Karen Baptist Convention

ၦၤကညီဘျၢထံခဝ့ၡၢၣ် တၢ်ဆါဟံၣ် အိၣ်ဒီး နံၣ်(၃ဝ)တၢ်စံးဘျုးတၢ်ဘူၣ်တၢ်ဘါတၢ်ရဲၣ်တၢ်ကျဲၤ ဘၣ်တၢ်မၤအီၤဖဲ တၢ်သ့ၣ်နီၣ်ဖုသၣ်ဖၠူၣ်ဘျီရိဖှိၣ်ႇ ဖဲလါအီးကထိဘၢၣ်(၃ဝ), ၂ဝ၂၃အနံၤ ဟါ(၃းဝဝ)နၣ်ရံၣ်န့ၣ်လီၤ. တၢ်ရဲၣ်တၢ်ကျဲၤ တဘျီအံၤ ၦၤပၢၤလီၢ်ဆ့ၣ်နီၤ မ့ၢ်ဝဲ-သရၣ်မုၣ်နံထၣ်(တၢ်ကဟုကယာ်ဒီး တၢ်ကူၣ်လိာ်တၢ်ဝဲၤကျိၤၦၤနဲၣ်တၢ်)န့ၣ်လီၤ. ၦၤပၢၤလီၢ်ဆ့ၣ်နီၤ ဖးထီၣ်လံာ်စီဆှံဝံၤအိးထီၣ်တၢ်ဘါန့ၣ်လီၤ. အိၣ်ဒီးတၢ်သးဝံၣ်ရိလၢ KBC တၢ်ဆါဟံၣ်ၦၤမၤသကိး တၢ်ဒီး  (KBTS) ကၠိဖိတဖၣ်န့ၣ်လီၤ. တၢ်ကတိၤဆၢဂ့ၤဆၢဝါလၢ သရၣ်ဒိၣ်ယွၤဒုးမူ (ခဝ့ၡၢၣ်နဲၣ်ရွဲၣ်) ဝံၤ တၢ်တဲဖျါတၢ် ဆါဟံၣ်တၢ်စံၣ်စိၤတဲစိၤလၢ ဒီးကထၢၣ်ယံၤအ့လးန့ၣ်လီၤ. အိၣ်စ့ၢ်ကီးဒီး တၢ်မၤလၤကပီၤၦၤမၤသကိးတၢ်လၢ ( KBC) တၢ်ဆါဟံၣ်လၢ အနံၣ်(၂ဝ)ဒီးအဖီခိၣ်တဖၣ်လၢ အမ့ၢ် သရၣ်မုၣ်နီၢ်ခၣ်ရံ(မၤတၢ်-၂၁)နံၣ်ႇ သရၣ်မုၣ်ဆၢဂ့ၤဝါ(မၤတၢ်-၂၂)နံၣ်ႇ ဒီးသရၣ်မုၣ်ဖဲစ့(မၤတၢ်-၂၆)နံၣ်တဖၣ်န့ၣ်လီၤ. တၢ်ကတိၤမၤလၤကပီၤတၢ်လၢ- သရၣ်မုၣ်ဒီးကထၢၣ်လ့ထူ(နဲၣ်ရွဲၣ် သဃဲၤ တၢ်ပၢတၢ်ဆှၢ)ႇ ဒီး တၢ်ဆၢဂ့ၤထုကဖၣ်လၢ သရၣ်ဒိၣ်ဒီးကထၢၣ်ခရံာ်စတိၣ်ဖၢၣ်ဒ့(ပဘယဖကၠိခိၣ်)ႇ ဒီးတၢ်သးဝံၣ်ဆၢ ဂ့ၤဆၢဝါလၢ သရၣ်အံၤစဲးဝါန့ၣ်လီၤ. ကမျၢၢ်သးဝံၣ်သကိး ထါအသီ(၄၁)ဝံၤႇ ဟ့ၣ်လီၤတၢ်ဆၢကတီၢ်လၢ ၦၤဟ့ၣ်တၢ်ကစီၣ်-သရၣ်မုၣ်ဒိၣ်မၠီမၠးဖီ(နဲၣ်ရွဲၣ်သဃဲၤ ကမံးတံာ်ပၢဆှၢရ့လိာ်မၤသကိးတၢ်သးခုကစီၣ်)အစုပူၤန့ၣ်လီၤ. နၢ်ဟူဘၣ်တၢ်သးဝံၣ်လၢ (KBC)ၦၤမၤသကိးတၢ်န့ၣ်လီၤ. တၢ်ထုကဖၣ်လၢ သရၣ်မုၣ်ဒိၣ်ဒီးကထၢၣ်ကြံထၣ်ဒ့ၢ်ဝံၤ နၢ်ဟူဘၣ် တၢ်ဒ့လၢ KBTS စၢၤ သဲွၣ်သီတဖၣ်န့ၣ်လီၤ. တၢ်ကတိၤစံးဘျုးဒီးတၢ်ဘိးဘၣ်သ့ၣ်ညါလၢ သရၣ်မုၣ်ထူခုၣ်ကလုာ်ဖီ(တၢ်ဆါဟံၣ်ခိၣ်ကျၢၤ)န့ၣ်လီၤ. ထါပျၢ်လၢ ထါသးဝံၣ်ကစၢ်ယွၤအသီ(၂၅၉)ဝံၤ သရၣ်ဒိၣ်ဒီးကထၢၣ်ရွှ့ကၠါ(ပဘယဖကၠိခိၣ်စၢၤ)ဆိၣ်ဂ့ၤပျၢ်တၢ်န့ၣ်လီၤ. တၢ်စံးဘျုးတၢ်အီၣ်တၢ်ထုကဖၣ်လၢ သရၣ်ဒိၣ်သ့အီၣ်ထ့န့ၣ်လီၤ. ကမျၢၢ်ဟဲခဲလၢာ်အိၣ်ဝဲ(၁ဝဝ)ဘျဲၣ်န့ၣ်လီၤ.

