KBCM

Karen Baptist Convention

ပှၤကညီဘျၢထံခဝ့ရှၢၣ်

"ဃုာ်ဒီးခရံာ်ဆူတၢ်မၤနၢၤ"

The Pyi Thayawady Karen Baptist Association

ကီၢ်ပၠံၣ်-သၣ်ယၣ်ဝတံၣ် ၦၤကညီဘျၢထံခရံ၁်ဖိတၢ်အိၣ်ဖှိၣ်သကိးတၢ်အိၣ်ဖှိၣ် ကမျၢၢ်ခၢၣ်စးတၢ်အိၣ်ဖှိၣ်

ကီၢ်ပၠံၣ်-သၣ်ယၣ်ဝတံၣ်ၦၤကညီဘျၢထံခရံ၁်ဖိတၢ်အိၣ်ဖှိၣ်သကိးတၢ်အိၣ်ဖှိၣ် ကမျၢၢ်ခၢၣ်စးတၢ်အိၣ်ဖှိၣ်ဘၣ်တၢ်မၤအီၤဖဲ အဲယွၣ်ကညီဘျၢထံခရံ၁်တၢ်အိၣ်ဖှိၣ်ႇ လါအ့ဖြ့ၣ်(၂၁-၂၄.၂ဝ၂၄)နံၣ်န့ၣ်လီၤ. တၢ်တိ၁်ထူမ့ၢ်ဝဲ-ဟံးဃ၁်ဂၢၢ်ကျၢၢ်တၢ်မၤဘျၢထံခရံ၁်ဖိမံးၡၢၣ် မးသဲ၂၈း၁၈ႇ မၢ်ကူး ၁၆း၁၅ႇ မၤတၢ် ၁း၈ႇ၁၃ႇ၄၇ႇ စံး၉၆း၃ႇ ၁ကွဲး ၁၆း၂၃)န့ၣ်လီၤ. လၢခဝ့ၡၢၣ်ခၢၣ်စး သရၣ်ဒီးကထၢၣ်တနၢ်ထူ(ၦၤနဲၣ်တၢ်ႇ ထုးထီၣ်ရၤလီၤလံ၁်လဲၢ်ဝဲၤကျိၤ)လဲၤဝဲဒၣ်န့ၣ်လီၤ. တၢ်အိၣ်ဖှိၣ်တဘျီအံၤ ဘၣ်တၢ်အိးထီၣ်အီၤဖဲ(၂၁.၄.၂ဝ၂၄)ဟါ (၆း၃ဝ)နၣ်ရံၣ်အိၣ်ဒီး တၢ်ဘူၣ်တၢ်ဘါ တၢ်ရဲၣ်တၢ်ကျဲၤန့ၣ်လီၤ. လၢတၢ်အိၣ်ဖှိၣ်တဘျီအံၤ အိၣ်ဒီးတၢ်မၤလၤကပီၤ ၦၤဖျိထီၣ်ယွၤဂ့ၢ်ပီညါဖၠၣ်စိမိၤနံၣ်(၅ဝ)သ့ၣ်တဖၣ်န့ၣ်လီၤ.  ၦၤဖျိထီၣ်လံ၁်စီဆှံကၠိ  နံၣ်(၅ဝ)အိၣ်ဝဲ (၅)ဂၤလၢအမ့ၢ်(၁)သရၣ်မုၣ်လါမ့ၤႇ (၂) သရၣ်မုၣ်လါလုးႇ (၃)သရၣ်မုၣ်အဲၣ်ရိႇ (၄)သရၣ်ဒိၣ်ထူစီရွှ့ၣ်ဒီး (၅)သရၣ်ဒိၣ်လါဖိန့ၣ်လီၤ. လၢၦၤဖျိထီၣ်အကျါ ၦၤဟဲတုၤဒၣ်ထဲ(၂)ဂၤလၢအမ့ၢ် သရၣ်မုၣ်အဲၣ်ရိဒီး သရၣ်ဒိၣ်လါဖိသ့ၣ်တဖၣ်န့ၣ်လီၤ. ၂၄.၃.၂ဝ၂၄ ဂီၤ(၁ဝးဝဝ)နၣ်ရံၣ် မ့ၢ်တၢ်မၤလၤကပီၤ အဲယွၣ်တၢ်အိၣ်ဖှိၣ်သရၣ်ႇ သရၣ်ဒိၣ်လါဖိ မၤတၢ်သးခုကစီၣ်တၢ်မၤၦဲၤထီၣ်နံၣ်(၅ဝ)တၢ်စံးဘျုးစံးဖှိၣ်တၢ်ဘါတၢ်ရဲၣ်တၢ်ကျဲၤန့ၣ်လီၤ. လၢတၢ်စံးဘျုးတၢ်ဘူၣ်တၢ်ဘါတၢ်ရဲၣ်တၢ်ကျဲၤအံၤ တၢ်အိၣ်ဖှိၣ်အါဖုဒီး ကမျၢၢ်အါဂၤ ဟဲဒီးမၤလၤကပီၤကစၢ်ယွၤန့ၣ်လီၤ. နၢ်ဟူဘၣ်တၢ်စံၣ်တဲၤတဲလီၤအမု၁်လၢ သရၣ်မုၣ်ဒိၣ်ဒီးကထၢၣ်ထူထူန့ၣ်လီၤ. ဟါ(၆းဝဝ)နၣ်ရံၣ် မ့ၢ်တၢ်မၤဝံၤက့ၤ တၢ်မၤလၢအိၣ်တ့ၢ်တဖၣ်ႇ တၢ်ပျၢ်က့ၤတၢ်အိၣ်ဖှိၣ် အိၣ်ဒီးတၢ်ပ၁်စီဆှံသးတၢ်ဘါန့ၣ်လီၤ. ကမျၢၢ်ခၢၣ်စးတၢ်အိၣ်ဖှိၣ်တဘျီအံၤ ၦၤဟဲဆဲးလီၤမံၤအိၣ်ဝဲဒၣ်(၁၁၅)ဂၤန့ၣ်လီၤ.

