၁ဝ၂ဝ၂၆ န့ၣ်လီၤ. တၢ်မၤလိတဘျီအံၤ တၢ်တိာ်ထူမ့ၢ်ဝဲ ဂၢၢ်ကျၢၤယိာ်ထီၣ်လၢတၢ်နာ် ( ၁ မိၤ ၂၂း၁၅-၁၈ႇ ဧ့ၤဘြံၤ ၁၁း၈) န့ၣ်လီၤ. ပှၤသိၣ်လိတၢ်တဖၣ်မ့ၢ်ဝဲ သရၣ်ကၠီလ့ၣ်ထူ (တၢ်သိၣ်လိလံာ်စီဆှံ)ႇ တၢ်သိၣ်လိ ၁ လၢ သရၣ်ဒိၣ်ဒီးကထၢၣ်စီလမိၣ် အိဖ့ၣ်ထူ (ပ.ဘ.ယ.ဖ) ဒီး တၢ်သိၣ်လိ ၂ သရၣ်မုၣ်ဒီးကထၢၣ်ပူၤဖျဲး (ပ.ဘ.ယ.ဖ) သ့ၣ်တဖၣ်န့ၣ်လီၤ. ဒ်န့ၣ်အသိး အိၣ်ဒီး တၢ်ကတိၤလီၤဆီလၢဟါကတီၢ် ပှၤဟ့ၣ်ခီဟ့ၣ်နီၤတၢ်တဖၣ်မ့ၢ်ဝဲ သရၣ်ဒိၣ်စၢ်ဟ့ၣ်ဂ့ၢ် (တၢ်ဆီဟံၣ်ဆီဃီဒီးသဲစးအဂ့ၢ်အကျိၤ) ဒီး သရၣ်ဒိၣ်ကပီၤမူ (တၢ်ကဲခိၣ်ကဲနၢ်အဂ့ၢ်) သ့ၣ်တဖၣ်န့ၣ်လီၤ. တၢ်မၤလိတဘျီအံၤ ပှၤဟဲ မၤလိတၢ်ခဲလၢာ်အိၣ်ဝဲ ၁၄၂ ဂၤ / 
ဒ်န့ၣ်အသိး ၁၅.၁ဝ.၂ဝ၂၆ နံၣ် န့ၣ် အိၣ်ဒီး တၢ်ဒီးပာ်စု သရၣ်သမါဝဲၤကျိၤပှၤနဲၣ်တၢ် သရၣ်ကညီထူ လၢအမ့ၢ် တလၢၤကွးထံ ခရံာ်တၢ်အိၣ်ဖှိၣ်တၢ်အိၣ်ဖှိၣ်သရၣ်စၢၤ တၢ်ရဲၣ်တၢ်ကျဲၤ / လၢ တၢ်ရဲၣ်တၢ်ကျဲၤတဘျီအံၤ ပှၤဟ့ၣ်တၢ်ကစီၣ်မ့ၢ်ဝဲ သရၣ်မုၣ်ဒိၣ်ဒီးကထၢၣ်လ့ထူ ( နဲၣ်ရွဲၣ်သဃဲၤႇ ပှၤကညီဘျၢထံခဝ့ရှၢၣ်)ႇ တၢ်ထုကဖၣ်လၢ သရၣ်ဒိၣ်အဲၣ်ဝါ (ကီၢ်နဲၣ်ရွဲၣ်)/ တၢ်ကတိၤဟ့ၣ်ဂံၢ်ဟ့ၣ်ဘါခီဖျိ ကီၢ်ခိၣ် သရၣ်ဒိၣ်အ့ဖြ့ၣ်ထူ ဒီး သရၣ် ကီၢ်စၢဖှိၣ် ( ပှၤနဲၣ်တၢ် ဝဲၤကျိၤလၢသးစၢ်တၢ်မၤဂီၢ်ႇ ကီၢ်ပသံၣ်မၠီမၠး) ဟ့ၣ်ဂံၢ်ဟ့ၣ်ဘါစ့ၢ်ကီး တၢ်အိၣ်ဖှိၣ်ဖိသ့ၣ်တဖၣ် /