ၦၤကညီဘျၢထံခဝ့ၡၢၣ် ဝဲၤကျိၤလၢသးစၢ်တၢ်မၤဂီၢ် အိၣ်ဒီးတၢ်တြီဆၢဒီသဒၢကသံၣ်မူၤဘှိး( ျွသှမုျ့သစ)တၢ်ရဲၣ်တၢ်ကျဲၤ ဖဲ လါအီးကထိဘၢၣ်(၂၄-၂၅သီ)ႇ၂ဝ၂၃နံၣ်န့ၣ်လီၤ. တၢ်ရဲၣ်တၢ်ကျဲၤအံၤမ့ၢ်(၂)သီတၢ်ရဲၣ်တၢ်ကျဲၤ ဒီးဘၣ်တၢ်မၤအီၤဖဲ ဝဲၤကျိၤလၢသးစၢ်တၢ်မၤဂီၢ်တၢ်အိၣ်ဖှိၣ်ဒၢးန့ၣ်လီၤ. သရၣ်?သရၣ်မုၣ်လၢတီခိၣ်ရိၣ်မဲဟံးစုနဲၣ်ကျဲ တဖၣ်မ့ၢ်ဝဲ-ီမ.ှၠ တူင ညံအန အ(၁်ပျခ့သအ့နမၠစငျအ) ယဒီး ီမ. ဗခာ နွၠဘမငနူ တဖၣ်န့ၣ်လီၤ. တၢ်ရဲၣ်တၢ်ကျဲၤတဘျီအံၤ ၦၤဟဲထီၣ်တဖၣ်မ့ၢ်ဝဲ-သးစၢ်ဝဲၤကျိၤ /ကရၢ ၦၤနဲၣ်တၢ်/နဲၣ်ရွဲၣ်တဖၣ်လၢ ကီၢ်အတီၢ်န့ၣ်လီၤ. ကီၢ်(၁၆)ဘ့ၣ်ခၢၣ်စးဟဲတုၤဝဲန့ၣ်လီၤ.

လံ၁်လၢပဒိးန့ၢ်ဘၣ်အီၤသ့လၢ ၦၤကညီဘျၢထံခဝ့ၡၢၣ်ႇ တၢ်ကဟုကယ၁်ဒီးတၢ်ကူၣ်လိ၁်တၢ်ဝဲၤကျိၤသ့ၣ်တဖၣ် မ့ၢ်ဒ်လ၁်အံၤအသိးန့ၣ်လီၤ.

