Karen Baptist Convention

ၦၤကညီဘျၢထံခဝ့ၡၢၣ် အိၣ်ဒီး ကမံးတံာ်မၤတၢ် တၢ်အိၣ်ဖှိၣ်(၆၆)ဘျီတဘျီဒီး ပၢဆှၢတၢ်ကမံးတံာ် (၂ဝ၂၅)နံၣ်တၢ်အိၣ်ဖှိၣ်(ဖဲ လါနိၣ်ဝ့ဘၢၣ်(၁၈ တုၤ ၂၁)သီႇ ၂ဝ၂၅အနံၤဖဲ ခဝ့ၡၢၣ် နံၣ်(၁ဝဝ) တၢ်စံးဘျုးတၢ်သူၣ်ထီၣ် တၢ်အိၣ်ဖှိၣ်ဒၢးန့ၣ်လီၤ. ၦၤဘၣ်မူဘၣ်ဒါလၢ ဟဲထီၣ်တၢ်အိၣ်ဖှိၣ်တဘျီအံၤမ့ၢ်ဝဲ-ကရၢခိၣ်-သရၣ်ဒိၣ် ဒီးကထၢၣ်စဲမစၢၣ်ႇ ကရၢခိၣ်စၢၤ-သရၣ်ဒိၣ်ဘံးထၢၣ်မီၣ်မီၣ်ႇ သရၣ်မုၣ်ဒိၣ်ဒီးကထၢၣ်ဖီဂီၤႇ ၦၤဟ့ၣ်ကူၣ်တၢ်တဖၣ်-သရၣ်မုၣ်ဒိၣ်ဒီးကထၢၣ် စ့လွဲၢ်ဝါႇ သရၣ်ဒိၣ်ဘ့ၢ်ချ့ႇ သရၣ်ဒီးကထၢၣ်ယံၤအ့လးႇ နဲၣ်ရွဲၣ်-သရၣ်ဒိၣ်ယွၤဒုးမူႇ နဲၣ်ရွဲၣ်သဃဲၤ-သရၣ်မုၣ်ဒိၣ်လ့ထူ(တၢ်ပၢတၢ်ဆှၢ), သရၣ်မုၣ်ဒိၣ် မၠီမၠးဖီ(တၢ်ရ့လိာ်မၤသကိး ဒီးတၢ်ဂုၤထီၣ်ပသီထီၣ်), ၦၤပၢၤစ့-သရၣ်မုၣ်ၡံထၣ်ဖီႇ ၦၤနဲၣ်တၢ်တဖၣ်ႇ ကီၢ်နဲၣ်ရွဲၣ်တဖၣ်ႇ ဝဲၤကျိၤ ၦၤပၢၤ လီၢ်ဆ့ၣ်နီၤတဖၣ်ႇ ကီၢ်ခၢၣ်စးဆူ ပၢဆှၢတၢ်ကမံးတံာ်တဖၣ်န့ၣ်လီၤ.ၦၤဟဲထီၣ်တၢ်အိၣ်ဖှိၣ်တဘျီအံၤ ခဲလၢာ်အိၣ်ဝဲ(၈၃)ဂၤန့ၣ်လီၤ.