2 months ago Read News
The Toungoo Paku Karen Baptist Association

ကီၢ်တီအူပကူ ၦၤကညီဘျၢထံခရံ၁်ဖိတၢ်အိၣ်ဖှိၣ်သကိးတၢ်အိၣ်ဖှိၣ် တၢ်ကစီၣ်

တနံၣ်အံၤ ကီၢ်တီအူပကူ ၦၤကညီဘျၢထံခရံ၁်ဖိတၢ်အိၣ်ဖှိၣ်သကိးတၢ်အိၣ်ဖှိၣ် သုးကျဲၤမၤဘၣ်တနံၣ်တဘျီတၢ်ဘူၣ်တၢ်ဘါအမူး ဖးဒိၣ်(၁၆၈) ဘျီတဘျီ ဒ်ကမျၢၢ်ခၢၣ်စးတၢ်ဘူၣ်သကိးဘါသကိး အတၢ် ရဲၣ်တၢ်ကျဲၤဖဲ (၇-၈.၃.၂ဝ၂၄)နံၣ်ဖဲ လၢၢ်ပူၤကညီဘျၢထံတၢ်အိၣ်ဖှိၣ်ႇ ဝ့ၢ်တီအူန့ၣ်လီၤ. ကမျၢၢ် ခၢၣ်စးမ့ၢ်ဝဲ မုၣ်(၈ဝ)ဂၤႇ ခွါ(၁ဝ၅)ဂၤ ခဲလၢ၁် (၁၈၅)ဂၤန့ၣ်လီၤ. ၦၤကညီဘျၢထံခဝ့ၡၢၣ်ခိၣ်နၢ် ဒီးကီၢ်အဂၤခိၣ်နၢ်တဖၣ်ဟဲဒီး ဟ့ၣ်ဂံၢ်ဟ့ၣ်ဘါစ့ၢ်ကီး ကီၢ် တၢ်ရဲၣ်တၢ်ကျဲၤတဘျီအံၤန့ၣ်လီၤ. (၈.၃. ၂ဝ၂၄)နံၣ်ဟါ (၃းဝဝ)နၣ်ရံၣ် ဟ့ၣ်လီၤစ့ၢ်ကီးလံ၁်အုၣ်သးဆူ ၦၤလၢအမၤလိလံ၁်စီဆှံခီဖျိတၢ်ကွဲး(၁၁)ဂၤဒီး ဟံးန့ၢ် လံ၁်အုၣ်သး(၉)ဂၤန့ၣ်လီၤ. ဒ်န့ၣ်အသိး အိၣ်စ့ၢ်ကီးဒီး တၢ်မၤလၤကပီၤ ၦၤလၢအဒိးန့ၢ်ဘၣ် (Doctor of Ministry)တၢ်မၤလိလၢ အမ့ၢ်သရၣ်မုၣ် အ့အ့မၠဲၣ်န့ၣ်လီၤ. စံးဘျုးဘၣ် ၦၤကညီဘျၢထံ ခဝ့ၡၢၣ်ခိၣ်နၢ်ဒီး ကီၢ်အဂုၤအဂၤခိၣ်နၢ်ကိးဂၤလၢ ဟဲဒီးဟ့ၣ်ဂံၢ်ဟ့ၣ်ဘါ မၤလၤကပီၤသကိးယွၤခီဖျိ တၢ်ကတိၤ ဆၢဂ့ၤဆၢဝါမ့ၢ်ဂ့ၤႇ တၢ်ဟ့ၣ်ခီဟ့ၣ်နီၤ ယွၤအကလုၢ်ကထါတဖၣ်မ့ၢ်ဂ့ၤႇ ဒီးတၢ်ထုကဖၣ်အဃိမ့ၢ်ဂ့ၤန့ၣ်လီၤ.

2 months ago Read News
The Myaungmya Sgaw Karen Baptist Association

ကီၢ်မၠီမၠးကမျၢၢ်ခၢၣ်စးတၢ်အိၣ်ဖှိၣ်(၂)ဘျီတဘျီ

ကီၢ်မၠီမၠးကမျၢၢ်ခၢၣ်စးတၢ်အိၣ်ဖှိၣ်(၂)ဘျီတဘျီ ဘၣ်တၢ်တူၢ်လိ၁်မၤအီၤဖဲ(၁၆-၁၇.၃.၂ဝ၂၄) တၢ်လီၢ်မ့ၢ်ဝဲ စခါကၠိခရံ၁်တၢ်အိၣ်ဖှိၣ်ႇ ကဝီၤခံန့ၣ်လီၤ. တနံၣ်အံၤတၢ်တိ၁်ထူမ့ၢ်ဝဲ "လဲၤလၢညါတုၤလၢတၢ်လၢတၢ်ၦဲၤ" ဧ့ၤ ၆း၁၂ႇ အ့း ၃း၁၉. ဖဲ ၁၆သီအနံၤအိၣ်ဒီးတၢ်မၤဝံၤက့ၤကီၢ်တၢ်ဖံးတၢ်မၤဘၣ်တၢ်စးထီၣ်အီၤလၢ တၢ်ဘူၣ်တၢ်ဘါဒီး ၦၤဟ့ၣ်တၢ်ကစီၣ်မ့ၢ်ဝဲ ဖုသရၣ်ဒိၣ်ကဲလဲးစ်န့ၣ်လီၤ. ၁၇သီအိၣ်ဘှံးနံၤဂီၤတၢ်ဘါ သရၣ်သမါကရၢဟံးန့ၢ်မူဒါဒီး ၦၤပၢၤလီၢ်ဆ့ၣ်နီၤမ့ၢ် သရၣ်ဒိၣ်ဆၣ်အဲၣ်ဆိႇ တၢ်ကစီၣ်လၢ ဖုသရၣ်ဒိၣ်ကွၢ်လၢ်န့ၣ်လီၤ. မုၢ်ဆါတၢ်ဘါကတီၢ် ၦၤပၢၤလီၢ်ဆ့ၣ်နီၤမ့ၢ် သရၣ်ဒိၣ်ဘၤနါဘၤဆၢ(ကီၢ်ခိၣ်), တၢ်ကစီၣ်မ့ၢ် ခဝ့ၡၢၣ်နဲၣ်ရွဲၣ်ခိၣ်ကျၢၤ သရၣ်ဒိၣ်ယွၤဒုးမူန့ၣ်လီၤ. ဟါကတီၢ်အိၣ်ဒီးတၢ်ပ၁်စီဆှံသးတၢ်ဘါ ၦၤပၢၤလီၢ်ဆ့ၣ်နီၤမ့ၢ် ကီၢ်ဝဲၤဒၢးခိၣ် သရၣ်မီၣ်ၦဲၤႇ တၢ်ကစီၣ်လၢ သရၣ်မ့စိန့ၣ်လီၤ. တနံၣ်အံၤၦၤဟဲကမျၢၢ်ခၢ၁်စးတၢ်အိၣ်ဖှိၣ်ဒီၤၦၤဆဲးလီၤမံၤအိၣ်ဝဲ (၁၃၇) ဂၤန့ၣ်လီၤ.စံးဘျုးဘၣ်စခါကၠံခရံ၁်တၢ်အိၣ်ဖှိၣ်လၢ အတူၢ်လိ၁်န့ၢ်ၦၤ ကီၢ်ကမျၢၢ်ခၢၣ်စးတၢ်အိၣ်ဖှိၣ်တဘျီအံၤစ့ၢ်ကီးန့ၣ်လီၤ.
 

