Karen Baptist Convention

ၦၤကညီဘျၢထံခဝ့ၡၢၣ်အိၣ်ဒီး ကမံးတံာ်မၤတၢ် တၢ်အိၣ်ဖှိၣ်(၆၅)ဘျီတဘျီ ဖဲလါမ့ၤ(၁၄-၁၆)သီႇ ၂ဝ၂၅နံၣ်လၢ ခဝ့ၡၢၣ်နံၣ် (၁ဝဝ)တၢ်စံးဘျုးတၢ်သူၣ်ထီၣ်ႇ ၁၂၁(ဃ), မ့ယဲကၠီၣ်စွၣ်ကျဲႇ အလူၣ်ႇ ဝ့ၢ်တကူၣ်န့ၣ်လီၤ. တၢ်အိၣ်ဖှိၣ်ကတီၢ်အိၣ်ဒီး တၢ်ဘူၣ်တၢ်ဘါဖဲ ဂီၤ(၇း၃ဝ-၈းဝဝ)နၣ်ရံၣ်ကိးဂီၢ်ဒဲးန့ၣ်လီၤ. တၢ်ဖံးတၢ်မၤကတီၢ် ၦၤပၢၤလီၢ်ဆ့ၣ်နီၤတဖၣ် မ့ၢ်ဝဲ-သရၣ်ဒိၣ်ဒီးကထၢၣ်စဲမစၢၣ်(ကရၢခိၣ်), သရၣ်မုၣ်ဒိၣ်ဒီးကထၢၣ်ဖီဂီၤ (ကရၢခိၣ်စၢၤ), သရၣ်ဒိၣ်ဘံးထၢၣ်မီၣ်မီၣ်(ကရၢခိၣ် စၢၤ) တဖၣ်န့ၣ်လီၤ. ၦၤဟဲထီၣ်တၢ်အိၣ်ဖှိၣ်တဘျီအံၤ မ့ၢ်ဝဲ ကရၢခိၣ်ႇ ကရၢခိၣ်စၢၤတဖၣ်ႇ ၦၤဟ့ၣ်ကူၣ်တၢ်တဖၣ်ႇ ခဝ့ၡၢၣ်နဲၣ်ရွဲၣ်ႇ နဲၣ်ရွဲၣ်သဃဲၤတဖၣ်ႇ ကီၢ်နဲၣ်ရွဲၣ်တဖၣ်ႇ ဝဲၤကျိၤၦၤနဲၣ်တၢ်တဖၣ် ဒီးပၢဆှၢတၢ်ခၢၣ်စးတဖၣ်န့ၣ်လီၤ. ၦၤကညီဘျၢထံခဝ့ၡၢၣ် လံာ်လဲၢ်ဒီးတၢ်ဆဲးတၢ်လၤဝဲၤကျိၤအိၣ်ဒီး မူဖးဖျါ(၆)ဘျီတဘျီ ဖဲလါမ့ၤ(၁၃)သီႇ ၂ဝ၂၅နံၣ် ဂီၤ(၁ဝးဝဝ)နၣ်ရံၣ်တုၤ ဟါ(၃းဝဝ)နၣ်ရံၣ်ဖဲ ခဝ့ၡၢၣ်နံၣ်(၁ဝဝ)တၢ်စံးဘျုးတၢ်သူၣ်ထီၣ်န့ၣ်လီၤ.အိၣ်ဒီးတၢ်ဖးဖျါ ''ကတီၢ်အတၢ်ဆီတလဲ ဒီးကညီကလုာ်အတၢ်ကွၢ်ဆၢၣ်မဲာ်'' လၢသရၣ်ဒိၣ်စိဒီးကထၢၣ်ထိၣ်လွံၢ်ထူန့ၣ်လီၤ. အိၣ်ဒီးတၢ်ကတိၤခီဆၢ တၢ်သံကွၢ်စံးဆၢတဖၣ်န့ၣ်လီၤ. ၦဲၤဟဲထီၣ်တၢ်ရဲၣ်တၢ်ကျဲၤခဲလၢာ်အိၣ်ဝဲ(၅၅)န့ၣ်လီၤ.