ၦၤကညီဘျၢထံခဝ့ၡၢၣ် တၢ်ဒုးဒိၣ်ဒိၣ်ထီၣ်ခိၣ်နၢ်ဝဲၤကျိၤ သုးကျဲၤမၤဝဲ ''တၢ်ကဲခိၣ်ကဲနၢ်ဒီး တၢ်ပၢတၢ်ဆှၢ တၢ်မၤလိ"ခံဘျီတဘျီ ဒီးဘၣ်တၢ်မၤအီၤဖဲ လါ အီးကထိဘၢၣ် (၁၇-၂ဝ)သီႇ ၂ဝ၂၃ ဖဲ ၦၤကညီဘျၢထံခဝ့ၡၢၣ်နံၣ်တကယၤတၢ်စံးဘျုးတၢ်သူၣ်ထီၣ်န့ၣ်လီၤ. တၢ်မၤလိတဘျီအံၤ ဘၣ်တၢ်စးထီၣ်အီၤလၢ တၢ်ဘူၣ်တၢ်ဘါတၢ်ရဲၣ်တၢ်ကျဲၤ ဖဲ(၁၇)သီႇ ဂီၤ (၈းဝဝ)နၣ်ရံၣ်န့ၣ်လီၤ. ၦၤလၢ အဟ့ၣ်တၢ်ကစီၣ်လၢတၢ်အိးထီၣ်တၢ်မၤလိတၢ်ဘူၣ်တၢ်ဘါ မ့ၢ်ဝဲ-သရၣ်မုၣ်ဒိၣ်မၠီမၠးဖီ(နဲၣ်ရွဲၣ်သဃဲၤႇ ကမံးတံာ်ရ့လိာ်မၤသကိးတၢ်သးခုကစီၣ်)န့ၣ်လီၤ.လၢကီၢ်(၁၅)ဘ့ၣ်အခၢၣ်စး ၦၤလၢအဟဲ ထီၣ်တၢ်မၤလိအိၣ်ဝဲ(၂၂)ဂၤန့ၣ်လီၤ. တၢ်မၤလိတဘျီအံၤသရၣ်သိၣ်လိတၢ်တဖၣ်မ့ၢ်ဝဲ သရၣ်ဒီးကထၢၣ်Ivan, သရၣ်စးန့ၢ်သါ ဒီး သရၣ်ဒီးကထၢၣ်Micheal Di Za Cin သ့ၣ်တဖၣ်န့ၣ်လီၤ. တၢ်မၤလိတဘျီအံၤ ဘၣ်တၢ်မၤဝံၤအီၤဖဲ လါအီးကထိဘၢၣ်(၂ဝ)သီ ခီဖျိတၢ်ဘူၣ်တၢ်ဘါဒီး တၢ်ဘူၣ်တၢ်ဘါကတီၢ် ၦၤလၢ ဟ့ၣ်တၢ်ကစီၣ်မ့ၢ်ဝဲ-သရၣ်မုၣ်ဒီးကထၢၣ်လ့ထူ(နဲၣ်ရွဲၣ်သဃဲၤႇ တၢ်ပၢတၢ်ဆှၢ)န့ၣ်လီၤ.

လံာ်လၢ ဒိးန့ၢ်သ့ဖဲ ၦၤကညီဘျၢထံခဝ့ၡၢၣ်ပိာ်မုၣ်ဝဲၤကျိၤ တဖၣ်
တၢ်မၤလိလံာ်စီဆှံ- ၁၅ဝဝဘး
ဘှ့ၣ်လီၤစီၤမဲးကစံ-၁၅ဝဝဘး
ပိာ်မုၣ်ဖျိးစိ လၢတၢ်သးခုကစီၣ်   အတၢ်မၤ-၁၅ဝဝဘးန့ၣ်လီၤ.
ဆဲးကျိးနီၣ်ဂံၢ်- ဝ၉၂၅၄ဝ၄၅၃၄ဝ

တိာ်နီၣ်- ဒ်တၢ်ဆၢကတီၢ်တၢ်အိၣ်သးအသိး လံာ်လဲၢ်အၦ့ၤတၢ်ဆီတလဲအိၣ် ထီၣ်သ့လီၤ.

