Karen Baptist Convention

ၦၤကညီဘျၢထံခဝ့ၡၢၣ် ဝဲၤကျိၤလၢသးစၢ်တၢ်မၤဂီၢ် သုးကျဲၤမၤဝဲ တလါတဘျီတၢ်ရ့လိာ်မုာ်လိာ်ဒီး တၢ်မၤလိလံာ်စီဆှံ (၁၂)ဘျီတဘျီ ဖဲ လါဒံၢ်စ့ဘၢၣ်(၂၃)သီႇ ၂ဝ၂၅အနံၤႇ ဟါ(၇းဝဝ)နၣ်ရံၣ်  လၢ ဆဲးကျိးန့ၢ်တီၤန့ၣ်လီၤ. ၦၤဟ့ၣ်ခီဟ့ၣ်နီၤ တၢ်မ့ၢ်ဝဲ-သရၣ်မုၣ်ဆၢန့ၢ်ဂ့ၤ(ၦၤနဲၣ်တၢ်ႇ လံာ်လဲၢ်ဒီးတၢ်ဆဲးတၢ်လၤဝဲၤကျိၤ)န့ၣ်လီၤ. တၢ်ဂ့ၢ်ခိၣ်တီမ့ၢ်ဝဲ- သးစၢ်ဒီးတၢ်ဆဲးတၢ်လၤ န့ၣ်လီၤ. ၦၤပၢၤလီၢ်ဆ့ၣ်နီၤမ့ၢ်ဝဲ -သရၣ်မုၣ်စၢ်ဘျုးဝါ(ၦၤနဲၣ်တၢ်), အိးထီၣ်တၢ်ဘါလၢ-သရၣ်မုၣ်တၢ်ဟ့ၣ်ဝါ(လံာ်လဲၢ်မူဒါခိၣ်), တၢ်ထုကဖၣ်လၢ သရၣ်မုၣ်ပထြံၡၢၣ်ဝါ(တၢ်ဂုၤထီၣ်ပသီထီၣ်မူဒါခိၣ်ႇ ပိာ်မုၣ်ဝဲၤကျိၤ)သ့ၣ်တဖၣ်န့ၣ်လီၤ. နၢ်ဟူဘၣ် တၢ်သးဝံၣ်လၢ သ့ၣ်ဂ့ၤခိၣ်သးစၢ် (ကီၢ်တကူၣ်ကျဲးစၢၤကရၢ), န့ၣ်လီၤ. သးစၢ်ဟဲထီၣ်သကိးဝဲဒီး တၢ်ဟ့ၣ်ခီဟ့ၣ်နီၤဝံၤအိၣ်စ့ၢ်ကီးဒီးတၢ်သံကွၢ်စံး ဆၢတဖၣ်န့ၣ်လီၤ.

ၦၤကညီဘျၢထံခဝ့ၡၢၣ် သရၣ်သမါဝဲၤကျိၤအိၣ်ဒီးတၢ်ကတိၤလီၤဆီ တၢ်ဂ့ၢ်ဘၣ်ထွဲဒီး "တၢ်တ့တၢ်ဖျီဆၢက့ၤ", ဒီးတၢ်ရဲၣ်တၢ်ကျဲၤအံၤဘၣ်တၢ်သုးကျဲၤမၤအီၤလၢ ဆဲးကျိးန့ၢ်တီၤ ဖဲ လါဒံၢ်စ့ဘၢၣ်(၁၁)သီႇ ၂ဝ၂၅အနံၤ ဟါ(၇)နၣ်ရံၣ် န့ၣ်လီၤ. ဘၣ်တၢ်သိၣ်လိလၢ သရၣ်ဒိၣ်ဒီးကထၢၣ်ခရံာ်စတိၣ်ဖၢၣ်ဒ့(ပ.ဘ.ယ. ဖကၠိခိၣ်)န့ၣ်လီၤ. ၦၤပၢၤလီၢ်ဆ့ၣ်နီၤ-သရၣ်ဒိၣ်စၢ်ဟ့ၣ်ဂ့ၤ(ၦၤနဲၣ်တၢ်ႇ ၦၤကညီဘျၢထံခဝ့ၡၢၣ် သရၣ်သမါဝဲၤကျိၤ), တၢ်ထုကဖၣ်လၢ- သရၣ်ဒိၣ်ဒီးကထၢၣ် လ့ကယၢၣ်န့ၣ်လီၤ. ၦၤဟဲထီၣ်တၢ်မၤလိတဘျီအံၤ (devices) အိၣ်ဝဲ ၇ဝ ခါန့ၣ်လီၤ.

