Karen Baptist Convention

ယွၤဂ့ၢ်ပီညါ၀ဲၤကျိၤခီဖရဲး (၁၅)ဘျီတဘျီအတၢ်ကစီၣ်
ဝဲၤကျိၤအိၣ်ဒီးခီဖရဲး(၂)နံၣ်တဘျီလၢလံာ်စီဆှံကၠိတဖျၢၣ်ဘၣ်တဖျၢၣ်အသိတနံၣ်အံၤပအိၣ်ဒီးခီဖရဲး(၁၅)ဘျီတ
ဘျီလၢဆဲးကျိးန့ၢ်တီၤန့ၣ်လီၤ. တၢ်ဆၢကတီၢ်မ့ၢ်ဖဲ လါအီးကထိဘၢၣ် ၂၈သီ-၃ဝသီႇ ၂ဝ၂၆နံၣ်န့ၣ်လီၤ. တၢ်ရဲၣ်တၢ်ကျဲၤ
တဘျီအံၤ ကၠိခိၣ်ဒီးသရၣ်/မုၣ်ခဲလၢာ် (၈ဝ)ဂၤဟဲထီၣ်ဝဲန့ၣ်လီၤ. တနံၣ်အံၤတၢ်တိာ်ထူမ့ၢ်ဝဲ- “သိၣ်လိနဲၣ်ယုၤဒီးပျိာ်လဲႇ က့ျအ့ၣ်ထီၣ်နနးအမဲ” (ဧ့ၤဘြံၤ ၄း၁၂ႇ ၂တံၤမသ့း ၂း၁၅ႇ ၂တံၤမသ့း ၃း၁၆-၁၇ႇ ကတိၤဒိ ၂၇း၁၇) န့ၣ်လီၤ. သရၣ်/မုၣ်လၢအသိၣ်လိလံာ်စီဆှံတဖၣ်မ့ၢ်ဝဲ- သရၣ်ဒိၣ်ဒီးကထၢၣ်ထူခုၣ်(ဖုစီၤဘူးလံာ်စီဆှံကၠိခိၣ်)ႇ သရၣ်မုၣ်လါရှံ
(ဖုကံၣ်ကုၣ်လံာ်စီဆှံကၠိခိၣ်)ႇဒီးသရၣ်မုၣ်အ့ဖြ့ၣ်သ့(ကီၢ်ချၢၣ်လွံၢ်ထူၣ်လံာ်စီဆှံကၠိႇပှၤပၢဆှၢကၠိတၢ်မၤလိမၤဒိး)တဖၣ်န့ၣ်
လီၤ. သရၣ်/မုၣ်လၢဟ့ၣ်ထီၣ်တၢ်တဖၣ်မ့ၢ်ဝဲ- 
(၁)“ဟံးဃာ်ပၢၤဃာ် ဘျၢထံတၢ်စူၢ်တၢ်နာ်ဒီးတၢ်မူထွဲမၤထွဲႇ ခီဖျိယွၤဂ့ၢ်ပီညါတၢ်သူၣ်တီသးရၤ”  လၢ-
သရၣ်ဒီးကထၢၣ်မူဒါလၢပှဲၤ (ပျီမုၢ်ဃံလၤတၢ်အိၣ်ဖှိၣ်သရၣ်ႇ သရၣ်သိၣ်လိတၢ်(ခီဖးႇ ပ.ဘ.ယ.ဖ))
(၂) “တၢ်သိၣ်မိၢ်ပှၢ်လၢ တၢ်ပျိာ်လဲလိာ် ယွၤဂ့ၢ်ပီညါတၢ်ကူၣ်ဘၣ်ကူၣ်သ့ ဖဲတၢ်တဂၢၢ်တကျၢၤအကတီၢ်” လၢ-
သရၣ်မုၣ်ဒီးကထၢၣ်ရံၣ်ဘဲးခၣ်ခၠၠိၣ် (ပ.ဘ.ယ.ဖ)
(၃) “ ကျဲကူၣ်နၢၤလၢ တၢ်က့ျအ့ၣ်ထီၣ် ယွၤဂ့ၢ်ပီညါအနး” လၢ- သရၣ်မုၣ်ဒီးကထၢၣ်ဆၢဂ့ၤမူ (ကိၣ်သၣ်ဖၠူၣ်ယွၤဂ့ၢ်ပီ
ညါစ့ၤမ့ၤနရံ)သ့ၣ်တဖၣ်န့ၣ်လီၤ. တၢ်ရဲၣ်တၢ်ကျဲၤတဘျီအံၤအိၣ် ဒီးတၢ်ကတိၤလီၤဆီအခိၣ်တီလၢအမ့ၢ်- “ဧ့ၤဒ့ၣ်သီတၢ်ဖံးတၢ်မၤ” လၢ-သရၣ်ဒိၣ်ဒီးကထၢၣ်အီးထ့ဘယၢးစ်အ့ (ကီၢ်တကူၣ်က ညီဘျၢထံလံာ်စီဆှံကၠိႇ ကၠိခိၣ်) ဒီးအိၣ်စ့ၢ်ကီးဒီးကၠိတဖၣ်အတၢ်ပာ်ဖျါန့ၣ်လီၤ.