Karen Baptist Convention

ၦၤကညီဘျၢထံခဝ့ၡၢၣ် တၢ်ကဟုကယာ်ဒီးတၢ်ကူၣ်လိာ်တၢ်ဝဲၤကျိၤ တီခိၣ်ရိၣ်မဲသုးကျဲၤန့ၣ် ခဝ့ၡၢၣ် ဝဲၤလီၢ်ၦၤမၤတၢ်ဖိတဖၣ်အဂီၢ် Medical Checkup ဖဲ ၃.၆.၂ဝ၂၆ အနံၤဖဲ နံၣ်(၁ဝဝ)တၢ်စံးဘျုးတၢ်သူၣ်ထီၣ် တၢ်အိၣ်ဖှိၣ်ဒၢးႇ ၁၂၁ဃႇ အလူၣ် န့ၣ်လီၤ.KBC တၢ်ဆါဟံၣ် သရၣ်သရၣ်မုၣ် ၦၤဘၣ်မူဘၣ်ဒါတဖၣ်လၢတၢ်အဲၣ်တၢ်သးအိၣ်ပူၤ အံးကွၢ်န့ၢ်ဝဲၤလီၢ်ဝဲၤကျိၤ ၦၤမၤတၢ်ဖိ တဖၣ် အတၢ်အိၣ်ဆူၣ်အိၣ်ချ့န့ၣ်လီၤ.

ၦၤကညီဘျၢထံခဝ့ၡၢၣ် ကျိၣ်စ့ဒီးတၢ်စုလီၢ်ခီၣ်ခိၣ်ဝဲၤကျိၤ သုးကျဲၤMicrosoft Excel တၢ်မၤလိ လၢ ဝဲၤလီၢ်ၦၤမၤတၢ်ဖိတဖၣ်အဂီၢ် စးထီၣ်ဖဲ ၅.၆.၂ဝ၂၆ ဟါ(၁-၄)နၣ်ရံၣ်န့ၣ်လီၤ.တၢ်မၤလိအံၤ သရၣ်မုၣ်သိၣ်လိတၢ်တဖၣ်မ့ၢ်ဝဲ-သရၣ်မုၣ်ၡံထၣ်ဖီ(ၦၤနဲၣ်တၢ်ႇ ကျိၣ်စ့ဒီးတၢ်စုလီၢ်ခီၣ်ခိၣ်ဝဲၤကျိၤ) ဒီး သရၣ်မုၣ်နံၤလၣ်ခၠံး(ၦၤနဲၣ်တၢ်သဃဲၤႇ ကျိၣ်စ့ဒီးတၢ်စုလီၢ်ခီၣ်ခိၣ်ဝဲၤကျိၤ)န့ၣ်လီၤ.တၢ်မၤလိအံၤမ့ၢ် တလါတၢ်မၤလိန့ၣ်လီၤ. ၦၤဟဲထီၣ်တၢ်မၤလိခဲလၢာ်အိၣ်ဝဲ(၂၂)ဂၤ လၢဝဲၤလီၢ်ဝဲၤကျိၤတဖၣ်န့ၣ်လီၤ.