ၦၤကညီဘျၢထံခဝ့ၡၢၣ် ဝဲၤလီၢ်ၦၤမၤတၢ်ဖိတဖၣ် အိၣ်ဒီး(၁)သီ တၢ်ဒုၣ်တၢ်အီၣ်ထုကဖၣ်တၢ်ရဲၣ်တၢ်ကျဲၤ ဖဲ လါဒံၢ်စ့ဘၢၣ်(၈)သီႇ၂ဝ၂၅အနံၤဖဲ ခိလ်ကညီဘျၢထံတၢ်ဘါယွၤသရိာ်န့ၣ်လီၤ. တၢ်ရဲၣ်တၢ်ကျဲၤအံၤစးထီၣ်ဖဲ ဂီၤ (၆)နၣ်ရံၣ်တုၤ ဟါ(၆)နၣ်ရံၣ်န့ၣ်လီၤ. တၢ်ရဲၣ်တၢ်ကျဲၤအပူၤ အိၣ်ဒီး  တၢ်စံးဘျုးဒီးဃ့ပျၢ်တၢ်ကမၣ်ႇ တၢ်သးဝံၣ်စံးထီၣ်ပတြၢၤယွၤႇ တၢ်မၤလိလံာ်စီဆှံႇ တၢ်ထုကဖၣ်လၢ ကီၢ်သ့ၣ်တဖၣ်အဂီၢ်ႇ တၢ်ထုကဖၣ်လၢၦၤဘၣ်ဆူးဘၣ်ဆါတဖၣ်အဂီၢ်ႇ ထံကီၢ်တၢ်အိၣ်သးသ့ၣ်တဖၣ်အဂီၢ်ႇ ထံဖိကီၢ်ဖိႇ ခဝ့ၡၢၣ်ဖိလံၤတဖၣ်အဂီၢ်န့ၣ်လီၤ.အိၣ်စ့ၢ်ကီး ဒီးတၢ်ပာ်စီဆှံသးတၢ်ဘါ န့ၣ်လီၤ. တၢ်မၤလိလံာ်စီဆှံ ဘၣ်တၢ်ဟ့ၣ်ခီဟ့ၣ်နီၤအီၤလၢ သရၣ်ဒိၣ်ယွၤဒုးမူ(ခဝ့ၡၢၣ်နဲၣ်ရွဲၣ်)န့ၣ်လီၤ. ၦၤလၢဟဲဒီးဘူၣ်သကိးဘါသကိးယွၤ ခဲလၢာ်အိၣ်ဝဲ(၄၁)ဂၤန့ၣ်လီၤ.

ၦၤကညီဘျၢထံခဝ့ၡၢၣ် တၢ်ဘၣ်ထွဲတုၤအိၣ်လိာ်သးဝဲၤကျိၤ  အိၣ်ဒီး တၢ်သုးကျဲၤထုးထီၣ်လံာ်တၢ်န့ၢ်သါအဃံအလၤ နီၣ်ဂံၢ်(၁၆) လၢအအိၣ်ဒီး ထါသးဝံၣ်ကစၢ်ယွၤအယုၢ်(၆ဝ)အၦၤကွဲးထါတဖၣ် အသးသမူအဂ့ၢ်ဖုၣ်ကိာ်ႇ တၢ်သံကျံလၢ ထါသးဝံၣ်ကစၢ်ယွၤအပူၤအတၢ်ပာ်ဖျါအဂ့ၢ်ႇ လံာ်စီဆှံဘၣ်ထဲတွၢ်သူၣ်ဝံၣ်သးဆၢတဖၣ်န့ၣ်လီၤ. ၦၤကွဲးလံာ်မ့ၢ်ဝဲ သရၣ်မုၣ်ဒီးကထၢၣ်ဖဲပလဲန့ၣ်လီၤ. မ့ၢ်လံာ်ဒိၣ်ၦ့ၤဒိၣ်တဘ့ၣ်အဃိ ပၦ့ၤဖး ဟ့ၣ်ဂံၢ်ဟ့ၣ်ဘါသကိးသ့ဝဲန့ၣ်လီၤ. လံာ်အံၤဒိးန့ၢ်သ့လၢ တၢ်ဘၣ်ထွဲတုၤအိၣ်လိာ်သးဝဲၤကျိၤ ဒီး ခဝ့ၡၢၣ်တၢ်ဆါလံာ်ကျး စးထီၣ်လါ ဒံၢ်စ့ဘၢၣ်(၁၈)သီႇ ၂ဝ၂၅နံၣ်အပူၤန့ၣ်လီၤ.န့ၣ်လီၤ.

