Karen Baptist Convention

ၦၤကညီဘျၢထံခဝ့ၡၢၣ် တၢ်ဘၣ်ထွဲတုၤအိၣ်လိာ်သးဝဲၤကျိၤ သုးကျဲၤမၤဘၣ်ဝဲ တၢ်ကတိၤလီၤဆီဘၣ်ထွဲဒီး AI  ဖဲလါမ့ၤ(၁၄)သီႇ ၂ဝ၂၆အနံၤ ဟါ(၆-၈)နၣ်ရံၣ် လၢမဲာ်သကိးမဲာ်န့ၣ်လီၤ. တၢ်ရဲၣ်တၢ်ကျဲၤအံၤဘၣ်တၢ်မၤအီၤဖဲ နံၣ်(၁ဝဝ) တၢ်စံးဘျုးတၢ်သူၣ်ထီၣ်ႇ ၁၂၁(ဃ), အလူၣ် တၢ်အိၣ်ဖှိၣ်ဒၢးန့ၣ်လီၤ.သရၣ်လၢဟ့ၣ်ခီဟ့ၣ်နီၤတၢ်မ့ၢ်ဝဲ-သရၣ်မ့လဲးႇ  ဒီး ၦၤဟဲထီၣ်တၢ်ရဲၣ်တၢ်ကျဲၤတဖၣ်မ့ၢ်ဝဲ- ၦၤကညီဘျၢထံခဝ့ၡၢၣ် ကမံးတံာ်မၤတၢ်ခိၣ်နၢ်တဖၣ်န့ၣ်လီၤ.စးထီၣ်တၢ်ရဲၣ်တၢ်ကျဲၤအံၤလၢ သရၣ်ဒိၣ်ယွၤဒုးမူ(ခဝ့ၡၢၣ်နဲၣ်ရွဲၣ်) အတၢ်ထုကဖၣ်ႇ တၢ်ဟ့ၣ်လီၤတၢ်အဲၣ်တၢ်ဟ့ၣ်  ဒီးတၢ်ထုကဖၣ်လၢ သရၣ်မုၣ်ဒိၣ်ဒီးကထၢၣ်လ့ထူ (နဲၣ်ရွဲၣ်သဃဲၤ), ဒီးတၢ်ဆိၣ်ဂ့ၤပျၢ်လၢ-သရၣ်ဒိၣ်မူလၢၢ်ဂ့ၤ(နဲၣ်ရွဲၣ်ႇ ကီၢ်ပသံၣ်မၠီမၠး)န့ၣ်လီၤ. ၦၤဟဲထီၣ်တၢ်ရဲၣ်တၢ်ကျဲၤအံၤခဲလၢာ်အိၣ်ဝဲ(၂၄)ဂၤန့ၣ်လီၤ.