Karen Baptist Convention

ကီၢ်ပၠံၣ်-သၣ်ယၣ်ဝတံၣ် ၦၤကညီဘျၢထံခရံာ်ဖိတၢ်အိၣ်ဖှိၣ်သကိးတၢ်အိၣ်ဖှိၣ် ကမျၢၢ်ချၢၣ်စးတၢ်အိၣ်ဖှိၣ်
တၢ်အိၣ်ဖှိၣ်အံၤ ဘၣ်တၢ်မၤအီၤဖဲ(၂ဝ၂၂)နံၣ်လါ အ့ဖြ့ၣ်(၁၉-၂ဝ)သီႇ ဖဲအဲယွၣ်ကညီဘျၢထံ တၢ်အိၣ်ဖှိၣ်န့ၣ်လီၤ. လၢခံသီအတီၢ်ပူၤ မၤဝံၤဘၣ်က့ၤ ကီၢ်တၢ်ဖံးတၢ်မၤတဖၣ်န့ၣ်လီၤ. 
လၢ(၂ဝ၂၂-၂ဝ၂၅)နံၣ်အဂီၢ် ဃုထၢထီၣ်ခိၣ်နၢ်တဖၣ် ဒ်လာ်အံၤအသိးန့ၣ်လီၤ. သရၣ်ဒိၣ်လါဖိ(ကီၢ်ခိၣ်), သရၣ်ဒိၣ်ဆၣ်စ့ထူ(ကီၢ်ခိၣ်စၢၤ), သရၣ်ဒိၣ်ခ့ရ့ၣ်(ကီၢ်နဲၣ်ရွဲၣ်), သရၣ်ဒိၣ်ခ့ၣ်မီၣ်ထိ(ကီၢ်နဲၣ်ရွဲၣ်သဃဲၤ), 
သရၣ်မုၣ်ခရံးစတံထူ(ကီၢ်ၦၤပၢၤစ့), သရၣ်မုၣ်ဖၠူၣ်ဖၠူၣ်ဝ့(ကီၢ်ဝဲၤဒၢးခိၣ်), သရၣ်မုၣ်ဒိၣ်အဲလ့ၣ်ဖီ(ကီၢ်လံာ်စီဆှံကၠိခိၣ်), သရၣ်ဘဲန့ၢ်မၠးဒီး သရၣ်ဝ့မၠ့း(ကီၢ်ၦၤသမံသမိးစ့ဒီးစ့စရီ),
သရၣ်မုၣ်ဝါဝါဖီ(ကီၢ်ပိာ်မုၣ်ဝဲၤကျိၤၦၤနဲၣ်တၢ်), သရၣ်ဖျါဆဲး(ကီၢ်ပိာ်ခွါဝဲၤကျိၤၦၤနဲၣ်တၢ်), သရၣ်သးဒူ(ကီၢ်ခရံာ်ဖိတၢ်မၤဂ့ၤ မၤစၢၤ ဒီးတၢ်ဂုၤထီၣ်ပသီထီၣ်ဝဲၤကျိၤ ၦၤနဲၣ်တၢ်), 
သရၣ်အဲၣ်ဆၣ်(ကီၢ်တၢ်သးခုကစီၣ်ဒီးမံးၡၢၣ်ဝဲၤကျိၤ ၦၤနဲၣ်တၢ်), သရၣ်မုၣ်ဖီဖီဆၢ(ကီၢ်ခရံာ်ဖိတၢ်ကူၣ်ဘၣ်ကူၣ်သ့ဝဲၤကျိၤ ၦၤနဲၣ်တၢ်), 
သရၣ်မုၣ်ဒိၣ်တ့ၣ်မ့ၣ်ဖၠူၣ်(ကီၢ်တၢ်ကတဲာ်ကတီၤဒီး ဒုးဒိၣ်ထီၣ်ထီထီၣ်ခိၣ်နၢ်ဝဲၤကျိၤ ၦၤနဲၣ်တၢ်), သရၣ်ဒိၣ်သဲးစ့(ကီၢ်လံာ်လဲၢ်ဒီး တၢ်ဆဲးတၢ်လၤဝဲၤကျိၤၦၤနဲၣ်တၢ်လၢ ၂ဝ၂၂-၂ဝ၂၃နံၣ်), 
သရၣ်မုၣ်စၢ်ဘျုးအဲၣ်ဖိ(ကီၢ်လံာ်လဲၢ်ဒီး တၢ်ဆဲးတၢ်လၤဝဲၤကျိၤ ၦၤနဲၣ်တၢ်စၢၤ ၂ဝ၂၃နံၣ်ဒီးဆူညါ), သရၣ်ဘျုးမူတီ(ကီၢ်ကျဲးစၢးကရၢနဲၣ်ရွဲၣ်), သရၣ်မိစဲးဝ့(ကီၢ်သရၣ်သမါကရၢနဲၣ်ရွဲၣ်)န့ၣ်လီၤ.