2 months ago Read News
The Hpa-an Mawlamyaing Karen Baptist Association

ကီၢ်ဖၣ်အၣ်-မီၣ်လမၠဲၣ် ကမျၢၢ်ခၢၣ်စးတၢ်အိၣ်ဖှိၣ်

ကီၢ်အတၢ်တိ၁်ထူမ့ၢ်ဝဲ "ဟံးဃ၁်ဂၢၢ်ကျၢၤတၢ်မၤဘျၢထံခရံ၁်ဖိမံးၡၢၣ်" ဒီးပမၤဘၣ်ကမျၢၢ်ခၢ၁်စးတၢ်အိၣ်ဖှိၣ်ဖဲ ကီၢ်လံ၁်စီဆှံကၠိႇ တၢ်သ့ၣ်နီၣ်ဖုရိဘျီၣ်ရိဖှိၣ်အပူၤႇ ဝ့ၢ်တၢ်ကြဲၢ်န့ၣ်လီၤ. တၢ်အိၣ်ဖှိၣ်စးထီၣ်ဖဲ (၁၄.၂.၂ဝ၂၄)သီ ဟါ(၅းဝဝ)နၣ်ရံၣ် ဒီးတၢ်ဘါကတီၢ်ၦၤပၢၤလီၤဆ့ၣ်နီၤမ့ၢ်ဝဲ သရၣ်ဒိၣ်စိလၢၢ်(ကီၢ်ၦၤပၢၤလီၢ်ဆ့ၣ်နီၤ) ဒီးတၢ်ကစီၣ်မ့ၢ် သရၣ်ဒိၣ်ဆၣ်ကဲၤကျိၣ်(ကီၢ်ၦၤဟ့ၣ်ကူၣ်တၢ်) ဒီးတၢ်ထုကဖၣ်အလၢအၦဲၤလၢ သရၣ်ဒိၣ်နိအၤဘၠူ(ထံဖးဒိၣ်ထၣ်)န့ၣ်လီၤ. တၢ်ဘါဝံၤပိ၁်ထွဲထီၣ်အခံဒီး တၢ်မၤလၤကပီၤက့ၤခိၣ်နၢ်(၅)ဂၤလၢ အအိၣ်ဘှံးက့ၤလၢမူဒါဒီးလီၢ်လၤလၢ တၢ်မၤအဝီဝံၤဝဲ သ့ၣ်တဖၣ်ဒ်လ၁်အံၤအသိးန့ၣ်လီၤ.
၁. သရၣ်ဒိၣ်အဲၣ်မှံၤ (ကီၢ်နဲၣ်ရွဲၣ်ႇ ၂ဝဝ၈-၂ဝ၂၂) နံၣ်
၂. သရၣ်မုၣ်ပံၤနူ (ကီၢ်ပိ၁်မုၣ်ကရၢနဲၣ်ရွဲၣ်ႇ ၂ဝ၁ဝ-၂ဝ၂၂) နံၣ်
၃. သရၣ်မုၣ်ဖီဒံနၣ် (ကီၢ်ခရံ၁်ဖိတၢ်ကူၣ်ဘၣ်ကူၣ်သ့ဝဲၤကျိၤၦၤနဲၣ်တၢ်ႇ ၂ဝ၁၃-၂ဝ၂၂) နံၣ်
၄. သရၣ်ကၠိစဲးတ့ၣ် (ကီၢ်တၢ်သးခုကစီၣ်ဒီးမံးၡၢၣ်ဝဲၤကျိၤၦၤနဲၣ်တၢ်ႇ ၂ဝဝ၈-၂ဝ၂၂) နံၣ်
၅. သရၣ်မုၣ်အဲၣ်ဝါဖီ (ကီၢ် CSSDD ၦၤနဲၣ်တၢ်ႇ ၂ဝ၁၇-၂ဝ၂၂) နံၣ်
ကီၢ်ကမျၢၢ်ခၢၣ်စးတၢ်အိၣ်ဖှိၣ်တဘျီအံၤ ၦၤဆဲးလီၤမံၤခဲလၢ၁်အိၣ်ဝဲ (၁၇၇) ဂၤန့ၣ်လီၤ. စံးဘျုးဘၣ်က့ၤကစၢ်ယွၤဒီး ခိၣ်နၢ်သရၣ်သမါႇ ကီၢ်ဖိကီၢ်လံၤလီၢ်ဘူလီၢ်ယံၤခဲလၢ၁်လၢ တၢ်တုၤအိၣ်ဒီးမူသကိးတၢ်အဂ့ၤကတၢၢ်န့ၣ်လီၤ. မ်ယွၤတၢ်ဆိၣ်ဂ့ၤကလီၤဘၣ်လၢအၦၤဂီၢ်မုၢ်ခဲလၢ၁်အလိၤန့ၣ်တက့ၢ်.

3 months ago Read News
The Hpa-an Mawlamyaing Karen Baptist Association

ကီၢ်ဖၣ်အၣ်-မီၣ်လမၠဲၣ် , လံ၁်စီဆှံကၠိပျၢ်

(၂ဝ၂၃-၂ဝ၂၄)တၢ်မၤလိနံၣ်ဖျိကၠိမီထိၣ်မ့ၢ်ဝဲ "မၤစၢ်လီၤနနီၣ်တၢ်တဂ့ၤ" ဒီးၦၤဖျိထီၣ်ကၠိခဲလၢ၁်အိၣ်ဝဲ(၃ဝ)ဂၤန့ၣ် လီၤ. မၤဝံၤဘၣ်က့ၤတၢ်ပျၢ်ကၠိတၢ်ဘူၣ်တၢ်ဘါအတၢ်ရဲၣ်တၢ်ကျဲၤဖဲ(၁၄.၂.၂ဝ၂၄)သီအနံၤဂီၤ(၁ဝးဝဝ)နၣ်ရံၣ်ဒီး စံးဘျုး ဘၣ်က့ၤ သရၣ်မုၣ်ဒိၣ်ဒီးကထၢၣ်ထူထူ(ပဘယဖ)ဒီး သရၣ်မုၣ်ဒီးကထၢၣ်အဲၣ်တၢ်ဂ့ၤ(MIT)သ့ၣ်တဖၣ်လၢဟဲတုၤဒီး ဟ့ၣ်ဂံၢ်ဟ့ၣ်ဘါဖျိကၠိၦၤမၤသကိးတၢ်ႇ တၢ်ပျၢ်ကၠိအတၢ်ရဲၣ်တၢ်ကျဲၤဃု၁်ဒီး ကီၢ်ဖိကီၢ်လံၤကၠိဖိမိၢ်ပၢ်သရၣ်သမါသ့ၣ်တဖၣ် လၢဟဲတုၤအိၣ်ၦၤဒီး ဟ့ၣ်ဂံၢ်ဟ့ၣ်ဘါၦၤလၢ တၢ်ကီတၢ်ခဲႇ တၢ်ဃံးတၢ်စ့ၤအပူၤအံၤဒၣ်လဲ၁်န့ၣ်လီၤ.