ကီၢ်ပသံၣ်မၠီမၠးတၢ်ကတဲာ်ကတီၤဒုးဒိၣ်ထီၣ်ထီထီၣ်ခိၣ်နၢ်ဝဲၤကျိၤႇ ၦၤကညီဘျၢထံခဝ့ၡၢၣ် ဝဲၤကျိၤလၢသးစၢ်တၢ်မၤဂီၢ် ဒီးၦၤကညီဘျၢထံခဝ့ၡၢၣ်တၢ်ဘၣ်ထဲတွုၤအိၣ်လိာ်သးဝဲၤကျိၤအိၣ်ဒီး တၢ်ပာ်ဖှိၣ်မၤသကိးတၢ်ခီဖျိ တၢ်ထံၣ်လိာ်သး တၢ်ဟ့ၣ်ခီဟ့ၣ်နီၤ တၢ်ဟ့ၣ်ဂံၢ်ဟ့ၣ်ဘါ သူၣ်ဘီၣ် သးစၢ်ဖိဒံဖိသၣ်တဖၣ်တၢ်ရဲၣ်တၢ်ကျဲၤန့ၣ်လီၤ.ၦၤဟ့ၣ်ခီဟ့ၣ်နီၤတၢ်မ့ၢ်ဝဲ- ၦၤသးဝံၣ်တၢ်စဲးနီၤ စီၤရ့ှ ဒီးဘၣ်တၢ်မၤအီၤဖဲလါယူၤ(၃)သီဟါ(၇)နၣ်ရံၣ်ႇ ၂ဝ၂၆အနံၤလၢ ဆဲးကျိးန့ၢ်တီၤန့ၣ်လီၤ. တၢ်ရဲၣ်တၢ်ကျဲၤတဘျီအံၤ ၦၤပၢၤလီၢ်ဆ့ၣ်နီၤမ့ၢ်ဝဲ-သရၣ်မုၣ်ဒီးကထၢၣ်ဂ့ၤဂ့ၤထူႇ တၢ်ကတိၤဆၢဂ့ၤလၢ -သရၣ်မုၣ်သးဝါႇ အိးထီၣ်တၢ်ထုကဖၣ်လၢ-သရၣ်တီလိၤမူႇ တၢ်ထုကဖၣ်လၢခံကတၢၢ်လၢ -သရၣ်မုၣ်အိၣ်ဒံလၢ်ႇ တၢ်ဆိၣ်ဂ့ၤပျၢ်လၢ-သရၣ်ဒိၣ်မူလၢၢ်ဂ့ၤ(ကီၢ်ပသံၣ်မၠီမၠးနဲၣ်ရွဲၣ်)န့ၣ်လီၤ.ဖိသၣ်ဒီး သးစၢ်တဖၣ်ဟဲနုာ်လီၤဒိကနၣ် သံကွၢ်သံဒိတၢ်လၢတၢ်သးစဲအပူၤန့ၣ်လီၤ. ၦၤဟဲထီၣ် ခဲလၢာ်အိၣ်ဝဲ devices ၈၁ ခါန့ၣ်လီၤ.

ကီၢ်တီအူသၣ်တီၣ်ဘှဲမိၤၦၤ တၢ်အိၣ်ဖှိၣ်သကိးတၢ်အိၣ်ဖှိၣ် အိၣ်ဒီး(၂ဝ၂၅-၂ဝ၂၆)နံၣ် နံၣ်ကတၢၢ်ပၢဆှၢတၢ်ကမံးတံာ်တၢ်အိၣ်ဖှိၣ် ဖဲလါမၢ်ၡး (၂၃ တုၤ၂၅)သီႇ လၢကဲဒိၣ်လူၢ်ကညီဘျၢထံခရံာ်တၢ်အိၣ်ဖှိၣ်ႇ ကရူၢ်(၇)အတၢ်တူၢ်လိာ်မၤသကိးတၢ်န့ၣ်လီၤ.အိၣ်ဒီး တၢ်တိာ်ထူမ့ၢ်ဝဲ- ''ယိာ်ထီၣ်လၢတၢ်နာ် ဆူၣ်ထီၣ်လၢတၢ်မၤ'' န့ၣ်လီၤ. ဒီတနံၣ်ကီၢ်တၢ်သးခုကစီၣ်အတၢ်ဖံးတၢ်မၤတဖၣ်ႇ ဝဲၤကျိၤႇ ကရၢအတၢ်ဖံးတၢ်မၤတဖၣ်ႇ တၢ်တၤတၢ်မ့ၢ်အိၣ်ဝဲဘၣ်ဆၣ် မၤဘၣ်အီၤဂ့ၤဂ့ၤဘၣ်ဘၣ်စ့ၢ်ကီးန့ၣ်လီၤ. ကီၢ်ပၢဆှၢတၢ်ကမံးတံာ်တဖၣ် သူၣ်ဆူၣ်သးဂဲၤႇ ဆီၣ်ထွဲမၤသကိးတၢ်ဒီး ကီၢ်တၢ်သးခုကစီၣ်တၢ်ဖံးတၢ်မၤတဖၣ် ဒ်အလီၢ်အိၣ်အသိး ကဲထီၣ်မးတၢ်ဘျုးတၢ်ဖှိၣ်လၢ တၢ်လဲၤထီၣ်လဲၤထီကဂ့ၤထီၣ်အဂီၢ်န့ၣ်လီၤ. ၂၃.