ဖဲကမျၢၢ်ခၢၣ်စးတၢ်အိၣ်ဖှိၣ်တဘျီအံၤ ပှၤကညီဘျၢထံခဝ့ၡၢၣ်ခၢၣ်စးသရၣ်မုၣ်ဒီးကထၢၣ်လ့ထူ(ခဝ့ၡၢၣ်နဲၣ်ရွဲၣ်သဃဲၤ) ဟဲဒီးဟ့ၣ်ကူၣ်ဟ့ၣ်ဖးဒီး ဟ့ၣ်တၢ်ကစီၣ်ဖဲ တၢ်ပာ်စီဆှံတၢ်ဘါအကတီၢ်စ့ၢ်ကီးလီၤ. 
တၢ်အိၣ်ဖှိၣ်တဘျီအံၤၦၤဆဲးလီၤ မံၤအိၣ်ဝဲ(၈၈)ဂၤန့ၣ်လီၤ.

ကီၢ်ဖၣ်အၣ်-မီၣ်လမၠဲၣ်
ယွၤမၤတၢ်လီၤလိၢ်လီၤလးလၢ ကီၢ်ဖၣ်အၣ်-မီၣ်လမၠဲၣ်ကညီဘျၢထံခရံာ်ဖိတၢ်အိၣ်ဖှိၣ်သကိးတၢ်အိၣ်လၢပာ်စီဆှံ တၢ်သူၣ်ထီၣ်ကီၢ်ဝဲၤလီၢ်လၢ တၢ်ရဲၣ်တၢ်ကျဲၤ(၇.၄.၂ဝ၂၂)နံၤန့ၣ်လီၤ. တၢ်ရဲၣ်တၢ်ကျဲၤအခီၣ်ထံး တၢတပတီၢ်ဘၣ်တၢ်မၤ အီၤလၢ တၢ်သူၣ်ထီၣ်အချၢန့ၣ်လီၤ. ၦၤပၢၤလီၢ်ဆ့ၣ်နီၤ သရၣ်ဒိၣ်မၠ့းလွ့ၣ်(ကီၢ်ၦၤပၢၤလီၢ်ဆ့ၣ်နီၤ), တၢ်ဖးလံာ်စီဆှံဒီး အိးထီၣ် တၢ်ဘါ သရၣ်မုၣ်အဲၣ်ဒါဖီ (CSSDD) ၦၤနဲၣ်တၢ်ႇ ဖးလံာ်စီဆှံဒီးကိးထီၣ်ထါသးဝံၣ်လၢ သရၣ်ဒိၣ်စဲမယၢၢ်စီ(ဖၣ်အၣ်ကဝီၤ နဲၣ်ရွဲၣ်), ၦၤဟ့ၣ်တၢ်ကစီၣ် သရၣ်ဒိၣ်အဲမၢၣ်ႇ တၢ်ထုကဖၣ်လၢ သရၣ်ဒိၣ်မူဖျၢၣ်ထူ(တၢ်ဘၣ်ထဲတွုၤအိၣ်လိာ်သးဝဲၤကျိၤ ၦၤနဲၣ်တၢ်ႇ ၦၤကညီဘျၢထံခဝ့ၡၢၣ်), တၢ်တံာ်တဲာ်သတိၢ်ပျံၤ-(၁)သရၣ်ဒိၣ်အဲၣ်မှံၤ(ကီၢ်ခၢၣ်စး), (၂)သရၣ်မုၣ်ပံၤနူ(ကရၢကီၢ်ခၢၣ်စး), (၃)သရၣ်ဒိၣ်ဝ့နၢၣ်(ကဝီၤခၢၣ်စး),ဒီးလၢတၢ်တံာ်တဲာ်သတိၢ်ပျံၤအဂီၢ် ၦၤလၢအဟ့ၣ်တၢ် ကလုၢ်မ့ၢ်ဝဲ သရၣ်ဒိၣ်လူရွှ့ၣ်(ကီၢ်ၦၤဟ့ၣ်ကူၣ်တၢ်), တၢ်အိးထီၣ်လံာ်မဲာ်ဒီဖျါလၢ သရၣ်ဒိၣ်ယွၤဒုးမူ(ၦၤကညီဘျၢထံခဝ့ၡၢၣ်နဲၣ်ရွဲၣ်), တၢ်အိးထီၣ်နီၣ်ဝံာ်ခံ သးၦၢ်ကၠီၤစ့ၤထိ (Dawn Vigour Company),အိၣ်စ့ၢ်ကီးဒီးတၢ်သးဝံၣ်စံးထီၣ်ပတြၢၤယွၤလၢ မိၢ်တၢ်ကြဲၢ်တၢ်အိၣ်ဖှိၣ်ႇ ပံၢ်တခးတၢ်အိၣ်ဖှိၣ်ႇ မိကိၢ်တၢ်အိၣ်ဖှိၣ်တဖၣ် န့ၣ်လီၤ.
