Karen Baptist Convention

ၦၤကညီဘျၢထံခဝ့ၡၢၣ် ပိာ်ခွါဝဲၤကျိၤအိၣ်ဒီး ဖှိၣ်စၢၤတၢ်မၤလိ(၉)ဘျီတဘျီ ဘၣ်တၢ်မၤအီၤဖဲ ကီၢ်ဖၣ်အၣ်မီလမၠဲၣ် ကီၢ်ဝဲၤလီၢ်ႇ စးထီၣ်လါနိၣ်ဝ့ဘၢၣ်(၁၁-၁၄)သီႇ ၂ဝ၂၅အနံၤန့ၣ်လီၤ.အိၣ်ဒီးတၢ်ကွၢ်စိလၢအမ့ၢ် -ဖှိၣ်စၢသ့ၣ်တဖၣ်ကသ့ၣ်ညါအါထီၣ် မူဒါဒီးတၢ်အိၣ်ဖှိၣ်အတၢ်ပၢတၢ်ဆှၢအဂီၢ်န့ၣ်လီၤ.တၢ်မၤလိအတၢ်တိာ်ထူ မ့ၢ်ဝဲ-''ဟံးဃာ်ဂၢၢ်ကျၢၤ ဘျၢထံခရံာ်ဖိတၢ်စူၢ်တၢ်နာ်"န့ၣ်လီၤ. တၢ်မၤလိခိၣ်တီဒီး သရၣ်သိၣ်လိတၢ်တဖၣ်မ့ၢ်ဝဲ- "ဖှိၣ်စၢၤတၢ်အိၣ်ဖှိၣ်အတၢ်ပၢတၢ်ဆှၢ"-သရၣ်မုၣ်ဒိၣ်ဒီးကထၢၣ်လ့ထူႇ "ဘျၢထံခရံာ်ဖိအတၢ်စူၢ်တၢ်နာ်ဒီး အတၢ်မူထွဲမၤထွဲ-သရၣ်ဒိၣ်ထိသါႇ ''ဖှိၣ်စၢၤမူဒါဒီးတၢ်ကဲခိၣ်ကဲနၢ်"-သရၣ်ဒိၣ်အဲၣ်ခဲလၢာ် တဖၣ်န့ၣ်လီၤ.ၦၤဟဲထီၣ်တၢ်မၤလိ ခဲလၢာ်အိၣ်ဝဲ(၁၁ဝ)ဂၤန့ၣ်လီၤ.