ၦၤကညီဘျၢထံခဝ့ၡၢၣ် တၢ်ကတဲာ်ကတီၤဒုးဒိၣ်ထီၣ်ထီထီၣ်ခိၣ်နၢ်ဝဲၤကျိၤအိၣ်ဒီး တၢ်မၤလၤကပီၤ ၦၤလၢအဒိးန့ၢ်ဘၣ် (Ph.D)တဖၣ်လၢ အအိၣ်လၢ ကီၢ်တဖၣ်အပူၤ ဖဲလါနိၣ်ဝ့ဘၢၣ်(၂ဝ)သီႇ ဟါ (၇းဝဝ)နၣ်ရံၣ် ဖဲပၢဆှၢတၢ်ကမံးတံာ်တၢ်အိၣ်ဖှိၣ် အဆၢကတီၢ်ဝံၤအလီၢ်ခံ န့ၣ်လီၤ. တၢ်ရဲၣ်တၢ်ကျဲၤတဘျီအံၤ ၦၤပၢၤလီၢ်ဆ့ၣ်နီၤလၢ -သရၣ်ဒိၣ်ဘျုးဟဲမ့ဖ့ၣ်(ဝဲၤကျိၤ-ၦၤပၢၤလီၢ်ဆ့ၣ်နီၤ), တၢ်ကတိၤဒိၣ်မၤလၤကပီၤလၢ -သရၣ်မုၣ်ဒိၣ်ဒီးကထၢၣ်ဖီဂီၤ(ၦၤကညီဘျၢထံခဝ့ၡၢၣ်-ကရၢခိၣ်စၢၤ), တၢ်ဖးဖျါတၢ်ဟ့ၣ်လံာ်မၤလၤကပီၤ ဒီးဟ့ၣ်လီၤလံာ်မၤလၤကပီၤလၢ-သရၣ်ဒိၣ် ဒီးကထၢၣ်မိစဲသ့ (ၦၤနဲၣ်တၢ်) တၢ်သးဝံၣ်လၢ- သရၣ်မုၣ်ဆၢန့ၢ်ဂ့ၤဒီးအသကိးႇ တၢ်ထုကဖၣ်လၢ- သရၣ်မုၣ်ဒိၣ်ဒီးကထၢၣ်လ့ထူ (ၦၤကညီဘျၢထံ ခဝ့ၡၢၣ်- နဲၣ်ရွဲၣ်သဃဲၤ), တၢ်ကတိၤစံးဘျုးလၢ ၦၤနဲၣ်တၢ်ဝံၤႇ ပျၢ်က့ၤတၢ်ရဲၣ်တၢ်ကျဲၤတဘျီအံၤလၢ သရၣ်ဒိၣ်ယွၤဒုးမူ (ၦၤကညီဘျၢထံခဝ့ၡၢၣ်-နဲၣ်ရွဲၣ်)န့ၣ်လီၤ.ၦၤဒိးန့ၢ်တၢ်မၤလၤကပီၤအိၣ်ဝဲ(၃၇)ဂၤ ဒီး ၦၤဟဲထီၣ်တၢ်ရဲၣ်တၢ်ကျဲၤအံၤခဲလၢာ် လၢ(devices-၆၅)ခါ န့ၣ်လီၤ.

