Karen Baptist Convention

ၦၤကညီဘျၢထံခဝ့ၡၢၣ် ဝဲၤကျိၤလၢသးစၢ်တၢ်မၤဂီၢ် အိၣ်ဒီး တၢ်ပာ်ဖျါထီၣ် တၢ်သးဝံၣ်သတြီၤတဖၣ်အစၢ တၢ်ရဲၣ်တၢ်ကျဲၤလၢဆဲးကျိးန့ၢ်တီၤ ဖဲလါယနူၤအါရံၤ ဟါ(၇:ဝဝ)နၣ်ရံၣ်ႇ ၂ဝ၂၆အနံၤန့ၣ်လီၤ. ခွါထဲးတၢ်သးဝံၣ် န့ၣ် ကီၢ်(၁၅)ဘ့ၣ်နုာ်လီၤသတြီၤ ဝဲ ဒီး ၦၤဒိးန့ၢ်ခိၣ်ဖးတဖၣ်မ့ၢ်ဝဲ- ကီၢ်ပသံၣ်မၠီမၠး(ခိၣ်ဖးတၢ), တီအူကီၢ်ကဲၤခၢၣ်ကဲၤဘါ (ခိၣ်ဖးခံ), ဒီး ကီၢ်တကူၣ်(ခိၣ်ဖးသၢ)န့ၣ်လီၤ. ၦၤကွဲးခွါထဲးတၢ်သးဝံၣ်မ့ၢ်ဝဲ-သရၣ်ဒိၣ်အဲၣ်လီၤလးန့ၣ်လီၤ.စံၣ်ညီၣ်ကွီၢ်တဖၣ်မ့ၢ်ဝဲ -သရၣ်ဒိၣ်အဲၣ်လီၤလးႇ သရၣ်ဒိၣ်ကျိာ်ထူကၠံႇ သရၣ်မုၣ်တၢ်မျၢ်ဖီ တဖၣ်န့ၣ်လီၤ. The best Soprano မ့ၢ်ဝဲ ကီၢ်ဒဝဲၣ်ဘျံးႇ The best Alto မ့ၢ်ဝဲ ကီၢ်ကယါမိၢ်ၦၢ်ႇ The best Tenor မ့ၢ်ဝဲ ကီၢ်ပကိတကူၣ် ဒီး The best Bass မ့ၢ်ဝဲ-ကီၢ်ဘျံးတဖၣ်န့ၣ်လီၤ. ဒ်န့ၣ်အသိး ကရူၢ်တၢ်သးဝံၣ် ကီၢ်(၁၂)ဘ့ၣ်နုာ်လီၤသတြီၤသကိး ဝဲ ဒီးခိၣ်ဖးတၢမ့ၢ်ဝဲ- ကီၢ်ကယါမိၢ်ၦၢ်ႇ ခိၣ်ဖးခံ-ကီၢ်တီအူပကူႇ ခိၣ်ဖးသၢ-ကီၢ်ဒဝဲၣ်ဘျံးဒိးန့ၣ် ဝဲဒၣ်စုာ်စုာ် လီၤ.ၦၤကဲွးကရူၢ်တၢ်သးဝံၣ်မ့ၢ်ဝဲ- သရၣ်အဲၣ်ဘျုးဝါ(ကီၢ်မၠီမၠး)န့ၣ်လီၤ. စံၣ်ညီၣ်ကွီၢ်တဖၣ်မ့ၢ်ဝဲ -သရၣ်အဲၣ်ဘျုးဝါႇ သရၣ်မုၣ်စဲလံၣ်အီၣ်ႇ သရၣ်ဖရဲးကလ့မူတဖၣ်န့ၣ်လီၤ. ၦၤဟဲထီၣ်တၢ်ရဲၣ်တၢ်ကျဲၤ အံၤခဲလၢာ်အိၣ်ဝဲ devices  အခါ ၁ဝဝန့ၣ်လီၤ.