တၢ်ပာ်စီဆှံတၢ်ဘါတၢ်ရဲၣ်တၢ်ကျဲၤလၢ တၢ်သူၣ်ထီၣ်အပူၤကတီၢ်ႇ ၦၤပၢၤလီၢ်ဆ့ၣ်နီၣ်မ့ၢ်ဝဲ သရၣ်ဒိၣ်စိလၢၢ်(ကီၢ်ၦၤပၢၤလီၢ်ဆ့ၣ်နီၤ), ၦၤထုကဖၣ်အိးထီၣ်မ့ၢ်ဝဲ သရၣ်ဒိၣ်ဆၣ်ထူဖီႇ ၦၤတဲဖျါထီၣ်ကီၢ်ဝဲၤလီၢ်သီ တၢ်သူၣ်ထီၣ်အဂ့ၢ်လၢ သရၣ်ဒိၣ်အဲၣ်မှံၤ(ကီၢ်နဲၣ်ရွဲၣ်), ၦၤပာ်ဖျါတၢ်လၢာ်ဘူၣ်လၢာ်စ့ၤ စ့စရီလၢ သးၦၢ်ဖိစကွဲၢ်(ကီၢ်ဝဲၤလီၢ် ၦၤပၢၤစ့), တၢ်ဖးခီဆၢလံာ်စီဆှံ သရၣ်မၠိထိႇ တၢ်စံးဘျုးဒီး တၢ်ဟ့ၣ်ခီဟ့ၣ်နီၤက့ၤတၢ်သူၣ်ထီၣ်လၢ(Dawn Vigour Company), ဖးလံာ်စီဆှံလၢတၢ်ကစီၣ် သရၣ်မုၣ်ရ့ဒိၣ်ထူ(ကီၢ်ခ. တၦၤနဲၣ်တၢ်သဃဲၤ), တၢ်ကိးထီၣ်ထါသးဝံၣ် သရၣ်အဲၣ်ခူသူၣ်ႇ တၢ်စံၣ်တဲၤတဲလီၤ သရၣ်ဒိၣ်ဒီးကထၢၣ်ကၠ့မ်ခ့ၣ်ဘါ(ကီၢ်ၦၤဟ့ၣ်ကူၣ်တၢ်), လုၢ်ထီၣ်တၢ်ဟ့ၣ်ကနၢၤ သရၣ်ဒိၣ်လူၤကၣ်ႇ တၢ်ဖးခီဆၢတၢ်လုၢ်ထီၣ်ကီၢ်ဝဲၤလီၢ်သီ သရၣ်စီၤဝါႇ တၢ်ဟ့ၣ်ဂံၢ်ဟ့ၣ်ဘါ သရၣ်ဒိၣ်ယွၤဒုးမူ(ခဝ့ၡၢၣ်နဲၣ်ရွဲၣ်), တၢ်ထုကဖၣ်လုၢ်ထီၣ်ကီၢ်ဝဲၤလီၢ်သီ သရၣ်ဒိၣ်အါစဲး(ကီၢ်ၦၤဟ့ၣ်ကူၣ်တၢ်), တၢ်ကတိၤစံးဘျုး သရၣ်လါမုၢ်(ကီၢ်နဲၣ်ရွဲၣ်သဃဲၤ), တၢ်ထုကဖၣ်လၢတၢ်အီၣ်အဂီၢ် သရၣ်ဒိၣ်ဆၢမှံၤႇ တၢ်သးဝံၣ်စံးထီၣ်ပတြၢၤယွၤလၢ မိၢ်တၢ်ကြဲၢ်တၢ်အိၣ်ဖှိၣ်ႇ မီကိၢ်တၢ်အိၣ်ဖှိၣ်ႇ ပံၢ်တခးတၢ်အိၣ်ဖှိၣ်တဖၣ် ဒီး တၢ်ဆိၣ်ဂ့ၤပျၢ်က့ၤတၢ်လၢ သရၣ်ဒိၣ်လးမီၣ်န့ၣ်လီၤ. တၢ်သူၣ်ထီၣ်အတၢ်လၢာ်ဘူၣ်လၢာ်စ့ၤ အိၣ်ဝဲဒၣ် အကလီၤခံကထိလွံၢ်ကယၤဘျဲၣ် ဒီး တၢ်လၢာ်အံၤ မ့ၢ်ဒၣ်လၢ ကီၢ်ဖိကီၢ်လံၤလၢ ထံလီၢ်ကီၢ်ပူၤမ့ၢ်ဂ့ၤႇ ထံဂုၤကီၢ်ဂၤမ့ၢ်ဂ့ၤ အတၢ်ဆီၣ်ထဲမွၤစၢၤအဃိန့ၣ်လီၤ.