ၦၤကညီဘျၢထံခဝ့ၡၢၣ် ပိာ်ခွါဝဲၤကျိၤ အိၣ်ဒီးပိာ်ခွါခီကရဲးခံဘျီတဘျီ ဖဲဖြဲးဘျီၣ်ရိဖှိၣ်ႇ ဝ့ၢ်တကူၣ်ႇ ကီၢ်တကူၣ်န့ၣ်လီၤ. တၢ်ရဲၣ်တၢ် ကျဲၤအံၤ ဘၣ်တၢ်မၤအီၤစးထီၣ်ဖဲ လါဒံၢ်စ့ဘၢၣ်(၃)သီတုၤ (၅)သီႇ ၂ဝ၂၅နံၣ်န့ၣ်လီၤ. တၢ်တိာ်ထူမ့ၢ်ဝဲ-''ဂၢၢ်ကျၢၤလၢတၢ်နာ် ဆူၣ်ထီၣ်လၢ တၢ်မၤမံးၡၢၣ်အတၢ်မၤ"(ဝံယၡါယၤ ၄၁း၁ဝႇ ဒၤနံးယ့လး ၃း၁၇-၁၈ႇ ၁ကရံၣ်သူး ၁၆း၁၃ႇ မးသဲ ၂၈း၁၉-၂ဝ)န့ၣ်လီၤ. အိၣ်ဒီးတၢ်ပညိၣ်လၢအမ့ၢ်- "ဒ်သိးပိာ်တံၢ်ပိာ်ခွါတဖၣ် လၢအအိၣ်လၢ ၦၤကညီဘျၢထံခဝ့ၡၢၣ်တၢ်အိၣ်ဖှိၣ်တဖၣ်ကနၢ်ပၢၢ်ထံ ဒီးဟံးဃာ်ဂၢၢ်ကျၢၤ ဘျၢထံခရံာ်ဖိအတၢ်စူၢ်တၢ်နာ်ဒီး သူၣ်ဆူၣ်သးဂဲၤအါထီၣ်လၢ မံးၡၢၣ်တၢ်မၤအဂီၢ်"န့ၣ်လီၤ. အိၣ်ဒီးတၢ်အိးထီၣ်တၢ်ဘါတၢ်ရဲၣ်တၢ်ကျဲၤ ဖဲလါဒံၢ်စ့ဘၢၣ်(၃)သီဂီၤ(၆း၃ဝ)န့ၣ်လီၤ. ၦၤပၢၤလီၢ်ဆ့ၣ်နီၤမ့ၢ်ဝဲ-သရၣ်ဝ့ဘံၣ်(ပိာ်ခွါဝဲၤကျိၤ ၦၤနဲၣ်တၢ်), နီၣ်ဝံာ်ခံတၢ်အတၢ်ကတိၤလၢ-သရၣ်ထဲနစၢၣ်ၡီ(ပိာ်ခွါဝဲၤကျိၤ ၦၤပၢၤလီၢ်ဆ့ၣ်နီၤ), တၢ်သးဝံၣ်လၢ- ပိာ်ခွါဝဲၤကျိၤကမံးတံာ်ဖိတဖၣ်ႇ တၢ်ကတိၤဆၢဂ့ၤ-သရၣ်ဒိၣ်ယွၤဒုးမူ(နဲၣ်ရွဲၣ်), ဖးဖျါလံာ်တၢ်ဆၢဂ့ၤလၢ-သရၣ်သီတူၢ်(ကီၢ်ပံၤယီၤဘျၢထံခဝ့ၡၢၣ် ပိာ်ခွါဝဲၤကျိၤခၢၣ်စး), တၢ်ကတိၤဆၢဂ့ၤ-သရၣ်ဒိၣ်လွ့ၣ်နဲၣ်အူ (ကီၢ်ပံၤယီၤဘျၢထံခဝ့ၡၢၣ်ပိာ်ခွါဝဲၤကျိၤခၢၣ်စး)ႇ တၢ်သးဝံၣ်ႇ နၢမူလူၢ်တၢ်အိၣ်ဖှိၣ်ႇ တၢ်ကစီၣ်-သရၣ်ဒိၣ်ပ့ၢ်ချ့ႇ တၢ်ထၢဖှိၣ်ခါတၢ်သးဝံၣ်လၢ- ခ့ၣ်ဘံၣ်စံၣ်တၢ်အိၣ်ဖှိၣ်ႇ တၢ်ထုကဖၣ်-သရၣ်ဒိၣ်ဒီးကထၢၣ်စဲမစၢၣ်(ကီၢ်ပံၤယီၤဘျၢထံခဝ့ၡၢၣ်ကရၢခိၣ်), တၢ်ဆိၣ်ဂ့ၤပျၢ်လၢ-သရၣ်ဒိၣ်လွဲၢ်ထူန့ၣ်လီၤ. ကိးနံၤဒဲးဂီၤ(၉)နၣ်ရံၣ်တုၤ (၁ဝ)နၣ်ရံၣ် တၢ်သိၣ်လိလံာ်စီဆှံ ဒီးၦၤသိၣ်လိဟ့ၣ်ခီဟ့ၣ်နီၤတၢ်တဖၣ်မ့ၢ်ဝဲ- သရၣ်မုၣ်ဒိၣ်ဘျုးသီ(ကိၣ်သၣ်ဖၠူၣ်လံာ်စီဆှံကၠိသရၣ်မုၣ်), သရၣ်ဒိၣ်ဒီးကထၢၣ်စီလမိၣ်အိဖ့ၣ်ထူ(ဘ.ပ.ယ.ဖ), သရၣ်ဒီးကထၢၣ်တီဂ့ၤ (YKBBS) တဖၣ်န့ၣ်လီၤ. ကိးဂီၤ (၁ဝ)နၣ်ရံၣ်တုၤ(၁ဝး၃ဝ) တၢ်သူၣ်ဝံၣ်သးဆၢႇ  ဂီၤ(၁ဝး၃ဝ)တုၤ (၁၂)နၣ်ရံၣ် မ့ၢ်တၢ်ဟ့ၣ်ထီၣ်(၁) လၢသရၣ်ဒိၣ်ဒီးကထၢၣ်စါရၢးစ်စ့ၣ်ႇ တၢ်ဟ့ၣ်ထီၣ်(၂) လၢ သရၣ်ဒိၣ်အဲးဒဝၢး ဒီး (၅)သီတခီ မ့ၢ်တၢ်ကတိၤလီၤလၢ သရၣ်ဒိၣ်ဒီးကထၢၣ် စိသံၣ်ဟး န့ၣ်လီၤ. ကိးဟါဒဲး(၂းဝဝ)တုၤ(၄း၃ဝ)မ့ၢ် ကရူၢ်တၢ်ကတိၤသကိး ဒီးတၢ်ပာ်ဖျါက့ၤကတီၢ်န့ၣ်လီၤ. (၅)သီဟါ(၃း၃ဝ-၄း၃ဝ) တၢ်ပာ်စီဆှံသးတၢ်ဘါတၢ်ရဲၣ်တၢ်ကျဲၤ ဘၣ်တၢ်တီခိၣ်ရိၣ်မဲအီၤလၢ ကီၢ်တကူၣ်ပိာ်ခွါတၢ်ရ့လိာ်မုာ်လိာ်ကမံးတံာ်န့ၣ်လီၤ. ၦၤဟဲဆဲးလီၤမံၤ ခဲလၢာ်အိၣ်ဝဲ(၂၇၈)ဂၤန့ၣ်လီၤ.

