Karen Baptist Convention

ၦၤကညီဘျၢထံခဝ့ၡၢၣ် ဝဲၤကျိၤလၢသးစၢ်တၢ်မၤဂီၢ်အိၣ်ဒီး တၢ်ဟ့ၣ်ကူၣ်နဲၣ်ကျဲလၢ သးစၢ်တဖၣ်အဂီၢ်ဘၣ်ထွဲဒီး ထံလီၢ်ကီၢ်ပူၤဒီး ထံဂုၤကီၢ်ဂၤ တၢ်မၤလိမၤဒိးအခွဲးအယာ်တဖၣ်ဃုာ်ဒီး တၢ်ဃုထံၣ်န့ၢ် (Scholarship) အခဲွးအယာ် တဖၣ်(တသီတၢ်ရဲၣ်တၢ်ကျဲၤ) လၢဆဲးကျိးန့ၢ်တီၤ ဖဲလါအီကူာ်(၁)သီႇ ၂ဝ၂၅အနံၤန့ၣ်လီၤ. တၢ်ပညိၣ်ကွၢ်စိလၢ တၢ်ရဲၣ်တၢ်ကျဲၤတဖၣ်အဂီၢ်မ့ၢ်ဝဲ- (၁) မ့ၢ်ဒ်သိးကဟ့ၣ်ကူၣ်နဲၣ်ကျဲသးစၢ်တဖၣ် ဘၣ်ထဲဒွီးခါဆူညါတၢ်မၤလိမၤဒိးတဖၣ် အဂီၢ်ႇ (၂) မ့ၢ်ဒ်သိးသူၣ်စၢ်သးဘီၣ်တဖၣ် ကထံၣ်သ့ၣ်ညါဘၣ်ထဲဒွီးထံလီၢ်ကီၢ်ပူၤႇ ထံဂုၤကီၢ်ဂၤတၢ်မၤလိမၤဒိးအခဲွး အယာ်တဖၣ်အဂီၢ်ႇ (၃) မ့ၢ်ဒ်သိးသူၣ်စၢ်သးဘီၣ်တဖၣ် ကထံၣ်သ့ၣ်ညါ ဘၣ်ထဲဒွီးထံလီၢ်ကီၢ်ပူၤႇ ထံဂုၤကီၢ်ဂၤ (Scholarship)အခွဲးအယာ်တဖၣ်အဂီၢ် ဒီး(၄) မ့ၢ်ဒ်သိးသူၣ်စၢ်သးဘီၣ် ကဒဲကဒဲ ကဟ့ၣ်ခီဟ့ၣ်နီၤလိာ်သးအတၢ် လဲၤခီဖျိဘၣ်ထဲဒွီး တၢ်မၤလိမၤဒိးတဖၣ်အဂီၢ်န့ၣ်လီၤ. ထံလီၢ်ကီၢ်ပူၤႇ ဒီးထံဂုၤကီၢ်ဂၤ တၢ်မၤလိမၤဒိးအခဲွးအယာ်တဖၣ် ဒီး (Scholarship)အခွဲးအယာ်တဖၣ်အဂီၢ် ၦၤဟ့ၣ်တၢ်ကတိၤလီၤဆီလၢ သရၣ်မုၣ်ဆွ့ၣ်နွဲၣ်လးႇ သရၣ်မုၣ်ခ့ၣ်စီထွ့ ဒီး သရၣ်ဇီၣ်ထဲးကိၣ်ကိၣ်တဖၣ်န့ၣ်လီၤ.  ဘၣ်ထဲဒွီး (Judson University)တၢ်မၤလိမၤဒိးအဂ့ၢ်လၢ ပကြၢးသ့ၣ်ညါတဖၣ်လၢ သရၣ်မုၣ်လါဖီႇ တၢ်ဟ့ၣ်ခီဟ့ၣ်နီၤ ထံဂုၤကီၢ်ဂၤတၢ်မၤလိအတၢ်လဲၤခီဖျိလၢ စီၤဆၣ်ကပီၤဒူ တဖၣ်န့ၣ်လီၤ. ၦၤဟဲထီၣ်တၢ်ရဲၣ်တၢ်ကျဲၤ (devices)အိၣ်ဝဲ (၁ဝဝ)ခါန့ၣ်လီၤ.