တၢ်သးခုကစီၣ်ဒီး မံးၡၢၣ်ဝဲၤကျိၤ
တနံၣ်အံၤ ဖုသၣ်ဖၠူၣ်မုၢ်နံၤ ဘၣ်တၢ်မၤအီၤဖဲ လါမ့ၤ(၁၅)သီန့ၣ်လီၤ. ကိး နံၣ်ဒဲးဆှၢလီၤဘၣ်ခၢၣ်စးတဖၣ်မ့ၢ်တသ့ဘၣ်ဆၣ်တနံၣ်အံၤဆှၢလီၤဘၣ် ခၢၣ်စးခဲလၢာ် အိၣ်ဝဲ(၁၄၂)ဂၤ ဆူတၢ်အိၣ်ဖှိၣ်(၁၄ဝ)ဖုန့ၣ်လီၤ. ၂ဝ၂၂နံၣ် အံၤပထံပကီၢ်တၢ်အိၣ်သးတဖၣ် မ့ၢ်တဘၣ်လိာ်ဘၣ်စး သနာ်က့တၢ်သးခု ကစီၣ်ဒီးမံးၡၢၣ်ဝဲၤကျိၤ သုးကျဲၤမၤဝံၤဘၣ်က့ၤတၢ်ဟ့ၣ်လီၤ လံာ်အုၣ်သး တၢ်ရဲၣ်တၢ်ကျဲၤလၢ ၦၤမၤလိဝံၤတၢ်မၤလိလံာ်စီဆှံခီဖျိတၢ်ကွဲတဖၣ်အဂီၢ် န့ၣ်လီၤ.ဟ့ၣ်လီၤဘၣ်လံာ်အုၣ်သးခဲလၢာ်လၢပထံလီၢ်ကီၢ်ပူၤအိၣ်ဝဲ (၁၁၅)ဂၤဒီး မ့မ့ၢ်ထံကီၢ်အဂၤတဖၣ်န့ၣ် ဟ့ၣ်ဝံၤဘၣ်ထဲကီၢ်ခဲနဒၢ် တဘ့ၣ် ဒံး န့ၣ်လီၤ.

ကီၢ်တီအူပကူအတၢ်ကစီၣ်
ယွၤတၢ်ဆိၣ်ဂ့ၤအါကလီၤဘၣ်လၢ ယွၤအၦၤဂီၢ်မုၢ်လိၤထူးထူးတီၤတီၤတက့ၢ်. ၂ဝ၂၂နံၣ်ႇ ကီၢ်တီအူပကူတၢ်အိၣ် ဖှိၣ်ခဲလၢာ်အနီၣ်ဂံၢ်မ့ၢ်ဝဲ(၁၇၁)ဖှိၣ်ႇ ကဝီၤ(၄)ကဝီၤႇ ဝဲၤကျိၤအိၣ်ဝဲ(၁ဝ)ကျိၤန့ၣ်လီၤ. မ့မ့ၢ်ပိာ်ခွါႇ တၢ်ဒုးဒိၣ်ထီၣ်ခိၣ်နၢ်ဒီးတၢ် ကဟုကယာ်ဒီးတၢ်ကူၣ်လိာ်တၢ်န့ၣ်အိၣ် ဒီးခၢၣ်စးတဖၣ်လၢကမၤသကိးတၢ်န့ၣ်လီၤ. ခၢၣ်စးဆူၦၤကညီဘျၢထံခဝ့ၡၢၣ်တဖၣ် မ့ၢ်ဝဲ-သရၣ်ဒိၣ်ဒီးကထၢၣ်န့ၢ်ထိလ့ႇ တၢ်ဒုးဒိၣ်ထီၣ်ခိၣ်နၢ်-သရၣ်မုၣ်ကၠူနံထၣ် ဒီးတၢ်ကဟုကယာ်ဒီးတၢ်ကူၣ်လိၣ်တၢ်- သရၣ်ဒိၣ်စၢဒ့တဖၣ်န့ၣ်လီၤ.
တနံၣ်တဘျီကမျၢၢ်တၢ်အိၣ်ဖှိၣ် ဘၣ်တၢ်သုးကျဲၤမၤက့ၤအီၤဒ် ကမျၢၢ်ခၢၣ်စးတၢ်အိၣ်ဖှိၣ်ဖဲ(၂ဝ၂၂)နံၣ်ႇ လါမၢ်ၡး(၁၂ သီတုၤ ၁၃သီ)ႇ ကစၢၢ်ပူၤကဝီၤႇ ပဲၤကီၢ်ဒၢတၢ်အိၣ်ဖှိၣ်န့ၣ်လီၤ. မ့မ့ၢ်တနံၣ်တဘျီ သရၣ်သမါတၢ်မၤလိဘၣ် တၢ်သုးကျဲၤမၤက့ၤအီၤဖဲ အကဝီၤဒၣ်ဝဲစုာ်စုာ်န့ၣ်လီၤ.