ၦၤကညီဘျၢထံခဝ့ၡၢၣ် ဝဲၤလီၢ် အိၣ်ဒီးမုၢ်ဆၣ်ဂီၤတၢ်ဘူၣ်သကိးဘါသကိးတၢ် ကိးနွံဒဲးန့ၣ်လီၤ. ဖဲ(၁.၁၂.၂ဝ၂၅)အနံၤ ၦၤဟံးန့ၢ်တၢ်ဆၢကတီၢ်မ့ၢ်ဝဲ ဝဲၤလီၢ်ခိၣ်နၢ် အိၣ်မူအိၣ်ဒါတဖၣ်န့ၣ်လီၤ.ၦၤပၢၤလီၢ်ဆ့ၣ်နီၤ-သရၣ်မုၣ်ၡံထၣ်ဖီႇ တၢ်ထုကဖၣ်-သရၣ်မုၣ်ဒိၣ်မၠီမၠးဖီႇ တၢ်ကစီၣ်-သရၣ်မုၣ်ဒိၣ်ဒီးကထၢၣ်လ့ထူႇ တၢ်သးဝံၣ်ဃံာ်ခံ -သရၣ်မုၣ်ဒိၣ်မၠီမၠးဖီႇ သရၣ်မုၣ်ဒိၣ်ဒီးကထၢၣ်လ့ထူ တၢ်ကတိၤစံးဘျုးႇ တၢ်ဆိၣ်ဂ့ၤပျၢ်- သရၣ်ဒိၣ်ယွၤဒုးမူ တဖၣ်န့ၣ်လီၤ.

ၦၤကညီဘျၢထံခဝ့ၡၢၣ် ဝဲၤလီၢ် အိၣ်ဒီးမုၢ်ဆၣ်ဂီၤတၢ်ဘူၣ်သကိးဘါသကိးတၢ် ကိးနွံဒဲးန့ၣ်လီၤ. ဖဲ(၂၄.၁၁.၂ဝ၂၅)အနံၤ ၦၤဟံးန့ၢ်တၢ်ဆၢကတီၢ်မ့ၢ်ဝဲ ၦၤလၢအိၣ်ဖျဲၣ်လၢ လါနိၣ်ဝ့ဘၢၣ်တဖၣ်န့ၣ်လီၤ.ၦၤပၢၤလီၢ်ဆ့ၣ်နီၤ-သရၣ်မုၣ်ဒီးကထၢၣ်မူမုၢ်ဝါႇ တၢ်ထုကဖၣ်-သရၣ်မုၣ်အဲၣ်မုၢ်သးႇ တၢ်ကစီၣ်-သရၣ်မုၣ်အဲၣ်ဒါဖီ(ပိာ်မုၣ်ဝဲၤကျိၤ), တၢ်သးဝံၣ်ဃံာ်ခံ -သရၣ်နၢ်စိရံးႇ သရၣ်ကၠဲးဖရံၣ်လ့ႇ တၢ်ကတိၤစံးဘျုး-သရၣ်မုၣ်ရံနၢ်ဖီတဖၣ်န့ၣ်လီၤ.

ၦၤကညီဘျၢထံခဝ့ၡၢၣ် အိၣ်ဒီး ကမံးတံာ်မၤတၢ် တၢ်အိၣ်ဖှိၣ်(၆၆)ဘျီတဘျီဒီး ပၢဆှၢတၢ်ကမံးတံာ် (၂ဝ၂၅)နံၣ်တၢ်အိၣ်ဖှိၣ်(ဖဲ လါနိၣ်ဝ့ဘၢၣ်(၁၈ တုၤ ၂၁)သီႇ ၂ဝ၂၅အနံၤဖဲ ခဝ့ၡၢၣ် နံၣ်(၁ဝဝ) တၢ်စံးဘျုးတၢ်သူၣ်ထီၣ် တၢ်အိၣ်ဖှိၣ်ဒၢးန့ၣ်လီၤ. ၦၤဘၣ်မူဘၣ်ဒါလၢ ဟဲထီၣ်တၢ်အိၣ်ဖှိၣ်တဘျီအံၤမ့ၢ်ဝဲ-ကရၢခိၣ်-သရၣ်ဒိၣ် ဒီးကထၢၣ်စဲမစၢၣ်ႇ ကရၢခိၣ်စၢၤ-သရၣ်ဒိၣ်ဘံးထၢၣ်မီၣ်မီၣ်ႇ သရၣ်မုၣ်ဒိၣ်ဒီးကထၢၣ်ဖီဂီၤႇ ၦၤဟ့ၣ်ကူၣ်တၢ်တဖၣ်-သရၣ်မုၣ်ဒိၣ်ဒီးကထၢၣ် စ့လွဲၢ်ဝါႇ သရၣ်ဒိၣ်ဘ့ၢ်ချ့ႇ သရၣ်ဒီးကထၢၣ်ယံၤအ့လးႇ နဲၣ်ရွဲၣ်-သရၣ်ဒိၣ်ယွၤဒုးမူႇ နဲၣ်ရွဲၣ်သဃဲၤ-သရၣ်မုၣ်ဒိၣ်လ့ထူ(တၢ်ပၢတၢ်ဆှၢ), သရၣ်မုၣ်ဒိၣ် မၠီမၠးဖီ(တၢ်ရ့လိာ်မၤသကိး ဒီးတၢ်ဂုၤထီၣ်ပသီထီၣ်), ၦၤပၢၤစ့-သရၣ်မုၣ်ၡံထၣ်ဖီႇ ၦၤနဲၣ်တၢ်တဖၣ်ႇ ကီၢ်နဲၣ်ရွဲၣ်တဖၣ်ႇ ဝဲၤကျိၤ ၦၤပၢၤ လီၢ်ဆ့ၣ်နီၤတဖၣ်ႇ ကီၢ်ခၢၣ်စးဆူ ပၢဆှၢတၢ်ကမံးတံာ်တဖၣ်န့ၣ်လီၤ.ၦၤဟဲထီၣ်တၢ်အိၣ်ဖှိၣ်တဘျီအံၤ ခဲလၢာ်အိၣ်ဝဲ(၈၃)ဂၤန့ၣ်လီၤ.

ၦၤကညီဘျၢထံခဝ့ၡၢၣ် တၢ်သးခုကစီၣ်ဒီး မံးၡၢၣ်ဝဲၤကျိၤ အိၣ်ဒီး တၢ်မၤလိလံာ်စီဆှံခီဖျိတၢ်ကွဲး ၦဲၤထီၣ်(၃၅)နံၣ် လၢၢ်လါဟ့နံၣ်ဆၢက့ၤ တၢ်စံးဘျုး ဘၣ်တၢ်မၤအီၤဖဲ လါနိၣ်ဝ့ဘၢၣ်(၂၂)သီႇ ဂီၤ(၈း၃ဝ)ဖဲ ဝံးတူၣ်တၢ်ဘါသရိာ်ႇ အလူၢ်ဝ့ၢ်ဆၣ်ႇ ဝ့ၢ်တကူၣ်န့ၣ်လီၤ. အိၣ်ဒီးတၢ်အိးထီၣ်မူး တၢ်ရဲၣ်တၢ်ကျဲၤဘၣ်တၢ်မၤအီၤဖဲ တၢ်ဘါသရိာ်အချၢန့ၣ်လီၤ. ၦၤပၢၤလီၢ်ဆ့ၣ်နီၤ မ့ၢ်ဝဲ သရၣ်ဒိၣ်ဆၣ်မုၢ်နၤ(ကီၢ်ဒဝဲၣ်ဘျံး ၦၤနဲၣ်တၢ်), ဖးလံာ်စီဆှံ အိးထီၣ်တၢ်ထုကဖၣ်လၢ သရၣ်ဒိၣ်ဒီးကထၢၣ်အဲၣ်သီ(ကီၢ်ပယီၤဘျၢထံခဝ့ၡၢၣ်သရၣ်သမါဝဲၤကျိၤၦၤနဲၣ်တၢ်), တၢ်တံာ်တဲာ်သတိာ်ပျံၤ(၁)-သရၣ်ဒိၣ် ယွၤဒုးမူ(ၦၤကညီဘျၢထံခဝ့ၡၢၣ်နဲၣ်ရွဲၣ်), (၂)သရၣ်ဒိၣ်ဒီးကထၢၣ်သ့ရရွှ့ၣ်(ဝဲၤကျိၤၦၤပၢၤလီၢ်ဆ့ၣ်နီၤ), (၃)သရၣ်ထူကပီၤ(ဝဲၤကျိၤကမံးတံာ်), ဟ့ၣ်လီၤ ကလုၢ်တၢ်ထုကဖၣ် လၢ သရၣ်ဒိၣ်ကီၢ်ထူကၢ(ကီၢ်တီအူပကူၦၤနဲၣ်တၢ်)န့ၣ်လီၤ.