၃.၂ဝ၂၆ နံၤ တူၢ်ဖှိၣ်ဟါ(၆းဝဝ)နၣ်ရံၣ် ဒီးတၢ်အိးထီၣ်တၢ်ရဲၣ်တၢ်ကျဲၤဝံၤ ပိာ်ထွဲထီၣ်အခံလၢ ဝဲၤကျိၤႇ ကရၢတဖၣ်တၢ်ဟ့ၣ်လီၤက့ၤႇ လံာ်တၢ်မၤလၤကပီၤ လၢၦၤဖျိထီၣ်လံာ်စီဆှံကၠိတဖၣ်ႇ ၦၤမၤတၢ်သးခုကစီၣ်ၦဲၤထီၣ်(၂၅)နံၣ်ဆူအဖီခိၣ်တဖၣ်ႇ ဃုာ်ဒီးသရၣ်ဒိၣ် သရၣ်မုၣ်ဒိၣ်လၢဒိးန့ၢ်ဘၣ်(MOCS)တဖၣ်ႇ ၦၤလၢမၤဝံၤတၢ်မၤလိလံာ်စီဆှံခီဖျိတၢ်ကွဲးတဖၣ်ႇ ခိၣ်ဖးတဖၣ်လၢ ၦၤနုာ်လီၤသတြီၤ ကီၢ်ဒီးခဝ့ၡၢၣ်သုးကျဲၤမၤဝဲတဖၣ်ႇ တၢ်တူၢ်လိာ်ပိာ်ခွါကရၢအသီ လၢနုာ်လီၤဘျးစဲအသးဆူ ကိၢ်ပိာ်ခွါဝဲၤကျိၤ တၢ်ရဲၣ်တၢ်ကျဲၤတဖၣ်န့ၣ်လီၤ.၂၄.၃.၂ဝ၂၆ နံၤ အိၣ်ဒီးတၢ်ကတဲာ်ကတီၤဘှီဘၣ်မၤဂ့ၤထီၣ် တၢ်သိၣ်တၢ်ဘျၢဒီး တၢ်သိၣ်တၢ်သီ အလံာ်ပူၤတၢ်ဂ့ၢ်လၢအလိၣ်တဖၣ်လၢ ပၢဆှၢတၢ်ကမံးတံာ်အပတီၢ်န့ၣ်လီၤ.(၂၅.၃.၂ဝ၂၆)နံၤ အိၣ်ဒီးတၢ်အိၣ်ဖှိၣ်ဒီးတၢ်ပာ်ဂၢၢ်ပာ်ကျၢၤတၢ်ဂ့ၢ်တၢ်ကျိၤ တၢ်စံၣ်ညီၣ်အၢၣ်လီၤတဖၣ်န့ၣ်လီၤ.

ၦၤကညီဘျၢထံခဝ့ၡၢၣ် တၢ်ဘၣ်ထွဲတုၤအိၣ်လိာ်သးဝဲၤကျိၤ သုးကျဲၤမၤဘၣ်ဝဲ တၢ်ကတိၤလီၤဆီဘၣ်ထွဲဒီး AI  ဖဲလါမ့ၤ(၁၄)သီႇ ၂ဝ၂၆အနံၤ ဟါ(၆-၈)နၣ်ရံၣ် လၢမဲာ်သကိးမဲာ်န့ၣ်လီၤ. တၢ်ရဲၣ်တၢ်ကျဲၤအံၤဘၣ်တၢ်မၤအီၤဖဲ နံၣ်(၁ဝဝ) တၢ်စံးဘျုးတၢ်သူၣ်ထီၣ်ႇ ၁၂၁(ဃ), အလူၣ် တၢ်အိၣ်ဖှိၣ်ဒၢးန့ၣ်လီၤ.သရၣ်လၢဟ့ၣ်ခီဟ့ၣ်နီၤတၢ်မ့ၢ်ဝဲ-သရၣ်မ့လဲးႇ  ဒီး ၦၤဟဲထီၣ်တၢ်ရဲၣ်တၢ်ကျဲၤတဖၣ်မ့ၢ်ဝဲ- ၦၤကညီဘျၢထံခဝ့ၡၢၣ် ကမံးတံာ်မၤတၢ်ခိၣ်နၢ်တဖၣ်န့ၣ်လီၤ.စးထီၣ်တၢ်ရဲၣ်တၢ်ကျဲၤအံၤလၢ သရၣ်ဒိၣ်ယွၤဒုးမူ(ခဝ့ၡၢၣ်နဲၣ်ရွဲၣ်) အတၢ်ထုကဖၣ်ႇ တၢ်ဟ့ၣ်လီၤတၢ်အဲၣ်တၢ်ဟ့ၣ်  ဒီးတၢ်ထုကဖၣ်လၢ သရၣ်မုၣ်ဒိၣ်ဒီးကထၢၣ်လ့ထူ (နဲၣ်ရွဲၣ်သဃဲၤ), ဒီးတၢ်ဆိၣ်ဂ့ၤပျၢ်လၢ-သရၣ်ဒိၣ်မူလၢၢ်ဂ့ၤ(နဲၣ်ရွဲၣ်ႇ ကီၢ်ပသံၣ်မၠီမၠး)န့ၣ်လီၤ. ၦၤဟဲထီၣ်တၢ်ရဲၣ်တၢ်ကျဲၤအံၤခဲလၢာ်အိၣ်ဝဲ(၂၄)ဂၤန့ၣ်လီၤ.