တနံၣ်အံၤကစၢၢ်ချၢကဝီၤတၢ်အိၣ်ဖှိၣ်(၅)ဖှိၣ် ဒီးတၢ်မၢလီၢ်(၁)တီၤ ဘၣ်ကွၢ်ဆၢၣ်မဲာ်ဒီး တၢ်သုးလီၢ်သုးကျဲန့ၣ်လီၤ. လၢသးဒီဖျၢၣ်စံးဘျုးဘၣ်က့ၤ ၦၤသူၣ်အိၣ်သးအိၣ်တၢ်ကိးဂၤလၢ ပာ်ဖျါထီၣ်တၢ်အဲၣ်ဒီးဆီၣ်ထွဲမၤစၢၤၦၤလၢ တၢ်ဘၣ်ကွၢ်ဆၢၣ် မဲာ်တၢ်ကီတၢ်ခဲအဆၢကတီၢ်န့ၣ်လီၤ. ဆၢဂ့ၤဘၣ်က့ၤၦၤသူၣ်အိၣ်သးအိၣ်တၢ်ကိးဂၤလၢ ကမ့ၢ်ၦၤသ့ၣ်တဖၣ်လၢအဘၣ်ဘျုး အါလၢယွၤအမဲာ်ညါန့ၣ်လီၤ. သ့ၣ်နီၣ်စ့ၢ်ကီးၦၤလၢတၢ်ထုကဖၣ်န့ၣ်တက့ၢ်.
 ၦၤကညီဘျၢထံခဝ့ၡၢၣ်အိၣ်ဒီး တၢ်ထံၣ်လိာ်အိၣ်ဖှိၣ်သကိးလၢ ကျဲကူၣ်နၢၤလၢ ၦၤကညီဘျၢထံ ခဝ့ၡၢၣ်တၢ်ဖံး တၢ်မၤတၢ်ဒိၣ်ထီၣ်ထီထီၣ်အဂီၢ် ဖဲလါယူၤ(၃ဝ)သီႇ ၂ဝ၂၂နံၣ် ဂီၤ(၉းဝဝ)နၣ်ရံၣ်တုၤ ဟါ(၃းဝဝ)နၣ်ရံၣ် ဖဲ ၃၉၆ႇ ဘိၣ်ခၠူးကျဲ ခဝ့ၡၢၣ်တၢ်အိၣ်ဖှိၣ်ဒၢးန့ၣ်လီၤ. တၢ်အိၣ်ဖှိၣ်တဘျီအံၤ ၦၤဟဲထီၣ်တဖၣ်မ့ၢ်ဝဲ-ၦၤနဲၣ်တၢ်ႇ ၦၤနဲၣ်တၢ်သဃဲၤတဖၣ်န့ၣ်လီၤ.

တၢ်ကတဲာ်ကတီၤ ဒုးဒိၣ်ထီၣ်ထီထီၣ်ခိၣ်နၢ်ဝဲၤကျိၤ

ဝဲၤကျိၤအံၤအိၣ်ဒီး(English Four Skill class)တၢ်မၤလိ ဒီးဘၣ်တၢ်သုး ကျဲၤမၤအီၤဖဲ လါမ့ၤ(၂)သီႇ၂ဝ၂၂ နံၣ်န့ၣ်လီၤ. တၢ်မၤလိအဆၢကတီၢ်မ့ၢ်ဝဲ- ဂီၤ(၉းဝဝတုၤ၁ဝး၃ဝ)န့ၣ်လီၤ.တၢ်မၤလိတဘျီအံၤၦၤထီၣ်ိအိၣ်ဝဲ(၃၁)ဂၤ လၢ ကီၢ်(၁၅)ဘ့ၣ်ခၢၣ်စးန့ၣ်လီၤ. အိၣ်စ့ၢ်ကီးဒီး တၢ်မၤလိလံာ်စီ ဆှံဖဲမုၢ်ခံနံၤဒီး တၢ်ကတိၤလီၤဆီဖဲမုၢ်လွံၢ်နံၤဟါ(၇)နၣ်ရံၣ်န့ၣ်လီၤ.ၦၤသိၣ်လိတၢ်တဖၣ် မ့ၢ် ဝဲ-သရၣ်မုၣ်ဘံးထၢၣ်မီရံးႇ သရၣ်မုၣ်မံၣ်မံၣ်သၣ်ခၠိၣ်ႇ သရၣ်မုၣ်မရံနၣ်မူ, သရၣ်မုၣ်နးဖီၣ်ဘှါ ဒီးသရၣ်မုၣ်ဘိၣ်ဘိၣ်မၠ့းတဖၣ်န့ၣ်လီၤ. အိၣ်ဒီး တလါတဘျီ ၦၤမၤလိတ့ၢ်ဖၠၣ်စိမိၤတၢ်ရ့လိာ်မုာ်လိာ်ကမံးတံာ်တၢ်ဘူၣ်တၢ်ဘါဖဲလါ အခီၣ် ထံးတနွံမုၢ်နံၤဖိဟါ(၇)နၣ်ရံၣ်န့ၣ်လီၤ. ဖဲလါမ့ၤ (၂၅-၂၆)သီႇ၂ဝ၂၂နံၣ် အိၣ် ဒီး (Church and Community Transformation) တၢ်မၤလိဒီး ကီၢ် (၁၆)ဘ့ၣ်ခၢၣ်စး ၦၤဟဲထီၣ် အိၣ်(၄၁)ဂၤန့ၣ်လီၤ. ၦၤလၢဟ့ၣ်တၢ်သိၣ်လိမ့ၢ် ဝဲသရၣ်မုၣ်နၣ်ဖး(Tear Fund)န့ၣ်လီၤ.