ၦၤကညီဘျၢထံခဝ့ၡၢၣ် အိၣ်ဒီး တၢ်ရဲၣ်တၢ်ကျဲၤခံမံၤလၢ အမ့ၢ် တၢ်ဒုးသ့ၣ်ညါ တၢ်ဒီတဒၢ ပၢဆှၢသုးကျဲၤတၢ် တတၢးတနါ တၢ်ရဲၣ်တၢ်ကျဲၤ ဒီးနံၣ်ကယၤ(၂၁)မံးၡၢၣ်တၢ်တိာ်ကျဲၤ သၢပတီၢ်တပတီၢ် တၢ်ကတိၤခီလဲအတၢ်ရဲၣ်တၢ်ကျဲၤ  သ့ၣ်တဖၣ်န့ၣ်လီၤ. တၢ်ရဲၣ်တၢ်ကျဲၤသ့ၣ်တဖၣ်အံၤ ဘၣ်တၢ်မၤအီၤဖဲ လါယူၤ (၂၁)သီ ဂီၤ(၈း၃ဝ)တုၤ(၂၄)သီႇ မုၢ်ဆါ (၁၂)နၣ်ရံၣ်ႇ ၂ဝ၂၃နံၣ် ဖဲဝဲးသ့ၣ်တၢ်အိၣ်ဖှိၣ်ႇ ကီၢ်ပသံၣ်မၠီမၠးန့ၣ်လီၤ. ၦၤဟဲထီၣ်တၢ်ရဲၣ်တၢ်ကျဲၤသ့ၣ်တဖၣ်မ့ၢ်ဝဲ ၦၤကညီဘျၢထံခဝ့ၡၢၣ်ကမံးတံာ်မၤတၢ်ခိၣ်နၢ်တဖၣ် ခဲလၢာ်အိၣ်ဝဲ(၄၆)ဂၤန့ၣ်လီၤ.

တၢ်ကတိၤလၢညါ

လၢယွၤအတၢ်ဆိၣ်ဂ့ၤအဒိၣ်အမုၢ်လၢပတဲတသ့တလၢၣ်ဘၣ်အဃိႇ ပမၤဝံၤဘၣ်က့ၤ ၦၤကညီဘျၢထံခဝ့ရှၢၣ် တနံၣ်တဘျီကမျၢၢ်ခၢၣ်စးတၢ်အိၣ်ဖှိၣ်ဂ့ၤဂ့ၤဘၣ်ဘၣ် ဒီး သးအိၣ်ပာ်ဖျါထီၣ်က့ၤ တၢ်အိၣ်ဖှိၣ်ဖးဒိၣ်ကစီၣ်အံၤ ဒီးနာ်လၢကမ့ၢ်တၢ်သးခုလၢ ၦၤလၢ အဖးဘၣ်ကိးဂၤဒဲးအဂီၢ်န့ၣ်လီၤ.

ၦၤကညီဘျၢထံခ၀့ၡၢၣ် ခိၣ်နၢ်အိၣ်မူအိၣ်ဒါတဖၣ် ဒီး၀ဲၤကျိၤၦၤနဲၣ်တၢ်တဖၣ် အိၣ်ဒီးတၢ်ခွဲးတၢ်ယာ်လၢ တၢ်ထံၣ်လိာ်သကိးသးဒီး ကီၢ်တကူၣ်ခိၣ်နၢ်အိၣ်မူအိၣ်ဒါတဖၣ်ဒီး ၀ဲၤကျိၤၦၤနဲၣ်တၢ်, ကရၢခိၣ်နၢ်တဖၣ် လၢ ကီၢ်တကူၣ် ၀ဲၤလီၢ်တၢ်အိၣ်ဖှိၣ်ဒၢး ဖဲ(၃၀.၉.၂၀၂၂) အနံၤ န့ၣ်လီၤ. တၢ်ထံၣ်လိာ်သးတဘျီအံၤ အိၣ်ဒီး တၢ်ပာ်ဖျါဒီးတၢ်တဲနၢ်ပၢၢ်လိာ်သး ဘၣ်ထွဲတၢ်ဖံးတၢ်မၤ တဖၣ် ဆူ ကီၢ် ဒီး ခ၀့ၡၢၣ်န့ၣ်လီၤ.