3 months ago Read News
The Toungoo Paku Karen Baptist Association

ပကူဘျၢထံလံ၁်စီဆှံကၠိပျၢ်တၢ်ရဲၣ်တၢ်ကျဲၤ

ကီၢ်တီအူပကူဘျၢထံလံ၁်စီဆှံကၠိအိၣ်ဒီး တၢ်ဟ့ၣ်လီၤဖျိကၠိတဖၣ်လံ၁်အုၣ်သး(၄၃)ဘျီတဘျီ တၢ်ရဲၣ်တၢ်ကျဲၤဖဲ လါဖ့ၤဘြူၤအါရံၤ ၂၈သီႇ ၂ဝ၂၄အနံၤဖဲ ပကူဝ့ၢ်တၢ်အိၣ်ဖှီၣ်တၢ်ဘါယွၤသရိ၁်န့ၣ်လီၤ.
တၢ်ရဲၣ်တၢ်ကျဲၤတဘျီအံၤ ၦၤပၢၤလီၢ်ဆ့ၣ်နီၤမ့ၢ်ဝဲ-သရၣ်မုၣ်ဒီးကထၢၣ်ဒိဒိၣ်ထူ(ကၠိခိၣ်စၢၤ) ၦၤသိၣ်လီၤဖျိကၠိလၢ သရၣ်မုၣ်မူမုၢ်ဝါ(ယွၤဂ့ၤပီညါဝဲၤကျိၤ? ၦၤနဲၣ်တၢ်) ဒီး တၢ်ထုကဖၣ်လၢဖျိကၠိအဂီၢ်လၢ သရၣ်မုၣ်ဂ့ၤဂ့ၤထူ(တၢ်ဘၣ်ထွဲတုၤအိၣ်လိ၁်သးဝဲၤကျိၤ? ၦၤနဲၣ်တၢ်) တၢ်ကတိၤစံးဘျုးလၢ သရၣ်မုၣ်အမတ့ၢ်ထူ(ကၠိခိၣ်) ဒီး တၢ်ဆိၣ်ဂ့ၤပျၢ်တၢ်လၢ သရၣ်ဒိၣ်ဒီးကထၢၣ်နံၤဒိၣ်ထူ(နဲၣ်ရွဲၣ်) န့ၣ်လီၤ. အိၣ်စ့ၢ်ကီးဒီးတၢ်မၤလၤကပီၤ ကၠိဖိလီၢ်လံၤမၤတ့ၢ်တၢ်သးခုကစီၣ်ၦဲၤထီၣ်အနံၣ်(၄ဝ)ဒီး(၂၅)နံၣ်သ့ၣ်တဖၣ်လီၤ. တၢ်ကတိၤသဆၣ်ထီၣ်တၢ်မၤဘူၣ်လၢ သရၣ်ဒိၣ်သးဝါစ့ၣ် န့ၣ်လီၤ. ဖျိကၠိခဲလၢ၁်အိၣ်ဝဲ(၄ဝ)ဂၤန့ၣ်လီၤ.

3 months ago Read News
Ministers' Department

တၢ်ပ၁်စု သရၣ်ကၠိစဲးခ့ဒီး သရၣ်စၢ်ဟ့ၣ်ဂ့ၤ တၢ်ရဲၣ်တၢ်ကျဲၤ

 ဖဲ ၂၅.၂.၂ဝ၂၄ နံၤႇ ဂီၤ ၁ဝးဝဝနၣ်ရံၣ်အိၣ်ဒီး တၢ်ဟ့ၣ်တၢ်ဒိးပ၁်စုဆူ သရၣ်ကၠိစဲးခ့ဒီး သရၣ်စၢ်ဟ့ၣ်ဂ့ၤ အတၢ်ရဲၣ်တၢ်ကျဲၤန့ၣ်လီၤ. တၢ်လီၢ်တၢ်ကျဲမ့ၢ်ဖဲ ကီကီ၁်လူၢ်ခရံ၁်တၢ်အိၣ်ဖှိၣ်ႇ ငပူးတီကဝီၤႇ ကီၢ်ပသံၣ်မၠီမၠးန့ၣ်လီၤ. တၢ်ပ၁်စုတဘျီအံၤၦၤပၢၤလီၢ်ဆ့ၣ်နီၤမ့ၢ် သရၣ်ဒိၣ်ဟါကူးႇ တၢ်ကစီၣ်မ့ၢ် သရၣ်ဒိၣ်ယွၤဒုးမူ(ခဝ့ၡၢၣ်နဲၣ်ရွဲၣ်) ပ၁်စုအတၢ်ထုကဖၣ်မ့ၢ် သရၣ်ဒိၣ်ဟူဆၢ ဒီး တၢ်တဲဖျါဆ့ကၤဒိၣ်ဒီး ကိ၁်လံ၁်အဂ့ၢ် တဘျီဃီဒုးလံ၁်ထီၣ်မ့ၢ် သရၣ်ဒိၣ်ထူဝါ(ယွၣ်သ့း) န့ၣ်လီၤ. တၢ်သိၣ်လီၤသရၣ်ပ၁်စုအသီမ့ၢ် သရၣ်ဒိၣ်ထ့ခၠံး(မၢပၣ်ကမါ) တၢ်သိၣ်လီၤတၢ်အိၣ်ဖှိၣ်မ့ၢ် သရၣ်ဒိၣ်ဝ့နၢၣ်(ထီတထူၣ်) တၢ်ထုကဖၣ်ကျၢၢ်တံၢ်မ့ၢ် သရၣ်ဒိၣ်ဘ့လ့ၣ် န့ၣ်လီၤ.