တၢ်ဘူၣ်တၢ်ဘါဒီးတၢ်ဟ့ၣ်လီၤလံာ်အုၣ်သးတၢ်ရဲၣ်တၢ်ကျဲၤ(တၢ် ဘါသရိာ်အပူၤ) ၦၤပၢၤလီၢ်ဆ့ၣ်နီၤ-သရၣ်ဒီးကထၢၣ်န့ၢ်လ့အီၣ်(ဝဲၤကျိၤၦၤနဲၣ်တၢ်သဃဲၤ), တၢ်တဲဖျါတၢ်မၤလိလံာ်စီဆှံခီဖျိတၢ်ကဲွး(၃၅)နံၣ်တၢ်စံၣ် စိၤအဂ့ၢ် -သရၣ်မုၣ်ရံနၣ်ဖီ(မူဒါခိၣ်), ဖးလံာ်စီဆှံဒီးကိးထီၣ်ထါသးဝံၣ်- သရၣ်မုၣ်ဒီးကထၢၣ်ပူၤဖျဲး(KBTS. သရၣ်မုၣ်သိၣ်လိတၢ်), တၢ်ကစီၣ် ဒီးတၢ်ဟ့ၣ်ဂံၢ်ဟ့ၣ်ဘါလၢ သရၣ်ဒိၣ်စၤလမိၣ်(ကီၢ်တကူၣ်လံာ်စီဆှံကၠိ-ကၠိခိၣ်စၢၤ), တၢ်သးဝံၣ်လၢ သရၣ်အံးစဲးဝါ (KBTS. သရၣ်သိၣ်လိတၢ်) န့ၣ်လီၤ.တၢ်ကတိၤဒိၣ်ဆူၦၤလၢဒိးဘၣ် တၢ်မၤလၤကပီၤတဖၣ်-သရၣ်မုၣ်ဒိၣ်ဒီးကထၢၣ်လ့ထူ(ၦၤကညီဘျၢထံခဝ့ၡၢၣ်နဲၣ်ရွဲၣ်သဃဲၤ), တၢ်ဟ့ၣ်လီၤ လံာ်မၤလၤကပီၤ-သရၣ်ဒိၣ်ဒီးကထၢၣ်စဲမစၢၣ် (ၦၤကညီဘျၢထံခဝ့ၡၢၣ်ကရၢခိၣ်), တၢ်ဟ့ၣ်လီၤလံာ်အုၣ်သးဆူၦၤမၤလိဝံၤ တၢ်မၤလိလံာ်စီဆှံခီဖျိ တၢ်ကွဲးတဖၣ် ဒီး သရၣ်ဒိၣ်အဲးဒဝၢး(ဝဲၤကျိၤၦၤနဲၣ်တၢ်) ဟ့ၣ်လီၤလံာ်အုၣ်သးန့ၣ်လီၤ. တၢ်သးဝံၣ်မၤလၤကပီၤလၢ (The Three Sisters) တၢ်ကတိၤဆၢက့ၤလၢ ၦၤမၤလိဝံၤတဖၣ်အခၢၣ်စးလၢ နီၢ်မိန့ဆံၣ်(အလူၣ်စါခၠီတၢ်အိၣ်ဖှိၣ်ႇ ကီၢ်တကူၣ်), တၢ်ထုကဖၣ်အလၢအၦဲၤ လၢ သရၣ်ဒိၣ် ဒီးကထၢၣ်လ့ကၢၣ်ယၣ်(ပသံၣ်ဝ့ၢ်တၢ်အိၣ်ဖှိၣ်သရၣ်), တၢ်ကတိၤစံးဘျုးဒီးတၢ်ဘိးဘၣ်သ့ၣ်ညါလၢ သရၣ်ဒိၣ်အဲးဒဝၢး(ဝဲၤကျိၤၦၤနဲၣ်တၢ်), ဆိၣ် ဂ့ၤပျၢ်တၢ်လၢ သရၣ်ဒိၣ်ဒီးကထၢၣ်ၡဲကဝံန့ၣ်လီၤ.ၦၤဒိးန့ၢ်လံာ်အုၣ်သးအိၣ်ဝဲ(၆၇)ဂၤန့ၣ်လီၤ.