ၦၤကညီဘျၢထံခဝ့ၡၢၣ် အိၣ်ဒီးကမံးတံာ်မၤတၢ် တၢ်အိၣ်ဖှိၣ်(၆၇)ဘျီတဘျီ ဘၣ်တၢ်မၤအီၤဖဲ နံၣ်(၁ဝဝ) တၢ်စံးဘျုးႇ တၢ်သူၣ်ထီၣ်ႇ ၁၂၁(ဃ), အလူၣ် တၢ်အိၣ်ဖှိၣ်ဒၢး စးထီၣ်လါမ့ၤ(၁၃)သီ တုၤ(၁၅)သီႇ ၂ဝ၂၆ အနံၤန့ၣ်လီၤ. ၦၤဟဲထီၣ်တၢ်အိၣ်ဖှိၣ်တဖၣ် မ့ၢ်ဝဲ - ကရၢခိၣ်ႇ ကရၢခိၣ်စၢၤတဖၣ်ႇ ၦၤဟ့ၣ်ကူၣ်တၢ်ႇ နဲၣ်ရွဲၣ်ႇ နဲၣ်ရွဲၣ်သဃဲၤတဖၣ်ႇ ၦၤပၢၤစ့ႇ ကီၢ်နဲၣ်ရွဲၣ်တဖၣ်ႇ ၦၤနဲၣ်တၢ်တဖၣ်ႇ ဝဲၤဒၢးခိၣ် ခဲလၢာ်ပာ်ဖှိၣ်(၄၃)ဂၤန့ၣ်လီၤ.

ၦၤကညီဘျၢထံခဝ့ၡၢၣ် တၢ်ဘၣ်ထွဲတုၤအိၣ်လိာ်သးဝဲၤကျိၤအိၣ်ဒီး Sharing Audio Mastering Knowledge (၁)သီတၢ်မၤလိ ဘၣ်တၢ်မၤအီၤဖဲ လါမ့ၤ(၈)သီႇ ၂ဝ၂၆ အနံၤလၢ ဆဲးကျိးန့ၢ်တီၤန့ၣ်လီၤ. တၢ်မၤလိအံၤ စးထီၣ်အီၤလၢ တၢ်ဘူၣ်သကိးဘါသကိးယွၤ  ၦၤပၢၤလီၢ်ဆ့ၣ်နီၤမ့ၢ်ဝဲ-သရၣ်ကၠဲးစၢၣ်ကၠါ(ၦၤနဲၣ်တၢ်သဃဲၤ), တၢ်ဒုးသ့ၣ်ညါလၢ- သရၣ်မုၣ်ဒီးကထၢၣ်ဂ့ၤဂ့ၤထူ(ၦၤနဲၣ်တၢ်), တၢ်ဟ့ၣ်ဂံၢ်ဟ့ၣ်ဘါ-သရၣ်မုၣ်ၡံထၣ်ဖီ(ၦၤပၢၤစ့), တၢ်ထုကဖၣ် ဒီးဆိၣ်ဂ့ၤပျၢ်တၢ်လၢ သရၣ်ဒိၣ်မူဖျၢၣ်ထူ (ဝဲၤကျိၤ ၦၤပၢၤလီၢ်ဆ့ၣ်နီၤ)န့ၣ်လီၤ.တၢ်မၤလိအံၤစးထီၣ်ဖဲ ဂီၤ(၉)နၣ်ရံၣ်တုၤ ဟါ(၃)နၣ်ရံၣ်န့ၣ်လီၤ. သရၣ်သိၣ်လိတၢ်မ့ၢ်ဝဲ- သရၣ်ဒိၣ်ဒီးကထၢၣ်လၢၢ်ဝါန့ၣ်လီၤ. တၢ်မၤလိအံၤ လၢကီၢ်ခၢၣ်စးၦၤဟဲထီၣ်အိၣ်ဝဲ (၁၂)ဂၤ ဒီး ၦၤဟဲမၤလိတၢ်တဖၣ် တနီၤမ့ၢ်ဝဲၦၤမၤလိတ့ၢ်တၢ်ကၠိဖိလီၢ်လံၤ ဒီး တနီၤမ့ၢ် ၦၤအသီတဖၣ်န့ၣ်လီၤ.