3 months ago Read News
Care and Counseling Department

တၢ်ကွဲးန့ၢ်ဝဲၤကျိၤကျဲကူၣ်နၢၤ လၢတၢ်ကဟုကယ၁်ဒီးတၢ်ကူၣ်လိ၁်တၢ်ဝဲၤကျိၤ

တၢ်ကွဲးန့ၢ်ဝဲၤကျိၤကျဲကူၣ်နၢၤအတၢ်ရဲၣ်တၢ်ကျဲၤန့ၣ်လီၤ. တၢ်ရဲၣ်တၢ်ကျဲၤအံၤပမၤအီၤ (၃) သီႇ ဖဲ (၇-၉.၂.၂ဝ၂၄) အနံၤန့ၣ်လီၤ. ၦၤဟဲထီၣ် တၢ်ရဲၣ်တၢ်ကျဲၤတဘျီအံၤ မ့ၢ်ၦၤကညီဘျၢထံခဝ့ၡၢၣ်အိၣ်မူ အိၣ်ဒါတဖၣ်ႇ ဝဲၤကျိၤကမံးတံ၁်ဖိလၢခဝ့ၡၢၣ်ပၢဆှၢတၢ်ကမံးတံ၁်န့ၢ်တဖၣ်ႇ ကီၢ်ၦၤနဲၣ်တၢ်တဖၣ်ႇ ကီၢ်ခၢၣ်စးတဖၣ်ႇ ဒီးဝဲၤကျိၤၦၤမၤသကိးတၢ်တဖၣ်န့ၣ်လီၤ. ၦၤဟဲထီၣ်ခဲလၢ၁်အိၣ်ဝဲ (၂၉) ဂၤန့ၣ်လီၤ. တၢ်ရဲၣ်တၢ်ကျဲၤအံၤ ၦၤတီခိၣ် ရိၣ်မဲမ့ၢ်ဝဲ သရၣ်ဒိၣ်ကထၢၣ်ယံၤအ့လး (ဝဲၤကျိၤၦၤပၢၤလီၢ်ဆ့ၣ်နီၤ) န့ၣ်လီၤ.

3 months ago Read News
Care and Counseling Department

တၢ်ကဟုကယ၁်ဖိၣ်ဃဲတၢ်ဖံးတၢ်မၤ

ဖဲ (၃ဝ.၁.၂ဝ၂၄) အနံၤ ခၠံးမၠ့းတၣ်တၢ်ကဟုကယ၁်ဖိသၣ်အိၣ်ဆိးလီၢ် အိၣ်ဒီးတၢ်စံးဘျုးစံးဖှိၣ်တၢ်ရဲၣ်တၢ် ကျဲၤဖဲတီအူဝ့ၢ် ခီဖျိတၢ်သုးက့ၤတၢ်အိၣ်တၢ်ဆိးလီၢ်လၢတၢ်လီၢ်အသီ ဖဲအ့ဝဲန့ၣ်လီၤ. တၢ်ရဲၣ်တၢ်ကျဲၤတဘျီအံၤ ၦၤနဲၣ်တၢ် ဒီးတၢ်ရဲၣ်တၢ်ကျဲၤမူဒါခိၣ် လဲၤဒီးဘူၣ်သကိးဘါသကိးတၢ် ဒီး ထံၣ်လိ၁်သးဒီး ဖိသၣ်တဖၣ်န့ၣ်လီၤ. တဘျီဃီ ကၠိလၢ ဘၣ်သုးလီၢ်သုးကျဲလၢ တီအူဝ့ၢ် ဒ်အမ့ၢ် ဖုသူသူဖုရှ့သး တၢ်ကဟုကယ၁်ဖိသၣ်အိၣ်ဆိးလီၢ်ဖိသၣ် ဒီးထံမူထီၣ်ပၢၢ်တၢ်ကဟုကယ၁်ဖိသၣ်အိၣ်ဆိးလီၢ်ဖိသၣ်တဖၣ် ဟဲဒီးဘူၣ်သကိးတၢ်န့ၣ်လီၤ. တၢ်ဘူၣ်သကိးဘါ သကိးတၢ်ဝံၤဒီး အိၣ်ဒီးတၢ်ထံၣ်လိ၁်သကိးသး ဒီးတၢ်ကတိၤသကိးတၢ်ဒီး ဖိသၣ်တဖၣ်န့ၣ်လီၤ.