 

ကမံးတံာ်ပၢဆှၢတၢ်ရ့လိာ်မၤသကိး တၢ်သးခုကစီၣ်
မ့ၢ်လၢယွၤအဘျုးအဖှိၣ်အဃိ ကမံးတံ၁်ပၢဆှၢတၢ်ရ့လိ၁်မၤသကိး တၢ် သးခုကစီၣ် သုးကျဲၤမၤဘၣ်ဝဲ တၢ်ဖံးတၢ်မၤတဖၣ်ဒီး တၢ်မၤလိတဖၣ်စးထီၣ် လၢ လါယနူၤအါရံၣ် တုၤ လါ အ့ဖြ့ၣ်ဂ့ၤဂ့ၤဘၣ်ဘၣ်န့ၣ်လီၤ. တနံၣ်တဘျီ ပဟ့ၣ်ခီဟ့ၣ်နီၤဘၣ်တၢ်သိၣ်တၢ်ဘျၢတဖၣ်ဆူ ၦၤမၤသကိးတၢ်တဖၣ် အအိၣ် ဒီး ၂ဝ၂၂နံၣ် အဂီၢ်ပဟ့ၣ်ခီဟ့ၣ်နီၤလီၤတၢ်သိၣ်တၢ်ဘျၢတဖၣ်ဖဲ လါယနူၤအါရံၤ(၁၃-၁၄)သီန့ၣ်လီၤ.ပအိၣ်ဒီးတၢ်မၤလိလၢ ၦၤမၤသကိးတၢ်တဖၣ် အဂီၢ်လၢအမ့ၢ် (Photo Taking) တၢ်မၤလိတဘျီဖဲ လါမၢ်ၡး(၁၁-၁၂)သီ န့ၣ်လီၤ. တၢ်တိ၁်ကျဲၤၦၤမၤသကိး တၢ်တဖၣ်အတၢ်ထံၣ်လိ၁်အိၣ်ဖှိၣ်သကိး တၢ်အိၣ်ဖှိၣ်န့ၣ် တနံၣ်န့ၣ် ပသုးကျဲၤမၤ အီၤ(၄)ဘျီလီၤ. တနံၣ်အံၤ၂ဝ၂၂နံၣ် အဂီၢ် ပသုးကျဲၤမၤဘၣ်အခီၣ်ထံးတဘျီဖဲ လါဖ့းဘြူၤအါရံၤ ၁၁သီ န့ၣ်လီၤ. ဘၣ်ထွဲဒီးတၢ်ဒုးအိၣ်ထီၣ် (Theory of Change )လၢခ့ၣ်ဘံၣ်စံၣ်တၢ်တိစၢၤ ကရၢအဂီၢ်န့ၣ် (Resource person) ဒီးဝဲၤကျိၤမၤတၢ်တိ၁်ကျဲၤ တဖၣ်ထံၣ် လိ၁်သကိးသးဝံၤ ဘၣ်တၢ်ဒုးအိၣ်ထီၣ်ဝဲ ဖဲလါမၢ်ၡး(၁၅-၁၆)န့ၣ်လီၤ. ဒ်န့ၣ်အသိး ဖဲလါမၢ်ၡး (၂၃-၂၅) န့ၣ်ခဝ့ၡၢၣ်ဒီတခါ တၢ်သ့တၢ်ဘၣ်ဒီးတၢ်အိၣ် သးဘၣ်ထွဲအတၢ်တြီဆၢႇ သုးကျဲၤန့ဆၢၣ်တၢ်တတၢးတနါအဂ့ၢ်အကျိၤ (Disaster Management Capacity Assessment) န့ၣ်ဘၣ်တၢ်ခံကွၢ် စိ၁်ကွၢ်က့ၤဝဲခီဖျိ (Tear Fund ) ကီၢ်ၦၤမၤတၢ်ဖိတနီၤ ဒီးၦၤကညီဘျၢထံခဝ့ၡၢၣ်ဝဲၤကျိၤၦၤမၤသကိး တၢ်တနီၤဟဲထီၣ် သကိးႇ ဒီးဟ့ၣ်ကူၣ်ဟ့ၣ်ဖးသကိးဖဲ တၢ်ခံကွၢ်စိ၁်ကွၢ်တဘျီအံၤန့ၣ်လီၤ. တနံၣ်အံၤ ပဒုးအိၣ်ထီၣ်ဘၣ် ခ့ၣ်ဘံၣ်စံၣ် တၢ်တိစၢၤမၤစၢၤကရၢအ (Website) ဒီး အမံၤ မ့ၢ် (kbcsm.org) န့ၣ်လီၤ. စံဘျုးဘၣ်ခဝ့ၡၢၣ်ဖိလံၤကိးဂၤ လၢ ဆှၢၦၤလၢတၢ် ထုကဖၣ်န့ၣ်လီၤ.