ကီၢ်ထးခီႇ ၦၤကညီဘျၢထံခရံာ်ဖိတၢ်အိၣ်ဖှိၣ်သကိးတၢ်အိၣ်ဖှိၣ်အိၣ်ဒီး ကမျၢၣ်ခၢၣ်စးတၢ်အိၣ်ဖှိၣ်ဖဲ ဘ့ၤသနံၦၤကညီဘျၢထံခရံ၁်ဖိတၢ် အိၣ်ဖှိၣ်ႇ ဝ့ၢ်အနံစခါ စးထီၣ်လါမၢ်ၡး(၃၁)သီ တုၤလါအ့ဖြ့ၣ်(၅)သီႇ (၂ဝ၂၆)နံၣ်န့ၣ်လီၤ. အိးထီၣ်ဘၣ် တၢ်ရဲၣ်တၢ်ကျဲၤတဘျီအံၤခီဖျိ တၢ်ဘူၣ်တၢ် ဘါဖဲ (၃၁.၃.၂ဝ၂၆)နံၤ ဟါ(၆းဝဝ)နၣ်ရံၣ်န့ၣ်လီၤ. သုကျဲၤမၤဝံၤဘၣ် တၢ်ဖံးတၢ်မၤတဖၣ် ဒ်တၢ်ရဲၣ်တၢ်ကျဲၤအိၣ်အသိးန့ၣ်လီၤ. ဖဲ(၅.၄.၂ဝ၂ ၆)နံၤ ဂီၤ(၆းဝဝ)နၣ်ရံၣ်ကတီၢ် အိၣ်ဒီးတၢ်သဂၢၢ်ခရံ၁်ဂဲၤဆၢထၢၣ်သမူထီၣ်က့ၤ တၢ်ရဲၣ်တၢ်ကျဲၤဒီးတနံၣ်တဘျီ တၢ်ဘါကတီၢ် ၦၤဟ့ၣ်တၢ်ကစီၣ် မ့ၢ်ဝဲ သရၣ်မုၣ်ခၠိၣ်ခၠိၣ်ဖၠူၣ်(ခဝ့ၡၢၣ်ဝဲၤဒၢးခိၣ်ႇ ၦၤကညီဘျၢထံခဝ့ၡၢၣ်)န့ၣ်လီၤ. လၢကီၢ်ကမျၢၣ်ခၢၣ်စး တၢ်အိၣ်ဖှိၣ်တဘျီအံၤ ၦၤဆဲးလီၤမံၤအိၣ်ဝဲဒၣ် (၁၁၄)ဂၤန့ၣ်လီၤ.

