Karen Baptist Convention

ၦၤကညီဘျၢထံခဝ့ၡၢၣ် အိၣ်ဒီး တၢ်ကုၢ်ဃိစီမ့ၣ်ဒီးတၢ်ခူၣ်လီၤၦၤသံ တၢ်ကတိၤခီလဲတၢ်ရဲၣ်တၢ်ကျဲၤ ဘၣ်တၢ်မၤအီၤဖဲ လါအီကူာ်(၁၄)သီႇ ၂ဝ၂၅ အနံၤ လၢ ဆဲးကျိးန့ၢ်တီၤန့ၣ်လီၤ. တၢ်ရဲၣ်တၢ်ကျဲၤအံၤ အိၣ်ဒီးတၢ်ပညိၣ်တၢ်ကွၢ်စိလၢအမ့ၢ် - မ့ၢ်ဒ်သိးပကနၢ်ပၢၢ်အါထီၣ်ထူဂ့ၢ်ယွၤကျိၤ ဘၣ်ထွဲဒီးတၢ်ခူၣ်လီၤၦၤသံအဂ့ၢ် - မ့ၢ်ဒ်သိးပကနၢ်ပၢၢ်အါထီၣ် တၢ်ကုၢ်ဃိစီမ့ၣ်ခူၣ်လီၤၦၤသံဒီး ထူဂ့ၢ်ယွၤကျိၤအတၢ်ဘၣ်ထွဲအဂ့ၢ် - မ့ၢ်ဒ်သိးၦၤကညီဘျၢထံခဝ့ၡၢၣ်ဖိလံၤတဖၣ် ကအိၣ်ဒီး တၢ်နၢ်ပၢၢ်လိ၁်သး ဘၣ်ထွဲတၢ်ခူၣ်လီၤ ဘျၢလီၤက့ၤ ၦၤသံအဂ့ၢ်န့ၣ်လီၤ. တၢ်ရဲၣ်တၢ်ကျဲၤအံၤ စးထီၣ်ဖဲ ဂီၢ်(၉းဝဝ)နၣ်ရံၣ်တုၤ ဟါ(၃းဝဝ)နၣ်ရံၣ်န့ၣ်လီၤ. ၦၤပၢၤလီၢ်ဆ့ၣ်နီၤ - သရၣ်ဒိၣ်စၢ်ဟ့ၣ်ဂ့ၤဒီး ၦၤကွဲးနီၣ်တၢ် မ့ၢ်ဝဲ သရၣ်မုၣ်ဒိၣ်ဒီးကထၢၣ်လ့ထူ (ခဝ့ၡၢၣ်နဲၣ်ရွဲၣ်သဃဲၤ တၢ်ပၢတၢ်ဆှၢ)န့ၣ်လီၤ. တၢ်ပာ်ဖျါ တၢ်ဂ့ၢ်တၢ်ကျိၤလၢတၢ်ကတိၤခီလဲ အံၤလၢ သရၣ်ဒိၣ်ယွၤဒုးမူ (ခဝ့ၡၢၣ် နဲၣ်ရွဲၣ်) ဒီး တၢ်ကတိၤနီၣ်ဝံၤခံလၢ သရၣ်ဒိၣ်ဒီးကထၢၣ်စဲမစၢၣ်(ကရၢခိၣ်)န့ၣ်လီၤ. တၢ်ဟ့ၣ်ထီၣ်ဘၣ်ထဲွ တၢ်ကုၢ်ဃိစီဒီး တၢ်ခူၣ်လီၤၦၤသံ လၢသရၣ်ဒိၣ်ခရံာ်စတိၣ်ဖၢၣ်ဒ့ (ၦၤကညီဘျၢထံ ယွၤဂ့ၢ်ပီညါဖၠၣ်စိမိၤ ကၠိခိၣ်)န့ၣ်လီၤ. အိၣ်ဒီးတၢ်နီၤဖး ကရူၢ်(၃)ကရူၢ်လၢ တၢ်ကတိၤသကိးအဂီၢ်န့ၣ်လီၤ. ကရူၢ်(၁) ကီၢ်သရၣ်သမါ နၣ်ရွဲၣ်/ၦၤနဲၣ်တၢ်တဖၣ်ႇ ကရူၢ်(၂) ကမံးတံာ်မၤတၢ်တဖၣ် ဒီး ကရူၢ်(၃)လၢအမ့ၢ် လံာ်စီဆှံကၠိသရၣ်သမါတဖၣ်န့ၣ်လီၤ. တၢ်ကတိၤခီလဲတၢ်ထၢဖှိၣ်က့ၤတၢ်ဂ့ၢ် ဘၣ်တၢ်တီခိၣ်ရိၣ်မဲလၢ သရၣ်မုၣ်ဒိၣ်မၠီမၠးဖီ(ခဝ့ၡၢၣ်နဲၣ်ရွဲၣ်သဃဲၤ -တၢ်ရ့လိာ်မၤသကိးဒီး တၢ်ဂုၤထီၣ်ပသီထီၣ်)န့ၣ်လီၤ. တၢ်ကတိၤစံးဘျုးက့ၤလၢ ခဝ့ၡၢၣ်နဲၣ်ရွဲၣ် ဝံၤ ပျၢ်က့ၤတၢ်ကတိၤခီလဲ တၢ်ရဲၣ်တၢ်ကျဲၤအံၤန့ၣ်လီၤ. ၦၤဟဲထီၣ်တၢ်ရဲၣ်တၢ်ကျဲၤအံၤ လၢ(Devices) ၈၃(ခါ)န့ၣ်လီၤ.