ယွၤဂ့ၢ်ပီညါဝဲၤကျိၤ

တနံၣ်အံၤၦၤကညီဘျၢထံခဝ့ၡၢၣ်အပူၤ ကီၢ်လၢအိၣ်ဒီးလံာ်စီဆှံကၠိတဖၣ် အိးထီၣ်ဘၣ်က့ၤကၠိတနီၤန့ၣ်လီၤ. ကၠိလၢ အိးထီၣ်တဖၣ်မ့ၢ်ဝဲ- ကီၢ်ဟီကတးလံာ်စီဆှံကၠိ (သရၣ်မုၣ် (၁၅)ဂၤ) အိးထီၣ်ဖဲ(၁၈.၇.၂ဝ၂၂), ကီၢ်တီအူပကူ (သရၣ်မုၣ် (၂ဝ)ဂၤႇ ကီၢ်တကူၣ်လံာ်စီဆှံကၠိ(သရၣ်မုၣ် (၂ဝ)ဂၤႇ ကၠိဖိမုၣ်ခွါ(၂၁ဝ)ဂၤႇ အိးထီၣ်ဖဲ(၂၆.၅.၂ဝ၂၂), ကီၢ်ပၠံၣ်-သၣ်ယၣ်ဝတံၣ် (သရၣ်မုၣ် (၁၂)ဂၤႇ ကၠိဖိမုၣ်ခွါ(၂၁)ဂၤ အိးထီၣ်ကၠိဖဲ(၁.၆.၂ဝ၂၂), ကီၢ်ကၠးအ့လံာ်စီဆှံကၠိ(သရၣ်မုၣ် (၁၅)ဂၤႇ ကၠိဖိမုၣ်ခွါ(၁၂၄)ဂၤ အိးထီၣ်ကၠိဖဲ(၁.၆.၂ဝ၂၂), ကီၢ်ဖၣ်အၣ်မီၣ်လမၠဲၣ်လံာ်စီဆှံကၠိ(သရၣ်မုၣ် (၁၁)ဂၤႇ ကၠိဖိမုၣ်ခွါ(၁ဝ၃)ဂၤ အိးထီၣ်ကၠိဖဲ(၈.၆.၂ဝ၂၂), ကီၢ်ဆီထံးလံာ်စီဆှံကၠိ(သရၣ်^မုၣ် (၁၉)ဂၤႇ ကၠိဖိမုၣ်ခွါ(၁၄၉)ဂၤ အိးထီၣ်ကၠိဖဲ(၅.၆.၂ဝ၂၂),
ကီၢ်ပကိတကူၣ်လံာ်စီဆှံကၠိ(သရၣ်မုၣ် (၉)ဂၤႇ ကၠိဖိမုၣ်ခွါ(၂၅)ဂၤ အိးထီၣ်ကၠိဖဲ(၁၇.၅.၂ဝ၂၂),
ဖုအီၣ်ဒွ့လံာ်စီဆှံကၠိ(သရၣ်မုၣ် (၁၇)ဂၤႇ ကၠိဖိမုၣ်ခွါ(၂ဝ)ဂၤ အိးထီၣ်ကၠိဖဲ(၁၈.၅.၂ဝ၂၂),
ကီၢ်ပသံၣ်မၠီမၠးလံာ်စီဆှံကၠိ ကက့ၤအိးထီၣ်ကၠိဖဲ(၁.၈.၂ဝ၂၂)စ့ၢ်ကီးန့ၣ်လီၤ.
ၦၤကညီဘျၢထံခဝ့ၡၢၣ်ယွၤဂ့ၢ်ပီညါဝဲၤကျိၤ စံးဘျုးယွၤလၢတၢ်ဖံးတၢ်မၤတဖၣ်အဃိလီၤ. ၂ဝ၂၂နံၣ် စးထီၣ်ဒီးတုၤခဲအံၤ တၢ်မၤတဖၣ်တမၤဘၣ်အါအါ သနာ်က့ဝဲၤကျိၤဒိးန့ၢ်ဘၣ်ၦၤသူၣ်အိၣ်သးအိၣ်တၢ် အတၢ်ဟ့ၣ်ဒီးမၤဘၣ် တၢ် သးခုကစီၣ်အတၢ်မၤဆူ ၦၤဘၣ်ကီဘၣ်ခဲသ့ၣ်တဖၣ် ခီဖျိလၢတၢ်ဟ့ၣ်ဆီၣ်ထွဲတဖၣ်လီၤ. မ့ၢ်လၢကၠိတဖၣ် ကက့ၤအိးထိၣ်ဝဲအဃိ တၢ်ထုးထီၣ်က့ၤလံာ်လၢ အလၢာ်တဖၣ်အကလုာ်ကလုာ်လီၤ. ၦၤကညီဘျၢထံခဝ့ၡၢၣ်လံာ်စီဆှံကၠိလၢ ဆိကတီၢ်သ့ၣ်တဖၣ်စ့ၢ်ကီး ဂုာ်ကျဲးစၢးလၢကအိးထီၣ်က့ၤ ကိးဖျၢၣ်လံန့ၣ်လီၤ.