ကီၢ်ပကိတကူၣ်ၦၤကညီဘျၢထံ ခရံာ်ဖိတၢ်အိၣ်ဖှိၣ်သကိးတၢ်အိၣ်ဖှိၣ် ကီၢ်ကမျၢၢ်ခၢၣ်စးတၢ်အိၣ်ဖှိၣ်(၅)ဘျီတဘျီ မၤဘၣ်ဝဲဖဲ သရၣ်ဒိၣ်ဒီးကထၢၣ်ဒဲနယၢၣ်ထူဘျီၣ်ႇ အံတကိၣ်အံတကိၣ် ဖဲလါမၢ်ၡး(၂၃-၂၅),၂ဝ၂၆အနံၤန့ၣ်လီၤ. ဘၣ်တၢ်တူၢ်လိာ်မုာ်လၢ ဘ့ၤသနံခရံာ်တၢ်အိၣ်ဖှိၣ်န့ၣ်လီၤ. တၢ်တိာ်ထူမ့ၢ်ဝဲ '' ထိၣ်ဟူးထိၣ်ဂဲၤတၢ်သးခုကစီၣ်'' န့ၣ်လီၤ.တၢ်အိၣ်ဖှိၣ်တၢ်ရဲၣ်တၢ်ကျဲၤစးထီၣ် ဖဲဂီၤ(၇:ဝဝ-၈:၃ဝ)နၣ်ရံၣ်ဂီၤတၢ်ဘါဒီး တၢ်မၤသကိးလံာ်စီဆှံ ၦၤသိၣ်လိတၢ်မ့ၢ်ဝဲ- သရၣ်မုၣ်ဒိၣ်ဒီးကထၢၣ်ခုၣ်လၣ်ဖီ(လံာ်စီဆှံကၠိခိၣ်)န့ၣ်လီၤ. ဖဲဂီၤ(၉:ဝဝ-၁၂:ဝဝ)နၣ်ရံၣ် လဲၤဆူကီၢ်တၢ်ဖံးတၢ်မၤကတီၢ်(၁)န့ၣ်လီၤ.ဖဲမုၢ်ဆါခီ(၁၂:ဝဝ-၁:ဝဝ)နၣ်ရံၣ်အဆၢကတီၢ် အိၣ်ဒီးတၢ်အိၣ် ဘှံး ဒီးဟံးန့ၢ်သကိးမုၢ်ဆါတၢ်အီၣ်န့ၣ်လီၤ. (၁:ဝဝ-၂:ဝဝ) နၣ်ရံၣ်ဟါတၢ်ဘါ အိၣ်ဒီးဝဲၤကျိၤတၢ်ပာ်ဖှိၣ်မၤသကိးတၢ် (၂:ဝဝ-၄:ဝဝ)နၣ်ရံၣ်လဲၤဆူတၢ်ဖံးတၢ်မၤကတီၢ်(၂)န့ၣ်လီၤ.(၂၅)သီဂီၤ(၇:ဝဝ-၈;၃ဝ)နၣ်ရံၣ် ဂီၤတၢ်မၤလိသကိး လံာ်စီဆှံ ၦၤဟ့ၣ်တၢ်သိၣ်လိမ့ၢ်ဝဲ- သရၣ်ဝ့ဘံၣ်(ခဝ့ၡၢၣ်ပိာ်ခွါဝဲၤကျိၤ ၦၤနဲၣ်တၢ်)န့ၣ်လီၤ.(၈:၃ဝ-၉:၃ဝ)ဂီၤတၢ်အီၣ်(၉:၃ဝ-၁၂:ဝဝ)နၣ်ရံၣ် တၢ်ဖံးတၢ်မၤကတီၢ်(၃)န့ၣ်လီၤ. ဟါ(၁:ဝဝ-၂:၃ဝ)တနံၣ်တဘျီတၢ်ဘူၣ်တၢ်ဘါဒီးတၢ်မၤလၤကပီၤ အတၢ်ရဲၣ်တၢ်ကျဲၤ(၃:ဝဝ-၄:ဝဝ)နၣ်ရံၣ်အိၣ်ဒိး တၢ်ပာ်စီဆှံသးတၢ်ဘါတၢ်ရဲၣ်တၢ်ကျဲၤအိၣ်လၢ(လံာ်စီဆှံကၠိ)အစုပူၤစ့ၢ်ကီး န့ၣ်လီၤ.ၦၤဟဲထီၣ်သကိးတၢ်အိၣ်ဖှိၣ်တဘျီအံၤ ၦၤဟဲဆဲးလီၤမံၤအိၣ်ဝဲ(၁၉ဝ)ဂၤန့ၣ်လီၤ.