3 months ago Read News
Communication Department

တၢ်မၤလိသ့တၢ်တ့ နိးအပတီၢ်(၁)အတၢ်မၤလိ

ၦၤကညီဘျၢထံခဝ့ၡၢၣ်ႇ တၢ်ဘၣ်ထွဲတုၤအိၣ်လိ၁်သးဝဲၤကျိၤအိၣ်ဒီးတၢ်အိးထီၣ် တၢ်မၤလိသ့တၢ်တ့ နိးအပတီၢ်(၁)အတၢ်မၤလိအံၤ ဘၣ်တၢ်စးထီၣ်အီၤဖဲ ၂.၂.၂ဝ၂၄ အနံၤန့ၣ်လီၤ. တၢ်အိးထီၣ်တၢ်ရဲၣ်တၢ်ကျဲၤကတီၢ်ၦၤပၢၤလီၢ်ဆ့ၣ်နီၤမ့ၢ်-သရၣ်မုၣ်ဂ့ၤဂ့ၤထူ(တၢ်ဘၣ်ထွဲတုၤအိၣ်လိ၁်သးဝဲၤကျိၤႇၦၤနဲၣ်တၢ်)ႇ တၢ်ဟ့ၣ်ဂံၢ်ဟ့ၣ်ဘါ-သရၣ်မုၣ်ဒီးကထၢၣ်လ့ထူ(နဲၣ်ရွဲၣ်သဃဲၤႇတၢ်ပၢတၢ်ဆှၢ)ႇ တၢ်ထုကဖၣ်လၢခံ-သရၣ်ဖျါဆဲး(ကီၢ်ပၠံၣ်သၣ်ယၣ်ဝတံၣ်)န့ၣ်လီၤ. တၢ်မၤလိအံၤမ့ၢ်ဒၣ်လၢခဝ့ၡၢၣ်ဖိလံၤႇ ကီၢ်အဘ့ၣ်(၂ဝ)အဂီၢ်န့ၣ်လီၤ. ၦၤထီၣ်တၢ်မၤလိတဖၣ်လၢကီၢ်ခၢၣ်စးဒီးခဝ့ၡၢၣ်ဝဲၤလီၢ်တဖၣ်ခဲလၢ၁်အိၣ်ဝဲ (၂၂)ဂၤန့ၣ်လီၤ. ပှၤလၢအဟ့ၣ်ခီဟ့ၣ်နီၤတၢ်သိၣ်လိမ့ၢ်-သရၣ်ထံၣ်န့ၢ်မူ(ကီၢ်တကူၣ်)န့ၣ်လီၤ.

4 months ago Read News

The Latest Photos

Basic Training of Audio Recording

Basic Training of Audio Recording

2024-06-06

Bwe News

Bwe News

2024-04-11

ကီၢ်ပသံၣ်မၠီမၠး တၢ်ကစီၣ် 2024

ကီၢ်ပသံၣ်မၠီမၠး  တၢ်ကစီၣ် 2024

2024-04-09

Bago-Yangon Association News 2024

Bago-Yangon Association News 2024

2024-04-09

The Latest Video

Learning Sgaw Karen Alphabet with Song

The Latest Audios

ခဝ့ရှၢၣ်မီထိၣ် ‘‘ဃုာ်ဒီးခရံာ်ဆူတၢ်မၤနၢၤ‘‘ တၢ်ဒ့

2022-06-29

Par Doh Ywah

2022-06-20

© 2024 by Karen Baptist Convention. All Rights Reserved.
Developed by STUDIOnine5