ၦၤကညီဘျၢထံခဝ့ၡၢၣ် လံာ်လဲၢ်ဒီးတၢ်ဆဲးတၢ်လၤဝဲၤကျိၤအိၣ်ဒီး ‘‘တၢ်သ့နၢ်ပၢၢ်တၢ်သိၣ်လိကညီစှီၤလံာ်ခီၣ်ထံး အကျိၤအကျဲဒီး တၢ်သ့ဆးလံာ်ဖးဒိၣ်တၢ်မၤလိ’’ ဖဲခဝ့ၡၢၣ်တၢ်သူၣ်ထီၣ်ဃုကထၢႇ တၢ်အိၣ်ဖှိၣ်ဒၢးႇ ၃၉၆ႇဘိၣ်ခၠူးကျဲႇ လါမတီၣ်ႇဝ့ၢ်တကူၣ်န့ၣ်လီၤ. တၢ်သိၣ်လိအံၤစးထီၣ်ဖဲ လါအီကူာ်(၉)သီ တုၤ(၁၂)သီန့ၣ်လီၤ. သရၣ်သိၣ်လိတၢ်တဖၣ် မ့ၢ်ဝဲ-သရၣ်ဒိၣ်ဒီးကထၢၣ်စ့စီႇ သရၣ်မုၣ်ဒီးကထၢၣ်ခုၣ်ၡံႇ သရၣ်မုၣ်စ့ဒံၢ်ဖီ ဒီးသရၣ်ရိၣ်နၢၣ်တဖၣ်န့ၣ်လီၤ.လၢတီအူကီၢ် ကဲၤခၢၣ်ကဲၤဘါႇ ကီၢ်တီအူသၣ်တီၣ်ဘှဲမိၤၦၤႇ ကီၢ်ပသံၣ်မၠီမၠးႇ ကီၢ်မၠီမၠးႇ ကီၢ်တကူၣ်ႇ ကီၢ်ပကိတကူၣ်ႇ ကီၢ်ချၢၣ်လွံၢ်ထူၣ် ဒီး ကီၢ်ပၠံၣ်-သၣ်ယၣ်ဝတံၣ်အခၢၣ်စး ၦၤဟဲထီၣ်တၢ်မၤလိအိၣ်ဝဲ(၁၉)ဂၤန့ၣ်လီၤ.

တၢ်ထံၣ်စိ-   ၦၤကညီဘျၢထံခဝ့ရှၢၣ်အတၢ်ထံၣ်စိ မ့ၢ်ဒ်သိးၦၤကညီဘျၢထံတၢ် အိၣ်ဖှိၣ်တဖၣ်လၢကီၢ်ပံၤယီၤအပူၤကဘၣ်ထွဲတုၤအိၣ်လိ၁်အသး ဒီးမၤသကိး တၢ်သးခုကစီၣ် လၢၦဲၤကိးကပၤဒဲးအဂီၢ်န့ၣ်လီၤ.
မံးရှၢၣ်  -  ၦၤကညီဘျၢထံခဝ့ရှၢၣ် မ့ၢ်ၦၤကညီဘျၢထံအတၢ်အိၣ်ဖှိၣ်တဖၣ် လၢကီၢ် ပံၤယီၤ အပူၤအတၢ်ကရၢကရိထီၣ်အသးဒီး မၤသကိးတၢ်န့ၣ်လီၤ. ၦၤကညီ ဘျၢထံခဝ့ရှၢၣ်ဂဲၤလိ၁်ဟ့ၣ်လီၤအသးလၢ ၦၤကညီဘျၢထံတၢ်အိၣ်ဖှိၣ် တဖၣ်ကအိၣ်ဒီး တၢ်သးတဖျၢၣ်ဃီဒီးမၤသကိးတၢ်လၢ တၢ်သူၣ် လီၤအါထီၣ် တၢ်အိၣ်ဖှိၣ်အဂီၢ်ႇ တၢ်မၤဂုၤထီၣ်ပသီထီၣ်တၢ်အိၣ်ဖှိၣ်ႇ တၢ်အိၣ်ဖှိၣ်ခိၣ်နၢ်  ဒီးတၢ်အိၣ်ဖှိၣ် ဖိတဖၣ်လၢ နီၢ်သးဒီးနီၢ်ခိတုၤဃီၤ ဆူတၢ်အိၣ်ဒီးသူးသ့ၣ် အတီၤခီဖျိ တၢ်ဘူၣ်ထီၣ်ဘါထီၣ်ယွၤႇ တၢ်အိၣ်ဖှိၣ်ရိဖှိၣ်သကိးႇ တၢ်သိၣ်လိ မၤယုၤႇ တၢ်ထုးထီၣ်ရၤလီၤလံ၁်လဲၢ် ဒီးတၢ်မၤသကိးတၢ်ဒီးခရံ၁်ဖိတၢ် အိၣ်ဖှိၣ်တဖၣ်ဒီးတၢ်ကရၢကရိတဖၣ်လၢ ထံလီၢ်ကီၢ် ပူၤဒီးထံဂၤ ကီၢ်ဂၤန့ၣ်လီၤ.