ကီၢ်တီအူပကူၦၤကညီဘျၢထံခရံာ်ဖိ တၢ်အိၣ်ဖှိၣ်သကိးတၢ်အိၣ်ဖှိၣ် သုးကျဲၤမၤသကိးဘၣ် ကီၢ်တၢ်ဖံးတၢ်မၤတဖၣ် ဒီး တနံၣ်တဘျီတၢ်ဘူၣ်သကိးဘါသကိးယွၤ ဒီးကမျၢၢ်ခၢၣ်စးတၢ်အိၣ်ဖှိၣ်(၁၇ဝ)ဘျီတဘျီဖဲ လါမၢ်ၡး(၂၇သီ တုၤ ၂၉သီ)ႇ ၂ဝ၂၆နံၣ်ဖဲ ပဲၢ်ကီၢ်ဒၢတၢ်အိၣ်ဖှိၣ် (ကစၢၢ်ပူၤကဝီၤ)န့ၣ်လီၤ. တၢ်ဆဲးလီၤမံၤအိၣ်ဝဲခွါ(၁၉၇)ဂၤႇ မုၣ်(၁ဝ၈)ဂၤႇ ခဲလၢာ်(၃ဝ၅)ဂၤန့ၣ်လီၤ. ၦၤကညီဘျၢထံခဝ့ၡၢၣ်ခၢၣ်စးလၢအမ့ၢ် သရၣ်ဝ့ဘံၣ်(ပိာ်ခွါဝဲၤကျိၤ ၦၤနဲၣ်တၢ်), သရၣ်မုၣ်စၢ်ဘျုးဝါ( ခရံာ်ဖိတၢ်ကူၣ်ဘၣ်ကူၣ်သ့ဝဲၤကျိၤ ၦၤနဲၣ်တၢ်)တဖၣ် ဟဲဒီးဟ့ၣ်ဂံၢ်ဟ့ၣ်ဘါသကိး ကီၢ်အတၢ်ရဲၣ်တၢ်ကျဲၤအံၤန့ၣ်လီၤ.ဖဲလါမၢ်ၡး(၂၉)သီႇ ၂ဝ၂၆နံၣ် ဂီၤ(၇းဝဝ)နၣ်ရံၣ်ႇ ကီၢ်တီအူပကူတၢ်သးခုကစီၣ်ဝဲၤကျိၤ ဟ့ၣ်လီၤလံာ်အုၣ်သးဆူ ၦၤလၢအဖျိထီၣ်တၢ်မၤလိလံာ်စီဆှံခီဖျိတၢ်ကဲွးတဖၣ်ႇ ဖဲဂီၤ(၉း၃ဝ)နၣ်ရံၣ်မၤလၤကပီၤ ၦၤလၢအဖျိ ထီၣ်(D.Min)လၢအမ့ၢ် ဒီးကထၢၣ်သးမုာ်ႇ တူၢ်လိာ်အါထီၣ်ဘၣ်တၢ်အိၣ်ဖှိၣ်အသီတဖုလၢအမ့ၢ် ဟံၣ်ဖိဒၢ(ကစၢၢ်ချၢကဝီၤ)န့ၣ်လီၤ. မၤလၤကပီၤစ့ၢ်ကီး ခိၣ်နၢ်လၢအိၣ်ဘှံးက့ၤလၢ ကီၢ်တၢ်ဖံးတၢ်မၤတဖၣ်လၢအမ့ၢ် သရၣ်ဒိၣ်ဒီးကထၢၣ်နံၤဒိၣ်ထူ(ကီၢ်နဲၣ်ရွဲၣ်မၤတ့ၢ်တၢ်), သရၣ်မုၣ်မုၢ်နၤဖီ(ပိာ်မုၣ်ဝဲၤကျိၤၦၤနဲၣ်တၢ်မၤတ့ၢ်တၢ်), သရၣ်အဲၣ်ဒိၣ်စိ(ဝဲၤကျိၤလၢသးစၢ်တၢ်မၤဂီၢ် ၦၤနဲၣ်တၢ်), ဒီးအိၣ်ဘှံးလၢ ဝဲၤကျိၤတၢ်မၤဘၣ်ဆၣ်ဆီတလဲက့ၤဆူ မူဒါအသီလၢအမ့ၢ် သရၣ်ဒိၣ်ဒီးကထၢၣ်န့ၢ်ထိလ့(သရၣ်သမါဝဲၤကျိၤ ဆူ ကီၢ်နဲၣ်ရွဲၣ်), သရၣ်ဟဲထူ(ခရံာ်ဖိလီၢ်ခၢၣ်သးဝဲၤကျိၤ ၦၤနဲၣ်တၢ် ဆူ ကီၢ်ဝဲၤဒၢးခိၣ်)တဖၣ်န့ၣ်လီၤ.