မ့ၢ်လၢယွၤအဘျုးအဖှိၣ်အဃိ ၦၤကညီဘျၢထံခဝ့ရၢၣ် ဝဲၤလီၢ်ၦၤမၤသကိးတၢ်တဖၣ်ပမၤဘၣ် (၃)သီတၢ်ဒုၣ်တၢ်အီၣ်ဒီး တၢ်ဘါထုကဖၣ်တၢ်ရဲၣ်တၢ်ကျဲၤစးထီၣ်ဖဲ(၇.၃.၂ဝ၂၁)ဟါ(၆းဝဝ)နၣ်ရံၣ် တုၤ(၁ဝ.၃.၂ဝ၂၁) ဟါ(၆းဝဝ)နၣ်ရံၣ် ဝံၤဝဲဂ့ၤဂ့ၤဘၣ်ဘၣ်/ ဖဲ(၇.၃.၂ဝ၂၁)အဟါ န့ၣ်လီၤ.
 

အဆိ ပစံးဘျုးဘၣ်ကစၢ်ယွၤ လၢအအိၣ်ဒီးပှၤ ဟီၣ်ခိၣ်ဒီဖျၢၣ် တၢ်ဆူးတၢ်ဆါ တၢ်ကွၢ်ဆၢၣ်မဲာ်အကတီၢ် ဒီးကတဲာ် ကတီၤန့ၢ်ပှၤ တၢ်လၢ အလိၣ်တဖၣ်လၢပဂီၢ် ဖဲတၢ်ကွၢ်ဆၢၣ်မဲာ် အကီအခဲဒ်သိးအံၤအကတီၢ်အဃိန့ၣ်လီၤ.

ပှၤကညီဘျၢထံ ခဝ့ရှၢၣ် ပိာ်မုၣ်ဝဲၤကျိၤ အိၣ်ဒီးတၢ်ပာ်စီဆှံ ပိာ်မုၣ်တၢ်ကရၢကရိ ပှဲၤထီၣ်နံ(၁ဝဝ) ယူဘလံၤတၢ်စံးဘျုး တၢ်သူၣ်ထီၣ် တၢ်ရဲၣ်တၢ်ကျဲၤ ဘၣ်တၢ်မၤအီၤဖဲ လါ December ၂၉ သီ, ၂ဝ၂ဝနံၣ် ၁ဝးဝဝနၣ်ရံၣ် ဖဲ ၈၂၂(ခ) ၃၉၆ ဘိၣ်ခၠူးကျဲ, လါမတီၣ်, ဝ့ၢ်တကူၣ်န့ၣ်လီၤ. အိၣ်ဒီးတၢ်ရဲၣ်တၢ်ကျဲၤ လၢတၢ်သူၣ်ထီၣ်အချၢ တပတီၢ်ဒီး ပှၤပၢၤလီၢ်ဆုၣ်နီၤ မ့ၢ်၀ဲ-သရၣ်မုၣ် ဒိၣ်ဒီးကထၢၣ်ဖီဂီၤ (ခ၀့ရှၢၣ်ကရၢခိၣ်စၢၤ), တၢ်ထုကဖၣ်လၢ သရၣ်ဒိၣ် ယွၤဒုးမူ (ခ၀့ရှၢၣ်နဲၣ်ရွဲၣ်) တၢ်တံာ်တဲာ်သတိၢ်ပျံၤလၢ သရၣ်မုၣ်ဒိၣ်ဒီး ကထၢၣ်မုၢ်စိ (ပိာ်မုၣ်၀ဲၤကျိၤပှၤဟ့ၣ်ကူၣ်တၢ်) , အိးထီၣ် ယၣ်ဘျးသဒၢလၢ သရၣ်မုၣ်ဒီး ကထၢၣ်မ့ၣ်မီၣ်မီၣ် (ပိာ်မုၣ်၀ဲၤကျိၤပှၤဟ့ၣ်ကူၣ်တၢ်) ဒီးတၢ်အိးထီၣ် တၢ်သူၣ်ထီၣ် နီၣ်၀ံာ်ခံလၢ သရၣ်မုၣ်ဒိၣ်ဒီး ကထၢၣ်ထူထူ (ပိာ်မုၣ်၀ဲၤကျိၤပှၤပၢၤလီၢ်ဆ့ၣ်နီၤ) တဖၣန့ၣ်လီၤ.